شباب اليوم [الأرشيف] - منتديات الجلفة لكل الجزائريين و العرب

سلسبيل2492

2011-02-03, 23:40

عرب الوقت ما يعرفوا غير التدبير***وحلان الفم تاع الصغير والكبير

وحـــــرزة الطـــــــالع والهـــابـــط*** والمجنون يردوه خابط

كــــثر القــيــــل والـــقــــــــــــــال** * وكلشي عندهم نورمال

واحد داير شعرو كي القنفود*** و لوخر حالتو ماكلها الدود

هذا من كثرةles parfaims فايح*** وهذاك ماشي وسروالو طايح

يحساب في روحو رابح*** ويقلك تبعت لامودا راني فارح

ضيع عمروا في الأنترنت*** وفي القهاوي والمسلسلات

المهم يلبس الباهي*** وعلى قرايتو راهو لاهي

ماعلابالوش بوالديه*** والهوى الي يجي يديه

الي يضحكلو يولي حبيب*** ويديرو صاحب ومنو قريب

وهذي المصيبة الكبيرة*** الي خلات الوالدين في حيرة

نهار يعرضو لدارو*** ومبعد يمدلو قارو

وهكا من حاجة لحاجة*** والي سرق ابرة يقدر يسرق دجاجة

وضاع الشاب في السرقة**** وحياتو ولت كلها قلقة

وكره الديون تاع العباد*** وحب يهرب من البلاد

قالولو غير الحرقة*** الي تهنيك من القلقة

وسجا روحو المسكين*** ونسى رب العالمين

وراح لبلاد الغربة*** وندم على هذي الهربة

فقد حنانة الجزاير*** وكان عبرة لكل شاب حاير

الي يحب التقدم*** ما عليه غير يتعلم

والي يحوس على الإفادة*** وأسرار السعادة

يتمسك بقرايتو والدين*** ورضا الوالدين

يجني كنز ثمين*** ويكون أسعد السعدين