آخر خبر عن الكناباست

[حميد أبو نوفل]

تم تاجيل اجتماع المجلس الوطني للكناباست المزمع انعقادة ايام 4 و5 من هذا الشهر إلى اجل غير معروف
والسبب تعسف الإدراة في إعطاء مكان للإجتماع
وهذا من ضمن الدواعي الامنية التي يتغنى بها وزراؤنا
ونتيجة لرفع حالة الطوارئ
ومن ضمن التدابير الجبارة لترسيخ الديموقراطية
فهنيئا لنا جميعا برفع حالة الطوارئ

[ayoub ksar]

بارك الله فيك وجزاك الجنة

[laradji laredj]

إعـــــلان

يُعلم المكتب الوطني السادة أعضاء المجلس الوطني للنقابة، أنّـه تقرّر تأجيل دورة المجلس الوطني المبرمجة يومي 04 و 05 مارس 2011 إلى تاريـخ لاحق، وهذا لتمكين المكتب الوطني من متابعة أشغال اللجنة ما بين النقابات لدراسة ملف الخدمات الاجتماعية التي ستباشر أعمالها يوم الأحد 06 مارس 2011 ،وكذلك متابعة تجسيد محتوى محضري 25 – 12 -2008 و 23 -11 -2009 لاسيما ما تعلق منها بتسوية وضعية الأساتذة المهندسين و أساتذة التعليم التقني .ptlt

الجزائر في 03 -03 -2011

عن المجلس الوطني

الأستاذ نوار العربي

[حميد أبو نوفل]

إعـــــلان

يُعلم المكتب الوطني السادة أعضاء المجلس الوطني للنقابة، أنّـه تقرّر تأجيل دورة المجلس الوطني المبرمجة يومي 04 و 05 مارس 2011 إلى تاريـخ لاحق، وهذا لتمكين المكتب الوطني من متابعة أشغال اللجنة ما بين النقابات لدراسة ملف الخدمات الاجتماعية التي ستباشر أعمالها يوم الأحد 06 مارس 2011 ،وكذلك متابعة تجسيد محتوى محضري 25 – 12 -2008 و 23 -11 -2009 لاسيما ما تعلق منها بتسوية وضعية الأساتذة المهندسين و أساتذة التعليم التقني .ptlt

الجزائر في 03 -03 -2011

عن المجلس الوطني

الأستاذ نوار العربي

هذا الإعلام الرسمي ،ماذا تريدهم ان يقولون
ولكن الحقيقة التي ذكرت

[Barçawia]

هل من الاحتمال ان يكون هناك اضراب

[حميد أبو نوفل]

