إلى خريجي كليات علوم التجارة [الأرشيف] - منتديات الجلفة لكل الجزائريين و العرب

البتول سمية

2011-01-17, 13:33

سؤال و حابة الجواب يكون بصراحة
لما اخترت شعبة التجارة و سجلت فيها هل كان هذا بإرادتك أم أنك (ملقيتش عليها وين)
و في أي مجال يمكننا العمل
و واش ممكن نخدمو بالدبلوم اللي جبناه
منقدروش نخدمو وحدنا لا زم نستناو الوظائف اللي تعرضها الدولة و تمدها غي للمعارف
؟؟؟؟؟؟؟؟؟؟؟؟؟؟؟؟؟؟

يوسف 5

2011-01-17, 14:06

ملقيتش عليها وين

البتول سمية

2011-01-17, 14:24

best.2b

2011-01-17, 14:49

في السنة أولى جامعي كنت مستهزأ بتخصصات كالتربية البدنية ..إقتصاد المكتيبات ...و حتى المدرسة العليا للأساتذة...
مثلا عندي زملاء اعادو السنة الأولى 3 مرات ثم توجهو إلى التربية البدنية ..و كملو قرايتهم و الآن كلهم يشتغلون ....

المشكل في البلاد و الحكومة ماشي في التخصص والله...

انا أحبذ التخصصات التقنية خير مالزمر تاع الإدارة ....

optimism

2011-01-17, 14:54

المشكلة في التوجيه كي جيبت باك ماكانش علبالي شا نختار مع اني علمية وجبت 12 وما كنت نعرف ان المدرسة العليا اللي يتخرج يدخل يقري المهم الحمد لله على كل شيء انا قريت علوم التسيير وشكرا

البتول سمية

2011-01-17, 15:09

و لو
شكرا على الردود يبقى المشكل طبعا في البلاد و حكامها
الله يوفق كل ساعي للبحث عن عمل خاصة الرجال الرجال الرجال ثم الرجال
و الله مرات تضيق بي الدنيا و أكره فكرة دخولي للجامعة و خروجي بشهادة لا تساوي شيئا
و بعد كل شي نرجع نستغفر ربي و نقول الحمد لله على كل شيييييييييييييييييييييييييييييي

shakip39

2011-01-17, 15:22

كل علوم تسير وتجارة واقتصاد وعلوم اتصال وعلوم اجتماعية وعلوم شريعة وعلوم سياسة...لوكان تفهم الدولة تنحيهم هالدبلومات خير
مايبقى يتخرجولها وغير ديرولها ديرونجومن اذا هي ماهيش باقية تخدم فيهم

البتول سمية

2011-01-17, 15:28

الحمد لله يعني مش أنا قاعدة وحدي نلوم ف حالي على هاذ الدبلوم
حاسة روحي ضيعت أربع سنين من حياتي
حتى المذكرة تاعي تعبت عليها ف الباطل راهي عندي ف cd و كتاب و بلا فايدة
و الله بلاد غرائب و عجائب هي بلادنا

optimism

2011-01-17, 15:36

يارب نجحنا جميعا الله اكبر سبحان الله الحمدلله استغفر الله العظيم اللهم صلي وسلم على حبيبنا محمد

shakip39

2011-01-17, 15:41

انا منيش لايم روحي ياسر علاجالي عقبة السنوات الأربعة ماقراية مالوا حتى من الميموار كوبي كولي ههههههه

bibichaa

2011-01-17, 16:57

و الله يخويا مسبت عليها وين
كنت علمية و قريت للباك بزاااااف
كنت متمنيا ندير حاجا تبعا للتخصص نتاعي اللي هو علوم الطبيعة و الحياة
بصح واش نديرو بلاد ميكي
اداب يبعتوه تجارة و الى قرا تسيير يبعتوه بيولوجي.............

medmay86

2011-01-17, 16:58

بلد العجائب و الغرائب.

bileldz

2011-01-17, 17:07

العيب ليس في الشهادة أو التخصص فهناك من درس الأثار وناجح في حياته و عمله و بالبنسبة للذين يحتقرون الدبلوم فهم في رأيي ضعيفي شخصية و عدم الثقة في النفس مع العلم أني دارس علوم التسيير تخصص مالية و أعتز بها و درستها عن قناعة و أعي ما أقول

عجبا لنا نعيب زماننا و العيب فينا ؟..

