اريد اطباق بسكرية [الأرشيف] - منتديات الجلفة لكل الجزائريين و العرب

ام خديجة1

2010-12-20, 10:47

:dj_17:
السلام عليكم ورحمة الله تعالى وبركاته
من فضلكم اللي يعرف اطباق بسكرية يدونها باش نجرب الطريقة اللي يطهو بيها راني تذوقت واحد الاكلة من يدين جارتي ما شاء الله عليها من اكلة بارك الله فيكم

"جُوهَرْ"

2010-12-20, 15:11

السلام عليكم ورحمة اللّه وبركاته
ان شاء اللّه تكوني بخير اختي الغالية أم خديجة.
اليك هذا الرابط
http://www.djelfa.info/vb/showthread.php?t=346735&highlight=%CF%E6%C8%C7%D1%C9

"جُوهَرْ"

2010-12-20, 15:15

وهذا رابط الدوبارة البسكرية
http://www.djelfa.info/vb/showthread.php?t=29754

nisla

2010-12-20, 16:30

سم الله الرحمان الرحيم عزيزتي ام خديجة قوليلي ما اسم الاكل اللتي اكلتها من عند جارتك و ساعطيك الوصف اعرف كل الوصفات البسكرية و اطبخها في منزلي و انها ما الد منها هممممممممممممممم

ام خديجة1

2010-12-22, 13:44

بارك الله فيك اختي جواهر والحمد لله على كل حال تلقيت خبر وفات جدتي وانا هنا بالغربة وحتى المطارات مغلقة ادعو لها بالرحمة ويجعل الجنة متواها الاخير

ام خديجة1

2010-12-22, 13:47

بارك الله فيك اختي نسلة ضعي اي اكلة فانا انتظر ردك

mimicha1977

2010-12-22, 14:02

اهلا اختي ام خديجة انشاءالله راح نكتبلك بعض الوصفات البسكرية لان بسكرة مش بعيدة عني بزاف و نعرف منها بعض الوصفات انشاءالله راح نحطهم اعطيني بعض الوقت تحياتي

"جُوهَرْ"

2010-12-23, 09:39

بارك الله فيك اختي جواهر والحمد لله على كل حال تلقيت خبر وفات جدتي وانا هنا بالغربة وحتى المطارات مغلقة ادعو لها بالرحمة ويجعل الجنة متواها الاخير

إنا للّه وإنا اليه راجعون ،هم السابقون ونحن اللاحقون.ربي يصبركم جميعا .وربي يصبرك انت خاصة لانك بعيدة جدا .
ربي يرحمها ويغفر لها وان شاء يكون مثواها الجنة.ربي معاك اختي الغالية.

nisla

2010-12-23, 17:37

سم الله الرحمان الرحيم اختي ام خديجة انا اسفة علي تاخر لان اولادي مرض اما الطبق الذي ساعطيه لكي اسمه الحسوى طبق معروف في بسكرة و لذيذ جدا اولا العجين نفس العجين تع الشخشوخ و تطبخنه رقاق و ثانيا المرق ضعي في الكوكوط قليل من اللحم +الثوم+ 2 طماطم مرحية+ الكرافص + 3 معالق طماطم مصبر+ملح ميز عينك + نصف ملعق اكل راص الحنوت+ نصف ملعق اكل فلفل مرحي + فنجال صغير زيت قليهم مليح في الكوكوط و امرقيهم بلتر و نصف من الماء و و بعدما يطيب اللحم قطعي 2 من اللفت الي قطع صغيرة مع بعض الفول الاخضر قطعيه الي قطع صغير و اتركيهم يطيب وفي النهاي ضعي 5 معالق اكل تع الفريك + 3 معالق اكل تع فرينة و حليها في الماء البارد قبل ان تلحيها في المرق و اتركيها تطيب على نار هادء لمدة 7 دقانق و زديلها في النهاي حشيش مقطف و كرافص و اعدك يا اختي انها ستعجبكي و جربيها و قليلي رايك و ان عندك سال اساليني و ان شاء الله ساجيبك و مازال عندي الوصفاث الاخرى

ام خديجة1

2010-12-23, 17:49

بارك الله فيكم وجزاكم الله الجنة اختاي في الله جواهر وميميش 1977
وبوركتي اختي نسلة على الطبق انه فعلا لذيذ

nisla

2010-12-23, 17:53

عزيزتي ام خديجة انا الله ان اليه راجعون اطلب الله ان يعطيكي الصبر يا عزيزتي فانا اعرف الغرب شحال صعيب قبلاتي الحار من عندي اختكي في الله

