يجب ان ننتفض

[نسيبة 2009]

علاه راكم ساكتين نتوما الرجال عاجبكم الحال كي راكم حاكمين الحيوط والقهاوي ونتوما لبنات عجبكم الحال كي راكم حاكمين الدار علاه قريتو وتعبتو باه تخدمو ولا باه ترقدو لازم ننتافضو على سياسة التهميش الي رانا عايشينها راني حاسة حالي حالة جدة ما عندي حتى فائدة عندي 5سنوات شوماج نظال نجري نجوز في المسابقات ما خليت حتى وحدة والله راني بديت نقطع لياس .علاه التوانسة خير منا .ولينا عايشين مذلولين في بلادنا دورو ماكاش في الجيب شيعة واحد قرا وتعب.الحل الوحيد نسمعو صوتنا ولازم يلقاولنا حل ماش عقود الادماج ولا ما قبل التشغيل هاداك راهو كامل تمسخير.

[طالب رضا الله]

ياو لا حياة لمن تنادي ومن يهن يسهل الهوان عليه

[haidara28]

تأكدي يأخت زهرة والله إن الدولة الجزائرية توفر أموال كثيرة بهدف تسطير برامج للتشغيل لأجل القضاء على البطالة
لكن الطامة الكبرى هي سوء التخطيط وفشل معظم السياسات اللتي اتبعتها في هذا المجال
يضاف لذلك المحسوبية والرشوة واللتي أصبحت آفة تنخر المجتمع
وأنا شخصيا لي ملاحظة رغم اني والحمد لله لدي منصب شغل هناك طغيان كبير للعنصر النسوي في ميدان التشغيل وخصوصا في ميدان التعليم والإدارة
وعموما أنا أنصح كل باحث عن وظيفة اياك واليأس المهم التوكل على الله قبل كل شيئ والأخذ بالأسباب والله المستعان

[نسيبة 2009]

بارك الله فيك اخي على التدخل لكن الدولة تشجع سياسات الهدف منها غلق الافواه . هل عقود الادماج وعقود ما قبل التشغيل حل نهائي للقضاء على البطالة .بل هي سياسة ذر الرماد في العيون يصبرو بها البطالين عند استلامهم العقود يفرحوا وعند انتهاء المدة يرجعوا لنفس المكان الذي كانو فيه.نحن نريد حلا نهائي وليس مؤقت والسبيل الى ذلك حسب رايي ان الطالب الجامعي عند تسجيله في الجامعة يمضي على عقد عمل مع اي مؤسسة تتعامل معها الجامعة فور خروجه يلتحق بعمله هذا ابسط شيء يكافئ به .

[best.2b]

راني معاك زهرة غدوة نخلطو البويرة و نبداو بعين بسام ... راكي قابلة

[عُضو مُحترم]

قال علماء البلاط

لا يجوز


روحو ترقدو

[haidara28]

يا سي باسط -2b خوذ حذرك لاسام راهي ادور عند باب دارك راك ادي كاشما حاجة تروح كيما يقولو لبيت قدور والفاهم يفهم
يا سي باسط راني نضحك برك
نطلبو ربي يفرج على كل مِومن وييوفق كل واحد للحاجة الي يحبها وكيما يقولو اللي يصبر ينال المهم الماشاريار ما كانش

[nasro30]

ان الله لا يغير بقوم حتي يغيروا ما انفسهم.حنا شعب نحبوا الدل

[brotherhood]

السياسات اللي تتبع فيهم الحكومة الجزائرية تع الهف و الهف و الهف

و تبدير المال العام و سياسة عقود ماقبل الموت راهي منهم

ياخي الاغلبية راهم يسلكوا و مايروحوش للعمل خلاص ووو

؟؟؟؟؟؟؟؟؟؟؟؟؟؟؟ واش نديروا ؟؟؟؟؟؟؟؟؟؟؟؟؟؟؟؟؟؟؟لا ادري ...

[brotherhood]

البوليس التونسي راهو في هذا المنتدى الان و راهو يحدف في المواضيع اللي تدير شوية ضجة او تشجع على العصيان

على الجميع الحدر و السلام.

[نسيبة 2009]

اصبحنا في وقت الامي والمتعلم في مرتبة واحدة .انا نروح نتعلم كاش حرفة ننفع بيها روحي احسن .كيما يقول جدي راهمم عايشين اهل الصنايع والبدائع

[نسيبة 2009]

علاه راكم سلبيين ولا موضوعي ما عندو حتى معنى

[_أمل جديد_]

العكس أختي موضوعك في القمة
أنا راني دركا في الثانية ثانوي بصح راني شوي خايف
لازم نلقاو الحل سريعا

[brotherhood]

الله غالب يا الاخت

هكدا باش تعرفي ان الجزائريين

غير هبهبهبهبهب

[محمد العباسي]

السلام عليكم
يا خوتي الميزان التجاري نتاع البلاد خاسر 90/100 كل الأموال تروح للخارج عن طريق الإستيراد, حنا ما ننتجوا والو, و الدولة ما قدرتش تحقق المعيشة المتوسطة للفرد الجزائري كيفاش باغيين تدير مناصب تشغيل ؟؟؟
باش تتسقم الأمور لازم نولوا ننتجوا المواد الأساسية هنا فالبلاد و من بعدها تقدر الدولة تشغل الناس, أما في حالة مثل هاذي, كاين حاجة وحدة, السرقة ( يعني سرقة الأثرياء مشي اليابسين من الشعب الجزائري ) هاذ الإقتراح للناس ألي ما يهمهمش حلال و لا حرام. أما لي باغي الحلال, يروح يتعلم حرفة تخليه مستور و ما يستناش الدولة هاذي تقدم له حاجة سواء قرا و لا ما قراش.
هاذا واقع مر, الله يجيب الخير.

[نسيبة 2009]

الله غالب يا الاخت

هكدا باش تعرفي ان الجزائريين

غير هبهبهبهبهب

والله يا خويا راني نتعجب تقول ماش جدودهم الي خرجو فرنسا من بلادهم ما روثوا من عندهم والو يعرفو يعيشو نهارهم ما يخموش واش راه يستنى فيهم كانه رايحة غدوى تقوم القيامة .راهم زاهين في الدنيا

[bigboy]

ان الله لا يغير بقوم حتي يغيروا ما انفسهم

[الحزين المبتسم]

السلام عليكم ورحمة الله وبركاته ...
صدقت أختي.. لا أدري متى ينتفض الجماعة ؟؟

[نسيبة 2009]

السلام عليكم ورحمة الله وبركاته ...
صدقت أختي.. لا أدري متى ينتفض الجماعة ؟؟

يموتو بالمجاعة او مايديرو والووووووووووووووووووووووووووووووووووووووووووو