نعم هناك احتمال للإضراب
اللجنة المشكلة من 8 نقابات ستبدأالأشغال كما هو مذكور في البليدة يوم الاحد
والكناباسات إذ دخلت هذه اللجنة هو لكي لاتكون جانبا وتكون داخل الحدث
اما ماهو معروف في الجزائر ان الشئ إذا اردت قتله شكل له لجنه فالكناباست تدرك هذا جيدا
النقابات الثمانية منها ما ليس له حتى نصاب المجلس الوطني
ولكن الوزارة ارادت ذالك لكي تكون النقابات 6.5+1.5
قلت كذالك لأن نقابات لامباف موقفها ليس واضح
انا لست الناطق الرسمي للكناباست ،ولا يعتبر كلامي هذا رسمي ، ولكن اتكلم من منطلق معطيات توصلت إليها
ولأنور الأساتذة ان هناك تحديات امام الكناباست ليست بالسهلة امام عملها النقابي ،ولكن ليس كل شئ يقال
لانه للاسف هناك من يريد التفسيرات للاوضاع من منطلق سلبي ويؤول كما شاء
سبق لي وان وضعت عنوان في هذا المنتدى الجواب الكافي على سكوت الكناباست وقلت حينها ان السبب هوالانتداب هذا قبل ان يسمع الكثيرمن الأساتذة به
ولكن بعد الاستقصاء وجدت ان الامر يختلف تماما
المهم الملخص المفيد أن الكناباست نعم ستكون حاضرة يوم الاحد في اللجنةوترى ماذا يريدون ولكن لو لم تكن النتائج اجابية سيكون الاضراب المتجدد الاسبوعي الذي جمد العام الماضي لا محال
فقط كن استاذ،كما هو مكتوب في شهادة العمل،واعمل على أخذ حقوقك كاملة غير منقوصة وبامكانك ذالك
الآن هم يعطون الشباب ماشاءو رشوة لسكوتهم عليهم ليبقو في الحكم،لهم ذالك ونحن نريد كذالك حقنا
استاذ بلازواج،استاذ بلا مسكن،استاذبلا سيارةيصل إلى القسم أيام الشتاء مبلولا كما لو كان ...
أستاذ وضعه يستدعي السخرية من العامة
مع انه درس أكثر مما درس أويحي وحاشيته
نحن لا نريد رشوة ولكن نريد حقنا
قسمت المخلفات إربا إربا كما لو أنهم يستخسرون في الأستاذ ان يمسك بيدة 10أو15 المليون وذهبت بذالك في غيابات الجب فرنكا فرنكا
ولما يكون الامر متعلق بامور وجودهم في الحكم اصبح كل شئ موجود
وتلك التي اتذكرها يندى لها الجبين يوم شكلت 3 لجان الأولى يترأسها اويحي والثانية زرهوني ،والثالثة بن بوزيدالعام الماضي
مجلس حرب هو إذا !!!! لماذا ؟
لإيقاف اضراب الأساتذة ينادون بحقوق هم أقرو أنها مشروعة
والإخلالات بكل الوعود بعدها التي هي مكتوبة في محاضر رسمية ومصادق عليها
والتشهيرات حتى أصبح العام والخاص يرى أننا مبتزون نحن
أنا واحد من الناس لم آخذ ما يناسب تعبي في الدراسة والأن في التدريس
فليعتبرونا مربون في البيت
ألم يقولو مؤخرا أن المرأة الماكثة في البيت لها الحق في سلفة بلا فوائد من 10 إلى 100 مليون
نحن كذالك ماكثون في القسم للتربية ليس لطفل او إثنان أو حتي 10
نحن ماكثون لتربية من 80ألى 300طفل ،فليعطونى سلفة بلا فوائد
هو رأى،والله أعلم

[mehdi179]

هذه هي الفرصة المناسبة

لاتنازلات عن حقوقنا كل الحقوق وليذهب الخونة الى الجحيم

[mehdi179]

هذه هي الفرصة المناسبة

لاتنازلات عن حقوقنا كل الحقوق وليذهب الخونة الى الجحيم

[hichaam]

اي حقوق الا تكفيك 4 ملاين فالشهر ؟؟

ولا تحوسو تملكوا دزاير برك

[حميد أبو نوفل]