و نرجو من الجميع إسترجاع الثقة في نفسه

asma_lou

2011-01-17, 17:19

انا ما كنتش حابتها من الاول بصح كي قريتها حمدالله قراية خفيفة و ساهلة ما عياتنيش خير من واش كنت حابة...لكن على حساب ما بديت نشوف ملي كملت القراية الخدمة ماكاش بالساهل...مي ماعليش نتكلوا على ربي سبحانو و هو يفتحنا بيبان الخير ان شاء الله...و بالتوفيق ختي و ماتكسريش راسك قريب يجي النهار اللي تخدمي فيه

mustafa666

2011-01-17, 17:50

شكرا للاخ BilalDz
انا كدلك أعتز بها و درستها عن قناعة وكنت أطمح لاصل الى أبعد حد ممكن ومازلت أطمح
لكن هناك عوائق فى الدنيا كلها يجب الصبرو الثقة في النفس كما قلت الله غالب هدا ما كتبنا الله
الحمد لله بالتوفيق للجميع

scorpion 16

2011-01-17, 18:32

و الله أندم على اليوم اللي دخلت فيه كلية التجارة
كان بوسعي إعادة البكالوريا و دخول مدرسة عليا أو مدرسة وطنية أو أي جامعة معترف بها في الجزائر
أنا الوحيدة من أفراد عائلتي اللي جبت دبلوم ميسوى ولا شي
الله يجيب الخير

هههه قال مدرسة عليا قال كامل في الهوى سوى

خريج المدرسة العليا للتجارة تخصص تسيير في 2007
مازال مالقيت خدمة غييير البريكووووووووووووووووووووووووووووووول
مي الحمد لله الشدة في ربي نسناو المكتوب

faridos

2011-01-17, 19:02

لتكلم عن نفسي شخصيا لم اندم ابدا على هذا الديبلوم ليسانس اقتصاد فبه انا احضر شهادة مهندس اعمال ففي هذا التخصص الممت بكافة الافكار الخاصة بالتجارة والتخطيط لنجاح المشاريع اما قضية الرزق فالله هو الرزاق ذو القوة المتين

noune ali

2011-01-17, 19:49

لما كل هذا الإحتقار لهذه الشهادة فمنا من تعب لتحصيلها من إمتحانات في الشامل والإستدراك والان تقولون أنها لاشيئ وكأن التخصصات الأخرى كلها تنافس درجة الدكتوراه يا إخواني هذة الشهادة لا تتوقف عند أربع سنوات فقط فناك ماجيستر وماستر لتحسين ورفع المستوى أكثر لذا يجب ترك كل نظرة تشاؤمية والتركيز على ماهو إيجابي ومفيد وكمثال لي أصدقاء درسوا تجارة وهم في مناصب عمل ذات مستوى لا يستهان به

abderrahmae@406

2011-01-17, 20:12

- الثقة في الله و التوكل عليه لا على الديبلوم أو المعارف
- هذا المجال مفتوح يسمح للك بالعمل في شتى ميادين خاصة اذا كنت تخصص: مالية
- يمكن أن تصبح محافظ حسابات ومحاسب معتمد تعمل في مكتبك الخاص . هذا اذا أجريت تربصا في هذا المجال .كذاك اذا عملت في الوظيفة الحكومية فترة طويلة .

mohamed888

2011-01-17, 20:26

والله يا خاوتي نصبرو برك
ويفرج ربي ان شاء الله على الجميع

البتول سمية

2011-01-19, 15:53

شكرا على مروركم و تفاعلكم مع الموضوع و قد أعجبنتني ردودكم و الله
ان شا الله ربي يوفق الجميع و ما ذا بينا نزيدو نقرو ف هذا المجال ماستر و دكتورا و نكملو كامل les formations الخاصين ب هذا المجال
برك متبخلوش علينا بمعرفتكم عن كيفية التسجيل و الالتحاق بمثل هذه المدارس
لو أدري فقط أين أستطيع اتمام دراستي لذهبت و بدون انتظار
و لكن الله غالب معدنا نعرفو والو ف هاذ البلاد قالك جات الماستر و تقدرو تدخلو بلا كونكور و كي زدت سقسيت قالولي خلاص مكاش
لحد الآن معرفتش كاين و لا مكاش
الله يجيب الخير

youcef84

2011-01-19, 22:00

الغلطة الكبيرة اللي درتها في حياتي

البتول سمية

2011-01-19, 22:13

الغلطة الكبيرة اللي درتها في حياتي

في رأيك هل يمكن إصلاحها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