ام دعاء ومارية

2010-12-23, 19:27

من مطبخ بسكـرة

كــل ما يخص المطبخ البسكــــ= أمـ دعآء =ــــــري (http://www.djelfa.info/vb/showthread.php?t=358924)

ام خديجة1

2010-12-24, 11:46

بارك الله فيك اختي نسلة وجزاك الله الجنة

ام خديجة1

2010-12-24, 11:47

شكرا لك اختي ام دعاء

نسيم الروح و العقل

2010-12-24, 12:56

شكرا شكرا شكرا شكرا

مروان 6565

2010-12-24, 12:58

أختي نحن بسكرة قريب بزاف لينا مبصح راني نعرف غير الأكلات التونسية كان نعتيهوملك

ام خديجة1

2010-12-24, 15:35

الاكلات التونسية واش عليه نتعرفو على الطبخ اخي مروان

janna

2011-01-17, 13:18

:dj_17:السلام عليك أختي أم خديجة رحم الله أن شاء جدتك و مثواها الجنةالله.

أنا أصلي بسكرية و الطبق ألي تطلبيه أنا حاضرة و هذا واحد منهم.

تشيشة مرمز مسقية بالفطير.

وجدي العجينة دريها فطير

المرق:حطي الماء في القدر فوق النار ضعي كمشة من المرمز يغلي لوحي نعاه لفت أو فول أخضر مقطعين الى

أجزاء أو الاثنان مع بعض و كي عودو قريب يطيبوا ضيفيلهم راس ثوم و فلفل حار مهرسين وطماطم حب مبشورة و

المصبرة يغلوا حوالي 10د باش تكمل الطياب وما تنسايش ربطة دبشة في الاخير (كصبر)

ملاحظة : مالزمش أطيب بزاف باش تبقى ريحتها بنينة . حطي لفطير في قصعة تاع عود وسقي بالمرمز و ضيفيلها زيت الزيتون.

:rolleyes:نتمنى تعجبك.

ام خديجة1

2011-01-17, 16:42

بارك الله فيك اختي جانا حتى هذه الاكلة جابتها جارتي الله يجازيها الجنة وهي لديدة فعلا

ام احمد

2011-01-17, 17:05

بارك الله فيك اختي جواهر والحمد لله على كل حال تلقيت خبر وفات جدتي وانا هنا بالغربة وحتى المطارات مغلقة ادعو لها بالرحمة ويجعل الجنة متواها الاخير

عظم الله اجرك عزيزتي و رزقها فسيح جناته

ام خديجة1

2011-01-17, 17:53

جزاك الله الجنة اختي ام احمد

hayette82

2011-01-18, 10:50

هي الحسوة بلا اللحم ديري في مكان اللحم الكرشة وكان معندكش مديريش وتجي هايلة واساس الحسوة الكرافسة

hayette82

2011-01-18, 10:55

وتاكلي الحسوة بالفلفل الدرفلو ولا البومنقوع تجي بنة حت بالزيتون تجي هايلة وتقدري ديري الفرينة وحدها بلا الفريك ولا السميد ولا سميد تخمريه تاني تجي هايلة وخفيفة يديروها البساكرة تاع ليشانة يقولولها حسوة مخمرة وكان احتجتي حاجة راني هنا ناس بسكرة حبابنا ومهيش بعيدة علينا واي وصفة بغيتيها قولي كاين بزاف

hayette82

2011-01-18, 10:57

كاين البنفور ودوبارة تاع فول ودوبارة حمص ودوبارة ميلونج وعيش وبطوط وبومهراس وحسوة فريك وتشيشة مرمز وتشيشة فريك محاجب ومحكوك.......

