حلي لغز الوصفة واكتبي اسمها

[allmaza]

:dj_17:جاتني فكرة :19::19::19::19:
كل عضوة تكتب وصفة دون العنوان و بقية العضوات يحاولو ايجاد الاسم
وان كان بالمقدور تطبيقها
ما رأيكم حبيباتي؟؟؟؟؟؟؟؟؟

[allmaza]

انا سأبدأ بالوصفة

[allmaza]

• 500غ كسكسي من النوع الجيد
• - 300 غ دقلة
• – 200غ بوفريوة
• – 100 غ عوينة جافة
• - 1 لتر حليب
• – 300 غ سكر مسحوق
• - ملعقة زبدة
• - 50 غ زبيب بدون نواة
• - كأس ماء ورد.

تذاب الزبدة في حمام مائي وتضاف إلى حبات الكسكسي وكأس صغير من الماء ويبلل الكسكسي بهما ثم يفور مدة ربع ساعة.
في تلك الأثناء تقسم الدقلة إلى نصفين النصف الأول يحفظ على حاله والنصف الثاني يقطع في شكل مكعبات صغيرة بعد أن تزال منه النواة.وتقلى البوفريوة ويبقى نصفها الأول في شكل حبات والنصف الثاني يرحى. كما يغسل الزبيب فإنه يغسل في البداية وينقع في ماء الورد مدة ساعة على الأقل.
كما يسخن الحليب جيدا في مرحلة موالية ولما ينضج الكسكسي يرفع من فوق النار ويفرغ من الكسكاس في إناءواسع وترشح فوقه 4/3 كمية السكر المسحوق وبعد أن يخلط مع السكر جيدا يسوى ثم يسقى بماء الورد المخلوط بالزبيب وبالحليب الساخن ويترك على حاله دون تحريك مدة 10 دقائق تقريبا بعدها يحرك الكسكسي وتضاف له حبات الدقلة المقطعة ويعاد تحريكه ويخلط مع الفواكه بعدها يقبب ويجمل في مستوى الجوانب بحيث توضع حبتان من الدقلة بجانبها حبة واحدة من العوينة ثم حبتان من الدقلة فحبة من العوينة وهكذا أما في مستوى القبة فإنه يتم إحداث سطور من السكر المسحوق بحيث يرسم سطر من السكر من الأعلى إلى أن يصل إلى أحد الجوانب وهكذا. ثم توزع حبات اللوز والزبيب بين السطور المحدثة ويقدم بعدها للأكل

[allmaza]

هيا شكون لقاتها ؟؟؟؟؟

[allmaza]

اللي تلقاها الاولة هي لي تكتبنا الوصفة القادمة

[allmaza]

هيا يالشاطرات اسرعوووووووووووووووووووووووووو

[allmaza]

ماكاين حتى تفاعل ؟؟؟؟؟؟؟؟؟؟؟؟؟؟؟

[allmaza]

ما عرفتوش الحل؟؟؟؟؟؟؟؟

[بسمة حنان]

السفة او المسفوف ربما بصح طريقة هايلة و وصفة تشهي فعلا

[allmaza]

اسم الوصفة المسفوف
يعطيك الصحة مالا انت اللي تعطينا الوصفة التالية

[بسمة حنان]

3 كيلات دقيق (الاحرش)
1 سمن + زبدة
ملح - ماء
طريقة التحضير : نأخذ قصعة نحط فيها الدقيق نحفر حفرة نسكب خليط السمن و الزبدة و نحك باليدين حتى تدخل الزبدة جيدا نضع الملح و نسكب القليل من الماء و بلمها باصابع اليد و هكذا باضافة الماء حتي نحصل على عجينة طرية نكورها كرة كبيرة و نضع القليل من الاحرش في صنية دائرية و نضع الكرة و نضع فوقها قليل من الاحرش و نبسط براحة اليد حتى سمك العجينة 1 سم ثم نقطعها معينات و نطيبها في طاجين الكسرة و بالصحة و الهناء
نظن هدي بسيطة و بالساهل تلقاوها

[allmaza]

المبســــــــــــــــــــــــــــــــــــــس

[بسمة حنان]

يعطيك الصحة المبسس و حنا نقولولها المبسة دورك الان

[allmaza]

روعة ولينا نلعبو غير ان و ياك
اصبري

[allmaza]

. 250 غ من الارز
. 2 فلفل احمر مقطع على شكل مكعبات
. 2 فلفل اخضر مقطع على شكل مكعبات
. 1علبة طون مصفاة من زيت" thon égoutté "
. 1علبة من حبات الدرة "maïs en grains "
. كمشة من الزيتون الاسود
. كمشة من الزيتون الاخضر
. 2ملعقتان كبيرتان من زيت الزيتون
. 4 ملاعق من المايونيز " mayonnaise "
. ملح ..فلفل اسود..
. عصير الليمون ..حسب ذوقك ..



