......راي

[fatoum22]

السلام عليكم...
اخواني حبيت نحث الشباب على تفجير عقولهم بدلا من تفجير الثورة....
لازم نثقفوا رواحنا ونراجعوا ونحضروا مليح قبل ما نجوزوا المسابقات..
مشي نروحوا سياح ونحبوا ننجحوا...
واحد يتنقل من ولاية الى ولاية وهو مايعرفش مامعنى تبييض الاموال وزعما قاري اقتصاد؟؟؟
نروحوا نحسنوا مستوانا في اللغات ماشي نحسنوا قدراتنا في الكوبياج...
وزيد كاين حوايج بزاف لازم نصلحوهم في رواحنا قبل ان نتجه الى الحكم ..
يعني نبدأ بقاعدة الهرم لي هي الساس .....
وزيد كل واحد يسال روحو هل راهوا يمد في حق ربي؟.. يعني يصلي في الوقت و يذكر ربي..
فاذا ذكرنا الله ذكرنا ...هذا ما جاء في القرآن الكريم قال تعالى :"اذكروني اذكركم"
اخواني طلعوا في المستوى وتجنبوا الفتنة فالفتنة اشد من القتل... كما قال نبينا الكريم...
سـلام.....

[ديما]

عندك حق يا أختي...

[مقهور ومحكور]

رأي مقبول ونحترمه رغما عنا لكن هل يعقل من تخرج من الجامعة لاتوجد عنده معلومة يحصل عل الاقل على 10/20 اذا العيب ليس في الممتحن العيب فى المنظومة التعليمية
ونزيدك حاجة ربي يغفر برك فوت انا و واحد صاحبي ورقة كيما اختها يعني فوطوا كوبي هو نجح وجاب 14.85/20 وان ماجبتش حتى 10/20
فأين هو العدل باباه مدير والفاهم يفهم

[fatoum22]

رأي مقبول ونحترمه رغما عنا لكن هل يعقل من تخرج من الجامعة لاتوجد عنده معلومة يحصل عل الاقل على 10/20 اذا العيب ليس في الممتحن العيب فى المنظومة التعليمية
ونزيدك حاجة ربي يغفر برك فوت انا و واحد صاحبي ورقة كيما اختها يعني فوطوا كوبي هو نجح وجاب 14.85/20 وان ماجبتش حتى 10/20
فأين هو العدل باباه مدير والفاهم يفهم
اخي انا نقولك لاه مانجحتش..
على خاطر ربي يشتيك محبكش تعيش في لحرام وتوكل ولادك خبز حرام....
انا قررت مادام عندي الوقت نثقف روحي كثر و كثر ونحسن مستواي وندعي ربي باه يعاوني...وانا متاكدة بلي يستجيب ليا و لكل من يدعوه بصدق .... ضيعت وقات من حياتي وندمت عليهم...
حبيت تتبع طريقتي اهلا وسهلا و لكان عندك طريقة اخرى افيدني افادك الله
سلام:19:

[redguitare]

بارك الله فيك على الكلام الرائع و المنطقي، كيف يجازى الشخص بدون ان يتعب ويكد.

[البازي الأشهب]

رأي مقبول ونحترمه رغما عنا لكن هل يعقل من تخرج من الجامعة لاتوجد عنده معلومة يحصل عل الاقل على 10/20 اذا العيب ليس في الممتحن العيب فى المنظومة التعليمية
ونزيدك حاجة ربي يغفر برك فوت انا و واحد صاحبي ورقة كيما اختها يعني فوطوا كوبي هو نجح وجاب 14.85/20 وان ماجبتش حتى 10/20
فأين هو العدل باباه مدير والفاهم يفهم
ماتعرفش تكوبي .
الظاهر هو اللي مدلك .
لقد قلت لكم أن الشباب هلس نتاع جال وتحواس يبغيها باردة .
الصباح يفليكسي عشرة يديرهاقراتوي ويظل نهار كامل يدور ويديسكيتي.
ومنبعد يقلك انا مانجحتش في الكونكور راهم صابوطاوني..

[fatoum22]

بارك الله فيك على الكلام الرائع و المنطقي، كيف يجازى الشخص بدون ان يتعب ويكد.
وفيك بركة اخي الكريم..
و انت عبرت عن رايي بجملة واحدة... :d
سـلام

[mout]

بارك الله فيك
bien dit mais allah ghaab mazal kayene des gens ma rahom fehmine wallou.....il faut tjrs réfléchir avant d agir il ne faut pas qu'on soit comme notre gouvernement qui n'agit jamais et qu'il se conntente seulement de réagir...il faut aussi arreter de faire la politique psk meme les politiciens ne savent jamais ce que pense leurs collègues la politique wa3ra vous n'arriverais jamais a la comprendre il y a tjrs des butes qu'on peut pas les connaitre surtout si on est pas des politiciens il faut travailler et augmenter notre niveau de culture au lieux de parler dans l'air et perdre du temps psk en fin de compte si t es fort on va venir te chercher il faut simplement attiré l'intention et faire savoir que le jeune algérien est compétant et cela ce fait avec des effort pas avec la langue...