النقاط في الجامعة...مهزلة دائمة على مر السنين

[ryyyma]

السلام عليكم
اليوم حبيت نحكي لكم على الجامعة الجزائرية كيف تسير

هذه نقاط دفعة من الدفعات
و فيما بعد التعليق
http://sphotos.ak.fbcdn.net/hphotos-ak-snc4/hs1218.snc4/157071_186724638009027_100000144759299_697709_6775 416_n.jpg

أكيد فهمتم القصد من الموضوع.

و متأكدة أن كل واحد حدثت معه قصة مع النقاط

فما هي قصتكم أنتم؟؟

في انتظار مشاركاتكم

تقبلوا مني فائق الاحترام و التقدير





و شعارنا دائما

في كل يوم ليكورات... نحرgها و تيديات
:1:



أختكم ريمة طالبة عفو ربي

[thorpe]

راكي نسيني ريمة
ياو فاقو حسين ...... 0.25........0.27........ مطرود بدون اي سبب

[ryyyma]

ههههههههههههههههههههه

اومبعد نزيدوك في لا ليست

هههههههه

صحا كيفاش حتى طردوك؟؟

سور غارو منك
ههه

مرورك نوّر صفحتي البسيطة خويا حسين

تحياتي

[ryyyma]

أوووووو ووووو وين راكم يااا جماعة؟؟

ولا كااامل راكم راضيين على نقاطكم سواء في الجامعة أو في الأطوار الأخرى؟؟؟

يلا علابالي بلي قلبكم راه معمر

أحكو لنا و أفيدونا

راني نستناااااااا

[ryyyma]

شكرا جزيييييلا أخي ع.جمال
فكما تعلم غير نكون نعبر تروحلي العربية الفصحى

جزاك الله خيرا على التعديل

تقبل مني فائق الاحترام و التقدير

[*ألخيال*]

السلام عليكم


ههههههههه واش تحكي واش تخلي ...........


راها ميتة كيما نقولوا...................

شكرا ليك على الموضوع........

[المجهـول]

الســـــــــــلام عليكم ورحمة الله وبركــــــــــــــاته

الانسان يقول ربي ورحمته برك

[amura8]

هههههههههههههههه طرحت الموضوع باسلوب مشوق
الجامعة الجزائرية فيها وفيها تبعي زهرك وين يمشي

[ryyyma]

السلام عليكم


ههههههههه واش تحكي واش تخلي ...........


راها ميتة كيما نقولوا...................

شكرا ليك على الموضوع........

و عليكم السلام

ههههه أحكي برك يا خويا جهاد

علابالي بلي قلبك راه معمر
:1::1::1:

[ryyyma]

الســـــــــــلام عليكم ورحمة الله وبركــــــــــــــاته

الانسان يقول ربي ورحمته برك

و عليكم السلام و رحمة الله تعالى و بركاااته

أأأه وي دائما نقولو ربي و رحمتو

بصح بيناتنا زعما جامي صراتلك عفسا عيانة مع الأساتذة؟؟ و خاصة فيما يخص النقاط

تحياتي

[*ألخيال*]

و عليكم السلام

ههههه أحكي برك يا خويا جهاد

علابالي بلي قلبك راه معمر
:1::1::1:



لو كان نحكي راني نطرطق :d:d



مانيش حاب نتفكر هاذا ماكان ويوجعني قلبي ونتفكر ويطلعلي السكر والملح والزيت والقهوة وكلشي :1:

[ryyyma]

هههههههههههههههه طرحت الموضوع باسلوب مشوق
الجامعة الجزائرية فيها وفيها تبعي زهرك وين يمشي

شكرا أختي أمورة على الرد الطيب

اييييه الجامعة و كل ما يتعلق بالتعليم في الجزائر عليهم حكايات و حكايات

و مادا بينا نسمعو منك كاش حكاية صراتلك

في انتظار عودتك تقبلي تحياتي ختيتو

[ryyyma]

لو كان نحكي راني نطرطق :d:d



مانيش حاب نتفكر هاذا ماكان ويوجعني قلبي ونتفكر ويطلعلي السكر والملح والزيت والقهوة وكلشي :1:

