كيف يفكر الرجل

[بريكية]

هناك سؤال يجول في خاطري ولم اجد له اجابة كيف يفكر الرجل كيف يحب كيف يتواصل منذ ايام ليست بكثيرة تعرفت على شاب اعطاني رقم هاتفه ترددت في مهاتفه لكن تشجعت وكلمته وعند حديثي معه اخبرني بانه ينوي الارتباط الجاد وتبادلنا اطراف الحديث لثلاث ايام كنا نتحدثفي مشروع الزواج لكن دون ساق اندار انقطع اتصاله بي وتركي في دوامت تساؤلات

[ضياء السلام]

نصيحتي أختها هدا نوع يسمى تلاعب بعواطف ومشاعر وتفاوت الوقت يعني يعمر في الفيد لي عندو

[صُبح الأندلس]

الرجل يحب المرأة التي تتعبه و يعاني من أجل الوصول إليها ، أما التي تركض وراءه فلا يلتفت إليها إلا من باب التسلية... هكذا يفكر الرجل

[طالب رضا الله]

ياو لي باغي الزواج يجي ديركت لداركم ويدخل من الباب مشي من التاقة وهدا كان باغي يتمسخر ومين لقاك سيريوز فالهدرة بطل وعاودي سقسيه ويجاوبك بنفس الهدرة هادي

[opto]

لن يجيبك على هدا السؤال ...سوى رجل:34:

[lilyann]

الرجل يحب المرأة التي تتعبه و يعاني من أجل الوصول إليها ، أما التي تركض وراءه فلا يلتفت إليها إلا من باب التسلية... هكذا يفكر الرجل

اذن هو يحب المراة العنيدة ام لا السهلة
اختي توكلي على ربي لي فيه مكتوب يجيك للدار

[مصريه جدا]

الرجل يفكر بانانيه مطلقه
يعنى بالمصرى ميهموش الانفسه وبس



بالاضافه الى ارد ده


المشاركة الأصلية كتبت بواسطة صُبْح
الرجل يحب المرأة التي تتعبه و يعاني من أجل الوصول إليها ، أما التي تركض وراءه فلا يلتفت إليها إلا من باب التسلية... هكذا يفكر الرجل

[عُضو مُحترم]

انا رجُل


اخطيك منو

[طيب وابن حلال]

كنت سهلة المنال ....................خطاء فادح

[بنت الحجاج]

عجبتُ لامر

و مازلتي تتساالين !!!!

[السوفي البربري]

هذا يتمسخر بيك ويجيب بيك في الوقت فيقي لروحك اختي

[بريكية]

اشكرم جمعيا على التفاعل والوقوف بجانبي والاجابة عن تساؤلاتي

[norhane taha]

السلام عليكم ورحمة الله تعالى وبركاته

إن شاء الله تكوني بخير ختيتي

في بالي لي قبلي وفاو وجاوبوك مي معليش راكي ختي و نقولك رأيي

وبصراحة أنت غلطتي لي عيطتيلو هادي أولى
كأنو عرف بلي لحق لحاجة هكذا منك لعبلك على مورال
ونقولو معليش هادي جازت
مي أنك تعيطيلو وتان يقعد يوقت ويتقاعد هادي لالالالالالالال ختيتي
نقولك الصح انا عن نفسي ضد هادو علاقات بصراحةلأنو نحس روحي هكذا مميزة عندي كل مؤهلات ليت خليني ندير علاقات مي نو والله ما نديرها لازم نقعد هكذاك وربي هو لي يرزقك وأصلا واحد نهار يقصد داركم ويجيك هكذا هذاك هو لي صح راكي حاجة عندو وقادر يحميك ويهنيك لأنو مادارش حساب في أي أم ودار علجالك
مي هذاك لي يقعد يخمم وهو متردد راهي باينة

جربي مرة من مرات قول للإنسان أختك راهي تحكي مع واحد وشوفي واش يجاوبك
واش راح يقولك احنا متفتحين وهادي عادي مكانش منها
يا ختيتي
ولا راح يحوس يفهم ويروح يواجهها تماك أعرفي أنت واش راهي قيمتك


مي لا يمنع أنو نغلطو هادي أكيد
مي أنساي هادو علاقات وكوني مميزة تربحي راحت بالك وتانيك كي شغل تحسي عندك قيمة وبأخص في وقت لي رانا فيه قليل بزاف بنات هكذا مغلطوش ومادورش علاقات أنت هكذا لازم تكوني وتدي واش راكي حابة هذا وعد مني والله غير تدي

وهو اذا عيطلك وراح يعيط أكيد ...قوليلو أنا منحكيش مع رجال من ورا دارنا هكذا وخليه ومدابيك متزيدش تعيط
ومتقوليلوش أرواح لدارنا وتقعدي تطلبي منو هذا طلب...كوني مميزة خليتك علجال حاجة غلط ...

