زوج عضمات ...

[ولد حمد الباتني]

السلام عليكم ورحمة الله وبركاته
واش راكم خاوتي لاباس بخير الحمد لله


والله يا خاوتي واش نقلكم، الشعب الجزائري عايش بزوج عضمات (بيضات، ولاد الجاج)
مايلقاش واش ياكل، يروح يدير زوج عضمات مسكين ههههه، وإدا الحالة مرفهة راهو يزيهيها بشوي فرماج وفكرات خفاف ...
وانا هكذا يا خاوتي وليت عايش ههههه قلتلكم زوجوني ماحبيتوش ...
ندخل للكوزينة واش درتو يقولولي، كي ماتعجبنيش يقولولي ايا كول ولا دبر راسك، هاهم زوج عضمات هههههه
وساعات يقولولي ماوش لازم تاكل http://4algeria.com/vb/images/smilies/cursing.gif هههه
ولا ساعات نقلهم ماجاتش مليحة الماكلة، تقلي ختي مانعرف نساكم يديرولكم هكذا ولا ماتلقاوهاش هههه
هاذي هيا معيشة الشعب الجزايري كامل، الا قليل ...
البارح برك قصرت وسهرت مع صاحبي، من كي جا مروح قالي نشري زوج عضمات يما راهي في العرس وماكانش لعشا في الدار هههه
والمشكل وين ماطيبهمش ختي، نطيبهم انا ...
وكن غير جيت نعرف نطيبهم، ياو نخلي الحالة ..
مرة طيبت زعما زوج عضمات وبديت نخرف زد فوقهم شوي طماطم
وحبة فرماج ودرت فوقهم البيض كي قريب يطيبو تفكرت الملح ههه
جريت درت شوي ملحن وخليتهم يطيبو ...
كي كملت وحطيتهم في الصحن، كليت ووقفت، خليتلهم الحالة مهرودة الزيت في لرض، ولقشور تاع البيض مطايشين، والمقلة منجرة محطوطة فوق الطابونة المهم حالة كبيرة وخلاص ...
ساعات برك كي نكون شريتلها قاطو ولا حاجة هكذا، لثم واش نقلها اديرلي ...
لبنات مساكن ساهلات باش تكسبهم ...

باختصار راكم فهمتو المغزى من الموضوع وهو ان الجزائريين كامل
خاوة من البيض ههههههههههه

[فيصل العرب]

السلام عليكم ورحمة الله تعالى وبركاته
نحب البيض بزيت الزيتون والثوم واذا كانت الدعوة مرفهة راني نزيد البقرة الضاحكة
واش ادير الا ان يتم تزويجنا فليس لنا حل الى مع البيض
واذا بقات الدعوة هي هي بعد الزواج ها اصبر وامرك لله
شكرا

[manina93]

زوج عضمات والهنا والسعادة خير من المشوي والهم والميزيرية معاه

[ولد حمد الباتني]

السلام عليكم ورحمة الله تعالى وبركاته
نحب البيض بزيت الزيتون والثوم واذا كانت الدعوة مرفهة راني نزيد البقرة الضاحكة
واش ادير الا ان يتم تزويجنا فليس لنا حل الى مع البيض
واذا بقات الدعوة هي هي بعد الزواج ها اصبر وامرك لله
شكرا

يعطيك الصحة خويا فيصل
لازم الزواج وخلاص ههههههه

[نبض قلب أمي]

:dj_17:
يعني صح كاين ناس عايشين كيما هكدا؟أنا واش نقوللكم عمري ما خليت خاوتي ولا أبي يحتاجوا لأي شيء ولوكان يبقاو برا حتى لنص الليل كي يجو لازم نوجدلهم عشاهم ونزيدو نقعدو معاهم وهوما ياكلوا أنا وماما سينو ما ياكلوش وفي الحقيقة أنا والفت روحي عايشة في دار الرجال فيها مقلشين بزاااااااااااااااااف,الماكلة كيما يحبوا والفراش كيما يحبوا ودي فوا حتى الماساج إدا دارو سبور وصراتلهم فو جاست ولا عياو فالخدمة سورتو هوما خدمتهم صعيبة مساكن ربي يكون في عونهم.
مي أنا تاني لوكان نطلب نجمة من السما يجيبوهالي ولوكان نعطس برك يجروا بيا لطبيب,بنت عمي تقولي انت كي جيتي طفلة وحدك لوكان جيتو بزاف ونشوفو مي كومام كل فعل لازملو رد فعل وأنا نقدر ظروفهم ويعجبني الحال كي نقلشهم سي بور سا ما نعرفش كيفاش تكون الحياة كي الراجل يطيب ماكلتوا وحدوا.
واش نقولك خويا الله يكون في عونك والسلام عليكم


أختكم في الله إكرام