هنا توضع اخر احداث المضهارات

[amirprince]

هنا سوف نقوم بطرح اخر الاحذاث
في جميع المدن
والمضهرات والتخريب

[amirprince]

المضاهرات تهز جميع ارجاء برج بوعريريج
حرق اكثر من 10 شركات بالاضافة الى البلدية ومقر الولاية القديم
نران مشتعل
الدخحان يغطي البرج
ربي يستر

[amirprince]

هل من جديد

[moh_boulk18]

هل من جديد فى سطيف و قسنطينة و عنابة

[amirprince]

البرج مقلبة و مروانة ثاني

[amirprince]

تم حرق في البرج
كل من جيزي مويسلسس لكناب سوسيتي جينرال القرض الزطني البلدية الولاية القديمة ............

[kareena01]

السلام عليكم

مضاهرات عنيفة جدا في عنابة خاصة في حي l'aurier roze ربي يستر اصحاب امراض اللازم

كل شئ مغلوق في وسط المدينة

ربي يهدي شعبنا

و يقدر الخير

[ربيع1980]

ربي يستر الجزائر من كل مكروه ويطفئ نار يريدها أعداء الجزائر أن تحرق الأخضر واليابس.
يا شباب الجزائر عبروا عن غضبكم بطرق سلمية ولا تدمروا دولتكم.

[mahmouddz]

هدا ما نفلحوا حنا غي في الخسارة

[lakhdar89]

يا جماعة حاسي بحبح ولاية الجلفة راهي مقلبة كلش راح البريد البلدية الدائرة

[لوجين]

في قسنطينة الدنيا مقلبة كل الطرق مغلقة نار وججر في كل مكان حرقوا كلش حتى السيارات تاع الناس ماخلوهاش كل المحلات مغلقة تحتاج علبة دواء ماتلقهاش ......هذي مش مظاهرات واحتجاج هذا اصبح ارهاب منيش ضد امظاهرات لكن مش بهذي الطريقة
الله يستر ويجيب الخير ويحفظ الجزائر من كل شر

[المجاهد الشجاع]

راها ولاية الاغواط مقلوبة

[مراد25]

السلام عليكم الدعوة ياجماعة هنا في قسنطينة راهي مقلبة راهم الطرفق كلهم مقطوعين الكليموجان تقول راه الضباب الغاشي حاب يوصل لسونتر فيل وزيد راني نشوف في الدخان تاع الحريق من الاحياء تاع الفوبور والزيادية واد الحد وسمعت تاني بالي راه في الحامة وديدوش السمارة الخروب راهم مشعلين الطرق كامل
ربي يستر برك:sdf:

[hadjerjouja]

هنا في ورقلة راهي الحالة ما تعجبش وأنا واش شفت اليوم راهم يستخدموا في القنابل المسيلة للدموع
ربي يستر

[mahmouddz]

اللهم استرنا

[محمد1482]

في تيارت حطمو غير المؤسسات التربوية و الاطفال ماهو ذنبهم ...................... الله يهدينا

[ange etrange]

m3askar tani rahi maglouba

[khire eddine]

السلام عليكم
يا جماعة قسنطينة كامل راهي مقلية ...كلش محروق ..كل طرق مغلوقة ..النيران والمتاريس ..
الغزات الكسيلو للدموع ..
مند خوالي 30 دقيقة تدخلت الهيليكوبتار ...نعمدخلت الهيليكوبتار لتفريق المتظاهرين ..
ربي يجيب الخير ..
البطالة ..البطالة ..البطالة ..

[اسلام عبد الرحمان]

الحمد لله جيجل راهي أعلى خير ولكن السكر 12000 دج

[djamelsen]

الشعب يعاني حقيقة لكن ليس بهذه الطريقة نطالب بحقوقنا راكم تحرقوا في أنفسكم و الله حرام رأيت مؤسسات تحرق البريد العيادة رأيت عشرات من الشرطة ملقين عى اللأرصفة بينما اللصوص فوق أرائكهم محتكري الزيت و السكر يشاهدون اللقطات علىالبوتيب و يضحكون
يضحكون

[ika]

ولاية البليدة مقاطعة كات شوماااااااا حرقو الليسي

[جوادعلي]

لا حول ولا قوة الا بالله

[hachemi 58]

في تيارت الهدوء التام

حدار حدار الانخداع تحت غطاء السكرو الزيت هنا ك نوايا خبيثة حدار دخل اليهود مثل ما خدعنا باسم الاسلام في 1991

مات من مات و سجن من سجن و القيادة اخدوا المال و منهم من لجأ

[أبو الكلام]

السلام عليكم....
هنا بغليزان اندلعت بعض الشرارات هنا وهناك...في حي الانتصار...في حي كاسطور......

[السيد عبد الحق]

المدية راهي مقلوبة الله يستر..

[lame]

بريد الضاية تم السطو عليه
يالله احفظ واستر

[lame]

مع العصر خرجت من طريق الأغواط . في القرية (قرية اولاد عبيد الله) زجاج في الطريق
اثار حريق عجلات السيارات

[ahmadhamza]

السلام عليكم خاوتي ديرو في بالكم هاذ الاية

{ وَضَرَبَ اللّهُ مَثَلاً قَرْيَةً كَانَتْ آمِنَةً مّطْمَئِنّةً يَأْتِيهَا رِزْقُهَا رَغَداً مّن كُلّ مَكَانٍ فَكَفَرَتْ بِأَنْعُمِ اللّهِ فَأَذَاقَهَا اللّهُ لِبَاسَ الْجُوعِ وَالْخَوْفِ بِمَا كَانُواْ يَصْنَعُونَ } النحل :112.

[viva villa]

العاااااصيمة راهي مقلبة رأسا على عقب
غير خلووووووونا في ديارنا و ماتلحقوناششش

[حليش الجيريا]

سمعت باللي في باب الزوار راهي مقلبة.............الله يستر............