لكل من يريد معرفة قسنطينة

[ريم قسنطينية]

قسنطينة لها عدة تسميات من بينها نوميديا و سيرتا وتسمى بمدينة الجسور المعلقة ومدينة العلم والعلماء لانها مسقط راس العلامة الكبير رحمه الله عبد الحميد بن باديس قسنطينة معروفة بشوارعها الضيقة والجميلة مبنية على صخور الغرانيت ومهما كانت شوارعها ضيقة الى انه وكما يقال الضيق في القلوب ناس قسنطينة عندهم راحة البال و وساعة قلوبهم ويقولوا ديما ناس قسنطينة خيار الناس هذا لما يحملونه من حب ونقاوة القلوب وراهم صح ناس ملاح فوق الحق كيما كامل الجزائريين بطبعهم ايه وتاني القسنطيني مهما يبعد عن قسنطينة ما يقدرش يتاقلم في ولاية وحدة خلاف خاطي هي وهذا طبع كل واحد فينا لكن لو جاء واحد من اي ولاية وسكن في قسنطينة صدقوني انه رح يوالف بيها من خلال ناسها الملاح وطيبة قلوبهم وجوها الرايع وشوارعها اللي تفكرك بالزمن الماضي كانك تعيش في الماضي والحاضر يعني زمن مخضرم
نجيو للبلايص تاع قسنطينة نسميهملكم بالوحدة ولا نسيت كاش وحدة يا ولاد قسنطينة فكروني
المنظر الجميل belle vue بلاصة واو ساحرة تهبل ويسكنوا فيها غير الاغنياء
رحبة الصوف بلاصة قديمة في قسنطينة
الجزارين
فيلالي
بوالصوف
النوفال فيل
باردو
واد الحد
الدقسي
سيدي مبروك
وسط المدينة sengeant
القصبة
الطريق جديدة
الفوبور
زواغي
سوق العصر
mdm rock
طريق سطيف
السيلوك
سوناتيبا
جبل الوحش
جنان الزيتون
خميستي
وبزاف بايص نسيت عليهم
هادوما اللي في قلب قسنطينة
اما اللي قدام قسنطينة هوما
الخروب
الروفاك (ابن زياد) وهي بلاصة تتمتع بتنوع ايكولوجي وغابتها الباهية و مناظرها الخلابة
عين السمارة
ديدوش مراد
زيغود يوسف
الحامة بوزيان
citè bir
بودراع صالح
هادو هوما اللي علابالي بيهم بالاك نسيت وحايد ضيفوهم لمضوعي يالقسنطينية اوك
ومرحبا بيكم ياللي تحبوا تعرفوا قسنطينة مرحبا بيكم فيها

[ريم قسنطينية]

واش بيكم راقدين الا اذا ماكمش حابين تعرفوا قسنطينة

[ريم قسنطينية]

ايههههههههههه ونسيت
باب القنطرة
5جويلية
والطبخ القسنطين واحد ما يطيحو مشهورة بالطبخ والموسيقى الاندلسية ماكاش واحد كلا الماكلة تاع قسنطينةومارجعش يدوموندي باش يزيد ياكلها راهي تتاكل معاها صوابعك

[ريم قسنطينية]

ومشهورة تاني بصناعة النحاس واللباس التقليدي ومن الاكلات التريدة والشخشوخة وطاجين العن والزيتون ومن الحلويات الجوزية مممم سخفت عليها بعد يميميم

[أسامة17]

ان شاء الله نزوروها .....يارب
ونتعرف اكثر على مدينة العلم والعلماء والاكلات الشهية

[راي عام]

الله يبارك في بلادي وفي قسنطينة وناس قسنطينة
والله لو ان السلطات تهتم ولو بالقليل بهده المدينة لكانت قبلة كل تائه
مسلسل داكرة الجسد قدم صورة جيدة وجميلة ومشرفة حقا
حتى ان باحد التعليقات قال ان من كا يصدق بوجود مدينة بكاملها تتاصل بالجسور وانها عل عالية الجبل.....جميلة وخلابة
هده رائعة بلادي

