فصل الصيف

[elmedjadji]

هذه أول مشاركة لي بقصيدة من تأليفي في هذا المنتدى الرائع أرجو أن تنال إعجابكم

فصل الصيف دخل والوقت شيان *** وعلامات الفسق راهم بانو
هذا الزمان كلشي فيه عيان *** وكل واحد لاهي في احزانو
فالخارج تصيب قاع الألوان *** باللبسة الفاضحة شيانوا
الشبان تشبهو بالنسوان *** كل واحد معري على صيقانوا
لابس شوية تاع كتان *** والمناقش يرقصوا في وذانوا
الكسوة لبسة الخيان *** والسروال يبانو خيطانو
موشوم ومن البعيد يبان *** تقول لفعة خارجة من جنانوا
تهدر معاه يقولك حنا ليجان *** كل واحد يعيش في زمانو
تروح للبحر تلقى بني عريان *** بالفضايح لي كانوا
كل وحدة دايرة لروحها شان *** وهي طبايعها شيانو
واحد الجيل راه فالطرقان *** عهد جدودهم راهم خانوا
يقول في الكلام الشين والسبان *** الشيطان ينطق بلسانو
كل واحد مدوخ بالنسيان *** كل واحد لاهي في كيسانوا
المجاجي يحكي لكل إنسان *** من وقت اليوم طاب جنانو
اتفكروا شتا قال الرحمان *** كل واحد المقبرة هي مكانوا

[Mohamed845]

السّلام عليكم؛



شكراً لك أخي المجّاجي؛ قصيدة جميلة؛ لعلّ المجّاجيين أصحاب العلم والشِّعر:)




زادك للهُ علماً و خيراً.



السّلام عليكم.:mh31:

[elmedjadji]

شكرا لك اخي على مرورك العطر
فعلا هم كما قلت

[امير الجود]

صدقت ........ بارك الله فيك على احساسك المميزة
قصيدة رائعة و معبرة بالتوفيق ان شاء الله