يعرف هو ويفهم

هادي يا ختيتي
وإن شاء الله متكونيش زعفتي مني لأنو مرات أحنا نعرفوا أمور كلها مي تخيبلك مرات وباين عليك بنت ناس ومتربية

ربي يحفظك ويحميك

[وحيد الحيراني]

السلام عليكم ...

لو تكلمت ...

فسوف أكشف الرجال ...


وكيف يفكرون ...


وسيغضب مني الكثير ...


فلهذا ...


لن أتكلم ...



سلاااام

[بريكية]

اه لوفضحتهم لكنت شاكرة لك انا وجميع البنات لكن على العموم الامورة توضحت والحمدلله بضل الاخوة والاخوات السابقون شكرا

[ثائرة الجبال]

هناك سؤال يجول في خاطري ولم اجد له اجابة كيف يفكر الرجل كيف يحب كيف يتواصل منذ ايام ليست بكثيرة تعرفت على شاب اعطاني رقم هاتفه ترددت في مهاتفه لكن تشجعت وكلمته وعند حديثي معه اخبرني بانه ينوي الارتباط الجاد وتبادلنا اطراف الحديث لثلاث ايام كنا نتحدثفي مشروع الزواج لكن دون ساق اندار انقطع اتصاله بي وتركي في دوامت تساؤلات

سؤال بسيط ... الرجل يفكر بعقله والمرأة تفكر بقلبها ...
المرأة حين تتعرف على شاب تظنه سيكون ماضيها وحاضرها ومستقبلها وبكلمة يكون كل تاريخها وهو
لايراها بتلك الصورة الجميلة ...
الفتاة تحلم كثيرا والشاب واقعي أكثر من اللازم ...
ونصيحتي لك لا تأسفي على هذا الشاب لأنه لاينوي الزواج بل لانية له أصلا سوى التسلية ...واحذري مرة أخرى منهم .
بالتوفيق .

[مناد بوفلجة]

هل لي أن أعرف لماذا أقدم المشرفون على حذف تدخلي أمس في هذا الموضوع , مع أنه كان منطقي و معقول
بل و تحدثت في إطار الدين و حسن الخطاب
و كان موجه لصاحبة الموضوع لا غير

أم أن التعامل مع الردود أصبح يخضع لمبدأ الآراء الخاصة الضيقة

غريب أمركم

[بنفسج تشرين]

، شوفي اختي راجل اناني، و خذي هذه الوصفة ديريها مع اي رجل
تكبري عليه متقيميهش يولي يجري موراك جري° حتى لو كان راجلك، خاطش هاديك هي طبيعة الذكر، و كون يكتبلك اي ذكر بلي كلامي ماشي صح غمضي عينيك و متقريش المشاركة تاعه، هههههههههههه
و المره الجاية متشديش ارقام على الناس، و متعيطيش لناس، مطيحيش بروحك على جال من هب و دب، و انشاء الله يرزقك بولد الحلال الي انت تامر و هو ينفذ ههههه سلام

[عُضو مُحترم]

، شوفي اختي راجل اناني،:mad: :mad::mad:
و المره الجاية متشديش ارقام على الناس، و متعيطيش لناس، مطيحيش بروحك على جال من هب و دب، و انشاء الله يرزقك بولد الحلال الي انت تامر و هو ينفذ ههههه سلام :19: :19: :1: :d

شكرا اختي

ربي يكثر من امثالك

و لكن

مثلا الاخوة هنا دخلو لمساعدة اختنا البريكية

[amine-maghnawi]

هناك سؤال يجول في خاطري ولم اجد له اجابة كيف يفكر الرجل كيف يحب كيف يتواصل منذ ايام ليست بكثيرة تعرفت على شاب اعطاني رقم هاتفه ترددت في مهاتفه لكن تشجعت وكلمته وعند حديثي معه اخبرني بانه ينوي الارتباط الجاد وتبادلنا اطراف الحديث لثلاث ايام كنا نتحدثفي مشروع الزواج لكن دون ساق اندار انقطع اتصاله بي وتركي في دوامت تساؤلات

هذا الانسان يحاول ملاء فراغ عاطفي ذاخلي

لا يعقل ان اتكلم في الزواج و اقرر الزواج من فتاة في دقيقة

لا يعقل ان يحب في اول كلمة اسمعها

انا لا اصدق كل هذه الاشياء

المهم هذا راه باغي يفوت وقته و يخليك

و الوقت الي راه نساك فيه راه تفكر الي قبلك

[amine-maghnawi]

