اجابة مربي اجيال لاستاذ ابنه

[وئام الروح42]

انا كتبت تقرير في تلميذ
وطلب الاحالة الى مجلس التاديب لكن صادفت ان التلميذ ابن مربي اجيال (معلم)
اتدرونا ما كانت اجابت هذا المربي
قال لي بالحرف الواحد
انت لعبتيلوا على المورال ووليدي تلميد
ذ مجتهد واستشهد باقوال اساتذة وقال بان جميع اساتذته قالوا لي بانه افضل تلميذ في القسم
طبعا كانت صدمة المدير والاساتذة كبيرة لان ولي التلميذ يكذب عليهم ولديه معدل 8.49 وعديم التربية
ما رايكم في المربي الذي يستعمل اساليب كالكذب والهروب الى الحالة النفسية طبعا لتضييع مستقبل ولده
ارجوكم اريد نقاشا في الموضوع وما هو الحل في نظركم واين هي حماية الاستاذ او بالاحرى من يحمي الاستاذ

[وئام الروح42]

تمنيت نلقا عندكم اجابة وحدة قريتوا الموضوع ونسحبتوا

[gladiator2010]

اسمعيني اختي اعلمي جيدا ان القانون ليس دائما في صف المربي او المعلم الدي هو اول الملامين عن نتائج او ما يقوم به التلاميد حاولي ان تستميلي التلميد في صفك انتي الخاسرة في لافير لا يوجد ما يحمينا انا عندي زميل ضرب من طرف تلميد و اصاحبه في الشارع ضربا مبرحا و في الاخير لم تكن الا زوبعة في فنجان ربي يهدي هاد المخلوق لانو كما يقال ككل خنفوس عند اموا غزيل هاد المربي ايشوف في ابنو ملاك و ربي يوفقك التعليم مش حاجة ساهلة

[وئام الروح42]

شكرا اخي على الاجابة فعلا عندك الحق بصح انا عمري ماكنت من الناس لي يسمحوا في حقهم بسهولة او هذا طبعا المربي (المخرب)
صدقني في نهاية السنة اشوف وين يلقا ولده
انا عندي حل نصعب المواصيع تاع الامتحانات ونزير التصحيح
وبمشيئة الله نجيبلوا طرد ونشوف هذا المخرب كاش بدا يحلل لان معامل المادة تاعي 6

[عبدالله بولنوار]

صدقني في نهاية السنة اشوف وين يلقا ولده
انا عندي حل نصعب المواصيع تاع الامتحانات ونزير التصحيح
وبمشيئة الله نجيبلوا طرد ونشوف هذا المخرب كاش بدا يحلل لان معامل المادة تاعي 6

اُخًيًتِي الكريمة باسلوبك هذا تبين لي انك بعيدة كل البعد عن الاسلوب التربوي و حتى الأخلاقي لمهنة التعليم ، هذا اسلوب انتقامي ( نتاع الشارع )
كلنا اليوم يلعن هذا النوع من الاساتذة الذين درسونا سابقا
:1:

[وئام الروح42]

يا اخي استاذ متعاقد لست بنت شارع على العكس تماما الكل يشهد لي بالادب والاخلاق والضمير المهني
ولكن لو كنت حاضرا وقت كلام ولي التلميذ الذي شارف على التقاعد من مهنة التربية والتعليم والتي كانت مستفزة جدا استفزت جميع من يعمل في الثانوية لدرجة مطالبة جميع الاساتذة بتاديب التلميذ
لتصرفت بطريقة اخرى يا اخي
كيف لي ان اتعامل مع هذا التلميد
هناك تلميذة في القسم اعطتني اجابة ارضتني كثيرا اتدري ماهي
يا استاذة فهمنا جميع الدروس والحمد لله والفضل لك طبعا ولك الحق في وضع مواضيع صعبة وسنحصل على النقاط لاننا والحمد لله فهمنا الدروس جيدا
اما زميلنا فهو مسؤول عن خطئه ولك كل الحق في معاقبتنا
والله فرحت كثيرا لاجابتها لانني اعمل بضمير واسعى لايصال الدرس لجميع التلاميد
والولي قلتلوا انا في حياتي خرجت تلميذين من الحصة
الاول كان ابن مدير مدرسة وكان رد فعل والده ايضا شرس اتدرون ما كانت النتيجة ضبط ابنه في حادثة سرقة
ولاان طردت ابنك اليوم شتمني انا وغدا ان شاء الله سيتطاول ويسبك انت

[gladiator2010]

ليس طريقة منا سبة مهما يكن حوالي ان تحتوي الوضع انا و الله عندي تلميد معيد كبير في السن مشاغب لدرجة لا تتصورينها اراني النجوم في عز الضهر اشتكيت للمدير قالي حاول انا ما نقدرش نطردو المهم تميت معاه حتان جبتوا ف السيبلة ولا هو يسكت ف الفوضى انتع التلاميد قالي مرة في ايا النتائج يا سيدي ما تروحش لو كان يجيبو استاد في بلاصتك نصمط عليه و نبطل القراية المهم و الله و لا تلميد مؤدب حاول تلكمي معاه و اكسبيه في صفك بالتوفيق

[وئام الروح42]

صدقني حاولت اكثر من مرة
انا استاذة ما عنديش مشكل مع التلاميذ والله غير ندخل للقسم نلقاهم الكل في بلايصهم والكل لابسين طابلياتهم وبادواتهم ونحاول انوا الجميع يفهموا هو داها عقلية تاع يسترجل قاللهم هاذ الاستاذة لي دارتلكم الارت انا نوريلها
امباعد انا نوريلوا مادام القانون ما يحميناش
صدقني لوكان جيت كيما يقول الاخ نتصرف بتصرف شارع نخزنوا يولي من دارهم ما يخرجش مي اهنا تعاملت معاه اداريا ما نجحش الاسلوب دوك نتعامل معاه تقييميا
انا حقوا يديه بصح كي نصعب السيجي 0 وفي الشك لا يلحقوا

[فارس المسيلي]

يوجد الكثير من صنف ذلك التلميذ لكن لو أخذت أختي الكريمة وئام الأمر بتلك الطريقة ستزيد المشكلة تفاقماً أشرك بعض زملائك المدرسين عندما يستعصي عليك السيطرة على الوضع .
ولا تعنّف إذا قومت ذا عوج

فربما أعقب التقويم تعويجاً

[رمزي العنابي]

ليس طريقة منا سبة مهما يكن حوالي ان تحتوي الوضع انا و الله عندي تلميد معيد كبير في السن مشاغب لدرجة لا تتصورينها اراني النجوم في عز الضهر اشتكيت للمدير قالي حاول انا ما نقدرش نطردو المهم تميت معاه حتان جبتوا ف السيبلة ولا هو يسكت ف الفوضى انتع التلاميد قالي مرة في ايا النتائج يا سيدي ما تروحش لو كان يجيبو استاد في بلاصتك نصمط عليه و نبطل القراية المهم و الله و لا تلميد مؤدب حاول تلكمي معاه و اكسبيه في صفك بالتوفيق


السلام عليكم و رحمة الله و بركاته

لديا نفس مشكلتك يا اخي الكريم لديا تلميذ يبلغ من العمر 16 يدرس السنة الاولى متوسط اعادها 3 مرات و هو اكبر مني في الطول و الصحة

كرهلي حياتي حتى يوم من الايام من الاسبوع الفارط تجرا و سبني بالكلام الفاحش فضربته بالعصى على راسه فتفجر راسه بالدماء ثم اخذوه الى المستشفى و المدير يقول لي ماذا فعلت لولد الناس اقتلته ام ماذا

توعدني التلميذ هو و اصحابه من الشارع (الزطالجية) بالقتل عندما اخرج من المدرسة و عندما خرجت جاني واحد من اصحابه و في يده سكين فاخرجت سكيني (لكرونداري) من محفظتي فلم اجد و لا شخص امامي



و في اليومين التاليين حظر هذا التلميذ الى القسم و اصبح كالملاك امامي


و الله المستعان و عليه التكلان

[عاشور سنوسي]

هل هذا كل همك يا أستاذة ..؟؟ أرجو أن تفكري في مصسرك كمتعاقدة قبل أن تفكري في التلميذ فالمعلم أولى من المتعلم ...

[peace_messenger]

احس بالمعاناة التي تعانينها و لكن يا اختي في هذا الزمان المعلم هو المسؤول الاول عن كل شيئ،حتى إذا كان الخطأ من الأهل في عدم تربيتهم لأولادهم.
----------------------------
المهم نصيحة مني أنك تحاولي معاه بالطرق القانونية مجلس تأديبي ، فصل ثلاثة ايام من الدراسة......
أما بالنسبة للوالد تاعو كرهيه بالإستدعاءات كل ما يغلط ولدومعاك في حاجة (ديريلو التابعة) و ضرك يفوت الوقت و تشوفي كيفاش باباه يكره و يتريـــــقل قبل ولدو
المهم حاولي تتحايلي على القانون بالقانون.

وهذا هو اللازم

[meriem86]

هل هذا كل همك يا أستاذة ..؟؟ أرجو أن تفكري في مصسرك كمتعاقدة قبل أن تفكري في التلميذ فالمعلم أولى من المتعلم ...


لاحول ولا قوة الا بالله والتلميذ ايضا مهم وله اولوية كيف لمربي ان يفكر هذا التفكير ؟؟؟؟؟؟(كي دير نية مع التلاميذ ربي يوصلك )....ربي يفتح عليك اختي كاين بزاف من هذا التلاميذ انا في راي حاولي انك تقربي منه اكيد رح تلقاي استجابة لانه مراهق وبحب انه الاشخاص المحيطين به يهتموا به ربي يفتح عليك اختي الكريمة وبالتوفيق

[وئام الروح42]

شكرا على مروركم واجابتكم لانني كنت محتارة مع هاذا التلميد
ذ اليوم دخل للقسم وقعد عاقل عينوا ما يحطهاش في عيني
حتى الشرح سمع اوماشي كيما موالف
غلى خاطر ازيد يغلط اخلص ماكانش قصرة
اما العام اروح مهنب من دروك ماكانش الطلعة واذا قدرت على التوجيه الى التكوين المهني والله مانقصر
او باباه نكرهلوا لمعيشة
ولي بيلتا والدوسيي تاعوا دودتوا بالتقارير ما خليتلوا ما بقيتلوا اذا كان تاكل على لارمي حتى البيلتا لي يدفعها في الملف معمرة بالانذارات على سوء السلوك

[عبدالله بولنوار]

شكرا على مروركم واجابتكم لانني كنت محتارة مع هاذا التلميد
ذ اليوم دخل للقسم وقعد عاقل عينوا ما يحطهاش في عيني
حتى الشرح سمع اوماشي كيما موالف
غلى خاطر ازيد يغلط اخلص ماكانش قصرة
اما العام اروح مهنب من دروك ماكانش الطلعة واذا قدرت على التوجيه الى التكوين المهني والله مانقصر
او باباه نكرهلوا لمعيشة
ولي بيلتا والدوسيي تاعوا دودتوا بالتقارير ما خليتلوا ما بقيتلوا اذا كان تاكل على لارمي حتى البيلتا لي يدفعها في الملف معمرة بالانذارات على سوء السلوك


اتق الله في نفسك و في التلميذ
كلنا لنا تلاميذ من تلك الشاكلة

المشكل عندك ليس عند التلميذ
نعوذ بالله عز وجل أن نكون من هذا الصنف من الاساتذة

[رمزي العنابي]

