نداء للشباب الجامعي [الأرشيف] - منتديات الجلفة لكل الجزائريين و العرب

مشاهدة النسخة كاملة : نداء للشباب الجامعي

dz libre

2011-03-05, 17:54

ارجو من الادارة عدم تعليق عضويتي او غلقها لاننا في حرية راي والكل غير مجبر وحر في رايه
نداء لكل شاب وشابة جزائري ان يرفض رفضا قاطعا هذه العقود الترقعيةالتي سينتهي بك المطاف للشارع للشاب والى البيت الى الفتيات من حقكم المطالبة بهمل دائم وشريف في بلد مدخوله الخام 170 مليار دولار واقولها جماعة قولها ولاد المسؤولين ياخذوا العقود لان اولادهم ضمنوا عملهم كمناصب عليا في هذه الدولة المغبونة ويحب يضحك على الجامعيين باجراءات ترقعيية واحدوا الصفوف يا شباب الغد

اميره 2008

2011-03-05, 17:58

wi el hallllllllllllllllllllllllllllllllllllllllllllllll lllllllllllll

aminosaidi

2011-03-05, 18:20

رانا في مدة نحكو على هادي الوضعية المزرية ... لا حياة لمن تنادي

dz libre

2011-03-05, 18:50

الحل هو الاحتجاج على مستوى الوطن وانا غدا ساذهب امام وكالات التشغيل وما يهمني حتى واحد ماذا بي المساندة نهز لا فتة ندد بالاجراءات الترقعية وكل اليوم امامها وليحب يساند مرحبا انا حقي انجيب وندد بالظلم

medmay86

2011-03-05, 19:12

aminosaidi

2011-03-05, 19:24

منتدى الجلفة هو ملجأنا الأخير للتعبير عن أراءنا بكل حرية لكن دون تجريح أي شخص

sabrac

2011-03-05, 19:30

نعم أحييك اخي واتمنى ان يحدو كافة الشاب حدوك وخاصة البنات لأنهن أكثر من يتفانين في هاته العقود ،ولاتخفن كن نساءا فليست بنات الجامعة من الطالبات اللواتي يشاركن هذه الأيام في الاحتجاجات أكثر شجاعة ولا نضجا منكن ،ولا تخافوا فالدولة خائفة هذه الأيام خاصة مع الاحتجاجات التي تعم المنطقة العربية وكل الموظفين الذين استغلوا الفرصة واحتجو هذه الايام استجابت لهم الحكومة وحققت مطالبهم بسرعة مثل موظف قطاع العدالة والشبه طبي وحتى طلبة الجامعات استجيب لهم بسرعة ومع ذلك واصلوا الاحتجاج للمطالبة بمطالب اخرى ،ومن لم يحصل على حقه هاته الايام فلن يحصل عليه أبدا ،ونتما لم تحصلوا على شيء واحد مما تجود به الحكومة هاته الايام تحت الخوف

alilou85w

2011-03-05, 19:30

واه والله عندك حق

محمد1482

2011-03-05, 20:05

لن يستجيبو لمطالبنا بهذه الطريقة يجب ان ننهض كلنا و نقوم بمظاهرات نطالب بحقوقنا

hocine hasen

2011-03-05, 20:10

يا خاو[i]تي إذا كان كل يوم نكتبوا ونسمعوا في الانترنت خاصة منتدي الجلفة بدون ما نطبقوا صدقوني ماراح نديروا فيها حتي حاجة والله الحل اللي يجيب في هاذ البلاد هو الاعتصام وغلق مؤسسات الدولة الخاصة بالتشغيل ويا حبذا تكون في هاذ الاسبوع قبل الاسبوع القادم كامل رانا كارهين وحاملين هموم كبيرة لكن ماقدمنا ولا خطوة باهية انا طرحت من قبل في هاذ المنتدي وقلت يا الخاوة لازمنا تنسيقية توحد افكارنا وتلم شملنا اذا حبينا ننجحوا وماشي حاجة صعيبة والا مستحيلة العملية تتطلب رجال رجال رجال مايتشراوش بالدراهم كيما شراوهم بمنحة 15000 دج و 10000 دج والله غير عيب عيب وعار واش راه يصرا في بلاد محتلة المرتبة 10 عالميا في احتياطي الصرف .لكن للأسف صدق فينا قول الشاعر * اني ارفع عيني حين ارفعها ***** على كثير ولكن لا ارى احدا * في الاخير نقول ان القلب راه معمر واذا احتجتوا ولاد برج بوعريريج راني في الصدارة حسين البرايجي مستعد للتضحية في سبيل ابناء المليون ونصف المليون شهيد. سلام]