الطريقة

.اغسلي حبات الارز ..وضعيها في اناء به ماء بارد ..مع قليل من الملح ..على نار هادئة..واتركيه يطهو لمدة 20 دقيقة
. قومي بتصفية الارز ..واغسليه بماء بارد لازالة النشا..
. في اناء المزج ..اضيفي الى الارز المصفى ..الطون ..حبات الدرة ..الزيتون مقطع دوائر ..قطع الفلفل الاحمر والاخضر ..ملح ..فلفل اسود ..والمايونيز
.قدميها باردة

[بسمة حنان]

معليش اختي هدي المرة حطي وصفة و انا منجاوبش عليها و نخليها للاخوات الكريمات

[allmaza]

ماكنش حتى تفاعل كملي برك انت و جاوبيني

[بسمة حنان]

:o ممكن اجاوب

[بسمة حنان]

المسدوان اختي صحيح او لا

[allmaza]

صح كملي حنونتي

[رحيق الايمان]

انا حبيت نقول على الوصفة تاع المسمن كيما تسموه احنا نسموه بوشقوف و نجاوب على الوصفة الثانية هي سلاطة الروز بالمايوناز

[allmaza]

هيا شاركي معانا يا رحيق الايمان

[بسمة حنان]

انا مستعدة نعطي دوري لرحيق الايمان تفضلي اختي بوصفة و نشوفو ادا قدرنا نعرفوها

[mimicha1988]

ودوك ما كان حتى لغز ؟ مالا جاوبوني نتوما

كغ دقيق+ملح+ماء واعجنيه مليح وارخفيه وخليه يرتاح شوي.. في صحن صغير ديري زيت وادهني يديك واصنعي كويرات صغيرة وركبي كل 2 مع بعض بواسطة الزيت وطيبيه ( فطير يعني) حتى تكملي

مقادير المرق
في طنجرة غلي الماء+خردل مقطع صغير وفي الصيف تقدري ديري القرعة
في مهراس العود هرسي الثوم والملح (3-4 سنينات ثوم) وحطيهم في طنجرة زيدي هرسي الفلفل تاني+ 4 ملاعق زيت+حبة طماطم مرحية+2 ملاعق طماطم مصبرة+ملح+راس الحانوت+فلفل احمر +حمص+فول يابس مقشر وضيفيهم للماء اللي فيه الخردل وخليهم يطيبو وكي يولي الخردل نص طياب جيبي مغرف تع السقوة عمريها لحرش لي تنحيه من الدقيق واضيفيهم للمرق مع التحريك حتى لا يلتصق ..حتى تخثار طول مبعد طفي عليها ولوحي البوفجوخ.
ضعي الفطير في صحن واسع وسقيه بالمرق كيما تسقي الشخشوخة وزينيها بالحشيشة المقطفة والزيتون لخضر وقطرات ليمون..

[allmaza]

فطيــــــــــــــــــــــــــــــــــــــــــر

[mimicha1988]

راني صححتها شوفيها

[mimicha1988]

احنا ما نسميوهاش فطير زيدي حاولي

[allmaza]

التسمية تختلف المهم صحيحة

[mimicha1988]

مالا طيبوها حتى نتوما ؟ هذه اكلة خاصة بينا برك احنا البساكرة ونسميوها الحسوة haswa

[sirinor2009]

وحنا في الجلفةنقولولها الحسيوة ههههههههههههههههههه راني دخلت معاكم يالبنات

[الدلفين اللؤلؤي]

لقيتها ماسي دوان وراني دخلت فاللعبة

[allmaza]

لقيتها ماسي دوان وراني دخلت فاللعبة

مرحبا بيك معانا
لي تجيب الاسم تمدلنا الوصفة

[3aicha]

salade au ris
ou bien slata rouz wton

[3aicha]

ahh makrithash mlih
sah massidwan

[ROUMISA]

يسعد صباحكم يا بنااااااااات
الف شكر المازا على الموضوع الحلوة
مودتي

[أم هبة الله]

أنا جبتلكم وصفة صعيب باش تلقاو اسمها : نقي البطاطا وقطعيها تع قليان كي تطيب ،صفيها ديريلها البيض مع سنينة ثوم معدنوس وفرماج ورجعيها للنار وبصحتكم :1:


شكون تقولي اسمها ،راني رايحة نخدم :mh31:

[allmaza]

عجة بطاطا اومليت

[nabila.ha]

احنا نقولو لمدكر ماشي لمبسس

[allmaza]