ام خديجة1

2011-01-18, 12:58

بارك الله فيك اختي حياة على المعلومات والاطباق اللي ذكرتيها كالدوبارة بالفول زيماه تجي وكيفاه يخدموها

hayette82

2011-01-18, 21:12

ترنخي الفول في الاء وغدوة تطيبيه بشوية كربونات ولا خميرة القاطو وبعدا تضيفي الملح وتلما يطيب تخليه على جنب .
ومن جهة اخرى ترابي حبة طماطم وتزيدي الدبشة مقطعة كمون راس الحانوت التوم الفلفل احمر فلفل مرقد وقارص روندال وتخلطيهم مع اضافة الملح.
ومن جهة اخرى قطعي حبة طماطم مكعبات وحبة فلفل ودبشة مقطعة .
تجيبي صحن تصبي فيه شوية لاصوص تاع طماطم وتكبي الفول الطايب بمرقتو وتحركي تكون خاترة عينك ميزانك وتكبي شوية طماطم من فوق وفلفل ودبشة وتخلطي وتصبيي قدر 2 او3 معالق زيت الزيتون وتاكلي بالصحة

hayette82

2011-01-18, 21:13

وطماطم الباط راني نسيت مكتبتهاش

hayette82

2011-01-18, 21:14

هذي الاكلة تركب على زيت الزيتون والكمون وتجي هايلة ولازم تكون حارة كان حبيتي زيدي ملعقة هريسة

mimicha1977

2011-01-30, 16:00

اهلا ام خديجة اسفة عن التاخير
جبتلك معي بعص الاطباق البسكرية لاختي بائعة الكبريت الله يدكرها بالخير و هي بسكرية نتمنى تعجبك

السفـــــــــة

السلام عليكم و رحمة الله و بركاته

بسم الله نبدأ

المقادير

طعام خشن...فول أخضر...جزر...بطاطا...ثوم
ملح فلفل أحمر...رأس الحانوت...طماطم
زيت...زيت الزيتون... زبدة...حشيش مقطفة...بوفجوخ

الطريقة

نغسل الطعام بماء دافئ و نصفيه و نخليه يشرب... نضيف شويا زيت و نفوروه نسقوه بشويا ماء نتركوه لخمس دقائق
تم نعاودو نفوروه ...نرجعوه للقصعة نضيف الماء و الملح و نغطيه مع مراعاته على الاقل مرتين
في هاده الاثناء نضع الفول و الجزر المقطع مكعبات صغيرة يفورو مع شويا ملح و كذالك البطاطا في القدر
بعد ما يكون الطعام تشرب مليح نضيف الثوم مهرس و الفلفل و راس الحانوت و الطماطم و الزيت و نمزجهم جيدا
و نعيد هم للكسكاس للمرة الاخيرة
عند الانتهاء نضيف الزبدة زيت الزيتون بوفجوخ الحشيش و نقدموه ساخن
لي عندها دوائر الطماطم مجففة تفورهم و تزين بيهم الطبق و حدث و لا حرج عن المذاق

http://dc03.arabsh.com/i/01637/j15macgjrew6.jpg

http://dc03.arabsh.com/i/01637/upemwpyml4ip.jpg

http://dc03.arabsh.com/i/01637/b4kcq55qvjxo.jpg

http://dc03.arabsh.com/i/01637/s6p0zmoslbqg.jpg

و بالصحة و الهناء

ملاحظة : نفس الطريقة تقدرو طبقوها بطريقة اخرى سوا أنكم تغيرو الثوم بالبصل و الطبق يصبح اسمو.... بومفور...بتسكين الميم

الفول خيروه من النوع صغير و الطري يكون افضل هداك لكان متوفر في المطبخ ستعملتو قلت نديرها..نديرها http://4algeria.com/vb/images/smilies/like_1.gif

أرحب بكل إضافــة أو إستفســار

mimicha1977

2011-01-30, 16:03

طريقة تحضير الكسرة
المرخــوس

السلام عليكم و رحمة الله و بركاته

المقادير

دقيق - ملح - ماء

الطريقة

نمزج الماء مع الدقيق و الملح العجينة يجب ان تكون متماسكة
نتركها ترتاح ثم نعجنها شويا نقسمها الى قرصتين نبسطها براحة اليد
نطيبوها في الطجين او الطاوة
نضعها على منديل .. نخبطها قليلا بيد المهراس ما نكثروش بزاف باش ما تتفتتش فتات رقيق
خطراش كي تتسقا مباعد تجي معجنة
نفتتها رقيقة كما شخشوخة الظفر

فيه طريقة ثانية
العجينة نقسموها الى 4 اقراص .. نحط وحدة على وحدة و ندير ما بيناتهم الزيت

