تسجيل الدخول

مشاهدة النسخة كاملة : عادات وتقاليد

عذراء الصحراء
2011-02-25, 18:47
واش رايك اخواني اخواتي نتكلم عن عادات وتقاليد الاعراس في كل ولاية من البداية الى النهاية
amira3914
2011-02-25, 21:30
والله فكرة روعة ممكن تبدي انتي اختي وقوليلي انتي منين اختك اميرة
اميره 2008
2011-02-25, 21:33
bonne idée
Ikhlass26
2011-03-03, 13:14
فكرة رائعة .
novateen
2011-03-12, 19:51
السلام عليكم ورحمة الله تعالى وبركاته
موضوع شيق لكن ولا واحد حب يحكيلنا على العادات نتاوعو
المهم أنا راح نبدا
عندنا حنا فالغرب نديروا يومين أو نحتفلو بالعرس يومين هدا اذا كان العرس فالدار ماشي في لاصال
اليوم الأول مثلا للبنت يجيو قاع لافامي والعايلة المقربين يعني ويسهرو هديك الليلة مع بعض ويديرو الحنة للعروسة وقاع لبنات
والنهار الزاوج ايجو الجيران وتاني يجو تاع لعريس يديرو الحنة للطفلة اللي تكون لابسة لباس تقليدي اللي هو الشدة وتفوت قاع هديك الحفلة مع عايلتها وحباباتها والخميس تلبس لباس العرس ويجوا يدوها لدار لعريس
أما للولد يدير حفلته مع قاع صحابه يديروله كورتاج وحفلة صغيرة في واحدة من المقاهي يحجزوها خصوصا ليه ولصحابه ومن بعد يدوه للبلاصة اللي راه داير فيها الحفلة يتعشوا ويسهرو يشطحوا من بعد يعيطوله يروح لدارهم باش يديروله الحنة ومن بعد يرجع للحفلة ويسهروا حتى للصباح
والخميس ولا النهار الزاوج يروح الكورتاج يجيب لعروسة فالعشية ويدورو بيها
فالليل تتبرز العروسة بأحلى الملابس اللي جابتها من دارهم واللي جابوهالها أهل العريس ومن بعد يعيطو لحماها أي اخ العريس باش يحزمها اي يديرلها الحزام ومن بعد يقسموا القاطو اللي جابته العروسة مع القهوة ولاتاي وهكدا يكمل العرس ويشوروا الناس لديارهم ومبروك عليهم ويهرس قلة عسل بيناتهم ...........ههههههههههههههه
هذي هي عاداتنا
ياريت تقولولنا عاداتكم وادا مافهمتوش كاش حاجة سقسوني
novateen
2011-03-14, 18:13
مالكم دايرين هكدا 103مشاركة ولا واحد بغا يحكيلنا على العادات نتاوعوا امالا ماكانش اللي يزيد يدخل هنا
الجازية الهلالية
2011-09-22, 12:23
احنا في سيدي علي بخاسك كيفكم

المهم غادي نزيد نفصل شوية

نبداو بالعريس نهار لول عنده عشا يديره لصحابو وفاميلتو نسموه العامة ويكون نهار ذبيحة الكبش يطيبو فيه دوارة وبوزلوف وحريرة وسلاطة

الغدوة من داك يروحو يديرو الحنة للعروسة ويدو معاهم الجهاز لي فيه روايح وقش -الجلابة والسباط-المنسوج-المنصورية-بلا ما نذكر لخرين المعروفين

نهار الحنة العروسة تعرض غاشيها والجوارين ومن بعد تخرج بالشدة ومعاها زوج بنات رافدين الشمع مين يدرولها الحنة يبرحو بالجهازوبالذهب -هادي من دار

راجلها هادي من دار باباها-



مين يروحو غاشي العريس يديرو الحنة يحطولهم السفة لي هي طعام بالسكر ومن بعد يروحو لدارهم باش لغدوة من داك يجو يدو العروسة

ومين يدرو العروسة الحنة وتكمل يغطسو هادوك الشمع في الحليب ويعطوه للعزبات يشربوه

بالنسبة للعروسة دير التgصيرة نهار قبل الحنة تعرض فيها لعزبات ونهار لي يجو يدوها تروح معاها امها وخواتاتها والتباعات لي يكون دايما عماتها وخلاتها

والعراسات لي يعرسو في نهارهم ويجو

ودروك نهار لي يدو فيه الطفلة تخرج من دارهم دايرة البرنوس يديرولها كورتاج ومعاهم العيساوة ويزوروها في الوليا احنا عندنا سيدي عفيف وسيدي علي ومين

يوصلو لدار العريس يخرجوها من اللوطو بالبارود

ومن بعد ينزلوها تريح شوية ويدخلوها عند الغاشي لي جاو يعرسو وتما يبرزوها والخطرة لولا كاع يوقفوها ويقعدوها في الكرسي 7 خطرات

من بعد يجي الحزام يديرولها بلوزة بيضة والملحفة ويعصبولها راسها من بعد تقسم الحلوى والسكر على الدراري ومن بعد ترفد طفل صغير ودرو بيه يقولو باش ولدها

اللول يكون طفل

وفي الليل تكون الدخلة يجي العريس مع صحابو من برا يجيبوها فوق العود مغطي بالبرنوس والبارود يضرب يتمشى وحد المسافة تاع 20 مترا

لغدوة من داك مو العروسة دير الفطور عند دار العريس لي هو الرgاg وفي هاداك الصباح يجيبو للعروسة تغسل الحوت ماعلاباليش علاه

وتدي العروسة معاها دي كادو تعطيهم لغاشيها تاع العريس

ومين تولي مو العروسة لدارها يديرولها قفة ماعلاباليش شافيها

واسبوع من بعد يديورلها الحمام
الجازية الهلالية
2011-09-22, 12:23
عييت ما طقتش نقول كلش
soundousdjouad
2011-09-27, 14:57
انا ساتحدث عن العداتنى في سوق اهراس مثلا العرس
اول مرحلة تكون الخطبة وهي عبارة عن حفلة صغير يئتي اهل العريس الى اهل العروس و يحضر اهل العريس الخاتم الى العروس و الاشياء اخرى مثل المكياج و الحلويات
soundousdjouad
2011-09-27, 15:00
شكرا على هدا الموضوع الجميل ادن انا ساتحدث عليه

ان شاء الله تعجبكم عادات و تقاليد ولاية سوق اهراس
ريكا ايموا
2011-09-30, 23:29
pàààààààààààààààà
هاد ما نكره عادت وتقاليد
هدواك اع تفيش
ريكا ايموا
2011-09-30, 23:30
ياو تقدموا راكم في 2012
pàààààààà
و مازلنا مع تفيش وجهل
pffffffffffffffffffff