، شوفي اختي راجل اناني، و خذي هذه الوصفة ديريها مع اي رجل
تكبري عليه متقيميهش يولي يجري موراك جري° حتى لو كان راجلك، خاطش هاديك هي طبيعة الذكر، و كون يكتبلك اي ذكر بلي كلامي ماشي صح غمضي عينيك و متقريش المشاركة تاعه، هههههههههههه
و المره الجاية متشديش ارقام على الناس، و متعيطيش لناس، مطيحيش بروحك على جال من هب و دب، و انشاء الله يرزقك بولد الحلال الي انت تامر و هو ينفذ ههههه سلام

رااااااااااااااااااااكي غالطة

قسما عظما

انت تكبري و انا اكثر

انا من عندي و الله البنت الي تكبر عليا ننساها في دقيقة و كاني لا اعرفك

يا مادام الناس ما شي كيف كيف

الراجل الي عاز روحه

اصلاااااااااااااااااااااا

انا واحد و الله ما نحوس على لي تتكبر ما نقيمهاش اصلااااااااااااا

[بريكية]

، شوفي اختي راجل اناني، و خذي هذه الوصفة ديريها مع اي رجل
تكبري عليه متقيميهش يولي يجري موراك جري° حتى لو كان راجلك، خاطش هاديك هي طبيعة الذكر، و كون يكتبلك اي ذكر بلي كلامي ماشي صح غمضي عينيك و متقريش المشاركة تاعه، هههههههههههه
و المره الجاية متشديش ارقام على الناس، و متعيطيش لناس، مطيحيش بروحك على جال من هب و دب، و انشاء الله يرزقك بولد الحلال الي انت تامر و هو ينفذ ههههه سلام


اختي بنفسج تشرين نشكرك بزاف على رايك ونصيحتك لكن يبقى مجرد راي شخصي اعذريني اختي اختي الراجل الي يسمحلي نتكبر عليه وهو يجري من وري انا في عيني هدا ماشي راجل ربي خلقنا باش نكملوا بعضانا ماشي باش نجرو ورا بعضن و وعندك الحق كي قلتيلي متزيدش تحكمي ارقام من الرجال وتزيديش تكلميهم وانشالله يرزقني ربي بوليد لحلال الي هو يأمر وانا نفذ
انا في نضري الرجل والمرأة مكملان لبعضهما وليسا عدوان والله اعلم سلام

[amine-maghnawi]

اختي بنفسج تشرين نشكرك بزاف على رايك ونصيحتك لكن يبقى مجرد راي شخصي اعذريني اختي اختي الراجل الي يسمحلي نتكبر عليه وهو يجري من وري انا في عيني هدا ماشي راجل ربي خلقنا باش نكملوا بعضانا ماشي باش نجرو ورا بعضن و وعندك الحق كي قلتيلي متزيدش تحكمي ارقام من الرجال وتزيديش تكلميهم وانشالله يرزقني ربي بوليد لحلال الي هو يأمر وانا نفذ
انا في نضري الرجل والمرأة مكملان لبعضهما وليسا عدوان والله اعلم سلام

الله يبارك هذا كلام موزن سلم لسانك الجميل

[سمية محمد عطية]

يا بنتى راك اخطات في حق نفسك وهذا بقبولك رقم تلفونه راكي غافلة واش راه دار الهاتف في الناس راهم استغلوه شياطين الانس باش يصطادوا فرائسهم قوليلى كيفا درتى الثقة فيه بكل سهولة المثل يقول اللى خاف سلم تسرعك وتهورك ربمعما هما اللى خلاوهم يروح وربما حتى كان يختبر فيك ولما وجدك مثل كثير من الغافلات قال هذه ما تستاهلنيش الزواج لحلال يكبر في النور والحرام يكبر في الظلمة

اسمحيلى اذا كنت قاسية راكى مثل بنتى ونصيحة نقدمها لكل لبنات وربما اذا سمعت يماك راح تزعل وتلومك

يا بنات اتسلحوا مليح الذئاب البشرية راهى في كل شوكة وتتوصف بكل صفة والعاقلة هي اللتى لا تقع على راسها حتى وان فاتها قطار الزواج فان الله يرعاها لتكون حور من حور الاخرة

[farida18]

يا وحيد الحيران أرجوك تكلم و أخبرنا كيف يفكر الرجال
أرجوووووووووووووووووووووووووووووووووووووووووووووك

[نورسين.داية]

أنا صراحتا أستغرب كيف أتتكي الجرأة و هاتفته ؟
عن نفسي لن أكلف نفسي أن أتصل به مطلقا و الذي يريدني يسأل عن أهلي و يتقدم مباشرتا فلماذا هذا الدوران غير المجدي
و صراحتا أراه قلل من إحترامي
أرجو أن تتقبلي رأي بقلب رحب فهو مجرد وجهة نظر لا غير