و هذي المقادير لكيلة من علبة الطماطم

http://dc02.arabsh.com/i/01634/k2mr3d1gkh2x.jpg

http://http//dc02.arabsh.com/i/01634/k2mr3d1gkh2x.jpg

http://dc02.arabsh.com/i/01634/rj5q5arn0amm.jpg

http://dc03.arabsh.com/i/01648/8xqhpfnmp6wp.jpg

http://dc03.arabsh.com/i/01648/329dsd66uu16.jpg

http://dc02.arabsh.com/i/01634/3iah9eyk6d0k.jpg

مع احلــى التحيــات

بومهـــــراس

المقادير

طماطم حب ثوم فلفل حار ملح نصف كأس ماء
للكسرة : دقيق ماء ملح

الطريقة

طريقة تحضير الكسرة..... شرحتها من قبل

نرحي الطماطم نهرس الثوم و الفلفل نضيف الماء
نضع حفنة كسره في المهراس الطويل مع شوية صلصه نرضخها عدة مرات لكي تمتزج المكونات وتطلق خثورتها

http://www.m5zn.com/photo_files/2010/8/1/photo/08011006082117z84z71w.jpg

http://dc02.arabsh.com/i/01634/3iah9eyk6d0k.jpg

http://www.m5zn.com/photo_files/2010/8/1/photo/080110060821c1dbww29eg99emsfjdhw.jpg

http://www.m5zn.com/photo_files/2010/8/1/photo/080110060821kzfrm99r79gvyd1m.jpg

mimicha1977

2011-01-30, 16:05

دوبارة الفول **سبسيال بسكرة**

على بركة الله نبدأ

المقادير

فول منقوع في الماء لمدة 24 ساعة مع اليكربونات و الملح و نصف حبة ليمون
طماطم حب و أقل من نصف ملعقة ك طماطم مصبرة فلفل حار ثوم حشيش مقطفة
ملح فلفل أحمر كمون راس الحانوت هريسة زيت الزيتون ليمون بومنقوع

الطريقة

نجدد ماء الفول نضيف الكمون ربع ليمونة بعد ما يطيب نضيف الحرور الطماطم المصبرة نطفئ النار نضيف الطماطم و الحار و الثوم الحشيش مقطعين رقاق نعطرهم بعصير القارص و زيت الزيتون و الهريسة
نقدم الصحن مزين بالليمون و بومنقوع

http://dc06.arabsh.com/i/01708/fff37arvwi1r.jpg

http://dc06.arabsh.com/i/01708/6ipisi53usaa.jpg

http://dc06.arabsh.com/i/01708/bzhbyhe0iyvo.jpg

http://http//dc06.arabsh.com/i/01708/bzhbyhe0iyvo.jpg

http://dc06.arabsh.com/i/01708/hjaugf1ahsz8.jpg

http://dc06.arabsh.com/i/01708/d8hz1eolcq4v.jpg

تاكلو بالصحة و الهنا

mimicha1977

2011-01-30, 16:07

تشيشة المرمز بالحليب **أكلة من الصحراء**

السلام عليكم و رحمة الله و بركاته

بسم الله نبدأ

المقادير

مرمز ثوم حليب ملح فلفل أكحل بوفجوخ زبدة حشيش مقطفة

الطريقة

نضع المرمز في الماء يطيب مع الثوم بعد ما ينضج المرمز و يكون خف من الماء نضيف الحليب بوفجوخ و الزبدة و الحشيش و نظفئ عليها
نسقيها مع الكسرة و نعطرها بزيت الزيتون

http://dc03.arabsh.com/i/01687/cqlqox7bqozv.jpg

http://dc03.arabsh.com/i/01687/wgk7ury8cym8.jpg

http://dc03.arabsh.com/i/01687/f70sxaysrnq1.jpg

و بصحتكـــــــم

الملاحظات

نفس الطريقة تجي بالدقيق الاحرش و تسمى كلاهما تشيشة الحليب

يمكن إضافة حبة طماطم مع الحليب
لمحبى الشحمة المذوبة تقدرو ديرو نواة منها تليق فيها

أرحب بكل إضافة أو إستفسار

mimicha1977

2011-01-30, 16:20

كيفية تحضير البوفجوخ و البومنقوع

السلام عليكم و رحمة الله و بركاته

http://files.mothhelah.com/img/7NZ20187.jpg
http://files.mothhelah.com/img/jLN20187.jpg
http://files.mothhelah.com/img/3wn20188.jpg