هههه أحكي برك يا خويا جهاد رانا هنا نونسوك

راني نستنا في كاش حكاية من عند خويا

:1::1::1:

[*ألخيال*]

هههه أحكي برك يا خويا جهاد رانا هنا نونسوك

راني نستنا في كاش حكاية من عند خويا

:1::1::1:



ربي يعزك اختي ريمة :1:


صح تفكرت واحد النهار افيشاولي ف واحد الموديل 11.25

قلت مليحة اخر السنة لقيتها ماكانش ماهم كاتبين والو

رحت للاستاذة قلتلها وين راهي نقطتي قالت ؟؟


انت الي نسيت كتابة اسمك ؟؟!!!!!


قلتلها بسم الله الرحمن الرحيم راني مادي 11.25

لا قالت هاذي هي ورقتك راك عندك 5

تقلقت ههههههه ضحكت في وجهي وعطاتلي 3 قالت صدقة روح خير من نرجعها صفر :mad::mad::mad:

[ل..ب..ن..ى]

ههههههه

كي مايقعدوش يسالولي هاداك هو الصح ههههههه

والله غير تبهديلة
عليها جامي نلحقو للاعلالي

خاطر مّالين الكتاف هما اللي يدّو ويبلعو العامات
والزاواليا اللي يخافو ربي
يقعدو مع الشريف
السيد 00

ميرسي عليك ريمة

سلاااااااام

[ل..ب..ن..ى]

ربي يعزك اختي ريمة :1:


صح تفكرت واحد النهار افيشاولي ف واحد الموديل 11.25

قلت مليحة اخر السنة لقيتها ماكانش ماهم كاتبين والو

رحت للاستاذة قلتلها وين راهي نقطتي قالت ؟؟


انت الي نسيت كتابة اسمك ؟؟!!!!!


قلتلها بسم الله الرحمن الرحيم راني مادي 11.25

لا قالت هاذي هي ورقتك راك عندك 5

تقلقت ههههههه ضحكت في وجهي وعطاتلي 3 قالت صدقة روح خير من نرجعها صفر :mad::mad::mad:

ههههههه
خطرة كنت في السنة الاولى

فوتنا ليزيكزامان نورمال

افيشاونا الكوراكسيون تاع السطاتيستيك
رحت نشوف الكوريجي تيp

قلت سي بون اليوم ندير الgلال في الدار

كانو عاطيينا 3 تمارين
وهادي رياضيات
يعني باين الصحيح من الغالط!!

عندي زوج تمارين صحاح من الاول للاخر
والتمرين ال3 صحيح في 3اسئلة وزوج غالطين

نهار لافيشاج لقيت 4.5 .....!!!!!
بلوكيت من راسي

قلت بالاك هادي النقطة تاع اللي قبلي ودارو ديكالاج!!!
راسي حبس!!

رحت للبروفا قلتلها ...... غير الخير يا مادام!!
ههههههه

قاتلي واش كاين
قلتلها حبيت نشوف ورقتي
في بالي كاين غلطة في النقطة تاعي

وقعدت نساير فيها
ايه كامل نغلطو وهادي وهادي

قاتلي نهار الاحد الجاي ارواحي وشوفيها
وفي الاول ماحبتنيش نشوفها
!!
ماعلاباليش علاه ؟؟!!!

وانا كنت سووور من روحي بلي راني خادمة مليح

ايا نهار الاحد جا....
رحت نشوفها قالولي تزوجت السمانة اللي فاتت
وماتجيش!!!
قلتلهم هي تزوجت انا نعاود العام!!!

ومبعد عاود كانو رايحين وحدين يشوفو اوراقهم
قلت نروحو في جماعة خير
اليوم هاداك اللي تفاهمنا عليه
نسيت روحي وهبطت للدار
وهاداك النهار هي جات!!!

