التوظيف في بلادنا

[aissamchemora]

بس الله الرحمان الرحيم
السلام وعليكم ورحمة الله وبركاته
اما بعد:
إخواني وإخوتي الطلبة والشباب العاطل عن العمل
اتقدم اليكم بموضوعي هذا :
ها ونحن نرى انه في بلادنا ماكانش التوظيف و كل المتخرجين من الجامعات و المعاهد الوطنية يعانون من التهميش وعدم التوظيف ...إلخ
نعم عندنا مناصب كبيرة في بلادنا لكن .......................؟؟؟؟؟؟؟؟؟؟
يقومون بإعلان عن توظيف ومن ثم يشترطون الخبرة
والله هذا الشيء لم أفهمه
ويقولون الخبرة ضرورية
والله غير ألي راهم يحكموا في هذه المناصب لايسعى منهم واحد خبرة " حاشى البعض"
وزيد ايديروا إعلان عن توظيف كد ماس انكد ومن بعد يقولون منصب واحد
يا جماعة راهو باين المنصب لمن
صح الشيء الذي راهوا صاري في تونس أو في مصر يعيا يصرى اكثر منو في بلادنا
صح رانا نضحكوا على أنضمة الدول العربية ونسينا ارواحنا
انا في بالي ماكانش شعب وبالاخص الشباب راهوا ايعاني قد الشباب الجزائري
والله انا كرهت من هذه المعيشة
ديما في السيبار انحوس على الخدمة و المسابقات في المنتديات وغيرها وانتيليشارجي في ليجورنال وانحوس على ليسيت انتاع التوظيف ومن بعد والو والله نغلب كي نلقى الخبرة
خاصة في المسابقة الخاصة ببنك الجزائر الخارجي 100 منصب و الخبرة ضرورية
امالا انا اقول لهم الخبرة راها ليكم
في الاخير اقول
تحيا الميزيرية تحيا منتدى الجلفة تحيا أنا والشباب العاطل الضايع
وشكرا

[smisma87]

والمشكلة انو الحل ماكانش.....

[جويزة]

ما تفقدوش الامل خاوتي وديرو ربي في بالكم راهو هو الي خلقنا وماهوش رايح يضيعنا سبحانه
الحمد لله على كل حال والصبر ثم الصبر ثم الصبر

[kimo43]

الحل راهو في يدينا احنا ، لأنو إذا كان المسؤولين لي راهم يحكمو في البلاد المخير فيهم ما عندوش الباك وفي حالات كثيرة أمي مايقراش وما قدرناش عليهم ، اذن احنا تاني أميين ومانستاهلوش نحكمو مناصب مسؤولية ، هاذي في الجزائر فما بالكم لو كنا في دولة اوروبية مثلا لي جميع المسؤولين فيها قاريين ومعاودين مالا ما تطيرناش حتى للقيامة معاهم هههه

[أبوعبد الرحمن39]

عليكم اخوتي بالصبر والثقة بالله وانا مكثت سبع سنين ثم جاء الفرج وتحصلت على وظيفة سنة 2010والحمد لله

[sami3831]

الصبر ...الصبر ....الصبر ..............رايح يدخلنا للقبر .................