اي حقوق الا تكفيك 4 ملاين فالشهر ؟؟

ولا تحوسو تملكوا دزاير برك
روح لعب البي في حومتكم راهم يلعبو في البي صحابك،الذي درس وتعب وما زال يعمل ليلا ونهارا، حتى في منامه يجد نفسه يحل التمارين
يدرك تمام الإدراك ان الرقم الذي وضعت وان كان غير صحيح لا يكفيهلتلبية متطابات الحياه ،انت اللي قال عليهم اويحي راهم يكلو في الياغورت في بالو الياغورت مش من حقنا باش ناكلوه حنا ياكلوه ولادو برك حنا ماناش مكلاسيين عندوا، انا اومن أن الجزائر فيها الخير
نستفادو كامل منوا،نت مقريتش نظن ول كنت تجيب في عوامك بالكوبيياج تكفيك 4 ملاين وزيادة عليك،حنا قرينا وتعبنا وبلادنا فيها الخير نقسموه بالعدل ، نفرض رانا مكفيين ، القناعة متتنافاش مع اخذ الحق على حساب التعب وعلى حساب الديبلوم وعلى حساب الخير ،
من حق الأستاذ ياكل واش يحب وما يغلا عليه والو ، ومن حق الأستاذ يسكن ،ومن حق الأستاذ يحوس ،.....واللى مايآمنش بهذا الحق يذهب إلى الجحيم ، راهم يسرقو بآلاف المليارات يدبرو روسهم الي كيما نت راهم عاجبهم الحال وراهم يشوفو بلي هذاك من حقهم،آمنو بلي السرقة حق لأولائك يسرقوا إذا ويعطيونا واش يكفينا لمعيشة كريمة
نت تكفيك 4 ملاين لانو في بالك مكتوبة في بطاقة التعريف ياكل جاجة نهار اللي يخلص ،وكي يدير خوه العرس يشريلوا سارفيس ب 25ألف
وكي تولد اختوا يديها لبيسة ب 8لاف ،
نحن لا
نعيش عيشة مثقف وإيطار في الدولة لانةالحقيقة هذي هي هما حب يقنعونا بلي طالابين في الدولة مش إيطارات
والهدف واضح أستاذ كاره = قراية 0=مجتمع جاهل =الحكم للأبد(42 سنة)
القضية نسبة وتناسب يا اخي
4 ملاين ما تجيب والو واش من فايدة نت راك ماكش تصرف بالاك وراك تحسب في حسابات نتاع1983
هكذاك ربع ملاين دراهم صح
السرقة المعلنة فقط تكف باش كل واحد جزايري يخلص زيادة على واش راه يخلص 4 ملاين آخرين رانا نسمع غير ب1000مليار 1500مليار...الخ
الحق اللي تقول عليه واش من حق لانه اعتاد البعض كما قال الشابي العيش في الحفر لا يريد ان يخرج منها في بالو الشمس نتاع برة تقتلوا
نحن نآمن بأن الشمس حرية ومتقتلش ولازم نخرجو ليها بإذن الله وسنصل لان الحق لا يضيع إذا كان هناك طالب له
هذا الرد إذا كنت أستاذ ، أما وغن لم تكن كذالك نقولك روح لته بروحك خير ميهموكش الأساتذة واش راهم يحوسو
اقتعنا بكثير من العام الماضي قالولنا راكم تخطفو حتى دارولهم الزيت 100 ألف باش فهمو بلي 10لاف زيادة في الشهر تخلطل كامل الحساب
وعرف روحوا بلي راه عايش زوالي في بلاد مرفهة ، نت يديوهم سرقة في بالك خير ما يديها استاذ يقرى بجكيطة من 1986 وما قدرش يشرى اخرى
قريت والخير كاين يعني بعد 3 او 4 سنوات نقدر ندير السكن السيارة الزوجة والولاد يتكساو كل شهرين اوثلاث أشهر والمناسبات في العايلة منهربش منها لاني معنديش ،نكون اجتماعي ....الخ من لا يريد فهم هذا 4 ملاين بزاف عليه ول يعطيولو 2 برك وزوج يعاون بيهم اويحي راه عندو العرس نتاع بنتو يجيبلها إليسا 5 ملاير تغنيلها
الحمد كاين الرجال

[hichaam]

حميد أبو نوفل

---------------------------

اولا احترم نفسك يا من علم الناس الاحترام ...

ثانيا حتى ابي تعب وتعلم وهو يعمل موظف في البنك ( كيسي ) يبات يحسب وكل يوم يروحولو صوارد يرجعهم هو نولى كي المهبول ويخلص اقل منك وعندو عطلة وحدة فالعام ...يعني هل يقوم باضراب ؟! هههه وبالنسبة لمتطلبات الحياة لي راك تهدر عليها الانسان لازم يكون قنوع حنا قدنا قد رواحنا مي الحمد لله خير من ناس و عر من ناس

لازم تتعب باش تسلك والدنيا مهيش تاع راحة الراحة فالاخرة ، وحتى المطالب مهيش بالتمني و كثرة التخلاط طلع الزبل حاشاك كيما قالها جحا

علابالي تتعب بصح راهي كل القطاعات مثلك يا اخي وماشي كي جاو الولاد في يديكم تدو بيهم واش تحبوا مع احترامي .. روحو كسرولهم مقر تاعهم ولا ديرو مظاهرات وخلونا نقراو

مكانش حل غير الاضراب ؟؟ ومطفرة فينا على كل حال

[hichaam]

ستاذبلا سيارةيصل إلى القسم أيام الشتاء مبلولا كما لو كان

-------

عجبتني هذي ثاني يعني الشتاء على الاساتذة برك ولا كيفاش ؟؟

يسما تحوس على سيارة مليح وفالسخانة علاه متطلبش يجيبولكم لاكريم ولا يداليولكم طريقكم باش متقيسكمش الشمس

هذي مليحة يحوس يربح سيف استاذي ...

