المساعد الشخصي الرقمي

مشاهدة النسخة كاملة : منحة 2500 دينار للبطالين

aonallah
2011-02-02, 10:28
أريد الإستفسار عنها؟ما الجديد في هدا الشأن؟
أم خلاص سكتوكم؟؟
qasseml2003
2011-02-02, 10:34
أريد الإستفسار عنها؟ما الجديد في هدا الشأن؟
أم خلاص سكتوكم؟؟

ما تعولش أخي
aonallah
2011-02-02, 10:38
je m'en doute
رامي بوبي
2011-02-02, 10:45
هههههههههه
10 paquets de Marlboro
انس جنان
2011-02-02, 10:49
رانا نستناو:confused::confused::confused:
redguitare
2011-02-02, 11:33
يا جماعة راهم غير يهفوا فينا.
beybey
2011-02-02, 12:12
احنا سمونا عايشين بالهف و هما حكم نقاط ضعفنا وانا اتمني من كل قلبي الله يكملهم هدرتهم و سمعلهم في ديك الدقيقة لانه هذا الشيء يهمنا
hicheme83
2011-02-02, 12:34
لاحول ولا قوة الاباالله
والله ماعرفت نظحك على 2500 ولا نبكي على الحالة لوصلنا ليها هذاراه نوع مالاستفزاز بنا نحن الشباب وخاصة نحن الجامعين الباطلين.
برميل البترول تجاوز 100دولار واحتياطي 150مليار دولار من اموال الشعب.وانت ايها الشاب 2500دج حقك.......
ربي وكيلهم هذو لراهم يتلاعبو بنا.
aonallah
2011-02-02, 13:35
لاحول ولا قوة الاباالله
والله ماعرفت نظحك على 2500 ولا نبكي على الحالة لوصلنا ليها هذاراه نوع مالاستفزاز بنا نحن الشباب وخاصة نحن الجامعين الباطلين.
برميل البترول تجاوز 100دولار واحتياطي 150مليار دولار من اموال الشعب.وانت ايها الشاب 2500دج حقك.......
ربي وكيلهم هذو لراهم يتلاعبو بنا.
هاذي لوجيك.راك باغي يعطيك 10000 دج بلا ما تخدم؟الا كيما هاك الشبيبة قاع تبقى en chomage وحتى واحد ما يبغي يخدم
Badre88
2011-02-02, 13:58
آخر نكتة 2011
zahia-30
2011-02-02, 14:36
ما قلناش أعطونا دراهم بلا عمل يعطونا مناصب العمل و اجرنا عنه لا غير ما لقينا كيفاه نديروا نفاوتوا لكونكور نتعبوا و نشقاو و القوائم تكون وجده من قبل حتى لا يتم الإعلان عنها يكفينا ............................................يكفينا .
فؤاد28
2011-02-02, 17:39
يا جماعة الخدمة ماكانش والشوماج داير طريق واحد يقلو اعطونا 10000 دج ولاخر يقلو ما تخدموش واحد ما علاباليش واش يقول يا اخوانا نوضو من الاحلام والاوهام نتاوعكم قالولكم ديبلوماتكم شمخوهم واشربو ماهم ومن وراها بصحتكم
noreddine19881
2011-02-02, 17:45
يا جماعة محناش محتاجين في صدقة رانا بغينا نخدموا .يدونا للصحرا ولا للبحر المهم نخدموا .
يا من تفتَّح كالربيع لناظري فلمحتُ فيه شقائقاً وبهارا
والفُلَّ يشرقُ بالضياءِ وبالشَّذا والنرجسَ النعسان والنُّوَّارا
والوردَ مخموراً يتمتم : ويحكم هيا اغنموا مُتع الحياةِ قصارا
متباين الألوانِ ألَّفَ بينها ذوق يبلبلُ سرُّه الأفكارا
تلك المفاتنُ ينتهين لغايةٍ ولقد يريبك أنها تتبارى
أمثولةُ الحسنِ البديعِ مرامُها تطوى لها المضمارَ فالمضمارا
فكأنَّها أحزابُ شعبٍ راشدٍ كلٌّ يجمِّع حوله الأنصارا
يتنافسون، وإنَّما مرماهم تحقيق آمال البلادِ كبارا
ما للجمالِ وللسياسة؟ إنَّه أهدى إلى قصد السبيلِ منارا
هو عالم ننساب في أطيافه ونعانق الأنداء والأنوارا
من ضلَّ في ساحاته كمن اهتدى وكمن صحا من لا يفيق خُمارا
samsoon city16
2011-02-02, 17:50
أنا تان سمعت بيها كي سقسيت في lanem تاع شامانوف ضحكو عليا
لكن نقولكم حاجة هي كاين منها و يمدوها غير لصحاب المعارف و ماشي مصرحين بيها.. كي نسقسو يقولك لالا
بنت خالتي صحاب حماس كانت تديها 8000 للشهر عام كامل في سنة 2004..2005 ..شرات بارور بيها هههههه....
best.2b
2011-02-02, 18:29
أحنا سكتونا ...أهدر أنت
hicheme83
2011-02-02, 19:27
هاذي لوجيك.راك باغي يعطيك 10000 دج بلا ما تخدم؟الا كيما هاك الشبيبة قاع تبقى en chomage وحتى واحد ما يبغي يخدم

