المساعد الشخصي الرقمي

مشاهدة النسخة كاملة : زوج عضمات ...

ولد حمد الباتني
2011-02-14, 14:14
السلام عليكم ورحمة الله وبركاته
واش راكم خاوتي لاباس بخير الحمد لله


والله يا خاوتي واش نقلكم، الشعب الجزائري عايش بزوج عضمات (بيضات، ولاد الجاج)
مايلقاش واش ياكل، يروح يدير زوج عضمات مسكين ههههه، وإدا الحالة مرفهة راهو يزيهيها بشوي فرماج وفكرات خفاف ...
وانا هكذا يا خاوتي وليت عايش ههههه قلتلكم زوجوني ماحبيتوش ...
ندخل للكوزينة واش درتو يقولولي، كي ماتعجبنيش يقولولي ايا كول ولا دبر راسك، هاهم زوج عضمات هههههه
وساعات يقولولي ماوش لازم تاكل http://4algeria.com/vb/images/smilies/cursing.gif هههه
ولا ساعات نقلهم ماجاتش مليحة الماكلة، تقلي ختي مانعرف نساكم يديرولكم هكذا ولا ماتلقاوهاش هههه
هاذي هيا معيشة الشعب الجزايري كامل، الا قليل ...
البارح برك قصرت وسهرت مع صاحبي، من كي جا مروح قالي نشري زوج عضمات يما راهي في العرس وماكانش لعشا في الدار هههه
والمشكل وين ماطيبهمش ختي، نطيبهم انا ...
وكن غير جيت نعرف نطيبهم، ياو نخلي الحالة ..
مرة طيبت زعما زوج عضمات وبديت نخرف زد فوقهم شوي طماطم
وحبة فرماج ودرت فوقهم البيض كي قريب يطيبو تفكرت الملح ههه
جريت درت شوي ملحن وخليتهم يطيبو ...
كي كملت وحطيتهم في الصحن، كليت ووقفت، خليتلهم الحالة مهرودة الزيت في لرض، ولقشور تاع البيض مطايشين، والمقلة منجرة محطوطة فوق الطابونة المهم حالة كبيرة وخلاص ...
ساعات برك كي نكون شريتلها قاطو ولا حاجة هكذا، لثم واش نقلها اديرلي ...
لبنات مساكن ساهلات باش تكسبهم ...
باختصار راكم فهمتو المغزى من الموضوع وهو ان الجزائريين كامل
خاوة من البيض ههههههههههه
تَــــــيْمَـــــآءْ ,
2011-02-14, 19:57
هههههههههههْ وَاللهْ غير ضحكت من قلبي ..
قولوا الحمد لله لقيتو لبناات ياخذوا الرااي ههه ..
في انتظار جديدك اخي.. ..
شكري وتقديري لكْ .. .
سَلَّآآآمْـ .. .
chahrazed1995
2011-02-14, 20:27
صحيت خويا فريمو عندك الصح

ختى انا مرات مين نكره نقلي بيضات

-بغيت نعرف واش هي المناطق اللي يقولوا لعضام؟

ارجو الافادة
تَــــــيْمَـــــآءْ ,
2011-02-14, 20:48
صحيت خويا فريمو عندك الصح

ختى انا مرات مين نكره نقلي بيضات

-بغيت نعرف واش هي المناطق اللي يقولوا لعضام؟

ارجو الافادة

اختي معضم ولايات الشرق يقولو عضاام ..
تبسة باتنة سوق اهراس عنابة وبزااف .. .
chahrazed1995
2011-02-14, 21:00
اختي معضم ولايات الشرق يقولو عضاام ..


تبسة باتنة سوق اهراس عنابة وبزااف .. .




شكرا على الرد السريع

و لكن هل هي مقتبسة من تونس؟
تَــــــيْمَـــــآءْ ,
2011-02-14, 21:09
شكرا على الرد السريع

و لكن هل هي مقتبسة من تونس؟

العفو اختي من واجبنا .. ..
مي والله معلابالي انا مليس خلقت قليتهم يقولو عضام قلت عضاام ..
مي عييت نفهم علاه نقولو عضاام ..
اذا عرفتي فيديني معااك ..
مي صراحة منضنش تلقاي اجابة ..
بسك كل حاجة واسمهاا..
قوليلي علااه نقولو بيض..
علااه نقولو خبز علاه نقولو كسرة علاه نقولو طماطم ..
هذا كلمات متداولة مالقدم يعني كل حاجة اطلقو عليها اسم ..
واظن ان معضم الكلمات لها اسماء لكن سبب تسميتها بذاك مجهوولة ..[/center]
عبد الناصر أمازيغ
2011-02-15, 00:12
صحيت يا سي "ماكانش"

ياو ماراكش وحدك معا العضمات ، و الله ولادي تاني ما يتفاهمو غير بالعضمات ، رغم أن الماكلة موجودة في كل وقت ، ما يحبو والو ، لا مرقة و لا كسكس و لا خضرة ، حتى اللحم كي نشريه يضلو يشنفو عليه ، يحبو برك يقليو البطاطا و البيض .

المهم حنا في بلاد لقبايل نسميو البيض : "ثيملاّلين" و البيضة الواحدة "ثملاّلت"

لكن هناك قاسم مشترك بين التسمية العربية و القبائلية ، فالكلمة بيضة من اللون و الأبيض ، و " ثملاّلت" من " أملاّل و هو اللون الأبيض بالقبائلية"
kawther-95
2011-02-21, 20:12
هههههههههههههههههههه شكرا لك
mmoussa
2011-02-25, 21:20
البيض واش يدير
fifita14
2011-02-28, 08:26
ههههههههههههههه كثر خير لبنات لي يعاونو
ولد حمد الباتني
2011-05-19, 16:52
ربي يحفظكم كامل على الردود الجميلة
ahlam 27
2011-05-20, 21:38
hhhhhhhhhhhhhhhhhhhh merci kho
أسير الطموح
2013-08-04, 22:56
ههههههههههههههههههههههههههه
مروةنزيهة
2013-08-05, 15:26
ههههههههههههههههههههههههههه و لاه عندك الحق حنا في الدار يكمل بلاطو نجيبو لاخر يكمل في سمانة 30 حبةهههههههههههه
ياسمين20
2013-08-06, 12:19
برك الله فيك
سنة4
2013-08-08, 17:39
هههههههههههههههه و الله عندك الحق مي انا منحبش لعظام او منكلهمش
نورالدين5
2013-08-09, 23:51
و إذا ماكانش البيض يا مكانش واش الحل