كيفية ملوخية علي طريقة نينا

[نينا الجزائرية]

http://dc08.arabsh.com/i/02588/q71wdnka595w.gif (http://arabsh.com/q71wdnka595w.html)
في مطبخي

اليوم نقدملكم طبق معروف في الشرق الجزائري لكن علي طريقتي الجديدة شوفو معايا كيفاش طيبتو

استعملت ملوخية باكيات ماركة الذواقة التونسية المعروفة تحياتي للتوانسة:mh31:

اليكم الصورة
http://dc02.arabsh.com/i/02588/a97x4p3osqbk.jpg (http://arabsh.com/a97x4p3osqbk.html)

http://dc08.arabsh.com/i/02588/vwxo26v82q2u.gif (http://arabsh.com/vwxo26v82q2u.html)
مقدار زيت
لحم غنمي او بقري
فصصات ثوم محكوكة
بصلة محكوكة بسكرفاج
حبة طمام مقطعة قطع
ملوخية طبعا باكي
ملح
فواح توابل (راس الحانوت)
قرن فلفل حار
ورقة رند
http://dc08.arabsh.com/i/02588/s3esiystu99w.gif (http://arabsh.com/s3esiystu99w.html)
في قدرة حطي زيت عينك ميزنك كاين يحب يحط زيت بزاف انا منكثرش:rolleyes:
نجيب ملوخية نحلها في قدرة مع زيت
ونمرقها بالماء دافي ماء دافي خوتاتي متنسوش
ونحرك نضيف قطع لحم ثوم بصلة مبروشين وطماطم مقطع قطع صغيرة وملح شوية وتوابل الي هما الفواح ونرمي معاه قرن فلفل حار واذا معندكش مغرفة هريسة
ونخليها طيب متنساوش تحركوها باش متلسقش بزاف في قدرة
ةلما زيت تطلع اعرفو انها طابت
تاخذ وقت اكثر من 3 ساعات متتقلقوش:)
وهاهو الطبق
وقلولي لعجبكم;)
http://dc02.arabsh.com/i/02588/mqo3bdr1iywl.jpg (http://arabsh.com/mqo3bdr1iywl.html)
http://dc08.arabsh.com/i/02588/1emj10fms88x.gif (http://arabsh.com/1emj10fms88x.html)

[allmaza]

مشكورة القلوب عند بعضاها اليوم حبيت نطيبها

[نينا الجزائرية]

الله يخليك عجباتك ولالا
لكاش انتقدات قولي متحشميش ههه

[allmaza]

مليحة مشكورة

[أم يحيى]

بارك الله فيك الأخت نينة أنا نحب الملوخية كثيرا بالصدفة درتها اليوم . طريقتي شوية مختلفة على طريقتك أنا نقلي البصل والطماطم واللحم وكل التوابل ومن بعد نضيفلهم الملوخية الي حليتها في الزيت العادي وزيت الزيتون ومن بعد نضيف الماء والباقي كيما ذكرتي . النار تكون هادئة .

[allmaza]

مشكورررررررررررررررررررررررة

[نينا الجزائرية]

مليحة مشكورة
الله يخليك
قوليلي توابل الدواقة ما وصلتش عندكم؟

لالا متلحقناش سلعة تونس لعندنا
ملوخية يجيبوهالنا

[نينا الجزائرية]

بارك الله فيك الأخت نينة أنا نحب الملوخية كثيرا بالصدفة درتها اليوم . طريقتي شوية مختلفة على طريقتك أنا نقلي البصل والطماطم واللحم وكل التوابل ومن بعد نضيفلهم الملوخية الي حليتها في الزيت العادي وزيت الزيتون ومن بعد نضيف الماء والباقي كيما ذكرتي . النار تكون هادئة .