شكرا على مروركم واجابتكم لانني كنت محتارة مع هاذا التلميد
ذ اليوم دخل للقسم وقعد عاقل عينوا ما يحطهاش في عيني
حتى الشرح سمع اوماشي كيما موالف
غلى خاطر ازيد يغلط اخلص ماكانش قصرة
اما العام اروح مهنب من دروك ماكانش الطلعة واذا قدرت على التوجيه الى التكوين المهني والله مانقصر
او باباه نكرهلوا لمعيشة
ولي بيلتا والدوسيي تاعوا دودتوا بالتقارير ما خليتلوا ما بقيتلوا اذا كان تاكل على لارمي حتى البيلتا لي يدفعها في الملف معمرة بالانذارات على سوء السلوك


السلام عليكم و رحمة الله و بركاته

اتقي الله في نفسكي اختاه نحن الاساتذة لم ندرس لننتقم من التلميذ

ربيه ثم علميه ثم اختبريه ثم نجحيه ان كان يستحق ذلك

و انزع الحقد و الغل من قلبكي اختاه


و الله ولي التوفيق
و الله المستعان و عليه التكلان

[الأستاذ رمزي]

يبدو عليك يا اخت وئام انك لا تحسنين التصرف في الحالات السلوكية و التاديبية
ليس من حقك الظلم مادام الله نزعه منه ... اعطيلهم موضوع كما ينص القانون مادام قلتي انه لا يملك المستوى فمن المفروض انه لن ينجح
ولكن يجب عليك ان لا تأخذي حق التلميذ بغير وجه حق
يلزمك خبرة حتى تتعودي على التعامل فأنت أكبر من التميذ في كل الحالات ومربية

[kif]

انت انتقامية بطبعك ان لم اقل انانية وهذه الطريقة التي ستعتمدينها في الامتحان لدليل على ما اقول سيبي عليك يا اختي من هذا الاسلوب الغير تربوي.......

[عبدالله بولنوار]

السلام عليكم و رحمة الله و بركاته

اتقي الله في نفسكي اختاه نحن الاساتذة لم ندرس لننتقم من التلميذ

ربيه ثم علميه ثم اختبريه ثم نجحيه ان كان يستحق ذلك

و انزع الحقد و الغل من قلبكي اختاه


و الله ولي التوفيق
و الله المستعان و عليه التكلان


يبدو عليك يا اخت وئام انك لا تحسنين التصرف في الحالات السلوكية و التاديبية
ليس من حقك الظلم مادام الله نزعه منه ... اعطيلهم موضوع كما ينص القانون مادام قلتي انه لا يملك المستوى فمن المفروض انه لن ينجح
ولكن يجب عليك ان لا تأخذي حق التلميذ بغير وجه حق
يلزمك خبرة حتى تتعودي على التعامل فأنت أكبر من التميذ في كل الحالات ومربية


الحمد لله مزال الخير في امة محمد
اختنا نحن نتكلم من حرصنا على ان يكون المربي قدوة لا غير
فالكل يمر على هذا المنتدى
و اكيد انه لا يسر احد ان تتعاملي مع تلميذك بالطريقة الانتقامية
حتى و ان اساء التلميذ
فالنعاقب في حدود القانون و النترك لنا بصمة جميلة في اذهان تلامذتنا
لانهم سيكبرون يوما و يتذكرون كل شاردة و واردة عن اساتذتهم
تحياتي
:1:

[وئام الروح42]

شكرا هذا رايكم الخاص واحترم كل من احترمني
لامن وصفني بعديمة التربية
ما يحس بالجمرة غير لي كواتوا
وكي تقراو الردود نتاعي شوفوا بلي اصلا التلميذ ما عندوش مستوى او بش احس باباه بالخطا تاعوا
لازم هذا التعامل
لانوا جابلي ربي وهذي قاعدة خرجت بيها من التعليم
كي تلقى تلميذ عديم التربية استنتج قبالة بانوا اباباه او يماه ماشي متربيين

