الدعوة مجدّدا إلى مسيرة في الجزائر يوم 19 فيفري الجاري [الأرشيف]

tarek22

2011-02-13, 18:29

samira43

2011-02-13, 18:32

بما ان التنسيقية الغير وطنية في الساحة فان المسيرات لن تجدي و لن تجني خيرا

كفو شركم عن الشعب

best.2b

2011-02-13, 18:32

La coordination nationale pour le changement démocratique en Algérie, qui s'est réunie dimanche à Alger pour faire le bilan de la marche repriméé, vendredi à Alger, a lancé un appel à une nouvelle marche pour le 19 février prochain.
...
Elle s’est également entendue sur le principe d’une grève générale pour les prochains jours. Cette option devrait être en revanche décidée en concertation avec les différents partenaires sociaux.

La coordination, qui a jugé que son action de vendredi a été plus que positive, veut élargir ses rangs à d'autres acteurs de la société civile.

D'autre part les membres de CNCD compte mettre à profit la semaine qui commence, pour informer et sensibiliser les citoyens sur les enjeux du combat politique pour le changement démocratique en Algérie.

best.2b

2011-02-13, 18:33

بما ان التنسيقية الغير وطنية في الساحة فان المسيرات لن تجدي و لن تجني خيرا

كفو شركم عن الشعب

لالا التغيير راه فالموضوع ليراكي مدايرتو انت تاع المطالب

اه حقا راهم هدرو على الموضوع تاعك في france 24 و الجزيرة

manel de annaba

2011-02-13, 18:34

يارب مسيرة سلمة بسكو الشعب راهو على فوهة بركان

ملكة الورود

2011-02-13, 18:36

شعبنا شين إذاا نااااااااااااااض يفسد
أملا يقعدو خير
و إذا تورو ثقافتكم و حضارتكم كيما مصر و تونس ما عليش رايحين نوضو معاكم

و شكرا

samira43

2011-02-13, 18:39

لالا التغيير راه فالموضوع ليراكي مدايرتو انت تاع المطالب

اه حقا راهم هدرو على الموضوع تاعك في france 24 و الجزيرة

راك متابع الاحداث مليح :1:

المطالب للشباب الجزائري المقهور المقيم بالجزائر

و ليست للعكس

المهم رانا مكملين و ربي المستعان
اي اقتراحات للتغيير رانا نستناوها
انا مع التغيير لست كبعض الناس :19:

أمة الله17

2011-02-13, 18:47

صدق من قال: ( إذا لم تستح فافعل ماشئت)
ما كفاهش تبهديل يوم السبت .....

smartsstars

2011-02-13, 18:47

الجزائر24ـ أعلن العضو في حركة المعارضة الجزائرية، التنسيقية الوطنية للتغيير والديمقراطية، المحامي مصطفى بوشاشي الاحد لوكالة فرانس برس ان مسيرة جديدة ستنظم في الجزائر العاصمة يوم 19 شباط-فبراير.

وكانت مسيرة دعت لها التنسيقية اصطدمت السبت باجراءات امنية مشددة.

وصادفت تلك التظاهرة سقوط الرئيس المصري حسني مبارك بعد حكم استمر نحو 30 عاما.

ولم تجمع التظاهرة في العاصمة الجزائرية اكثر من بضع مئات من المتظاهرين.(اف ب).

يخي مهابل يخي مايتوبوش من مرة
المرة ليفاتت كان غير الشرطة ورحموكم شوية
المرة الجاية الشعب يخرجكم بالهراوة يا وليد فرانسا
عيب عليكم خلو الناس تعيش وبركاوكم من المشاكل الصبر راه عندو حدود
ومذابيكم تهدرو باسمكم متهدروش باسم الشعب

imene76

2011-02-13, 18:49

انشاله ربي ما يقدرهمش

imene76

2011-02-13, 18:50

راهم حابين يخربو لبلاد

مراد ابويوسف

2011-02-13, 19:00

والله ديرو الف مسيرة سواء من طرف التنسيقية الوطنية او غير الوطنية كل شىء باين والشعب حفظ الدرس
تحيا الجزائر

عُضو مُحترم

2011-02-13, 19:05

ليس وقتها الآن

best.2b

2011-02-13, 19:16

راك متابع الاحداث مليح :1:

