الغش في الباك

[فاروق]

من منكم لم يشاهدظاهرة الغش في الباك

[فاروق]

اين هي الردود؟"

[taha2006]

ظاهرة الغش هذا العام حطمت الرقم القياسي، ووجب على المهتمين وضعهافي كتاب غينس للأرقام القياسية

[فاروق]

نعم بالفعل حققت ارقاما قياسية

[messaad]

صحيح ظاهرة الكوبياج حطمت الرقم القياسى لكن عندنا بمدينة مسعــد ولاية الجلفة كانت هناك ثانوية حاشي

عبدالرحمان وثانوية مصطفى بن بولعيد ومتقنة مسعــد . مزييييييييرة . وليس هناك اي فرصة للكوبياج .

وأنا شخصيا إمتحنت في متقنة مسعــد وربي يستر . وأنا أشهد أن المتقنة التي رئيس مركزها شخوم أحمد

كانت من أكثر المؤسسات التي لم تعرف عملية الكوبياج . ( مزيرة فوق اللازم ).

[عنتر]

المصيبة الكبرى أصبح الغش حقا يطالب به الطالب ويدافع عنه بمختلف التبريرات ،كما أصبح الأولياء يدافعون عن هذا الحق المزعوم ويعينون أبناءهم عليه ولا تخلوا مؤسسة في الجزائر من هذه الظاهرة والدليل تغطية الصحف الوطنية لهذه الظاهرة .

[شمس مشرقة]

كلنا شاهدنا هذه الظاهرة أنا وحدة منهم شاهدة كل شيء بأم عيني و لم أسمع فقط

[che-love]

السلام عليكم, أنت تبالغ يا عنتر .

[ليلى الجزائرية1]

ياك يقولوا ناس زمان عيش تشوف
من قبل كانوا الطلبة هوما اللي يكوبيو مي في الزمان صاروا الاساتدة هوما الي يشجعوا في التلاميد باش يكوبيو ويعاونوا بعضاهم
انا بصراحة في اختبار الانجليزية جا لعندي واحد الاستاد وسقساني على الجدول نتاع الافعال و الصفات ادا كنت متاكدة من اجابتي وكي قلتلوا ايه قالي عانوني زميلك اللي وراك راه حاصل مسكين
ونتركلكم التعليق.

[شمس مشرقة]

أختي ليلى صار معايا نفس الشيء لكن في الرياضيات ( في التمرين الثالث )

[أحلام]

من نقل انتقل ومن اعتمد على نفسه بقي في قسمه هههههههههههههههههههههههه

[karima07]

رانا كامل شفنا الكوبياج في الباك لكن ربي يستر في التصحيح راني خايفة يعطوه لجماعة الكوبياج ويخلوا اللي يقراو.

[bhfplanet]

احي الكوبياج ولا بالتليفونات "كيت مان و بلوتوث" و لا sms بكل الوسائل المتاحة...
بصح لي ينجح بالغش عمرو لا يربح و لي كتبها ربي مرحبا بها، ماتخافيش يا الاخت كريمة لي شافلك ربي فيها الخير راه يجيك....

[ليلى الجزائرية1]

ايه نسيت نحكيلكم على اطرف موقف صرا في القسم اللي فوت فيه الباك
نهار الثلاثاء في العشية يا خي حنا العلميين كان عندنا اختبار في الفلسفة والمعامل نتاع الفلسفة عندنا 2 واحد صاحبنا تقلق من السوجي علابالبو راه صعيب واش دار؟ خرج بورطابل من جيبوا قدام الغاشي قاع- ثلاث اساتدة و19 تلميد وقال انا نتكلم مع واحد من الجماعة اللي يهدروا بزاف يقوولولي واش رايهم في الاصالة والمعاصرة وانا نكتب واش يقولي لعلمكم كان يهدر بصوت مرفوع جدا جدا وربي صتروا مجرد ما كمل المكالمة دخل رئيس المركز .
هدي الفلسفة والناس يخمموا باش ينقلوا فيها اما الفيزياء والعلوم والرياضيات واش نقولو عليهم.
ربي يستر وخلاص.

