سااااااااااااااااعدوني أخاه عليا [الأرشيف] - منتديات الجلفة لكل الجزائريين و العرب

fatene

2011-03-01, 08:55

السلام عليكم
هو عادة في التمرين رايح يمدلك
التركيز المولي للمحلول
اذا طلب منك الناقلية النوعية
فهي تعتمد على مجموع تركيز الشوارد الموجودة
في المحلول مضروبة في لاندا اللي
هي الناقلية النوعية المولية الشاردية
لازم تعرف بلي تركيز الشوارد الموجودة في المحلول
يرتبط بتركيز المحلول
اولا نكتب معادلة الانحلال تاع المادة في الماء
مثلا انحلال nacl في الماء
تعطيلنا na زايد و clناقص
معناه الاعداد السيتوكيومترية اللي
قبل شاردة ال:na زايد وشاردة cl ناقص هي واحد
ومنه لهذين الشاردتين نفس تركيز المحلول المعطى
لان c مضروبة في الواحد تساوي c
لكن ادا مدلك مثلا انحلال كلورا لكالسيومCaCl2م في الماء
معناه المعادلة cacl2 زايد الماء تمدلنا
+Ca2 زايد و 2clناقص
وفي هذي الحالة نلاحظ بلي العدد
السيتوكيومتري اللي قبل شاردة الكالسيوم هو 1
ومنه تكيز هذه الشاردة هو نفسه تركيز المحلول لان واحد * c تساوي c

لكن شوارد الكلور قبلها 2 ومنه التركيز تاعها هو
2 *c اي ضعف تركيز المحلول المعطى
وهكدا بعدما نعرفو تركيز الشوارد في المحلول انطلاقا من تركيز المحلول المعطى
نقدرو نطبقو القانون تاع الناقلية النوعية
اللي هو مجموع تركيز كل شاردة مضروبة
في الناقلية النوعية المولية الشاردية تاعها
اتمنى انك تكون فهمت وربي يوفقك في الامتحان