عرفت روحي بلي ماعنديش الزهر

ايا عاود رحت ليها
قاتلي سي بون سي طروطار!!!
قاتلي اخلفيها في السوماستر الزاوج

قعدت في خاطري بزااااااف
حقي داوهولي بين يدي وماعندي ماندير

كنت عاد مانفهمش وخليتها راحت عليا!!!!
وخفت نقول لبابا يقولي علاه تنساي وووووو
نخاف من التنgريش

ايا فات العام
المهم بلعت
مي مازالت غايضتني هههههههه


سلااااااااام

[ryyyma]

ربي يعزك اختي ريمة :1:


صح تفكرت واحد النهار افيشاولي ف واحد الموديل 11.25

قلت مليحة اخر السنة لقيتها ماكانش ماهم كاتبين والو

رحت للاستاذة قلتلها وين راهي نقطتي قالت ؟؟


انت الي نسيت كتابة اسمك ؟؟!!!!!


قلتلها بسم الله الرحمن الرحيم راني مادي 11.25

لا قالت هاذي هي ورقتك راك عندك 5

تقلقت ههههههه ضحكت في وجهي وعطاتلي 3 قالت صدقة روح خير من نرجعها صفر :mad::mad::mad:

ههههههههههه هادي الأستاذه شريرة

تقول راهم يخرجو النقاط من جيوبهم

ما عليش ماعليش المهم أديت العام بلا مزيتها
:1:

[ryyyma]

ههههههه

كي مايقعدوش يسالولي هاداك هو الصح ههههههه

والله غير تبهديلة
عليها جامي نلحقو للاعلالي

خاطر مّالين الكتاف هما اللي يدّو ويبلعو العامات
والزاواليا اللي يخافو ربي
يقعدو مع الشريف
السيد 00

ميرسي عليك ريمة

سلاااااااام

هههه واش تحبي يا ختي لبنى

لازم صحاب الكتاف هوما لي يسبقوفيهم

و الباقي لينا

:1:

غير راهم يتفكرونا بكاش 10 ولا رانا ملاااح

[ryyyma]

ههههههه
خطرة كنت في السنة الاولى

فوتنا ليزيكزامان نورمال

افيشاونا الكوراكسيون تاع السطاتيستيك
رحت نشوف الكوريجي تيp

قلت سي بون اليوم ندير الgلال في الدار

كانو عاطيينا 3 تمارين
وهادي رياضيات
يعني باين الصحيح من الغالط!!

عندي زوج تمارين صحاح من الاول للاخر
والتمرين ال3 صحيح في 3اسئلة وزوج غالطين

نهار لافيشاج لقيت 4.5 .....!!!!!
بلوكيت من راسي

قلت بالاك هادي النقطة تاع اللي قبلي ودارو ديكالاج!!!
راسي حبس!!

رحت للبروفا قلتلها ...... غير الخير يا مادام!!
ههههههه

قاتلي واش كاين
قلتلها حبيت نشوف ورقتي
في بالي كاين غلطة في النقطة تاعي

وقعدت نساير فيها
ايه كامل نغلطو وهادي وهادي

قاتلي نهار الاحد الجاي ارواحي وشوفيها
وفي الاول ماحبتنيش نشوفها
!!
ماعلاباليش علاه ؟؟!!!

وانا كنت سووور من روحي بلي راني خادمة مليح

ايا نهار الاحد جا....
رحت نشوفها قالولي تزوجت السمانة اللي فاتت
وماتجيش!!!
قلتلهم هي تزوجت انا نعاود العام!!!

ومبعد عاود كانو رايحين وحدين يشوفو اوراقهم
قلت نروحو في جماعة خير
اليوم هاداك اللي تفاهمنا عليه
نسيت روحي وهبطت للدار
وهاداك النهار هي جات!!!

عرفت روحي بلي ماعنديش الزهر

ايا عاود رحت ليها
قاتلي سي بون سي طروطار!!!
قاتلي اخلفيها في السوماستر الزاوج

قعدت في خاطري بزااااااف
حقي داوهولي بين يدي وماعندي ماندير

كنت عاد مانفهمش وخليتها راحت عليا!!!!
وخفت نقول لبابا يقولي علاه تنساي وووووو
نخاف من التنgريش

ايا فات العام
المهم بلعت
مي مازالت غايضتني هههههههه


سلااااااااام


ههههههههههههه
هادي داروهالي العام اللي فات يا ختي لبنى
تيماجيني درت 2 لي غوكوغ و قاعدا نستنا