[حميد أبو نوفل]

أهلا بالشباب انت اللي راك في الصورة
مي راك تعلم في الإحترام ياولد ........مليح
كلام كبير عليك إذا ومعندكش الحق تعلق عليه يا ولد
وهو للإساتذة والكلام على نقابة أساتذة يا ولد
راني كثرت من كلمة ولد باش منقولكش حاجة اخرى يا ولد
عندك لجنة الاولياء تقول الكلام اللي حبت
ومتعلقش على كلام كلام ميخصك
انتهى الكلام
لا اريد تعليق
مقلتلك والو لحد الآن ، روح راجع دروسك
كلام ميخصك، كنت أظن ان كلام أستاذ
روووووووووووح لهيك يا ولد للقسم نتاعك

[hichaam]

يعني لما ظنيتني استاذ قلت اني لم اتعب واخذت شهادتي بالرشوة ... الخ

ولما ادركت اني ولد كررت كلمة ولد وبان كلام الصح غلط ... باي حق تدمرون مواسمنا الدراسية كل عام ؟؟

باي حق يضرب قطاعك وباقي القطاعات لا ؟؟

باي حق تشتري سيارة واخوانك حاصلين فالخبزة ههههه ؟؟ احمد ربي على النعمة

عجبي والله لم اتخيل شخصا في مثل منصبك ( مربي ) يفكر بهذا التفكير مع كامل احترامي

[hichaam]

على فكرة دروسي تاع غدوا محضرها ... نشاله نتا وخاوتك تكونوا حاضرين برك اكدلي على هذي

[nono197129]

على فكرة دروسي تاع غدوا محضرها ... نشاله نتا وخاوتك تكونوا حاضرين برك اكدلي على هذي
حتى تكملي قرايتك وأرجعي استاذة ولاحبسي دبري وين تخدمي كي تكملي عفوا إذا قدرتي تكملي قرايتك

[ridhatab]

اخطيكم من المناوشات

[hichaam]

nono197129

-----------

ندخللكم من باب تخرجولي من باب

ربي يهديكم ...

[زهرة البساتين]

يجب عليك ايها التلميذ ان تحترم استاذك و لا تقلل من شانه لانه وبفضله ستصبح ايطارا في الدولة و كل الذي يفعله الاساتذة سيعود علينا بافائدة لانك بعد ما تكمل دراستك ممكن تكون استاذ و بالتالي هو يامنلنا في حقوقنا المستقبلية

[COMTE]

هذا القسم مخصص للأساتذة وليس للأطفال

[عبد الرزاق 24]

من أستاذ مادة العلوم الفيزيائية إلى الطالب: hichaam
كل ماقلته على الأستاذ يؤكد لي بأنك لست ذلك الطالب الذي يستحق النجاح لأنه إذا نجح وقدّر له أن يكون أستاذ فسيدمر مهنة التعليم في منطقته.
دون إطالة، بالنسبة لي كأستاذ أعمل مع التلاميذ أمثالك بكل قدراتي ثم أذهب إلى المنزل وتفكيري مازال منصب على كيفية تحضير لليوم الموالي فأنا أرى أنا الأستاذ يستحق كل الخير السكن ، السيارة، الحياة وإذا نقص شيء من هذا فلا تلمه على نقصان عمله.
في الأخير كونك تلميذ فأذهب لمراجعة دروسك وخاصة لو كنت سنة ثالثة فتضييع وقتك في هذه الأمور التي لا تفقه فيها شيئا يجنبك مراجعة برنامجك الدراسي من أوله إلى النقطة التي وصلت إليها الآن ورغم أنك تحقد على الأستاذ فالأستاذ يتمنى لك النجاح والتفوق وستندم على ماقلته عندما يصل سنك فوق 25 سنة.