سبحان الله كامل رايحيين ديروها
انا كنت نطيبها كيما ذكرتي لكن هذي طريقة وروهالي جربتها وجات بنينة
عمري ما طيبت ملوخية بزيت الزيتون نجربها
لكن كيفاش تعملي
نص زيت ونص زيت زيتون ولا زيت الزيتون وحدو؟

[وداد100]

شهتيني باينة بنينة انا طريقة شوي مختلفة لكن نجربها ونقولك يعطيك الصحة

[نورة]

يعطيك الصحة نينا هذى لنحوس عليها ،ذقتها مرة وعجبتنى حنا فى الجلفة ما نعرفوهاش ياسر قليل لى يطيبوها

[*أم كوثر*]

نفس طريقتنا تقريبا الا اننا نقليو اللحم اولا
انا نديرها بطريقة مختلفة
شفتها مرة في اداعة تونسية
نقلي اللحم مع البصا و التوم و التوابل ملييح
و نضيف الطماطم المصبرة و الهريسة
و نخلي اللحم يطيب في صوص ناشفة مانكترش الماء
و على جنب نحط الملوخية مع الزيت و نحلها فيه و نمرقها بالماء و نحطها تغلي وحدها
و كي تطلق الزيت تاعها و تنشف نخلطها مع لاصوص تع اللحم و نزيدلها سنتين توم مهروسين و نخليهم دقائق على النار و نطفي
و نضيف ورقة رند
و تاكلي بالصحة:19::19:

[allmaza]

يابنت الكارتي نفس طريقتي

[نينا الجزائرية]

شهتيني باينة بنينة انا طريقة شوي مختلفة لكن نجربها ونقولك يعطيك الصحة
الله يسلمك ختي

[نينا الجزائرية]

يعطيك الصحة نينا هذى لنحوس عليها ،ذقتها مرة وعجبتنى حنا فى الجلفة ما نعرفوهاش ياسر قليل لى يطيبوها

الله يسلمك
صحيح الوسط الجزائري كثير ميعرفوش ملوخية

[نينا الجزائرية]

نفس طريقتنا تقريبا الا اننا نقليو اللحم اولا
انا نديرها بطريقة مختلفة
شفتها مرة في اداعة تونسية
نقلي اللحم مع البصا و التوم و التوابل ملييح
و نضيف الطماطم المصبرة و الهريسة
و نخلي اللحم يطيب في صوص ناشفة مانكترش الماء
و على جنب نحط الملوخية مع الزيت و نحلها فيه و نمرقها بالماء و نحطها تغلي وحدها
و كي تطلق الزيت تاعها و تنشف نخلطها مع لاصوص تع اللحم و نزيدلها سنتين توم مهروسين و نخليهم دقائق على النار و نطفي
و نضيف ورقة رند
و تاكلي بالصحة:19::19:

عفسة جديدة نجربها ام كوثر ان شاء الله

[allmaza]

يا نينا هدي هي طريقتنا في الملوخية

[نينا الجزائرية]

يا نينا هدي هي طريقتنا في الملوخية

اعرف اختي طريقة تقليدية
تقلي لحم وبصل وثوم ومغرفة طماطم وورقة رند وتحلي ملوخية في زيت وتصبيها وتمرقي

[BACHIRA2]

شكرا جزيلا اختي نينا

[نينا الجزائرية]

العفو بشيرة ربي يحفظك

[*شهد العسل*]

http://up99.com/upfiles/gif_files/sE578961.gif

[أم يحيى]

نخلط الزيت العادي وزيت الزيتون نص بنص . ونتمنى تجربي الملوخية البسكرية (بسكرة) شريها من عند واحد ثقة . منقدرش نوصفلك البنة أنتاعها خاصة اذا جات حارة ومع المطلوع ...تنساي أنتاع تونس

[ام خديجة1]

بارك الله فيك

[نينا الجزائرية]

http://up99.com/upfiles/gif_files/sE578961.gif

واياك اختي الفاضلة

[نينا الجزائرية]

نخلط الزيت العادي وزيت الزيتون نص بنص . ونتمنى تجربي الملوخية البسكرية (بسكرة) شريها من عند واحد ثقة . منقدرش نوصفلك البنة أنتاعها خاصة اذا جات حارة ومع المطلوع ...تنساي أنتاع تونس

ان شاء الله
نجربها زيت الزيتون
تحيا منتوج بلادي

[نينا الجزائرية]

بارك الله فيك

وفيك بركة شكرا

[samsoon city16]

شكرا نينا أنا نمووووووووووووت على الملوخية الذواقة تاع تونس ، تاع بسكرة تجي مُرّة جرّبتها، عندنا جيران بساكرة يجيبوهالنا لكن نفضل تاع تونس و نطيبوها على الطريقة التقليدية كيما قلتي