السمانة الأولى جازت ما أفيشاولي والو

السمانة الثانية زدمت عندهم

أيا قاعدا نسقسي كيفاش مابانش الغيزولتا تاع الغوكوغ ديالي

قاللك هادوك لي بروف ماجاوش

صحا وقتاش يجو

قاللك ماعلابالناش

ماعليش الغاشي مصيّف و أنا نجري لخروبة المخروبة

كل يوم مـpوانتيا تما
أيا نهار اللي تنارفيت و رحت نداوس معاهم جا واحد من هادوك لي بروف

قلت ماعليش يا ريمة هدني روحك و أصبريلهم اليوم

هدرت معاه قاللي أرواحي غدوا

قلتلو سوغ تجي غدوا

قاللي وي سوغ

أيا ما عليش رحت غدوا هاديك ماكاين لا هاداك البروف و لا خيالو

تنارفيت و قريب درت جريمة في الجامعة

تيماجيني لسخانة تاع جوان و نسكن بعيـــــد على الجامعة و يزيد يشقيني

أومبعد سمحت في كلش

قلت ما عليش نرضى ب 12.5 معدّل و لا الشقا و الميزيرية

[ل..ب..ن..ى]

هههههه
شفتي الهم
ماعليه حنا زاواليا وفوحل هههههه

ربي يجيب الخير
وان شاء الله ربي يهديهم

سلااااااااام

[*ألخيال*]

ههههههه
خطرة كنت في السنة الاولى

فوتنا ليزيكزامان نورمال

افيشاونا الكوراكسيون تاع السطاتيستيك
رحت نشوف الكوريجي تيp

قلت سي بون اليوم ندير الgلال في الدار

كانو عاطيينا 3 تمارين
وهادي رياضيات
يعني باين الصحيح من الغالط!!

عندي زوج تمارين صحاح من الاول للاخر
والتمرين ال3 صحيح في 3اسئلة وزوج غالطين

نهار لافيشاج لقيت 4.5 .....!!!!!
بلوكيت من راسي

قلت بالاك هادي النقطة تاع اللي قبلي ودارو ديكالاج!!!
راسي حبس!!

رحت للبروفا قلتلها ...... غير الخير يا مادام!!
ههههههه

قاتلي واش كاين
قلتلها حبيت نشوف ورقتي
في بالي كاين غلطة في النقطة تاعي

وقعدت نساير فيها
ايه كامل نغلطو وهادي وهادي

قاتلي نهار الاحد الجاي ارواحي وشوفيها
وفي الاول ماحبتنيش نشوفها
!!
ماعلاباليش علاه ؟؟!!!

وانا كنت سووور من روحي بلي راني خادمة مليح

ايا نهار الاحد جا....
رحت نشوفها قالولي تزوجت السمانة اللي فاتت
وماتجيش!!!
قلتلهم هي تزوجت انا نعاود العام!!!

ومبعد عاود كانو رايحين وحدين يشوفو اوراقهم
قلت نروحو في جماعة خير
اليوم هاداك اللي تفاهمنا عليه
نسيت روحي وهبطت للدار
وهاداك النهار هي جات!!!

عرفت روحي بلي ماعنديش الزهر

ايا عاود رحت ليها
قاتلي سي بون سي طروطار!!!
قاتلي اخلفيها في السوماستر الزاوج

قعدت في خاطري بزااااااف
حقي داوهولي بين يدي وماعندي ماندير

كنت عاد مانفهمش وخليتها راحت عليا!!!!
وخفت نقول لبابا يقولي علاه تنساي وووووو
نخاف من التنgريش

ايا فات العام
المهم بلعت
مي مازالت غايضتني هههههههه


سلااااااااام




مازال ما شفتي والو هههههه



صاحبي واله يغيظ صح يقرا في ens تاع بوزريعة استاذ تخصص انجليزية طاح في واحد الشيخ في السنة 5

اي الأخيرة تاعو


كان السيد يقرا نورمال ....عاودلو السنة 5 وزاد عاودهالو :mad: كان يعطبلو في اصفار والسبة بنت