المطالب للشباب الجزائري المقهور المقيم بالجزائر

و ليست للعكس

المهم رانا مكملين و ربي المستعان
اي اقتراحات للتغيير رانا نستناوها
انا مع التغيير لست كبعض الناس :19:

سمحيلي كوزينتك تكفيك

mounia 85

2011-02-13, 19:58

ان شاء الله يدقدقكم الشعب هاد المرة ماشي لا بوليس
ان شاء الله يخسف بيكم ربي الارض

أبوعبد الحكيم

2011-02-13, 20:00

مثل يوم السبت ولا اكثر دام فيها سعيد سعدي ما تنجح

yassar 2011

2011-02-13, 20:06

نعم للمسيرة رانا جاين يا...................................

الطالب39

2011-02-13, 20:23

شكون راح يخرج مع السعيد سعدي راهو معروف عميل من بكري ومرة مرة يشيت للدولة ومرة ضدها ماعندوش راي ثاب راهو حاب يحكم للبلاد وكان حكمها راه خربها راني سمعتو يتكلم في فرانس 24
المسيرة الحقيقية هي النابعة من الشعب فالثورة الشعوب لا تقهر معروفة وكانت تدرس في السابق وهاهو التاريخ يعيد نفسه لقد شاهدتم ثورة تونس ولقد شاهدتم ثورة مصر فحينما ينهض الشعب لا يردعه شيء

monssef2109

2011-02-13, 21:11

لابد من إحترام الرأي الأخر حتى وإن كان مخالفك تماما فالكل يرى من منظوره ويرى في نفسه الصواب فلاداعي للسب والشتم ولكن علينا أن نتفهم بعضنا .الشعب الجزائري طيب ويحب بلده ويكفيه دماء وما عشناه من رعب وخوف وعدم الثقة وانعدام الأمن الأن نحن نعرف جيدا سياسة بلدنا السيد الرئيس له دور 10% من السلطة و90% كلها للجيش فيكفينا 10% والجيش نوكل عليه ربي في الدنيا والأخرة لأته لن يسمح لأي أحد أن ينافسه ولو ضحى بالشعب كله من الحكم وهذ واقع فالأفضل أن يبقى الرئيس هذه الفترة خير لنا من أي شخص أخر وخاصة في هذه الأونة صحيح هناك فساد يراه الرئيس أمامه ولكن هو يحاول أن يكسب الشباب بمنحه القروض المصغرة وتوفير الشغل

الأخضر

2011-02-13, 21:58

كيف يمكن لسعيد سعدي أن يقود مسيرة التغيير وهو من كان ضد الشعب الجزائري بل هو متعجرف لم يحقق الديمقراطية في حزبه و حارب مقومات وهوية الأمة , لذا فالشعب الجزائري لا يمكنه أن يتبع صعلوكا مثل هذا فهو شعب واع .

tlemceniens

2011-02-13, 22:51

لا لوصاية الأحزاب التي لا تسعى إلا لمصالحها الذيقة
ماذا ننتظر من رجل يريد محاربة الإسلام في بلد الإسلام الجزائر
لا للأحزاب التي لا وجود لها إلا على الورق و مواعيد الإنتخابات

الحزين المبتسم

2011-02-13, 23:11

مادام فيه أشخاص مثل خؤلاء ومطالب تافهة فقد غسلنا أيدينا بالماء والصابون ...

مشكور الأخ ..

demag

2011-02-14, 00:03

أنا لست مع هذا النظام و أشد المعارضين لبوتفليقة و من معه
لكنني و في نفس الوقت أشد المعارضين لهذه المسيرات و الرؤوس التي تريد تجر الجزائريين للشارع
كلنا شاهد من خرج يوم 12 فيفري ..
بربكم أخبروني كيف تريد للشعب الجزائري أن يمشي في مسيرة مع شخص إسمه بلحاج .. أحد أكبر الإرهابيين الذي تسبب في تخريب اليلاد
و الغريب في الامر كان متواجد معه جنبا إلىجنب سعيد سعدي هو الذي خرج ينادي بإقاف المسار الإنتخابي في 91 ضد الفيس و القصة يعرفها كل الجزائريين

سيفاو

2011-02-14, 00:30

سبحان الله لايمكلون حتى ادنى استراتيجية للعمل .فكيف لهؤلاء ان يسيروا بنا قدما

وأقصد هنا التاريخ بالتحديد وهو يوم السبت 19 فيفري :confused:

هذ التاريخ هو عنوان فشلها وانا صرت متيقنا اكثر من اي وقت مضى بالتوجهات السياسية لهؤلاء المهرجين .

