يا بوزيد ليسانس اقتصاد أحق بمسابقة الاساتذة [الأرشيف] - منتديات الجلفة لكل الجزائريين و العرب

مشاهدة النسخة كاملة : يا بوزيد ليسانس اقتصاد أحق بمسابقة الاساتذة

nouryakin

2011-01-29, 16:19

اخواني أصحاب شهادات في الاقتصاد و كذا التسيير .........ستجرى مسابقة الأساتذة في أفريل المقبل ...........
و أصحاب هذه شهادات ممنوعين من اجتياز هذه المسابقة .............لماذا.........ألم ندرس الرياضيات ...الم ندرس الاحصاء طيلة ثلاث سنوات ..........الم ندرس المحاسبة..............أنتم أولى من علم النفس و علم الاجتماع ........ارفعو لافتات الغضب و الرفض أمام مديريات التربية لطلب بدخول المسابقة قبل فوات الأوان.............لا نقبل مسابقات متصرف............. الألفين مشترك لأجل منصبين واحد يروح رشوة و الثاني يروح معرفة و الباقي يخسر مصاريف التنقل و الايواء و الطعام ...........التموزير
كيف يا عجابة ...........تخصص الحقوق آلاف و الاقتصاد آلاف و التسيير آلاف و تجمعهم مسابقات ان كثرت عدد المناصب وصلت الى 15 منصب ..........هذا منكر .........

نريد اعادة النظر في سياسة التشغيل في أسرع وقت .

rima84dz

2011-01-29, 17:40

و الله الذي يحدث لنا ظلم أنا لدي ليسانس علوم اقتصادية لملذا ممنوع علينا المشاركة مع أننا الاحق من كثير من الشعب الأخرى

samira43

2011-01-29, 17:48

ماتخرجوش عليهم

زيد يابوزيد

بوزيد غير يزيد فالمشكل

حبيتوه يحل مشكل

خلي يغق و يغرق الشعب معاه

ربي يفرج عليكم مع الشركات الاقتصادية للاسف المنعدمة في بلادنا

بعد كل هته الشعب يطلون في شاشة اليتيمة في كل البرامج و الخبار
و الاذاعة و الشوارع

ليقولو اعملو الزراعة
و اعملو مشاريع خاصة

asma_83

2011-01-29, 17:53

واش نقولو حناجماعة l'informatique؟

roooki

2011-01-29, 18:04

حسبي الله ونعم الوكيل

دارين14

2011-01-29, 18:23

حسبي الله ونعم الوكيل هذا غير مانقولوا على بوزيد وجماعته

**همسة حنين**

2011-01-29, 18:35

ربي يستر و يجيب لي فيه الخير

ممنونعين من مناصب التعليم الابتدائي هذا أكبر ظلم........حتى مناصب الثانوي و خلاوها غير للماستر و الماجيستير و حنا منعرف وين نروحو؟؟؟؟؟

حسبنا الله و نعم الوكيل

brotherhood

2011-01-29, 18:43

samira43

2011-01-29, 19:41

قالولكم ديرو الزراعة

شكون قالكم تقراو حوايج مايستعملوهمش

ختي صاحبة جماعة الاعلام الالي

اني معاك

خدمت عام بهذوك العقود
في مكان تقدري تقولي اخر مكان توقعت انهم مايستعملوش فيه الاعلام الالي

كل شي يدوي

مزالت الادارات و المؤسسات الجزايرية تعيش في ماقبل العولمة

يتطورو في حاجة وحدة هي اللصوصية

امدير لي يجي ينهب و يهرب

condor5000

2011-01-29, 19:58

**همسة حنين**

2011-01-30, 18:19

انتن البنات تزوجوا و حنا الدكور نطلعوا الجبل ؟؟؟

سلام

كيف الحال أخي ان شاء الله بخير هاذي غيبةظ؟؟؟:1:

بصح علابالك والله ضحكتني بواش قلت

أحنا نتزوجو وانتوما تطلعو للجبل؟؟؟

كي تطلعو انتوما للجبل بمن رايحين نتزوجوا؟؟؟:1:

وقيلة بالشيوخة؟؟

ربي يحفظك خو

دمت في أمان الله

ناقم على الوضع

2011-01-30, 19:26

والله عندك الحق انا متخرج ليسانس علوم تجارية منذ 6 سنوات وراني مريح وماذا عساي اقول الا حسبيا الله ونعم الوكيل في بن بوزيد وامثاله.

redguitare

2011-01-30, 19:57

يا ولدي والله تحير كيفاش راهم يخموا هاذوا لي راهم الفوق.

amiraek

2011-01-30, 21:50

:mad: راهم باغيينا نندمو على قرايتناا

كريم المهدي امين

2011-01-30, 22:02

يا خاوتي عنكم الحق تتكلموا اي شيئ بصح ما تهدروش كلام لسنا بحاجة اليه ، لانه راخ يخسر و ما يسقم والوا
عندنا الحق باش نتكلموا عن حقوقنا و لكن ما نخرجوش عن النطاق و الحدود
انا ثاني عندي ليسانس علوم تسيير منذ 2004 و حد الان ما نخدمش حتى ما قبل التشغيل و ما صحتليش لخاطش كان عندي مشكل في الخدمة العسكرية و عندي شهر برك من سويتو و نتمنى وزارة التربية تعاود النظر اللي عندهم اليسانس في العلوم الاقتصادية و التسيير باش يترشحوا للمسابقات في وزارة التربية ، لخاطش و كيما قال صحابنا نصيبوا 1500 مترشح في الاقتصاد على 4 و لا 5 مناصب متصرف و هذا غير معقول ، و انا نشوف اللي عندهم ليسانس في الاقتصاد لهم نفس الحظوظ في الترشح للمسابقات لخاطش قرينا كلش الرياضيات و المحاسبة و الادارة و......الخ

جميلة ع*ب

2011-01-30, 22:13

السلام عليكم:
يا خاوتي قبل ما تسألوا علاه حرمونا من المسابقة ؟؟؟؟؟؟
نسألوهم علاه كي ما يصيبوش وشكون سقريلهم الاولاد يعيطوا لجماعة الاقتصاد
يعني احنا جماعة سد الثغرات و الفراغات ليس إلا
و زيد اللي قال راهم حابينا نندموا على قرايتنا
ياحصراااااااااااااااااااه وقتاش ندمنا علاه هذا وين فطنت
أنا وحدة من الناس راني ندخل في مسابقات مستوى 03 ثانوي
كيما نتاع العدل و المراقبين و غيرها
هكا و قالك ما تنفعووووووووووووووووووووووووووووووووش انتوما نتاع الجامعة
ربي يجيب ساعة السلاك

ali322

2011-01-31, 07:45

السلام عليكم

الكلام فيه صواب لازم يا إخوتي نهبوا هبة رجل واحد و نبينولهم رفضنا للذل و الهوان لي رانا عايشينه و إذا ما ستعرفوش بينا نتاساوا بجيراننا تونس و مصر و نعلنوا مطالبتنا بحقوقنا المهضومة علنا و نحاول الإبتعاد عن الشعارات و التنديدات التي لا تسمن ولا تغني من جوع هذه و نطبقوا واش قرينا في الجامعة ونطالبوا بالتغييرات اللازمة هذه هي الطريقة الوحيدة لي نقدروا بيها نجيبوا حقوقنا و إلا لتزمنا الصمت انا اقولها لكم سنصمت إلى الأبد و لن نغير شيء في واقعنا الإجتماعي المر و تهميشنا من المجتمع الذي نحن جزء منه فحان الوقت لنعلوا صوتنا و ربي يكون معانا