salamasaida

2011-03-05, 20:12

welah ghir 3andek lha9
mais lazemna ga3 nedirou lyed f lyed khouya
vrmnt krahna had lhalaaaaaaaa

aminosaidi

2011-03-05, 20:15

welah ghir 3andek lha9
mais lazemna ga3 nedirou lyed f lyed khouya
vrmnt krahna had lhalaaaaaaaa
سلمى أنت من ولاية سعيدة

yaya41

2011-03-06, 14:15

رانا في مدة نحكو على هادي الوضعية المزرية ... لا حياة لمن تنادي

lملي داروا مجلس الهم تاعهم و أحنا نهدروا باه نخرجوا يد وحدة و ننشوفوا مطالبنا دقول منعرف مع من تهدر زادوا لهاوهم بمسابقة تاع الأساتذة هاديك تاع لكذب واحد ماقاعد أو لاتيين في الدواسة و نزيد نقلك رحت للبيروا دوماندافر تاعنا اليوم كون تشوفوا وحد الحالة مالقيت ندحك مالقيت نبكي ربي ليعلم ماجيت ندخل غير تعركت معندي مانحكيلك المهم هذا كامل نتيجة السكات تاعنا كون لقيت أني حرقت منزيدش دقيقة في بلاد هاذي

aminosaidi

2011-03-06, 16:39

lملي داروا مجلس الهم تاعهم و أحنا نهدروا باه نخرجوا يد وحدة و ننشوفوا مطالبنا دقول منعرف مع من تهدر زادوا لهاوهم بمسابقة تاع الأساتذة هاديك تاع لكذب واحد ماقاعد أو لاتيين في الدواسة و نزيد نقلك رحت للبيروا دوماندافر تاعنا اليوم كون تشوفوا وحد الحالة مالقيت ندحك مالقيت نبكي ربي ليعلم ماجيت ندخل غير تعركت معندي مانحكيلك المهم هذا كامل نتيجة السكات تاعنا كون لقيت أني حرقت منزيدش دقيقة في بلاد هاذي
الصبر يا أختي الكريمة والله راني عايش نفس وضعيتكي وراني حاس بيكي وتأكدي راح يجي يوم قريب إنشاء الله يدفعو الثمن غالي نظير إستهتارهم بقيمة الشباب

salim_abder

2011-03-06, 19:12

الحل يا جماعة يكمخن فى اعتصام جماعى والمساندة للجمية الجديدة التى تدافع على البطالين فقوموا وساندو ا اخوانكم من اجل العيش الكريم

"راجية الجنة"

2011-03-06, 19:39

السلام عليكم

راني معاكم خاطر الشيء الي تقولولا فيه حق والذي يسكت عن الحق هو شيطان اخرس
مدير نتع عنابة دا طريحة من عند واحد محابسي

يعني خلاصة القول بتفليقة يامر والي تحتوا يعطلوا فينا ويموتوا على المعريفة

حسبنا الله ونعم الوكيل

لوكان جات الدنيا دنيا عام خدمة وترسيم العام الي بعدو ومش تمسخير هذاك كامل

farouk1976

2011-03-07, 11:12

الصبر هو الحل

aminosaidi

2011-03-07, 18:28

الصبر هو الحل
يا أخي إلا مادا نصبر كاين يلي راهو متهخرج من الجامعة مند 10سنوات أو أكثر ونصبر لو كان جينا في دولة غير الجزائر يلي من يوم إلى الأخر الأوضاع تزيد تتدهور