شكرا على الردود واعزكم الله واعتبروا النقاش قد غلق

[رمزي العنابي]

شكرا هذا رايكم الخاص واحترم كل من احترمني
لامن وصفني بعديمة التربية
ما يحس بالجمرة غير لي كواتوا
وكي تقراو الردود نتاعي شوفوا بلي اصلا التلميذ ما عندوش مستوى او بش احس باباه بالخطا تاعوا
لازم هذا التعامل
لانوا جابلي ربي وهذي قاعدة خرجت بيها من التعليم
كي تلقى تلميذ عديم التربية استنتج قبالة بانوا اباباه او يماه ماشي متربيين

شكرا على الردود واعزكم الله واعتبروا النقاش قد غلق


للاسف قلتي بان النقاش قد غلق مع انني وددت ان ارد عليكي فيما يخص هذه الفقرة

[وئام الروح42]

يا اخي اغلقت النقاش لانني كنت اتمنى منكم ان تناقشوا دون تجريح انتهم اتهمتموني بتهم باطلة ومنكم من تجرا الى حد نعتي بعدم التربية

[عاشور سنوسي]

الحل هو احتجاج وطني حاشد أمام وزارة التربية و إن استدعى الأمر المبيت بالعاصمة أياما متتالية بقيادة مكتبنا الوطني حتى الرجوع بالإدماج للجميع ... حضروا أنفسكم من الآن ..

[رمزي العنابي]

الحل هو احتجاج وطني حاشد أمام وزارة التربية و إن استدعى الأمر المبيت بالعاصمة أياما متتالية بقيادة مكتبنا الوطني حتى الرجوع بالإدماج للجميع ... حضروا أنفسكم من الآن ..


السلام عليكم و رحمة الله و بركاته يا اخي الكريم


كفانا فوضا يا اخي ان كنت اهلا للادماج فتوكل على الحي القيوم واعد العدة لتشارك في المسابقة التي ستقام في شهر افريل المقبل و سنرى المؤهل من غيره


و الله ولي التوفيق
و الله المستعان و عليه التكلان

و السلام عليكم و رحمة الله و بركاته

[نرجس44]

وفقك الله اخيتي

[raouf1981]

يا أختي في النهاية يبقي تلميييييذ و انت أستاذة متعاقدة (مستخلفة في جويلية تكونين بطالة ) اعملي و من احب ان يدرس يدرس و من لم يشئ فذالك شأنه

[عاشور سنوسي]

اجتمعنا بالأمين العام لمديرية التربية لولاية المسيلة مستفسرين عن خبر الإدماج و ما إذا كان هناك شيء رسمي.. فأخبرنا بعد استشارة مدير التربية أن هذه مجرد أخبار و لم ينف إمكانية ذلك . فاتصلنا مجددا بمريم معروف رئيسة المكتب الوطني للأساتذة المتعاقدين مستفسرين فأخبرتنا أن cnapest أخبروها أن الخبر صحيح بنسبة 90 بالمائة إلا أنه لا شيء رسمي لحد الآن ... و أخبرتنا أن هذه مجرد وعود لثني المتعاقدين عن عزمهم تنظيم إحتجاج حاشد في العطلة المقبلة من شهر فيفري .. و عليه لا رجوع إلى الخلف إلا بالإدماج النهائي لكل المتعاقدين فكونوا في الموعد

[وئام الروح42]

يا اخي جاء الينا رئيس مكتب لكناباست ونفى نفيا مطلقا ان يكون هناك ادماج مشيرا الى انه يوجد مسابقة ثانية
في شهر افريل

[doudoussa]

