لم يصلني الاستدعاء والمسابقة غدا

[oussamakim]

والله انا في حيرة من امري مسابقة ادارة السجون غدا ولم يصلني الاستدعاء لغاية اللحظة هذه بالرغم من وصول اشعار بالوصول .
المسابقة في بن عكنون انا في المسيلة هل اغامر واذهب بدون استدعاء كما انني خائف من ان ملفي مرفوض .
ماهي نصيحتكم الى وشكرا

[jsoz]

لماذا لم تذهب الى البريد لاستلامه .....
انصحك بعدم المغامرة لان الحراسة تراقب الاستدعاءات

[LION83]

انصحك بعدم المغامرة

[oussamakim]

لماذا لم تذهب الى البريد لاستلامه .....
انصحك بعدم المغامرة لان الحراسة تراقب الاستدعاءات

ذهبت الى البريد

[رضا طارق]

ما تحير لا والو راك في الجزائر

[bankes]

ربي معاك............

[شريان الحياة1988]

التنظيم سيء في بن كنون اليوم الاول فقط لبدايات الامتحانات هناك زعما حطو القائمة و يعجبك الحال عاودوا نحاوها و بالنسبة للامتحانات الباقية لا قائمة لا والوا....و لكن حنا راقبولنا الاستدعاء بصح لي ما جابوش خلاوهم يجوزوا الامتحان و الله اعلم على حساب لي يعسوكم

[jsoz]

يااختي ومانفع اجتياز الامتحان وانا لست على علم بقبول ملفي من عدمه.
انا اراها مغامرة فاشلة .

[bankes]

بالتوفيق.............

[momed algerien]

خويا نتا تسكن بعيد على الجزائر
وزيدلها ماعندكش الاستدعاء

ممكن اخلوك ممكن ميخلوكش
على حساب المراقبيــــــــــــــــــــــــــــن



نت مول الكلمة الأخيرة

عندك 60 % ميخلوكش

و 40 % تفوت


ربي اسهل عليــــــــــــــــــــــــــــــــــــــك

[bankes]

ربي معاك .......

[momed algerien]

الله اسهل للجمــــــــــــــــــــــــــيع

[bankes]

بالتوفيقققققققققققققققققققققققققققققق............. ....

[الجزائري بوعمران]

تساعفني روح على الله تلقى اسمك في القائمة ألي عند الباب

ولا تنسى اذا رحت ان تذكر الله كثيرا

[AMMAR02]

بالتوفييييييق

[بن جعفر]

يأخي أرواح أجوز غدوة نورمال يخلوك أجوز قوللهم راني نسيتو راكم تع إدارة السجون أجوزو على الساعة 12:30 إلى4:30 ثقافة عامة وتوكل على الله راهم كين 2620 مترشح أناراني جوزت يوم الأحد و الإثنين والثلاثاء وغدوة ونحب نقولك التنظيم 0%

[**حرة بنت الحرة**]

يخي بلاد يخي
نقلك خويا اذا راك متاكد بلي ملفك مقبول ومادام بعثولك الاشعار بلي لحق معناها قبلوه خطراه راهو بعد ما يفوت الاجل ماا يقبلوش الملفات كان يرجعلك....انا هكا صرالي حسبتهم ما قبلوهش وستهزيت طلع بلي مقبول وماحوستش ع المسابقة حتان فات الاجل جاني الاستدعاء ماعلاباليش بلي مقبول والا كنت نعيط ونروح بلا استدعاء......انت ضركا فات الوقت باش تعيطلهم ومدام جاك اشعار الوصل ان شاء الله راهو مقبول رايي تتوكل على ربي وتروح وبلا استدعاء رح تلقى اسمك عندهم......تروح ولا سمح الله ما يقبلوكش خير ما متروحش وممكن انت تكون مقبول.......توكل على ربي وروح ان شاء الله ما يكون غير الخير جازف وخلاص وربي معاك.

[بسمة الرحمان]

أخي الكريم من اين لك ان تعرف رقم تسجيلك الذي يجب ان تكتبه في ورقة الإجابة والذي نجده في الإستدعاءبدون إستدعاء لن تعرف رقم تسجيلك هذه فقط ملاحظة أريد أن تنتبه إليها وإذا ذهبت وكان إسمك مكتوب في القامة امام باب القاعة تذكر ان تكتبه في ورقة قبل الدخول

[بسمة الرحمان]

بالتوفيــــــق ربي ينجحــــــك

[dragon_fort]

أخي اذا كنت متأكد من وجود اسمك ضمن المترشحين فاذهب مع كل وثائق اثبتات الشخصية (جواز سفر -بطاقة تعريف-رخسة قيادة) فاذا وجدوا اسمك أكيد سيعطونك حل لان مقعدك محجوز. المهم لا تدخل الحجرة الا بعد المرور على رئيس المركز لكي لا تحدث فوضى و حالة طوارئ تحسب ضدك.
و الله أعلم

[sofiane.my11]

اخي في ين عكنون لا توجد قائمة باسماء المترشحين باش زعما تعرف الرقم نتاعك ، و الاساتذة يراقبو الاستدعاءات

[نور على نور]

ربي يوفقك روح ممكن يكون لك فيها خير