madjid_sma

2011-03-07, 19:01

السلام عليكم انا حاب نقول كلمة ولا الحالة اصبحت مزرية ولا تحتمل يلزمنا نكونو يد واحدة تخيل مسابقة المعلمين في ولاية تيارت مازال مخرجتش هادي 5 اشهر ملي فوتنا رانا غي نستناو هادي مهزلة يلزمنا نودو قاع نعتصمو قرام مديرية التربية باين يستناو في كش رشاوي معليش ربي خير حسبي الله ونعم الوكيل

salamasaida

2011-03-07, 19:56

نعم انا سلامة من سعيدة

aminosaidi

2011-03-07, 20:14

نعم انا سلامة من سعيدة

مرحبا أخ سلامة في منتدى الجلفة نتمنى أنك تضيف للمنتدى ولأبناء ولايتك سعيدة

اسماء الباتنية

2011-03-07, 20:34

السلام عليكم
الاضراب ماشي كافي قريب انديروا شهر وماكان حتى جديد لازم الاعتصام والاحتجاج لانوا للاسف المسوولين انتاع لبلاد مايفهموا غير بالعين الحمرة

dz libre

2011-03-07, 23:42

ديرو كما انا يا اصدقاء كل يوم نهز لوحتي مكتوب فيها مطالبي من عمل وضعية الخدم بالغاءها او التقليص منها وووو ونحنج امام الولاية ساعات نلقى مساندة وكل يوم تزيد وعندما تحل الشرطة الناس تهرب انا لا اهرب لانه حقي الشرعي تعرضت لظغطوات لكن ما يهمنيش حتى تعدل الحالة وانا ادعوكم الى مسيرة وطنية يوم 20مارس وهي وطنية 48 ولاية بطالين +جامعيين+مطالبي الخدمة الوطنية+اصلاح الامور في البلاد ككل

حسينة 36

2011-03-07, 23:59

انشاء الله

عاشقة السكـون

2011-03-08, 00:07

السلام عليكم
شوفوا اي نهار انتاع مظاهرة داكور الا سامدي "السبت" لانه اصبح متعلق بسعيد سعدي ويكون غير هو مانديرش معاه مظاهرات

Diblino

2011-03-08, 08:30

الأساتذة - الحرس البلدي - الشبه الطبي - الأطباء - أمناء الضبط .

جاء دورنا نحن فئة عقود ما قبل التشغيل لنعبر عن رأينا بطريقة سلمية حضارية لنطالب بتسوية وضعيتنا لأنه لا يعقل أن تقضي 4 -5 سنوات في الجامعة لتتقاضى مبلغ زهيد وكأنك تتسول عليهم. يجب أن نرفع صوتنا عاليا معبرين عن مطالبنا بطريقة حضارية وسلمية.

محمد1482

2011-03-08, 19:52

لنكن يد واحد يوم 20 مارس 2011 ان شاء الله .................... لانهم لن يستجيبو لمطالبنا ان لم نطالب بها

madjid_sma

2011-03-08, 20:32

السلام عليكم نقولكم حاجة تعرفو غي تهدروا اما في الفعل كل واحد يهرب من جهة احنا في ولاية تيارت حبينا نديروا اعتصام قدام مديرية التربية نهار التلاتاء الي فاتت زعما جاو غي حبات ولا يونديرو كيما درنا على السكر والزيت لستجيبت مطالبنا بسح شعبنا خواف ويرضى بالدل قووووووووووووووووووووووومو من سباتكم العميق هادا حقكم بترولكم هادي دولة الباطل ربحو فيها غي الخيان يلزم نحاربوهم راهم ياكلو في حقنا بوتفليقة خلاص راهو لاهي في صحتو والجزائر مشي خاصة غي ببوتفليقة لازم نكونو يد واحدة

naim beni mouhli

2011-03-08, 23:56

tous ensemble pour le 19 mars prochain en iront a Alger allez frere et soeurs ensemble

madjid_sma

2011-03-10, 17:51

قاع راكم تهدرو هاك بصح تيارت وحدها مديرية التربية لولاية تيارت تقول خيرو غي الخيان والمرتشين وحطوهم فيها مش الواحد كون يحرقها ويدير خير في ولاد بلدو وبلادو راهي قبضتني وحد اقرينة عليهم 5 اشهر وما خارجوش النتائج بلاك نديرها

geld

2011-03-10, 18:06

شكراااااااااااااااااااااااااااااااااااا