احنا نقولو لمدكر ماشي لمبسس

هكدا نقدرو نعرفو التسميات المختلفة في كامل القطر الجزائري

[لولو1000]

على ما اضن ان اسمها هو سلطة ارز باطون والزيتون

[مريم باتول]

بسم الله الرحمان الرحيم
نحاول ندخل معاكم وان شاء الله تلقو الاكلة لخترتها
صدور دجاج نطيبوهم في تقلية تاع،حبة بصل،ثوم،توابل معدنوس ماء
كي يطيبونحوهم من المرقة نقطعوم مربعات صغيرة نضيفولهم بطاطة مقلية مربعات+ قطع جبن( كابن لي يدير الحمص يطيب مع الدجاج عوض البطاطة المقلية)
من جهة اخرى المرقة لطاب فيها الدجاج نزيدلها 3بيضات وملح و جبن مبشور و قليل من الخبز مرحي نخلط حتى تولي صوص
نصب لاصوص على الدجاج والبطاطة في طبق فرن
كي ينشف نخرجو وبالهناء والصحة

[allmaza]

غراتان الدجاج

[مريم باتول]

هذا يقولو طاجين الجبن

[ragwamayar]

سلطة الماسيدوان الروسية بالروز صح انتظر النتيجة

[ragwamayar]

راني جيت متاخرة يا بنات سامحوني
ساعود واتواصل معكم

[ام خديجة1]

مشكورين على الفكرة الممتازة اعود اليكم في وقت لاحق باذن الله تعالى

[allmaza]

• فنجان شاي نشاء
• رشة فانيليا
• ممكن نضيف القليل من ماء الورد للنكهة على حسب رغبتك
• 4 فنجان شاي
• قليل من النشاء
• سكر
• 3 فنجان ماء


يذوب النشا في الماء
** نخلط 2 فنجان ماء مع 2 فنجان سكر في قدر حتى يغلي الخليط
ثم نضيف عليه خليط النشا ونحرك حتى يمتزج جيدا
** بعد ربع ساعة نضيف باقي السكر ونترك المزيج على نار هادئه ونقلب فيه حتى يثقل جيدا
يستغرق منك ساعة كاملة مع ضرورة التحريك
**بالاخر نضيف رشة الفانيلا وممكن تحط ماء ورد
** ندهن الصينيه بالزيت ثم نصب فيها الخليط ونساويها جيدا بالملعقة
وذلك بعد دهن الملعقة بالزيت حتى يتساوى الوجه
يقسّم الخليط لقسمين القسم الاول أبيض
يوضع في نصف الصينية والنصف الآخرمن الصينية يوضع فيه
القسم الآخر بعد ما يضاف اليه اللون الاحمر ( الصبغة )
**نتركها بالثلاجه حتى تتماسك
** نقطعها الى مربعات ونغمس القطع بالنشا حتى لا تلتصق في بعضها..

[ام خيرو]

سلطة الارز صح

[ام خيرو]

اما هذه الحلقوم

[allmaza]

صحيتي ام خيرو دورك الان في الوصفة اعطينا وحدة جديدة

[rajwa]

أضن سلطة المسيدوان

[allmaza]

صباح الخير حنا فتناها هدي الوصفةههههههههه

[المتيقنة بالله سارة]

...salade de riz

[allmaza]

كيلو سميد + عضمة +شوية ملح+شوية خميرة الكسرة + كاس زيت + ماء دافئ
تخلطي هذه المقادير كاملين باليد بشكل دائري بلا تعجني حتي تتحصلي كيما لحليب رايب (ولا حبيتي استعملي الميكسووغ تانا تطلع روعة)
واتخليها ترقد شوية

ثم تقومي بطبخها في الطاجين علي شكل دوائر

كما تلاحضين في النتيجة



في الاخير نشمخوها بالزبدة الذايبة والعسل الحر تطلع اتهبل

[allmaza]

هيا شكون الفحلة لي تلقى الحل تجيبلنا الوصفة

[amel algeria]

البغرير ههههههههه

[amel algeria]

اذا أنا الفحلة

[allmaza]

ايه صح البغرير
دورك حطينا وصفة الان

[ام خديجة1]

انا بغيت نحط وصفة شكون اللي تعرفها
كيلة سكر عادي+2كيلات ما ء+نصف حبة ليمون تتحط على النار الهادئة حتى تعقد
شكون الفحلة اللي تعرفها راهي ساهلة ما

[yasamine2009]

Salam alikom hadi alwasfa hia charbate

[ام خديجة1]

جبتيها رانا نستناو في وصفات اخرى

[أم محمد علي]

http://forums.imageslove.net/pictures/13843417751.gif (http://forum.imageslove.net/pic35220/)

[maria mimi 02]

فكرة رائعة الله يعطيك الصحة