كيف يتم الوصول الى

[هدى20]

السلام عليكم
ارجوا المساعدة فكيف يتم الوصول من خروبة الى كلية الإقتصاد و التجارة و علوم التسير ببومرداس وماهو اقرب فندق للجامعة
تقبلوا تحياتي

[zakarios]

اذا كان رحت في القطار تهبط في لاقار من تم كي تخرج أحكم الهبطة ديييييراكت 10 دقائق او 15 د توصل

اذا كان وصلت لبومرداس في الحافلة بعني تهبط في لاجونس سقسي على الكار لي يوصلك جيهت لاجونس 05دق 10 دج توصل وين البرارك يهبطك من راهي قريبة غير تكوبي الطريق يبانولك الجلمعات تشوف الغاشي لي راخ يعقب

بخصوص الفنادق راهي غالييييييييييييييية بزاف في بومرداس توصل ختى 3000 دج ليلة و ماكاش بلاصة هدي بالتجربة

يعني من الأخست تهبط الى بودواو حوالي 15 دق في الحافلة تركب من لاجونس تع الحافلات تلقى بزاف الفنادق و بسعر معقول يصل حتى 1000 دج الادنى

[zakarios]

إذا غابتلك سقسي على i n h ينعتوهالك لتم تلقاها

[رشدي7]

بخصوص الفنادق يوجد العديد منها ..منها الباهض ...ومنها تاع قيس قيس http://www.djelfa.info/vb/images/icons/b2.gif

[mohamed rezak]

السلام عليكم هدى .
فيما يخص استفسارك فالاجابة كمايلي
يمكنك ان تاتي من خروبة الى بومرداس بوسيلتين :
1/ في الحافلة مباشرة من خروبة و تجدين الحافلة خارج المحطة الكبيرة لخروبة اين تجدين الحافلات المتجهة الى بومرداس في الطريق و هي متوفرة و ستنزلين في محطة الحافلات بومرداس و كلية العلوم الاقتصادية غير بعيدة ( 10 دقائق مشيا) .
2/ في القطار حيث ستجدين في نفس المكان اي محطة الحافلات ستجدين عدة حافلات تاخذك الى محطة القطار لخروبة ( 3 دقائق) و من ثم تركبين القطار الى بومرداس و القطار متوفر كل 30 دقيقة و عند وصولك الى محطة القطار ستكونين قريبة من كلية العلوم الاقتصادية ( 8 دقائق مشيا ) .
ارى انه من الافضل لك ان تتنقلي بالقطار لان اصحاب الحافلات مت خروبة الى بومرداس لهم اكثر من 10 محطات زائد الازدحام .
و لما تصلي الى بومرداس اسئلي عن inh فهي المعروفة هناك لان كلية العلوم الاقتصادية لبومرداس مع inh هما في نفس المكان .
Inh هي كلية المحروقات .
رجو ان كنت قد افدتك . بالتوفيق

[هدى20]

شكرا لكم فيما يخص الوصول الى الكلية فقد اخذت فكرة
مشكورين جميعا