هل تؤيدين فكرة البدء في تجهيز البنت قبل خطوبتها؟

[ليلى الجزائرية1]

السلام عليكم...عندي سؤال كثيرا ما يتراود بذهني وحبيت أن أطرحه للمناقشة.
&&&هل تؤيدين فكرة البدء في تجهيز البنت قبل خطوبتها؟ &&&
وإذا كنت من المؤيدات فياريت لو اخبرينا عن الأشياء اللي يمكن تتحضر من قبل الخطوبة.

[soumia chamousa]

Akide
danya doka ghlate mata3arfi wach tachri 3la a9ale tlame chwiya 7wayaje ki yji lmaktobe
trakaze 3la la7wayaje mohimine w matakhsarche bazafe

[mimina la rose]

اكيد بسك دوكا كلش غالي يعني الواحد لما يوجد من قبل وما نعرف الا لحق
شكرا على الموضوع

[ليلى الجزائرية1]

akide
danya doka ghlate mata3arfi wach tachri 3la a9ale tlame chwiya 7wayaje ki yji lmaktobe
trakaze 3la la7wayaje mohimine w matakhsarche bazafe
نشكرك أحتي سمية على التفاعل نتاعك.

[ليلى الجزائرية1]

اكيد بسك دوكا كلش غالي يعني الواحد لما يوجد من قبل وما نعرف الا لحق
شكرا على الموضوع


ميرسي أختي على التفاعل نتاعك

[الأرض المباركة]

سلام عليكم
توجد الحاجة اللي تقدر عليها من البسة افرشة وحتى الذهب اذا كان باستطاعتها
اما اشيء المهم فهو الاطلاع على الكتب المفيدة في تكوين اسرة صالحة مبنية على اسس متينة وحتى الاطلاع على كتب تربية الابناء وغيرها الكثير مما عليها الاطلاع عليه حتى لا تصدم في حياتها فالكل يتخيل انها حياة مختلفة عما تعيشه في واقها
.تقبلوا مروري

[ICHA201]

بانسبة للذهب معليش تنقص على روحها شويا بصح الاشياء الاخرى فكي يزيد و نسموه بوزيد.

[ليلى الجزائرية1]

بانسبة للذهب معليش تنقص على روحها شويا بصح الاشياء الاخرى فكي يزيد و نسموه بوزيد.

شكرا ليك على التفاعل

[صامهد]

وي وعلاش لالا مرة على مرة تشري حاجة

[ليلى الجزائرية1]

وي وعلاش لالا مرة على مرة تشري حاجة
ميرسي أحتي صامهد على المشاركة نتاعك..........

[nabila.ha]

انا اؤيد فكرة انها الطفلة تبدا توجد قبل الخطبة بصح ماشي كلش غير الحاجات لي ما تروح لامود اتناعها مثلا الدهب تشريه و ادا ماعجباهش في وقت كي تكون راح تتزوج تقدر تبدلو يعني راس مالو راح يكون فيه ماراح تزيد ياسر دراهم .كيما مطارح انتاع الصوف تاني تقدر توجدهم قبل الخطبة لخاطر ماراحش يفسدو.خاطر كي راح تتخطب تلقا كلش يستنا فيها و الدراهم اكيد مش راتح تكفيه يعني انها تخفف على روحها.

[sweet-roofy]

معظمكم قالوا اكيد ووافقوا الفكرة صراحة انا ضدها
من الممكن ربي ما يجيبش النصيب ما تتعقد الطفلة هادي ؟
وتولي كل يوم تشوف الدوزان يزيد عليها الحال اذا كانت متأكدة 100/100 تشري بصح غير هذا ماكلاه
الذهب لا علينا تقدر كي يكون عمرها عام تشريه نورمال

[نور الصفاء]

انا من المؤيدين

[بتول8]

انا ضد تماما و السبب تجربة احداهن نفس العقلية تلم الحوايج تشري و تجهز و النصيب ماجاش راها تتفرج فيهم و هي على مشارف 45

[بتول8]

التوجاد في وقتو في فترة الخطوبة من رايي

[هبة الكوثر]

انا لا اويد خاطرش يدخللخا الزواج قبل الوقت لا دهب ولا فراش ولا حوايج صح نفتحلها كونت ونحطلها فيه هادي صح ممكن تجيها دراسة ممكن تحب تدير مشروع ممكن يجيها زواج اما اني نبدا نشريلها فالدهب باه يتحلو عينيها لالا ولا تشوفني نجهزلها باه يدخللها الزواج لالالا. ولي خلق مايضيعيش وكل شيء في وقتوا مليح

[souna02]

سلام اما اايد الفكرة لانها تساغد بزاف و اما راني مخبية بزاف حوايج

[nabila.ha]

انا ما كنت نقصد الحوايج لي تقعد تتفرج لو كان مايجيهاش نصيبها مثلا كيما الذهب قادرة تشريه و تلبسو عادي

[محامية العدل]

انا ايضا ضد هذه الفكرة كل شيء في وقتو حلو و كلشي بالمكتوب.

[نبض قلب أمي]

:dj_17:
واش نقولك اختي ليلة أنا من مؤيدي الفكرة لأنو الوقت راه غلا ومن زمان غالي كيما تقول ماما وإدا ما وجدتش الطفلة جهازها تصيب روحها لحق العرس وهي بلا تروسو,ووالله العظيم خالتي صرالها كيما هكدا تزوجت في شهر وجدي الله يرحموا ما كانش ميلياردير باش يقدر يجهزها,الحمدلله كي جا زوجها كاينلوا وشرالها جهاز كبير.
ومن هداك الوقت ماما وماناتي وخالاتي وعماتي وعلى شعرة تزيد معاهم الجارة مكرهلني حياتي بالتروسو وما نكدبش عليكم حتى العام اللي فات يعني كي وصلت 27 سنة باش بديت نلم شي حوايج كيما لي كوفرولي ولي نابرو وشوية حوايج مي كي ما يكونش عندك هدف خسارة ما تكسري راسك كل حاجة بلا طعم وبلا فايدة والسلام عليكم



أختكم في الله إكرام

[mimina la rose]

انا لا اويد خاطرش يدخللخا الزواج قبل الوقت لا دهب ولا فراش ولا حوايج صح نفتحلها كونت ونحطلها فيه هادي صح ممكن تجيها دراسة ممكن تحب تدير مشروع ممكن يجيها زواج اما اني نبدا نشريلها فالدهب باه يتحلو عينيها لالا ولا تشوفني نجهزلها باه يدخللها الزواج لالالا. ولي خلق مايضيعيش وكل شيء في وقتوا مليح
ماشي تبداي تشريلها من وهي دراري طبعا كي يلحق اللاج تاع الزواج والبنات قاع يخمو فالزواج لانو سنة الحياة سواء دخلتيهولها لراسها ولا لالا سورتو الا شافت بنات من اللاج تاعها تزوجو