اريد طبخة بسكلوب لليلة [الأرشيف] - منتديات الجلفة لكل الجزائريين و العرب

مشاهدة النسخة كاملة : اريد طبخة بسكلوب لليلة

امينة ع

2011-01-20, 16:16

شكون تعرف اطباق نديروها بداند بغيت ندير للعشاء
انا السكلوب كي نجبو غير نقليه ولا نشويه
ندرلو شويا ثوم وفلفل كحل وملح ونقليه ولا نديرو على الطاوة الحديدية ونشويه
ارجوكم افيدوني بخبارتكم
الي عندها كيفية تكتيهال

allmaza

2011-01-20, 16:20

ديريه شاورما بالرغيف كيف لي في الموضوع تاعيhttp://www.djelfa.info/vb/showthread.php?t=476452

allmaza

2011-01-20, 16:25

أو قصيه شرائح واحشيه باللحم المفروم و لفيه بCUREDENT
. و طيبي صوص بيضاء و طيبه فيها تم صبي عليه LA CREME FRAICHE
:mh31::mh31::mh31:
.
و لي تجربيه رجعيلي الخبر

امينة ع

2011-01-20, 16:36

شكرا اختي غدوا راح نسي تاع الشاورما برغيف

allmaza

2011-01-20, 16:41

و اليوم واش قررت تديري

hayette82

2011-01-20, 17:18

ديريه سكالوب باني ولا بوراك بالداند ولا كفتة ولا ديريه محشي بالسلق وديريه في الفؤينة تم اقليه

نينا الجزائرية

2011-01-20, 17:24

اقليه ومن بعد قطعيه قطع واعملي سوس تاع شمولة وخليه يطيب فيه يجي هايل جربيه ورديلي الخبر

allmaza

2011-01-20, 17:38

اقليه ومن بعد قطعيه قطع واعملي سوس تاع شمولة وخليه يطيب فيه يجي هايل جربيه ورديلي الخبر

نينا صوريلي السيار تع الرفيس تاعكم
واش معنى شمولة اي شرمولة؟؟؟؟

نينا الجزائرية

2011-01-20, 17:52

نينا صوريلي السيار تع الرفيس تاعكم
واش معنى شمولة اي شرمولة؟؟؟؟
شرمولة نسيت الحرف راء
سيار ليفتلو بيه الطعام بصح يكون فتحاتو كبار
مشي تاعنا روحنا ضياف عند مرت عمي دارتو حنا رفيسكم منعرفوهش

nisla

2011-01-20, 18:13

السلام عليكي يا عزيزتي ديري اسكاوب ب(( la craime fréche)) قطعي اسكلوب الي قطع صغير و ضعيها في مقلات مع قليل من الزبد و الملح و الفلفل الاسود عع (les chanpinion) خليهم يتقلاو شوي منبعد لحيلهم 1 او 2 علب (craime fréche) واتركيهم علي نار هادء يخثارو و في النهاي طفي النار و ضعي الفرماج cruyére وللهي لذيذ جدا و لو حبيتي ديري معاها مقرون محمر بزبد و حتشوفي شحال بنين كل افراد عائلة واصدقاء زوجي و صدقاتي يطلبونها لي و ان شاء الله لما نديرها نصورها ونبعثهالكم تشفوها و نسناكم كل العزيزات الي العشاء و ان شاء الله تجربيها و شكرا

janna

2011-01-24, 10:24

السلام عليكم أختي نعيمة هذه طبخة سكالوب بالفطر.:19:
فرشي شرائح السكالوب وحطي في نصهم فخض دجاج مقطع رقيق + بصل و ثوم + معدنوس و دبشة + ملح و فلفل أسود أربطيهم وحطيهم في طنجرة ومنبعد حمريهم في شوية زبدة وزيت ثم أمرقيهم بالماء ألي تكوني غليتي فيه عضم الدجاج و أضيفي الفطر و خليه يطيب حتى يخثار (يتلبب) قميه بمعدنوس و قارص.
أتمنى أن تعجبك الوصفة.:1:

BACHIRA2

2011-01-24, 14:06

اهلا اختي انا نحل لسكالوب بالحلال بعد ما نضع فوقه ورقة سيلوفان او بلاستيك ثم نعمره في الوسط بخليط من الفطر و الذرى و دجاج مرحي او لحم مع المعدنوس و التوابل ثم تضعيه في سنيوة تاع الفرن و تضيفيلو صوص طماطم و اطيبي يجي روعة

ام خديجة1

2011-01-24, 14:29

عندي وصفة وهي تفتحي طراف داند على شكل افيلي رقاق ودردر عليهم قليل من الملح والكمون والفلفل الاسودوضعي الفرماج وروليه وربطيه بالخيط ودهنيه بالزبدة وحضري لاصوص خاثرة بيضاء وحطي عليها الداند اللي حضرتيه وادخليه الى الفرن وعندما تتحمر خرجيها وقدميها مع الفريت والفطر مقلي وشوية سلاطة

BACHIRA2

2011-01-24, 14:32

اه اختي نسيت لفي سكالوب و احكميه ب curdent