وعلاش غلقتي النقاش أنا حابة نقول رأيي و تقبلي النصيحة بصدر رحب صح كاين أعضاء ما حقهمش يقولوا كلام قاسي من المفروض لي يمد نصيحة يمدها بطريقة مواتية مش بالتجريح
المهم هذا التلميذ حاولي تديريلو تعهد يمضي عليه الوالد تاعو أنه لو ابنه عمل شيء آخر راح يطرد 3 أيام أو أسبوع حتى يبطل فعايلو
بصح ما ننصحكش باش تنتقمي من التلميذ أو من أب التلميذ فالتلميذ شيء ووالده شيء آخر ما تخلطيش الأمور
و الله الموفق

[hanane_fr]

والله العظيم فعلا تعجبت من كلام الاستاذة وءام الروح اسمحيلي اختي مش عقلية هاذي .
عندي قسم 47 تلميذ وكهم من تلك الشاكلة كل الاساتذة يخرجوا التلاميذ نصهم من الحصة باه يديرو الدرس انا منخرجش الا اذا طيح واحد الهدرة بالصح بالعقل تستميلي تلاميذك راكي استاذة وهو تلميذ كي تحرقيه في النقطة ويصبح مطرود برا واش رايح يبلقى في الشارع من غير انو يخرج طريق حاولي تبدلي عقليتك معاه متحطيش راسك يراسو برك ديري في بالك هو تلميذ وانت استاذة حطيهم ولادك والا خاوتك ورايحة تتفهميهم اختي الكريمة القانون لا يحمي الاستاذ بل التلميذ فقط ومهما حصل كلش يحصلوه في الاستاذ الانسان يرضي ضميرو قدام رب العالمين مع جميع التلاميذ مش الي مشاكس والا يتصرف تصرفات غير لاءقة نكلاسيوه ونتعاملو معاه معاملة مختلفة صعيب الحال صح بصح حاولي ومن اجتهد ولم يصب فله اجر واحد وانك تدي اجر فيه عند رب العالمين ديجا حاجة كبيرة ربي يسهلك اختي بصح نتمنى انك متتحلفيش في الطفل راه مزالو مراهق ميعرفش صلاحوووووووووووووووو

[وئام الروح42]

لالا الحمد لله حليت المشكل
بصح باسلوبي الخاص تمنيت نلقى منكم العون مي انا لقيت اتهامات
صدت زيرتوا وصعبتها عليه طبقت عليه مثل اضربوا يعرف مضربوا دوك تادب ولا يعرف واش اقول وواش ادير
ولا راسوا ما يهزوش فيا
نعاملوا كي زملاؤو نفهموا نقريه مي ما نتسامحش في الفوضى الور راهوا سقم روحو

[مشري58]

لالا الحمد لله حليت المشكل
بصح باسلوبي الخاص تمنيت نلقى منكم العون مي انا لقيت اتهامات
صدت زيرتوا وصعبتها عليه طبقت عليه مثل اضربوا يعرف مضربوا دوك تادب ولا يعرف واش اقول وواش ادير
ولا راسوا ما يهزوش فيا
نعاملوا كي زملاؤو نفهموا نقريه مي ما نتسامحش في الفوضى الور راهوا سقم روحو


يا اختى الكريمة اتمنى ان لا يدمجوكي في التعليم لانكي ستفدسدين التعليم

وان ادمجوكي ان شاء الله لا بد لكي من تكوين مدته عام



يجب ان تدرسي علم النفس التي يتميز بها المراهقون كي تعرفي كيفية التعامل معهم

[وئام الروح42]

يا اختى الكريمة اتمنى ان لا يدمجوكي في التعليم لانكي ستفدسدين التعليم

وان ادمجوكي ان شاء الله لا بد لكي من تكوين مدته عام



يجب ان تدرسي علم النفس التي يتميز بها المراهقون كي تعرفي كيفية التعامل معهم

يا اخي لو كنت مكانك لوفرت الدعوة لنفسي
بيدما تدعي لروحك بالادماج قاعد تدعيلي انا بعدم الادماج
يا خويا اذا انت راك تستنا في حسنة من عندهم انا يبخروا بيها