[adnane zinlabidine]

يا اخواني اذا أردنا أن نحارب الغش علسنا بمحاربته في جميع الميادين
وبما أنه حرام يجب ان نحارب أيضا الأشياء الأخرى الحرام والي هي مسموح ومصرح بها عندنا كالكباريهات وافوائد .....وهلم جر

[زهرة القدس]

بصراحة أنا حتى الآن لمأخض في امتحانات البكالوريا لكني سمعت بأعمال غش رهيبة

[ريما الجزائرية]

من يومين سمعت بلي في خنشلة في مركز تصحيح الباكالوريا

لقاو قداش ورقة تشبه لبعضها نسخة طبق الأصل والاجابات هي نفسها الاجابة النموذجية

<<<<<<<<حسب رايكم وش معناها هاذى؟؟

**ريــــــــــمــــــــا الـــــــجــــــــزائـــــــــريـــــــــة**

[BEST ALGERIA]

في الوقت اللي رانا فيه الغش أصبح ضروري حيث أصبح الكل يعتمد على مبدأ من

نقل انتقل ومن اعتمد على نفسه بقي في قسمه ... وأنا اليوم نحكيلكم حادثة صرات



حذف بقية الموضوع من طرف الإدارة
يمنع التفاخر و الجهر بالمعصية - "مـن غشنـا فليـس منـا" صحيح مسلم.

[شذى القرآن]

يا اخي الله يهديكم
سمحلي خاطاش واش راكم ديروا فيه هبلة
خمم مليح
please change ta signature ce qu concerne l ISLAM

[BEST ALGERIA]

يرحم والديك حبيت نفهم برك وين راهي الحاجة اللي راني دايرها ضد الإسلام ؟؟؟؟ أنا ما فهمت والوا ؟؟؟؟

[شذى القرآن]

يا اخي الغش حرام والجهر بالمعصية الله يستر

[BEST ALGERIA]

ولكن أنت في الأول قلت لي :
please change ta signature ce qu concerne l ISLAM

و الآن دورتي الموضوع عندما رأيت ردي حذف من طرف الإدارة وقلت لي :
يا اخي الغش حرام والجهر بالمعصية الله يستر

استخلصت أولا : أنك ما تمشيش قبالا والريح اللي يجي يديك
ثانيا : أختي أنا عندي الغش في التجارة وغيرها
ثالثا : نعرف ديني مليح والغلطة اللي نديرها يحاسبني ربي وحدي عليها وأنت ما تتحاسبيش معايا .

رابعا : مازلت أصر على أن أعرف وين راهي الحاجة اللي راني دايرها ضد الإسلام ؟؟؟؟


أرجو الرد ...

[شذى القرآن]

mon frere la signature qui concerne l islam
islam is peace.........
وانت بهذه الطريقة لا تمثل الاسلام وانت تبرا العش وانه وسيلة للنجاح
في الوقت اللي رانا فيه الغش أصبح ضروري حيث أصبح الكل يعتمد على مبدأ من

نقل انتقل ومن اعتمد على نفسه بقي في قسمه ...
يا اخي رانا مسلمين والدين نصيحة
والغش غش مهما كان هو القيام بالشئ خلسة
بلاك سمحلي على الطريقة لنتحدث بها لكني غضبت على الطريقة لغشيت بها
ةنطلب منك اذا غلطت معاك قولي
سمحلي

أرجو الرد ...