نقلّيو البصل مع اللحم و الطماطم و التوابل و الزيت و من جهة نحلّو الملوخية في الزيت و نرموها في القدر و نمرقوها و نحركوها حتى طيب و نضيفولها زيتون dénoyauté شرائح نكونو غليناه في الماء من قبل باش تروح شوية الملوحة تاعو و نقدموها في طبق مع شوية كمون مع المطلوع و شهية طيبة
http://www.alhsa.com/forum/imgcache/85.imgcache

[رحيق الايمان]

انا الملوخية نطيبها بطريقة اخرى
اولا نحط كمية من الماء تسخن بجيه
ثانيا اضع الملوخية واستعمل دائما تاع الباكيات الذواقة ثم نغمرها بالزيت و نحركها كي نلقاها تغطت نحطها على النار تتقلى نضيف ليها الثوم مهرس بالفاح و بصلة مرابيا و اللحم و نخليها تتقلى من بعد نضيف ليها الماء غالي مقدار كافي لانه ما لزمش نديرولها الماء غير مرة وحدة و نرمي فيها حبة طماطم و قرن فلفل حار و نخليها الطيب كي يخرج زيتها نطفي عليها
ملاحظة: الا ما عندكش اللحم خلاص و حبيتي ديريها ارمي فيها حبات زيتون اخضر و هذا ممكن ديريه في اي طبق خاصة العجائن
كي تقدميها ممكن تعصري عليها شوي قارص حساب رغبتك تجي روعة جربوها و ردولي الخبر

[نينا الجزائرية]

شكرا نينا أنا نمووووووووووووت على الملوخية الذواقة تاع تونس ، تاع بسكرة تجي مُرّة جرّبتها، عندنا جيران بساكرة يجيبوهالنا لكن نفضل تاع تونس و نطيبوها على الطريقة التقليدية كيما قلتي

نقلّيو البصل مع اللحم و الطماطم و التوابل و الزيت و من جهة نحلّو الملوخية في الزيت و نرموها في القدر و نمرقوها و نحركوها حتى طيب و نضيفولها زيتون dénoyauté شرائح نكونو غليناه في الماء من قبل باش تروح شوية الملوحة تاعو و نقدموها مع المطلوع و شهية طيبة
http://www.alhsa.com/forum/imgcache/85.imgcache


الزيتون حاجة جديدة
صحيتي حنونة علي فكرة
نجربها ان شاء الله

[نينا الجزائرية]

انا الملوخية نطيبها بطريقة اخرى
اولا نحط كمية من الماء تسخن بجيه
ثانيا اضع الملوخية واستعمل دائما تاع الباكيات الذواقة ثم نغمرها بالزيت و نحركها كي نلقاها تغطت نحطها على النار تتقلى نضيف ليها الثوم مهرس بالفاح و بصلة مرابيا و اللحم و نخليها تتقلى من بعد نضيف ليها الماء غالي مقدار كافي لانه ما لزمش نديرولها الماء غير مرة وحدة و نرمي فيها حبة طماطم و قرن فلفل حار و نخليها الطيب كي يخرج زيتها نطفي عليها
ملاحظة: الا ما عندكش اللحم خلاص و حبيتي ديريها ارمي فيها حبات زيتون اخضر و هذا ممكن ديريه في اي طبق خاصة العجائن
كي تقدميها ممكن تعصري عليها شوي قارص حساب رغبتك تجي روعة جربوها و ردولي الخبر

صحيتي رحيق متختلفش الطريقة الي اعطيتهانا من طريقة لوضعتها
الاختلاف انك هرستي الثوم مع الفاح



نضيف كذلكممكن تعملوها بالجاج

[رحيق الايمان]

الملوخية تاع بسكرة افضل بكثير المشكلة الي عندنا انهم يخلطوها بالحنة و لازم تكون جديدة لهذا تاع تونس و احسن الانواع الذواقة هي المفضلة

[نينا الجزائرية]

يخلطوها مع الحناء يا لطيف
خلاص والله منحوس عليها هذا واش بقي ناكل الحنة
مشكورة رحيق علي التنبيه

[samsoon city16]

قلتلك أختي نينا ما كاش افضل من الذواقة تاع تونس
تاع بلادنا مغشوشة جرّبتها مُرّة بزّااااااااااااف هاد الشي يزيدولها الحنة؟؟؟؟ يا لطيف

[نينا الجزائرية]

لا حول ولا قوة الا بالله
علبيها خطرة شرينا تاع كيلو جات عجب
صحيتي سمسومة

[أم يحيى]