بوفجوخ

نهرسوه شويا في مهراس الخشب الطويل مع الملح
يكون ما بين شويا مفتت و وحدات مفجخة برك
تقدري ضيفي عليه شويا خل غطيه بغلاف بلاستيكي
وتفقديه بعد يومين....مدة صلاحيته عدة اشهر

بو منقوع

كل فلفلة نتقبها بشوكة
مقدار الماء هو نفس مقدار الخل
نضيف الملح الثوم طماطم صغيرة خضراءمشطرة الى اربعة

و نغلقها باحكام
مدة صلاحيته عدة اشهر

اعتذر على صورة البومنقوع غير متواجد في المطبخ

mimicha1977

2011-01-30, 16:24

المروgـي ** اكلة من الصحراء

السلام عليكم و رحمة الله و بركاته

المقادير

2 حبات بصل متوسطة الحجم - ثوم - طماطم حب و مصبرة - فلفل حار
ملح - فلفل احمر - راس الحانوت
زيت - حشيش مقطفة - زيت الزيتون

الطريقة :

نقطع البصل الى مربعات نضيف الثوم .. نديها و نجيبها 5 دقائق على النار
نضيف الماء و الطماطم المرحية و تقريبا مغرف و نص طماطم مصبرة
نغليها لمدة 10 دقائق تقريبا نضيف الفلفل و نطفأ النار
و هيا سخونة هكذاك نسقوها فوق الكسرة و نغطوها لمدة 5 دقائق
نتركها تتشرب ثم نزينها بالحشيش و زيت الزيتون
تقدم مع بومنقوع

http://dc03.arabsh.com/i/01648/upyegn5ny5ot.jpg

http://dc03.arabsh.com/i/01648/33hlc1qgsce0.jpg

http://dc03.arabsh.com/i/01648/nsum0gq30mjk.jpg

و بصحتكم
الكسرة .....

ملاحظة : نقدرو نطيبوها الا بطماطم الحب تجي خفيفة

ارحب بكل اضافة و استفسار

mimicha1977

2011-01-30, 16:39

ام خديجة1

2011-02-07, 18:43

ام خديجة1

2011-02-07, 18:46

نتمنى نكون جبتلك واش تحوسي نزيد ولا خلاص هههههههه
نتمنى يعجبوكhttp://4algeria.com/vb/images/smilies/yahoo.gif http://4algeria.com/vb/images/smilies/yahoo.gif تحياتي الخالصة ام خديجة

ما شاء الله عليك اختي ميميشة اكلات رائعة والطريقة واضحة وشكرا للصور المرفقة والله يااختي ما عندي ما نقول ربي يجازيك الجنة وتحياتي الخالصة لك وحفظك الله:19:

وردة 07

2011-03-23, 15:44

دورك ان قولك
كاين حسوى
تشيشة فريك
تشيشة مرمز
شخشوخة
محجوبة
دوووووووبارة
بيصار

اي حاجة قوليلي دوك نجيبلك الوصفة

ام دعاء ومارية

2012-03-12, 20:10

السلام عليكم والله وفيتي اخر حاجة توقعتها

اني في نهار ندخل النت نلقى دشيشة حليب هنا

انا نحبها بالزاف ..و نطيبها لبنتي الصغيرة pcq تحبها هي ثاني ...يعني بساكرة نحبو هالأكل بالوراثة هههه

باركـ الله فيك

ابتهال 33

2012-05-18, 19:27

ما شاء الله

نيفرتيتي.

2012-05-19, 17:21

بارك الله فيك اختي جواهر والحمد لله على كل حال تلقيت خبر وفات جدتي وانا هنا بالغربة وحتى المطارات مغلقة ادعو لها بالرحمة ويجعل الجنة متواها الاخير
ان لله وان اليه راجعون شحال صعيب انك تسمعي خبر الوفاة وانت في الغربة ربي يصبرك انشاء الله ويجعل مثواها الجنة

hanane_bo

2012-05-22, 17:39

سلام اختي ام خديجة
انا بسكرية 100/100 اذا حابة اي حاجة اسالينى وراح نجاوبك ان شاء الله

OU SS AMA

2012-06-12, 23:19

إنا للّه وإنا اليه راجعون ،هم السابقون ونحن اللاحقون.ربي ياتيكم الصبر كيف حالك اختي خديجة ؟ ولبنات كيف صحتهم ان شاء الله تكوني لباس طمنيني عليك