رفيق حليش 2

2011-02-14, 00:31

مصطفس بوشاشي و سعيد سعدي و بلحاج
يحوسو يخلطوها

bob2606

2011-02-14, 20:36

هل تعلمون من دعى الى المسيرة ؟
من الداعين الى المسيرة سعيد سعدي من زمرة الفرانكفونيين أذناب فرنسا و هو علماني من اشد أعداء الدين الإسلامي ومهدم مسجد غريب "أبرهة القرن 21"..عميل وخائن فضحته ويكيليكس واسألوه عن ابنائه اين هم وزيد وزيد
علي بلحاج saw بتاع الجزائر وسبب طوفان الدم في الجزائر ومن عندي ربي يجازيه ويعرف مليح باه رايح ربي يجازيه ’؟؟؟؟؟؟؟؟؟؟؟؟؟؟؟؟؟؟؟
اما الثالث ممثل حقوق الانسان هههههههههههههههههههههه والله ميت بالضحك سلوه عن حادثة الانتحار وتصرفاته التى كانت هي السبب ولا داعي ان نتعمق بالموضوع .......انا شخصيا نتسائل وين راح كي كانت الناس اتموت على يد حليفه الداعي للمسيرة ايضا وين كان كي كانت الرجال تموت في لي فو باراج وين كان كي كانت الصغار تموت بلا ذنب والى يفوت في الواجب الوطني كيف كيف أستغفر الله رايح يخرجونا من عقولنا والتاريخ مايرحمش
من قام بتغيير النظام في 88 ورؤساؤهم راهم في بيوتهم ولم يهربوا والجزائر هي البلد العربي الوحيد الذي تغير فيه الرؤساء بديمقراطية نصيحة روح منين جيتو والله كيما يقولو ماعندناش ومايخصناش ويصعب عليكم ديرو بلاصة لرواحكم بولاد الرجال و اذا بغيتو تغيروا النظام غير وا مابأنفسكم اصفاو واحنا لينا رب يفرج علينا افهموا........افهموا ...........افهمو ............يا.............. ومسيرة السبت الي فات اكبر دليل وبركات ماتشريو ش لولاد الصغار باه يمشو معاكم في مسيرات

karim999

2011-02-14, 20:53

ان المتوجسين من التغيير يخشون فقدان امتيازتهم التي يجدونها في ظل النظام العسكري ،مايهمني ان يحكم الجزائر براك اوباما المهم ان يكون مسؤولا امام الشعب ومؤساساته المنتخبة ،هات العدل وكن طرزان ،سبحان الله ترفضون التغيير وتدعون من قتل الجزائريين يمتص دمائهم بالله عليكم امن جهل منكم اوانكم طويتم الصفحة ،اما قراتم واقع سنوات الدم ،اماقراتم في اصل الازمة الجزائرية للدكتور براهيمي المجاهد،اما قراتم الحرب القذرة ،من قتل في بن طلحة ......وغيرها من الكتب المصادرة من النظام الجزائر .....ان لم ندرك تاريخنا فكيف نحقق ذواتنا...

يوسف 5

2011-02-14, 21:03

في حالة مصر وتونس الشعب هو طالب من بالتغيير لم يدعهم اي حزب او تنسيقية
في مصر جمعة الغضب الارسيدي سبت الغضب
والفاهم يفهم

المشاغب 2009

2011-02-14, 21:15

يعني مزلتو مصرين و تحوسوها تنوض كملو و راكم تشوفو الأرواح قاع اللي تموت و الله غير تكون في رقبة هذوما اللي راهم يزنو على خراب عشنا