قتلك أختي نينا لازم تشريها من عند واحد ثقة

[ملكة البربر]

بارك الله فيك دائما متألقة انا ثاني نديرها نموت علبها بصح بطريقة اخرى نقلي اللحم مع البصل والثوم والطماطم المصبرة و التوابل المعدنوس والكرافس والدبشة ومن بعد نضيف المولوخية الي حليتها في الزيت ونمرقها بماء يغلي ونخليها تنضج على نار هادئة وبصحتك

[نينا الجزائرية]

قتلك أختي نينا لازم تشريها من عند واحد ثقة

صحيح قلتيلي
يعطيك الصحة:)

[سعيد بذكر الرحمان]

إم كم هي لذيذة

[نينا الجزائرية]

شكرا علي مرور اخي

[ام رنا]

يعطيك الصحة اختي وفعلا ماركة الذواقة تجي بنينة ومش مرة متل بعض الماركات
وشكرا لطريقة عملها

[نينا الجزائرية]

الله يسلمك ام رنا
نورتي

[ناصر رندة]

يسلمو ايديك نينا طريقتك سهلة وحلوة
احنا في فلسطين بنعملها مختلفة شوية احنا ما بنشتريها باكيتات احنا بنجيبها ورق وبنظفها بعدين بنخرطها بخراطة الملوخية الى أن تصير ناعمة بعدين بنطبخها مع اللحم أو الدجاج و بنخليها تفور فورة واحدة و بأطفي عليها ثم بأجهز التقلية و هي عبارة عن الثوم اما بأقطعه أو باطحنه و بقليه بالزيت ثم بأديره عالملوخية

[نينا الجزائرية]

مرحبا بك اختي من فلسطين
في جزائر لا يوجد عندنا ملوخية اوراق لكن تيبس ثم تسحق لتصبح علي شكل بودرة خصراء
سلامي لاهلنا في فلسطين
ومشكورة علي تقديم لنا كيفيتكم

[درب الأمل]

http://img373.imageshack.us/img373/6295/gmgl1id7.gif

[المستعينة بالله]

شكرا يا غالية

راني جعععععععععت

[نينا الجزائرية]

شكرا لمروركما
واليوم طبخنا ملوخية يا لها من صدفة ههههه

[bassamat]

يا ننووووووووووووووووووش
عرش بنى صالح الكل تع عنابةو تع سوق اهراس يطيبوكيما هكا يقليو الملوخية مليح مليح فى الزيت ثم نزيدوطراف هبرة من لحم البقري فقط لانو يحتمل الطياب او الكرشة ورقتين رندونكونو مهرسين كمية من الثوم -فلفل حمر حار-راس الحانوت نضيف نصف الكمية ثم نمرقو نزيد حبة طماطم مقسومة على ثنين و نخليها طيب قبل ربع ساعة من طيابها نزيد بقية الفاح وقرن فلفل حار و نخليها تصفىىىىىىىىىىىىىىىىىىىىىىىىىىىىىىىى ونحى بقية حبة الطماطم
و لازم نديرو معاها كسرة كوشة او مطلوع
و علا حساب نوعية الملوخية ممكن تزيدى رشة ملح او لا
و تاكلى بصحة يا ننوش

[نينا الجزائرية]

يا ننووووووووووووووووووش
عرش بنى صالح الكل تع عنابةو تع سوق اهراس يطيبوكيما هكا يقليو الملوخية مليح مليح فى الزيت ثم نزيدوطراف هبرة من لحم البقري فقط لانو يحتمل الطياب او الكرشة ورقتين رندونكونو مهرسين كمية من الثوم -فلفل حمر حار-راس الحانوت نضيف نصف الكمية ثم نمرقو نزيد حبة طماطم مقسومة على ثنين و نخليها طيب قبل ربع ساعة من طيابها نزيد بقية الفاح وقرن فلفل حار و نخليها تصفىىىىىىىىىىىىىىىىىىىىىىىىىىىىىىىى ونحى بقية حبة الطماطم
و لازم نديرو معاها كسرة كوشة او مطلوع
و علا حساب نوعية الملوخية ممكن تزيدى رشة ملح او لا
و تاكلى بصحة يا ننوش

امممممم باينة بنينة
يعطيكم الصحة يا ناس الشرق:19: