عاجل: درتوا اليوم إضراب ولا مادرتوش

[جناح الحمام]

السلام عليكم . حنا اليوم رانا دايرين إضراب . عنا اليوم اجتماعيات ,أجلوهانا ليوم الأحد. وغدوة نديروا علوم وفلسفة. اللي داروا إضراب يقولونا واش عندهم اليوم ,وهل أجلولهم الاختبارات تاع غدوة ولا تاع اليوم؟

[chedni]

و عليكم السلام و رحمة الله حنا ثاني رانا دايرين اضراب عدنا ليوم علوم اسلامية قالونا اديروها غدوة و الفيزياء نخلوها حتى نهار الإثنين

[SAWHIN]

نعم كاين اضراب في ولاية باتنة حنا اليوم عندنا فلسفة وشريعة قالولنا تعقبهم نهار الاحد وغدوة نعقبو صباح فزياء ولعشية فرنسية واجتماعيات

[ميس الجزائر]

نعم كاين اضراب لكن نكمل غدا ولا نقاو عادي

[h'mida]

حنا درنا الإضراب عندنا اليوم فيزياء وفرنسية و غدوة نديروا الإختبارت أما تاع اليوم ديروه نهار الاحد

[yassine1993]

حنا تاني رانا دايرين اضراب في ولاية سعيدة كان عندنا شريعة و فلسفة اجلوها لنهار الاحد و غدوا عندنا فيزياء

[صورية ف]

حنا هنا ما داروش اضراب وراهم يديروا في الاختبارات عادي

[جناح الحمام]

نعم كاين اضراب في ولاية باتنة حنا اليوم عندنا فلسفة وشريعة قالولنا تعقبهم نهار الاحد وغدوة نعقبو صباح فزياء ولعشية فرنسية واجتماعيات
السلام عليك أختي,ديروا ثلاث مواد في النهار؟بزاف ,حنا زوج مواد ويجونا بزاف. حنا الاختبارات نديروهم في سمانة كل يوم زوج مواد . وأنتم وقتاش بديتوا الاختبارات؟ وشحال ديروا في نهار من مادة.وقوليلي الوقت اللي يعطوهلكم في مختلف المواد.

[oussama-dz]

حنا ثاني درنا إضراب
غذوة عندنا فلسفة

[&بنت الجزائر&]

حنا في عين الدفلى ثاني كاين اضراب عندنا علوم شرعية و الفرنسية اجلوهم للاحد و غدوا نديرو فزياء و فلسفة

[Moumenbel]

السلام عليكم

عندنا نورمال راهم يديروا فالاختبارات (صباح سنة 1+ 3 ) رغم أن الثانوية فيها حتى أستاذ نائب رئيس فرع النقابة في ولاية باتنة وأغلبيه الأساتذة ينتميو لهذ النقابة

[محمد بشار 08]

مكانش إضراب كل شي عادي

[سوما20]

حنا تاني رانا في اضراب انا اليوم عندنا رياضيات الاضراب هدا اليوم برك ولا مزال حتى الغدوا

[جناح الحمام]

بصح .أنا راني حايرة علاه راهم يديروا إضراب,الللي راه عارف السبب يقولي

[islam11]

ثانوية نور الدين زرواق المدية في إضراب

[houanana]

حنا لا ماكانش اضراب راني نفوتو اختبارات عادي

[سندس2]

احنا تاني معندناش الاضراب ....

[mima.collo]

حنا رانا فى اضراب اليوم برك وغدوة عندنا الانجليزية والفرنسية ونهار الاحد نديرو فيزياء وفلسفة

[محفوظ دعاس]

و عليكم السلام و رحمة الله احنا ما درنا ش اضرراب اليوم كملنا قاع الاختبارات

[ZIZO1988]

حنا في شلف رانا في اضراب اليوم كان عندنافيزياء انجليزية اجلوهم نهار الاحد و غدوة نديرو تاريخ و فلسفة

[constantinoise]

ouiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiii vive la grève

[جناح الحمام]

ouiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiii vive la grève
السلام عليك أختي. علاه أنت تحبي الاضراب؟

[الصابرينال13]

حنا راهم يعقبو اليوم نورمال(سنة اولى ) وغدوة نكملو عندنا علوم وفلسفة وانجليزية

[محمد-1993]

حنا ثاني دارو اضراب
كان من المفروض اليوم نخلصو الاختبارات (فيزياء و فلسفة )
ولاو اجلوهم لغدوا

["<صفـــاء>"]

حنا عندنا في المسيلة ماكانش بالنسبة لينا ...
عقبنا الامتحان ونورمال ..

[mr.berns]

ثانوية النعمان بن بشير الشريعة تبسة ماكان والو
بصح الثانويات الاخرين دارو

[✗ ┋ وَړْﮃَةُ آلـﭴَزآئـړْ ┋ ✗]

حنا تاني دارو اليوم اضراب لكن الاختبارات كانت عادية عسونا الأساتذة المستخلفين والإداريين والمراقبين

[طمطم-93]

السلام وعليكم حنا تاني درنا اضرابب في ولاية سعيدة كان عندنا اليوم فلسفة وشريعة اجلوهالنا لنهار الخميس وغدوة عدنا فيزياء ربي يجيب الخير

[غاني 19]

احنا اليوم عندنا انجليزية اجلناها حتى نهار الحد غدوة عندنا فلسفة وفيزياء

[نسمة النجاح]

احنا درنا اضراب

وأجلت اختبارات اليوم الى الغد واختبارات الغد الى يوم الأحد

[yassinecristiano1]

حتى نحن في اضراااب

[manel de annaba]

رانا في اضراب

[*عاشقة الجنة*]

حنا عندنا اليوم فيزياء وانجليزية وفلسفة

واجلوهم ليوم الاحد بسبب الاضراب

[أمين 15]

والو ماكانش عندنا اضراب
كل عادي في ولاية الجلفة

[ana howa]

حنا في الشلف رانا دايرين اضراب نورمالمو عندنا اليوم علوم شرعية و فلسفة .. مي اجلوها لنهار الاحد.. وغدوة ان شاء الله نديرو فيزياء

[anismilano]

حنا اليوم درنا إضراب

[achour idoughi]

حنا رانا اضراب منذ الاحد الاختبارات أجلت للاحد القادم انشاء الله

[جناح الحمام]

شكرا لكم.أنا كنت دايرة في بالي أنّ الإضراب وطني, بصح قولولي كامل بديتوا الاختبارات بالأحد؟

[lawano]

حنا ثاني
اجلونا امتحانات اليوم
الى يوم الاحد

[مايكل سكوفيلد نجيب]

احنا رانا نديرو في الاختبارات عااااااادي وعلاه راهم يديرو في الاضراب اليوم درنا العلوم شرعية والعشية فلسفة وغدوا فيزياء الله يوقنا جميعا امين

[جناح الحمام]

حنا رانا اضراب منذ الاحد الاختبارات أجلت للاحد القادم انشاء الله
السلام عليك يا أخي.بصح قولي علاه راكم دايرين إضراب من الأحد؟ وراكم ماشيين في الدروس ولا لالا؟ .......مشكور

[zina16]

اللام عليكم حنا تاني في مدينة مليانة رنا دايرين إضراب ليوم عندنا علوم شرعية قالونا يوم الأحد ديروه

[جناح الحمام]

احنا رانا نديرو في الاختبارات عااااااادي وعلاه راهم يديرو في الاضراب اليوم درنا العلوم شرعية والعشية فلسفة وغدوا فيزياء الله يوقنا جميعا امين

نعم يا أخي راه كاين إضراب في أغلب الثانويات في الوطن.بصح اليوم برك,يا أخي كي ديروا اليوم العشية فلسفة قولي مش من الموضوع جاكم.إذا كنت من شعبة العلوم التجريبية.من فضلك يا أخي قبل غدوة.

[jiok]

سلام رنا دايرين الاضراب في معسكر يوم واحد

[جناح الحمام]

سلام رنا دايرين الاضراب في معسكر يوم واحد

شكرا لك أخي على الرد . ويبدو أنك جديد في المنتدى فمرحبا بك بيننا.

[yakumo]

Yeah, we did.....Sétif

[saly77]

السلام وعليكم حنا ليوم درنا اضراب كان عندنا علوم اسلامية حتي تهار الاحد ان شاء الله باش نروها وغدوة ان شاء الله ععندنا فزياء وفلسفة

[sarra5]

ouiiiiiii dernaaa f skikdaaaa

[bAc2O11]

ouiiiiiiiiiiiiiiiiiiiiiiiiiiiiiiiiii

[امين الاسلام]

احنا درنا اضراب بصح احانا القسم الوحيد تقني رياضي لي درنا اختبار في الفزاء لاون الاختبار تالي وقالنا الشيخ قبل الاضراب يكون ولا مايكونش انديرو والحمد لله تهنينا من الاختبارات نتمنالكم التوفيق ان شاء الله في باقي الاختبارات

[ramy92]

هل تامن لم نقم باضراب في حياتنا من يقوم الاضراب يطرد صدق اولا تصدق

[موني كات]

احنا ثاني في تبسة درنا اضراب مي ما قالولنل والوا غير روحوا تروحوا الدار تسنة فيكم
كنا راخ نعقبوا اجتماعيات + فلسفة

[جناح الحمام]

هل تامن لم نقم باضراب في حياتنا من يقوم الاضراب يطرد صدق اولا تصدق
السلام عليكم .شكرا لك ي أخي . بصح وين تقرا,جامي سمعت بثانوية مادارتش إضراب كامل,بصح علاه طرد .كي يكون إضراب وطني ثاني مديروش إضراب؟

[جناح الحمام]

احنا درنا اضراب بصح احانا القسم الوحيد تقني رياضي لي درنا اختبار في الفزاء لاون الاختبار تالي وقالنا الشيخ قبل الاضراب يكون ولا مايكونش انديرو والحمد لله تهنينا من الاختبارات نتمنالكم التوفيق ان شاء الله في باقي الاختبارات
سلام ,بارك الله فيك. صح نتوما تهنيتوا .حنا مازالتلنا الاجتماعيات نهار الأحد.إن شاء الله تكونوا خدمتوا . موفقين إن شاء الله