المشاغب 2009

2011-02-14, 23:04

تحيا الجزائر و يسقط الصهيوني السعيد سعدي و ز يدلو الإرهابي علي بلحاج و كمللهم الخنزير فوضيل بومالة لعنة الله عليهم إلى يوم الدين

samira43

2011-02-15, 16:06

تحيا الجزاير
يحيا الشعب
دام الاسلام و المسلمين
نعم للاحتجاج
لا للتخريب

الجمعة المباركة و لا نقبل بغيرها

mounia 85

2011-02-15, 16:12

تحيا الجزاير
يحيا الشعب
دام الاسلام و المسلمين
نعم للاحتجاج
لا للتخريب

الجمعة المباركة و لا نقبل بغيرها

قوليلي نتي رايحة تخرجي مع الرجالة يا القادرة؟؟؟؟؟؟؟؟؟

samira43

2011-02-15, 16:44

mounia 85

2011-02-15, 19:24

القادر ربي يا ختي

لكن متى؟
و ايي خروج تقصدي؟

انا مانسكنش فالعاصمة
و ليس ضروري خروجي حاليا
لكن اذا حان الووصل الوقت لي نخرج فيه اكيد راح نخرج بكل فخر
و الاحتجاج انواع
مش بالنار و الحجر و الصراخ فقط

اقل شي لا للسكوت

ماكيش راحا تخرجي درك يسمى ماتحرضيش الناس باش يخرجوا
انا نعرف واحد راهو مع المسيرة ويجي يعرض الناس باه يخرجوا لازم يكون مشارك فيها حتى هو ماشي يدعي ليها منبعد يستنى حتى تنوض وتخلى وباش يخرج
+ ماتقوليليش مؤمنة باللي الجزايريين يعرفوا المضاهرات لي بلا حجر وبلا تكسار الا راكي تخممي هاكا عاودي حساباتك ........مافهمتش على واش تحوسوا هدا مكان؟؟
تحوسوا تنحيو بوتفليقة نقولوا راكم قادرين عليه نحيتوه ...قوليلي تعيشي قادرين تبدلوا النظام؟؟؟ ماشكيتش
سيرتو كي داخل فيها هاداك السردوك تاع سعدي

samira43

2011-02-15, 19:54

تحوسو؟ تنحو ؟

انا كلامي يمثل نفسي
انا سميرة
ماكثة بالبيت بعد ما شهدت كل ما لا يسر من انتهاك لحقوق الشعب الجزائري عيني عينك
في وقت لقعاد و بعد انتهاء الاشغال المنزلية و بعد ماطالعت لسنوات كل مواضيع الطبخ و الازياء و بعض الثقافات الاخرى
لعام هذا حبيت نخصص الجزء الاكبر من الوقت امام الكمبيوتر للنقاش و التواصل مع المجتمع و كتابة وجهة نظري في كل قضية مطروحة في الشارع
رياضية نكون رياضية اذا كانت اقتصادية نحاول نكون اقتصادية سياسية كيف كيف
اعطي وجهة نظري و اتلقى وجهات النظر للاخرين

يعني ماراني حزب و لا تنسيقية و لا و لا
جزايرية هذا مكان
و بصراحة كل مانشوف لفساد في كل مكان تغيضني لبلاد قبل لعباد لي راهم ساكتين و لحال غير يسوء
من حقي نشجع الشجعان لي يشجعو على التكلم و المطالبة باتيان كل دي حق حقه
و الوسيلة لمتوفرة عندي حاليا هي صفحات الانترنت

شكرا عللى رايك عموما
و انا ضد كل الاحزاب العقيمة و مع الشباب الغير منافقين المقههورين

amir ching

2011-02-15, 20:18

يا الأخت samira43الفتنة اشد من القتل انا جوزت الخدمة الوطنية مكافحة الإرهاب وشفت الموت واش صرا في تونس ومصر مايتقارنش مع واش صرا عندنا مالا اتقي الله وادعي ربي يرزق بزوج صالح

samira43

2011-02-15, 20:34

شكرا على النصيحة
و انا لا ادعو للفتنة
و لم اشجع يوما على الهمجية و استعمال القوة و العنف باي شكل كان لفضي او مادي

و ما يمنعش نقبل لنصيحة ان بالغت او لم تفهم وجهة نظري و احاول التصحيح

لكن ابدا لن اشجع على السكوت على المظالم
و ضحايا الازمة لي ذكرتها راني نشوفهم وين نروح و كاين في فاميلتي لي فوتو عسكر كيما نتا واحد توفي بعد معاناة و تحطيم اسرة و الثاني يعاني للان و لا احد حوس عليه
و اصدقاء اباءهم لليوم مفقودين
لكن مش هذا هو المغزى من هاذ الاحتجاجات
هي صفحة و طواها الشعب الجزائري
لكن اليوم نواجهو نتائج السكوت على الباطل من كل جهة و عدم المحاولة حتى في ايجاد خلول
لو كل واحد يتكلم و يمد رايو بلا عنف اكيد نتوصلو لحلول تنفع الجميع بعيد عن الانانية
و ربي يرزقنا بمسيري امور صالحين في كل مكان خاااااصة في المدارس

amir ching

2011-02-16, 12:31

انا مانيش اناني تخرجت سنة 2006 شاركت في العديد من المسابقات كنت نقول عمري مارايح ننجح لانه هناك معرفة ورشوةو........ ولكن مؤخرا نجحت في مسابقة عمري ماكنت نحلم بيها والله لامعرفة لا والو ولكن بتوفيق من الله وفقط اما بالنسبة للناس لي راهم متبنيين هذه المسيرات روحي شوفي تاريخهم انا ماننكرش بلي كاين ظلم وحقرةبزاف ولكن حنا رانا مساهمين فيه بصفة كبيرةلذا فأنا ارى انه على كل واحد منا ان ان يبدا الاصلاحات من نفسه ثم اسرته ثم.......والسلم نصعده بالدرجة حينها عندما نطالب سنكون نطالب من منطلق قوة وليس تهريج وعبث مثلما حصل السبت الماضي ونزيد كلمة اخيرةانو الثورة الحقيقيةهي التي قد تخرج من الشعب البسيط اما التي يؤطرها السياسيون الفاشلون فهي مجردوسيلة لتحقيق أغراضهم الدنيئة فالشعب الجزائري فقد الثقة في الطبقة السياسية منذ زمن لانه منحهم الفرصة ولم يمنحوه شيئا بل زادوامعاناته فتمنياتي بكل الخير لبلدنا الحبيبة وشعبها العظيم وتحياتي لك الاخت samira43 واشكرك على رحابة صدرك وتمتعك بحس النقاش الجاد

mldbg6

2011-02-16, 16:42

والله ديرو الف مسيرة سواء من طرف التنسيقية الوطنية او غير الوطنية كل شىء باين والشعب حفظ الدرس
تحيا الجزائر

نعم هذا هدرة الله يعطيك الصحة حفظنا الدرس وسنوات الإرهاب تكفينا أين كانوا الأشخاص الدين مختبئين وراء مطلب التغيير في الأيام عندنا كانت الدماء تسيل والرصاص يدوي عاليا والدموع تنهمر .........اين كانو؟؟؟؟؟؟؟؟سؤال بالطيع لن يقدر ولن يتجرأ لا سعدي ولا........على الإجابة عليه لأنهم...........الشعب يعلم أساليبهم القذرة ونواياهم الخبيثة الماكرة .........

mldbg6

2011-02-16, 16:51

يخي مهابل يخي مايتوبوش من مرة
المرة ليفاتت كان غير الشرطة ورحموكم شوية
المرة الجاية الشعب يخرجكم بالهراوة يا وليد فرانسا
عيب عليكم خلو الناس تعيش وبركاوكم من المشاكل الصبر راه عندو حدود
ومذابيكم تهدرو باسمكم متهدروش باسم الشعب

نعم أخي هكذا أبناء الجزائر الحقيقيين الوطنيين حبنا للجزائر والغيرة على البلاد يجعلني ضد الخلاطين و"ليشروهم بدراهم نعم كل واحد يهدر بإسمه وليس بعامة الشعب نعم الإنسان يخطأ مرة واحدة وليس دائما يجب طرد دعاة البلبلة والفتنة ونعم الإستماع لمشاكل الشباب لأنه صراحة كاين شباب محgور ومغبون......ولكن هل سعدي وجماعته راهي محgورة؟؟ شكون يحgر ؟ هل الذي يرشق الصحافة بالحجارة ويضرب الشرطيات هو المحgور؟؟