تصوروا سأجري مسابقة في البوليزاريو

[mca83]

وصلني البارحة استدعاء من مديرية النشاط الاجتماعي لمدينة الوادي لإجراء مسابقة المتصرفين ، لكن المفاجأة المدوية إجراء المسابقة في جامعة أدرار ؟؟ أرجوا من إخواني في أدرار أن لا يفهموني خطأ أعتزت بأصدقاء هناك ، أقصد بالبوليزاريو بعد المسافة فقط .
لكم أن تتصوروا لكي تجري هده المسابقة أن تقطع 2800 ذهابا وإيابا {أكيد تقطعها برا}،مصاريف نقل والفندق{ليلتين أو ثلاث} والأكل وووو.....مليون سنتيم كي والو، والأدهى والأمر أن المسابقة خاصة للمقيمين في الوادي ؟؟؟ فأين هم من جامعة الوادي بسكرة ورقلة باتنة تبسة..... جات على عينهم العورة؟؟؟؟ لم أفهم لمادا أدرار بالضبط هم في أقصى الغرب ونحن في أقصى الشرق ، فلو كانت المسابقة وطنية لتقهمنا ولكن ....
هل بلغ بنا سوء التسيير لهدا الوضع ؟؟؟؟؟ هل نحن في جزائر العزة والكرامة كما يزعمون ؟؟؟؟؟؟
أرجوا منكم التعليق ، وإن كنت مخطئا فدلوني؟؟؟؟

[شذا الربيع]

إن حدث مثل هكذا أمر ورأيت مثل هذا سوء تسيير فأنت في جزائر العزة والكرامة
كأننا نتجول في أرجاء وطننا لأجل الحصول على وظيفة نحفظ بها كرامتنا
تاع الصح اللي عندو خدمة في يومنا هذا غيررررررر يشد فيها مليح
ربي يهديهم ويوفقنا

[bankes]

normal khlass
قادر توصل يقولولك هاتنا باش نتغذاو ولا باش نكريو في لوطال

[saif_souf]

ادرار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اواه هبلو

[sihem imen]

ربي يهدي هؤلاء المنظمين تقول ماشي عايشين في هدي البلاد مايعرفوها

[atos gls]

ربي يفرج خويا

[Mahboub_222]

اطيب في الطريق باطل.....توصل حريرة اي تم يديرك فريك..بالسمن...هذه البلاد واش تحب؟؟؟؟

[kamal batna]

الحقـــــــــــــــــــــــــــــيقة اننا في زمن الضياع ربما يكونوا هناك قصد من تحديد هذه الجامعة ربما هناك علاقات في الوظيف العمومي او مركز الامتحان
المهم الصبر و التوفيـــــــــــــــــــــــــــــــــــــق
م باليد حيلة

[dragon_fort]

راكم ما فهموش اخواني
قالولكم رانا نجيبو للواد أئمة من أدرار جاء دوركم باش ندوكم و نكونو متخالصين
يا خويا كان رحت لادرار عندك يعجبك الحال و ما ترجعش

[shakip39]

ولله لوكان في تل أبيب سأذهب يعني سأذهب

[BAROUD]

هدي تاع اخت غير ما تشقئ تعب روحك
كل شيء واضح

[smailon81]

مصائب قوم عند قوم فوائد فلا تقطع الامل توكل على الله واستعن به .

[السمراء الجزائرية]

استخر الله ثم قرر رغم ان الامر واضح
لكن يبقى الله اعلى واقدر.

[mohamed888]

والله شي محزن في بلادي ومبكي

يعني شوف شحال راح تصرف من دراهم وما نعرف لا تنجح ولا لا

يمكن لو تحتجو قبل اداء المسابقة فسيغيرون مكانها

[mnaour01]

أخي mca 83 مرحباً بك في أدرار علاه راك مقلق راسك راك في الجزائر ماشي كي ماراك تقول في البوليزاريو حنايا ثاني موالفين نروحو نفوتو في الجزائر بومرداس باتنة وهران تلمسان مي نورمال خاتش دايرين يقينا في ربي سبحانه وليكن في علمك أنك ليست في حاجة إلى مكان للمبيت فأنا مستعد لضيافتك دون عناء عليك فمرحباً بك في هده الأرض المباركة مسقط رأس العلامة الكبير الشيخ بلكبير رحمه الله على الأقل تجري المسابقة في ظروف تتسم بالشفافية ف1000000000000000000000000000000000000000000000000 000000000 مرحباً وسهلا . أنا في إنتظارك إلى دالك الحين لك مني أفظل السلام.