راكي عارفة واش معنتها ؟؟؟ معنتها السيد يوجه وخرجوه من التخصص تاعو في آخر سنة العوض لا يفرح


السيد ما حبش يعاود يقرا من جديد بطل وهرب من الجامعة غير سمعو بيه حبس من الجامعة داوه للجيش باه يعقب العامين


ولا في عمرو 26 سنة لا قراية لا خدمة لا دار وصحابو راهم اساتذة وخدامة وهو قاعد يشوف فيهم



هاذي قصة حقيقية

ما نزيدكمش نقوللكم انو السيد هبل وقطع قشو ولا يدور في الليل وحاليا راه خدام يعس في الحوانت في الليل


اي حارس ليلي يستنا مول الحانوت الصباح باش يفتح ويعطيلو حق الحراسة



عل هنالك اسوأ من هاذا


لا حول ولا قوة الا بالله :mad::mad::mad:

[ryyyma]

هههههه
شفتي الهم
ماعليه حنا زاواليا وفوحل هههههه

ربي يجيب الخير
وان شاء الله ربي يهديهم

سلااااااااام

ههههههههه أه وي قوليها و عاوديها يا ختي لبنى

ما عليش مزيا لي كاين ربي

أيا ختيتو انا نروح نرقد

تصبحي بخير

و تصبحو بخير كااااااامل

غدوا ان شاء الله

[ryyyma]

مازال ما شفتي والو هههههه



صاحبي واله يغيظ صح يقرا في ens تاع بوزريعة استاذ تخصص انجليزية طاح في واحد الشيخ في السنة 5

اي الأخيرة تاعو


كان السيد يقرا نورمال ....عاودلو السنة 5 وزاد عاودهالو :mad: كان يعطبلو في اصفار والسبة بنت


راكي عارفة واش معنتها ؟؟؟ معنتها السيد يوجه وخرجوه من التخصص تاعو في آخر سنة العوض لا يفرح


السيد ما حبش يعاود يقرا من جديد بطل وهرب من الجامعة غير سمعو بيه حبس من الجامعة داوه للجيش باه يعقب العامين


ولا في عمرو 26 سنة لا قراية لا خدمة لا دار وصحابو راهم اساتذة وخدامة وهو قاعد يشوف فيهم



هاذي قصة حقيقية

ما نزيدكمش نقوللكم انو السيد هبل وقطع قشو ولا يدور في الليل وحاليا راه خدام يعس في الحوانت في الليل


اي حارس ليلي يستنا مول الحانوت الصباح باش يفتح ويعطيلو حق الحراسة



عل هنالك اسوأ من هاذا


لا حول ولا قوة الا بالله :mad::mad::mad:

صباح الخير علييييكم

و الله قصة مؤثرة بزااااف

لوكان جين مكانو كنت نضربها بهبلة

و الله تحير في الأساتذة كيفاش يخممو

كاين اللي والله ما يحشمو

كيما واحد الأستاذ راهو يقريني هادا العام

أيماجين مرة دخلت متأخرة للتيدي

جا زعما عندي يفهمني

و نشوف في السيد ماراهش كاامل لاتي بالتفهام

قاعد يدراgي

قلتلو أستاذ راين فاهما مليح هادا الدرس و شنّفت في وجهو

باش على الأقل يخطيني

قلت في قلبي

درنا خمار ما حشمو

درنا حجاب طويييل ما حشمو

باقي غير الجلباب و بالاك كيف يكف

و كاينا وحدا تاني تقرا معايا دايما تضرب 25 كيلو ماكيا و راك عارف الحالة بلا ما نوضح

ألوغ في التيدي هي تقعد قدام التاقة

هو يخرج برا للبالكون (لأنو الجامعة ديالنا فيها بالكون و التواقي تاع الأقسام كامل فيه)

ألوغ يخرج برا و يقعد يقسر معاها من التاقة

تحسبو روميو و هي جوليات

أيماجين و المودuل بزاف مهم

ما يقرينا ما يندب راسو

يقعد يقسر معاها و يقولنا حلو التمارين اومبعد يروح و يخلينا

هادا أستاذ هادا؟؟

[ryyyma]

و كاين أول حادثة صراتلي كانت في السنة الأولى جامعي

وحد الأستاذ يموووت على صحاب الماكياج و ....

