حصص الدعم لهذه العطلة

[نرجس44]

السلام عليكم اريد منكم ان تكتبوا لنا عن الدعم في هذه العطلة
هل هناك حصص برمجها الاساتذة لكم ام لا ؟؟؟؟
ماهي المواد التي تريدونها خلال العطلة ؟
ما رايكم في حصص الدعم مع العلم انها تمارين و حوليات فقط تحلونها رفقة الاستاذ

انتظر تفاعلكم مع الموضوع ؟؟؟؟؟؟؟؟؟

[هاجر1996]

احنايا تاني دارولنا حصص دعم في العطل و المواد التي ندرسها هي العلوم و الرياضيات و الانجليزية

[هاجر1996]

وبالنسبة لي اظن انها مفيدة جدا مي احنا ما يقريناش استاذنا و انما استاذ اخر يقري في مؤسستنا

[لين95]

احنا مازال ما قالوناش على اعطلة مي ممكن يكون حصص دعم

[maya-r]

حنا مناش حنديرو

[نرجس44]

نصيحتي لكم انكم تطلبوا من اساتذتكم حصص دعم اضهروا لهم اهتمامكم بموادهم فانهم اكيد سيحظرون لكم تمارين و تستفيدوا خاصة في الراياضيات العلوم الفيزياء الفرنسية .......................... لا تتركروا الوقت يمر سدا لانه لم يبقى الكثير على شهادة التعليم المتوسط و الدروس مازالت تتراكم عليكم و الشهادة مراهيش ساهلة

[dark.emily]

mercii bcp oustada
baraka laho fik ^__^

[mouna24]

حنا مادارولناش

[طالبة مساعدة]

حنا الاساتدة تاوعنا قاع ماداروناش غير تاع الفزياء هو لي يديرنا في العطل اما استادة الرياضيات ماديرش في العطل دير ساعات اضافية في الاسبوع
كيما ليوم خرجنا 1 نورمالمو نخرجو علا 12
من غير هادو تاوحد ماهويديرنا
وشكراااااااااااااا لكي استاااااااااااااااااااادة

[hanan122]

حنا الله لايربحهم مشي حابين يعملولنا دعم

[المشتاقة الى الجنة2]

المواد التي نريدها في العطلة كحصص دعم : رياضيات دروس وهذا اميد كوننا متخلفين بزاااف في البرنامج
فيزيااااء لاني نحب مادة الفيزياء ولكان نصيب الوقت نقراها غير هي
وتاني مادة العلوووووم
دون ان انسى مادة اللغة العربية
هادوا المواد لي نتمنى نديروا فيهم حصص دعم في العطلة
( الاساتذة في متوسطتنا مازالوا مبرمجولنا حتى مادة )

[لين95]

استادة انا عندى استاد الفيزيا ما يفهمناش و انا مانفهمش الدروس عندو ممكن تفهميني في الدروس الاخيرية

و شكرااااااااااااااااا

[AHLEMOSMANI]

نتاع وجهنا ماكاين ني حصص دعم ني والو

[نرجس44]

السلام عليكم تلاميذنا الاعزاء اغتنموا هذه الفرصة و المتمثلة في العطلة حتى تستدركوا ما فاتكم خلال الفترة الماضية لان الاختبار بعد العطلة باسبوع و اسالوا الاساتذة عن حصص الدعم (( لان ما تاخذونه في الدعم يساعدكم في الاختبار ))

[DALAL3]

حنا مكانش حصص دعم في العطلة اما اساتذة تاعنا قاع راهم زعفانين منا قالونا قاع هبطتو بزاف في الفترة الثانية

[لويفي عبد الحليم]

حنا دارولنا حصص دعم

[romaissa07]

حنا مانا ندروا لا في دعم ولا والو
حتي في هذي العطلة مكانش
سقسينا استاذ قلنالوا نقراو في العطلة هذي قالنا لالا متقراوش لبارح درنا اجتماع ومكان حتى استاذ راح يدير دعم

[hanna25]

أستاذ حنا رانا مدايرين من أول سنة دعم في الاجماعيات والانجليزية
وهذيك نهار جا المدير وقالنا بلي رح يديرلنا دعم في فرنسية والرياضيات يوم السبت وفي العطل
بصح كل القسم رفض لأن أساتذتنا ومع احترامي لهم رافضين الدعم بالاضافة هما ميقريوش مليح في القسم كيفاه مالا في الدعم
علاهادي رفضنا بالاضافة اوليائنوا رفضوا لان يوم السبت طريق المدرسة فارغ وخافوا يبعتونا

[جوجيتي]

wellah makan walooooooooooooooo