[medmay86]

أخي mca 83 مرحباً بك في أدرار علاه راك مقلق راسك راك في الجزائر ماشي كي ماراك تقول في البوليزاريو حنايا ثاني موالفين نروحو نفوتو في الجزائر بومرداس باتنة وهران تلمسان مي نورمال خاتش دايرين يقينا في ربي سبحانه وليكن في علمك أنك ليست في حاجة إلى مكان للمبيت فأنا مستعد لضيافتك دون عناء عليك فمرحباً بك في هده الأرض المباركة مسقط رأس العلامة الكبير الشيخ بلكبير رحمه الله على الأقل تجري المسابقة في ظروف تتسم بالشفافية ف1000000000000000000000000000000000000000000000000 000000000 مرحباً وسهلا رقم هاتفي 0664419693. أنا في إنتظارك إلى دالك الحين لك مني أفظل السلام.

تباريك الله عليك و الله غيل يعجبوني ناس يحب يديرو الخير ربي يقدرك و يكتر من مثالك

[dragon_fort]

أخي منور بارك الله فيك الاصل الطيب و الكرم والجود.جزاك الله قدر نيتك

[هزيم 07]

والله يا اخي ادرار روعة خلاص

انا فوت فيه مسابقة المقتصدين ونسكن في بسكرة كنت نتخيل فيها حاجة ولقيتها حاجة اخرى خلاص

على كل راك رايح تشوف بعينك ولاية رائعة وناسها طييبين ربي يحفظهم آميييييين

انصحك بالذهاب

والله الموفق

[bigboy]

الله يكون في العون

[toufik28ms]

أطلبوا المسابقة ولو في أدرار.....
يا خويا روح وتوكل على الله سبحانه وتعالى... والله الموفق يا صاحبي وليس هاذوك الناس.....

[mca83]

يا خاوتي مشكورين على تفاعلاتكم ، ولكن كل الشكر لأخي منور من أدرار ربي يحفطك وربي يجازيك حتى على نيتك ، حتى لو لم أبيت عندك سأتصل بك لأراك ، المسابقة يوم الأحد المقبل ، مع علمك لدي أربعة أصدقاء من أدرار والله كلهم أناس طييبين وهدا ليس إطراء لأني عاشرتهم تاع الصح.
يا خويا ربي يدوم الخير ومن الآن فمدينة ألف قبة في انتظارك حتى ضيفاأو زائرا وليس من أجل مصلحة ما .

[بن جابر]

شفت رد الرجال تاع ناس آدرار(mnaour01) يا السي الي راك تهدر على البوليزاريو وكأنك عايش في واشنطن، واحنا ما عليناش ربي الي رانا نفوتو مسابقات في بن عكنون ووهران وتلمسان ولا أنتوما فوق راسكم ريشة....يا خي عباد، احتج كيما تبغي بصح بدون مزايدات على أحد أو منطقة من المناطق......

[XAVI86]

أنت هبلت حبيت يجيبوها لك قدام داركم الناس راها تسافر من أدرار و تندوف حتى عنابة ونزيدك من التاء حت التاء (تبسة_ تلمسان، تمنراست_ تيبازة ) وما قالوا والو
توكل على ربي وراك ناجح إن شاء الله

[1980azhar]

توكل على ربي وراك ناجح إن شاء الله

[hichembfk]

أتعرف أنه من الوهلة الاولى كنت سأقول لك عادي اجتزها لأني حسبت من ادرار
لكن لما رأيت الوادي
وهي في الجنوب الشرقي وأدار في الجنوب الغربي
تاكدت من انني اصبت بدوار وعقلي اصيب بعطب
هل صحيح ماتقوله
تركو ولاية ورقلة الأقرب
تركو ولا بسكرة باتنة عنابة، هل هذه هي العزة والكرامة يا بوتف
هل هذه هي أنك تهتم بالشباب
حسبنا الله ونعم الوكيل في كل من يريد الضرر بالبلاد وخاصة بالشباب

[AMMAR02]

إنها الجزائر

[الجزائري بوعمران]

أدراريين أطيب قوم في الجزائر قراو معايا في الجامعة دين وخلق الله يجازيهم كل خير وعندنا إمام في وهران جامع مغراوى اسمه عبد الخالق انسان طيب ومتخلق وكل الناس يحبوه