المهم

درنا الامتحانات تاع السداسي الأول

و هو ما أفيشاش

أوغ غير دخلنا نقراو بعد العطلة في المحاظرة جبد القائمة تاع الطلبة و بدا يعيط

فلان يحب يدراقي و يحب البابيش كيما هو 12.5

فلانة شابة بزاف و ما تماكييش 12

فلان خاطيه الشي 5

فلانة داربا عشرا كيلو ماكياج 15

فلان حشّام مسكين 2.5

فلانة ما علالاقاش بالزين 2.5

فلانة تحشم و عاقلا 5

فلان .
.
.
.
.
.
.
.
حتى لحق ليا

عيط ريم .... شاف فيا و قاللي 5

أووو

ضبرت على عقلي ما لقيتوش

و أنا خدمت مليح

قلتلو شيخ النقاط بالوجوه؟؟

قاللي كيفاش؟؟

قلتلو لوكان قلتلنا هاكدا من قبل كنا نماكييو شويا على الأقل نضمنو 10

اومبعد هو كلمة و أنا كلمة

و الغاشي ميت عليه بالضحك

و غير شاف روحو مفضوح

قاعد يهدد فيا بأنو رايح يقطع كامل الأوراق

هههههه

ضحكت و الله غير ضحكت

و من هاداك النهار حلفت على هاداك الأستاذ

ما زدتش دخلت عندو

و في السداسي الثاني حفظت المودuل تخي بيان

و مدلي 15

هاكداك و حقرني

مي خير من وجهو

اييييه وي

هادي هي حالة الجامعة عندنا

[لقاء الجنة]

ههههههههههه....

صح...صح....صح....

ضحكت من قلبي.....


http://m002.maktoob.com/alfrasha/ups/u/26720/31303/392649.jpg

[ryyyma]

ههههههههههه....

صح...صح....صح....

ضحكت من قلبي.....


http://m002.maktoob.com/alfrasha/ups/u/26720/31303/392649.jpg

أهلا بك أخي لقاء الجنة على صفحتي البسطة

هادي هي اللي يقوللك هم يضحك و هم يبكي

:1::1::1:

رانا نستناو في كاش حكاية صراتلك انت أيضا مع النقاط

تقبلي تحياتي ختيتو

و نتلاقاو في رد آخر ان شاء الله
:1::1::1:

[_أمل جديد_]

http://www.nsaayat.com/up/uploads/nsaayat632b27691f.gif
سبحان الله و بحمده سبحان الله العظيم

[نعمة القدوس]

LoOl ..
http://www.laymark.com/i/m/m146.gif (http://www.laymark.com/#icons)
والله ملـــــيحهـ تآع ديمــــآ عشرة .. وعــــآيش بالقهوة ..
أنــــــــــآ مـــــآزلت ماوصلتش للجـــــآمعة ..
وحتى الآن الحمد لله ..
ندي حقـــــي ..
http://www.laymark.com/i/m/m171.gif (http://www.laymark.com/#icons)
مشكـــــــــــورة ريمــــآ ..
موضوع رآئـــــــع ..
ضحكتـــــيني .. بآركـ الله فيكـ ..
http://www.laymark.com/i/m/m129.gif (http://www.laymark.com/#icons)

[wassila21]

الجامعة و ما أدراك ما الجامعة، كلش بالوجوه، حتى كي تروحي تشري كاسكروط بالوجوه :1:
المهم في العام ألاول ديالي قراني واحد إسمه الأسود راه شايع في الجامعة ديالي، وكيما قالنا هو ، إسمي أسود و وجهي أسود و قلبي أسود :cool::confused:

في الإختبار تاع السداسي الأول لحقت روطار قريب بساعة، أنا ضربت الناح و ما دخلتش، علابالي ندي غير البخس و التبهديل