[BEST ALGERIA]

رانا كثرنا بزاف الهدرة وأنا لست من الناس الذين يكثرون الكلام ... وهذه إن شاء الله آخر مرة نزيد نشارك في موضوع أي عضو يا أختي نحط المواضيع التاعي وأرد عليها بزاف عليا .... أنا شاركت معاكم في الموضوع وليت أنا ماشي مليح .... واحد يكتبلي يمنع التفاخر والجهر بالمعصية وواحد يقول لي راك ضد الإسلام نقول لك حاجة اختي أمينة ماعليش أنا ماشي مليح أنتم برك الملاح ca va هكذا يعجبكم الحال والله غير ندمت على اللي شاركت معاكم ...

[شذى القرآن]

khsara 3lik hata ana machi haka ma personalite tout a fait le contraire
j ai demande les exuses et je pense que tu etait spontane mais n oublie pas il y a des gens qui vont lire ca et ils vont l appliquer
c est pour ca il faut etre prudent
et moi ca me fait plaisir si je fais des fautes et les gens me donnent des conseils afin de les corrigees
سامحني و نحلفك بربي لا تكمل او تناقش او تهدر و جل من لا يخطئ
yours amina

[علال محمد]

من غشنا فليس منا

[نخلة]

صح بلي الغش كان فوق اللازم بصح مدام كل الناس تغش و بزيادة اللي يغش يربح ملا علاه والو

[salim_s3ad]

الله يحفظ و يستر

[سمورة]

لا حول ولا قوة الا بالله لقد اصبخت ظاهرة عادية في الجزائر

[مهيريس محمد]

[size=5] بسم اللله لرحمن الرحيم
انا كان لي تدخل في هدا الموضوع الخطير ودعمت فكرة الاخت سممممممورة:19:التي نوهت الى خطورة الغش في الباك وخصوصا هذه السنة [/size

[bma_dz]

السلام عليكم و رحمة الله تعالى و بركاته

أولا أشكركم على هذا الموضوع....
ثانيا AMINAPHARMA زودتها بزاف..... مالازمناش نهربو من الواقع.... الكوبياج راه صح و مليح كي يكتب بعض الحكايات الخاصة بالغش

ثالثا: أخي THE BEST زعمة انت THE BEST، Mais ثم ثم غضبت و تنرفزت....
رابعا: الغش..... الامر اللي خلى الغش يشعل في الامتحانات (كي النار في التبن) هو قرار وزير التربية و التعليم "أبو بكر بن بوزيد" باه يعاقب كل مدير ما تكونش عندو نسبة كبيرة من النجاح..... هذي هي المشكلة

يعني و بكل اختصار
.... الشجرة ماتت و انتم اتداووها بالزبير....

[lalla]

نايا لولة شفتها

[satmouni39]

(( ما يلفظ من قول إلا لديه رقيب عتيد

[azzame]

هـــــــذا العـــــــــام اللـــــي يجيــــــيب البـــــــاك يجيبــــــوا على حــــــــــق واللي جابو الباك العام اللي فات بالكوبياج جابفرقو عليهم ففففففففففففرقو عليهم في الجامعة 0.2007 معدلات

[azzame]

اللي جابوا الباك العام اللي اللي فات خرجوا قع حابسين الا البعض اللي ماكوباوش

[زينب بن عمر]

انا متطفلة لست في الباك انا في bem بالحق الغش ما كاين كل واحد حاير في راسو

[الحمامة البيضاء]

أختي زينب أنا القسم لي طحت فيه كان كل واحد هدر كيما حب و غش كيما يحب ،و أنا رأيت العديد من الشبان كانو يتكلمون عادي ، أما الأسادة فواحد منهم كان يقرأ الجريدة و أستادة كان هاتفها بين يديها معظم الوقت و الأخرى جالسة شاردة الذهن لا علاقة لها بالحراسة أبدا...و أما الراقب الذي كان عليه أن يمر على الأقسام لم أره أبدا

[أسير الحروف]

في الحقيقة أقبلت على إمتحان البكالوريا السنة ، ولكني لم أغش مطلقا و ذلك تطبيقا لما قاله الرسول صلى الله عليه و سلم ;"من غشنا فليس منا".