يأخي الله يهديك أشكون قالك مناش بغيين نخدمو.انا في راي نخدم ونشقا ونال خير من 2500 دج خطراه هذي غير راهي سياسة من سياسات ترقيع.يعطوني وظيفة دائمة وراتب شهري مناسب خير من راني قاعد وندي 2500دج .:mh92:
جويزة
2011-02-02, 19:43
هـــــــــذه تليق في كذبت او سمكة افريل ، قاع الغاشي يضحكوا..........................المنحة الي كنا نديوها في الجامعة خير منها:19::19::19::19::19::o:o:o:o:o:o:o:o:o:o:o
جمال 1974
2011-02-06, 14:13
االله يخلف
manso.83
2011-02-06, 15:36
الله غني ربي وكيلهم
هندة السوفية
2011-02-06, 16:09
على الاقل انجهز عمري
ياولدي كاش ماينسلوا صح اما يعطوك هذي مستحيل
vontoum
2011-02-06, 16:30
لوكان نفرسوهالهم كل شهر ويخطونا مش خير
kimou126
2011-02-06, 21:39
rabi yahdikoum . bwech dir b 2500 da ?
yaw bghina khadma machi sada9a
sousouprof
2011-02-07, 12:10
ya khawti wahed alli masabch elkhadma w malkech biha win wakbel yalokan ya3toulou 1000da fi chaher khir men walou ahna natmanaw nalkaw khadma besah wech ydir elmayet fi yad ghassalou
brotherhood
2011-02-07, 12:24
ya khawti wahed alli masabch elkhadma w malkech biha win wakbel yalokan ya3toulou 1000da fi chaher khir men walou ahna natmanaw nalkaw khadma besah wech ydir elmayet fi yad ghassalou

هذا استهزاء بالجامعيين ووو

ربي يهديك يا استادة المسقبل يا جارة يا ...ربي يهديك انت و اللي زيك

2500 دج ماتكفيكش حتى حق الادوات الخاصة بالنساء :d
scor0500
2011-02-07, 15:24
ايها الشباب الجزائري
اننا بعن الله وبعةنكم انني ادعوكم للانظمام الى صفحاتنا الرامية لاغاء او التقليص من الخدمة العسكرية والتي اصبحت اكبر عائق للتشغيل بالنسبة للذكور وحتى ميادين اخرى وعلى هذا الاساس اقدم اليكم هذا الرابط والانظمام الى حملتنا وشكرا
http://************************/hmlt-almtalbt-lagha-aw-tqlys-alkhdmt-alwtnyt......-fy-aljzayr/173868232645415?v=wall&ref=ts