السيد عطالي 0، جاتني عادي خاطر ما عقبتش المادة دياله،

للسداسي الثاني، زيرت روحي و قريت مليح باش نخلف النقطة ، السيد الله يسود ياماته زاد مدلي 00 ، حوست حوست عليه والو ، السيد أنسخط

خاطر يقري في شحال من جامعة، لازم رونديفو باش تحكميه، قلت معليش ندخل دورة شاملة(سانتاز) كيف كيف 00، تقوشي حرشوه عليا

هدرت معاه فالي ما بررتيش غيابك، قلتله و من بعد واش دخل السانتاز مع السداسي الأول، كل واحد النقطة دياله، السيد راسه يابس

والوووووووو ماحبش يسقملي النقطة، رحت كي الجايحة دخلت دورة إستدراكية و هكذاك والو زادلي 00، و خدني الله يوخده راحلي العام على

جاله، نوكل عليه ربي

العام الثاني كي عاودت أديت عنده معدل 16 ، هنا تعرفو بلي حقرني

و نقولكم كيفاش ينقط تتخلعوا، ياخذ الباكي تاع الأوراق ، يقسمهم على 3 ، الباكي الأول يمدلهم بين 0 و 5 ، الباكي الثاني صحاب 10 و الباكي

الثالت صحاب 12 و 15 ، يمد برك النقاط

المهم، الحمد على كل حال، كملت قرايتي و كي نتفكر واش جوزت نشبع ضحك

ربي يوفق كل المتخرجين لهذه السنة

[ryyyma]

http://www.nsaayat.com/up/uploads/nsaayat632b27691f.gif
سبحان الله و بحمده سبحان الله العظيم

شكرا خويا سفيان على المرور الطبيب

وددت لو شاركتنا بحادثة صراتلك مع الأساتذة

في انتظار عودتك

تقبل تحياتي

[ryyyma]

LoOl ..
http://www.laymark.com/i/m/m146.gif (http://www.laymark.com/#icons)
والله ملـــــيحهـ تآع ديمــــآ عشرة .. وعــــآيش بالقهوة ..
أنــــــــــآ مـــــآزلت ماوصلتش للجـــــآمعة ..
وحتى الآن الحمد لله ..
ندي حقـــــي ..
http://www.laymark.com/i/m/m171.gif (http://www.laymark.com/#icons)
مشكـــــــــــورة ريمــــآ ..
موضوع رآئـــــــع ..
ضحكتـــــيني .. بآركـ الله فيكـ ..
http://www.laymark.com/i/m/m129.gif (http://www.laymark.com/#icons)

أهلا بأختي الغالية على صفحتي البسيطة

مزيا لي ماراهمش حاقرينك

على الأقل تبروفيتي شويا


تقبلي تحياتي ختيتو:mh31:

[ryyyma]

الجامعة و ما أدراك ما الجامعة، كلش بالوجوه، حتى كي تروحي تشري كاسكروط بالوجوه :1:
المهم في العام ألاول ديالي قراني واحد إسمه الأسود راه شايع في الجامعة ديالي، وكيما قالنا هو ، إسمي أسود و وجهي أسود و قلبي أسود :cool::confused:

في الإختبار تاع السداسي الأول لحقت روطار قريب بساعة، أنا ضربت الناح و ما دخلتش، علابالي ندي غير البخس و التبهديل

السيد عطالي 0، جاتني عادي خاطر ما عقبتش المادة دياله،

للسداسي الثاني، زيرت روحي و قريت مليح باش نخلف النقطة ، السيد الله يسود ياماته زاد مدلي 00 ، حوست حوست عليه والو ، السيد أنسخط

خاطر يقري في شحال من جامعة، لازم رونديفو باش تحكميه، قلت معليش ندخل دورة شاملة(سانتاز) كيف كيف 00، تقوشي حرشوه عليا

هدرت معاه فالي ما بررتيش غيابك، قلتله و من بعد واش دخل السانتاز مع السداسي الأول، كل واحد النقطة دياله، السيد راسه يابس

والوووووووو ماحبش يسقملي النقطة، رحت كي الجايحة دخلت دورة إستدراكية و هكذاك والو زادلي 00، و خدني الله يوخده راحلي العام على

جاله، نوكل عليه ربي

العام الثاني كي عاودت أديت عنده معدل 16 ، هنا تعرفو بلي حقرني

و نقولكم كيفاش ينقط تتخلعوا، ياخذ الباكي تاع الأوراق ، يقسمهم على 3 ، الباكي الأول يمدلهم بين 0 و 5 ، الباكي الثاني صحاب 10 و الباكي

الثالت صحاب 12 و 15 ، يمد برك النقاط

المهم، الحمد على كل حال، كملت قرايتي و كي نتفكر واش جوزت نشبع ضحك

ربي يوفق كل المتخرجين لهذه السنة

ما تقوليليش الأسود اللي قراني

يا لطيف

هاداك اللي يكتب صفر في مكان 0

و يقول أنا ما نكتبش 0 و انما نكتب "صفر" يعني صعلوك فارغ الرّأس

:1::1::1:

هاداك السيد الغاشي كااامل داعيين عليه

في حياتو كسب غير دعاوي الشر

قراني في سنة أولى جامعي

مدلي في السداسي الأول 3 و في الثاني مدلي 11

على الأقل خرجت هاداك المودuل

تيماجيني عندي صحبتي كان عندها المعدل العام 10 و جابت عندو 4.5

دخلها للسانتاز و للغاتخاباج مسكينة

اييييييه الله يسود أيامو كيما قلتي

شحاااال من واحد عاود العام على جالو



تحياتي ليك ختيتو:mh31:

[wassila21]

ما تقوليليش الأسود اللي قراني

يا لطيف

هاداك اللي يكتب صفر في مكان 0

و يقول أنا ما نكتبش 0 و انما نكتب "صفر" يعني صعلوك فارغ الرّأس

:1::1::1:

هاداك السيد الغاشي كااامل داعيين عليه

في حياتو كسب غير دعاوي الشر

قراني في سنة أولى جامعي

مدلي في السداسي الأول 3 و في الثاني مدلي 11

على الأقل خرجت هاداك المودuل

تيماجيني عندي صحبتي كان عندها المعدل العام 10 و جابت عندو 4.5

دخلها للسانتاز و للغاتخاباج مسكينة

اييييييه الله يسود أيامو كيما قلتي

شحاااال من واحد عاود العام على جالو



تحياتي ليك ختيتو:mh31:

كي قلتي التواقي دياولنا يقابلو البالكون عرفت بلي تقراي في خروبة :1:المخروبة
إييييييييييه لي بالكون هذوك حكايتهم حكاية، ما خلاوناش نقراو :d

[ryyyma]

كي قلتي التواقي دياولنا يقابلو البالكون عرفت بلي تقراي في خروبة :1:المخروبة
إييييييييييه لي بالكون هذوك حكايتهم حكاية، ما خلاوناش نقراو :d

هههه نتي تاني تقراي في خروبة المخروبة؟؟

ايييه يا مرحبا بيك

هههههههههه
وش تقراي؟؟

[wassila21]

هههه نتي تاني تقراي في خروبة المخروبة؟؟

ايييه يا مرحبا بيك

هههههههههه
وش تقراي؟؟

أنا قريت و كملت العام ألي فات ، درت تقني محاسبة و ضرائب ، و للآن ماكاش الديبلوم، هذه جامعة هذي؟؟؟؟؟؟ 5 شهور باش يوجد

[ryyyma]

أنا قريت و كملت العام ألي فات ، درت تقني محاسبة و ضرائب ، و للآن ماكاش الديبلوم، هذه جامعة هذي؟؟؟؟؟؟ 5 شهور باش يوجد

ما تزيديليش

أنا تاني راني دايرا محاسبة و ضرائب

ياااااااااااا خي زهر ياااخي

من بكري علابالي بلي ما عنديش الزهر
:1:

تهنيتي من خروبة

هاداك هو الصح
:1:

أنا راني نقول وقتاااااش يلحق جوان باش نقطع كل ما هو ورق

كرهت و الله كرهت

لأول مرة نكره الدراسة

الله غالب راكي تعرفي خروبة

اللي يكون قرّاي يكره ألوغ لا لي كاره من بكري