[ريم قسنطينية]

قسنطينة اللي ما يعرفهاش واللي مازرهاش راهو ما يعرفش الجزائر

[فريدرامي]

جميلة وساحرة قسنطينة
مدينة العلم والعلماء ومدينة الجسور المعلقة
بارك الله فيك

[walid & nor]

عندي عائلة في بن تليس

[إشراق1993]

Merciiiiiiiii votre bel mandat .je vous plaît que cela continue sur cette voie
Mon mandat est Mascara

[ساجد لله]

جسور مدينة الجسور
نظراً لتضاريس المدينة الوعرة وأخدود وادي الرمال العميق الذي يشقها، أقيمت عليها سبعة جسور لتسهيل
حركة التنقل، واشتهرت بعد ذلك قسنطينة باسم مدينة الجسور المعلقة، وهي
جسر باب القنطرة:
وهو أقدم الجسور بناه الأتراك عام 1792 وهدمه الفرنسيون ليبنوا على أنقاضه الجسر القائم حاليا وذلك سنة 1863.
جسر سيدي راشد:
ويحمله 27 قوسا، يبلغ قطر أكبرها 70م، ويقدر علوه بـ105م، طوله 447م وعرضه 12م، بدأت حركة المرور به سنة 1912،و هو أعلى و أضخم جسر حجري في العالم
جسر سيدي مسيد:
بناه الفرنسيون عام 1912 ويسمى أيضا بالجسر المعلق، يقدر ارتفاعه بـ175م وطوله 168، وهو أعلى جسور المدينة.
جسر ملاح سليمان :
هو ممر حديدي خصص للراجلين فقط ويبلغ طوله 15م وعرضه مترين ونصف، وهو يربط بين شارع محطة السكك الحديدية ووسط المدينة.
جسر مجازن الغنم:
هو امتداد لشارع رحماني عاشور، ونظرا لضيقه فهو أحادي الأتجاه.
جسر الشيطان:
جسر صغير يربط بين ضفتي وادي الرمال ويقع في أسفل الأخدود.
جسر الشلالات:
يوجد على الطريق المؤدي إلى المسبح وتعلو الجسر مياه وادي الرمال التي
تمر تحته مكونة شلالات، وبني عام 1928

[ريم قسنطينية]

شكرا لك اخي ساجد الله على مشاركتك واضافاتك الرائعة
واللي عنده اضافات اخرى يتفضل

[sirinesoussa]

dsl mais nakraha chwi

[ريم قسنطينية]

ما يهمنيش رايك يا ختي المهم انا نحب قسنطينة والناس كامل تحبها هذا يكفي

[الاصيلة]

شكرا جزيلاااا على الموضوع المميز
بارك الله فيك

[nnihal]

ريم وان بلاص تسكني في قسنطينة

[nnihal]

رررريم .....

[nnihal]

شششششششششششششششششششكرا

[اصدقاء الى الابد]

شكراااا ريم انا تاني من قسنطينة وينا بلاصة تسكني نتيا ؟؟؟

http://www.djelfa.info/vb/picture.php?albumid=8782&pictureid=53097

[redouan1108]

شكرا اختي ريم قلتي مليحة وسكتي راهي اجمل مدينة

[rachid64]

j'aime constantine a travers une collegue qui ne cesse de dire de belle chose sur cette ville

[la_vida]

وهي .................
عــــــــــــــــــــــــــــــــــــــــاصمة الشــــــــــــــــــــــــــــــرق
م شاء الله ... بلادي جميلة بمناظرها و شعبها ... (ربي يحفظنا من العين)

[imi25]

السلام عليكم
شكرا لك أختاه على الوصف الجميل لمدينتي أنا أسكن في حي 20 أوت 1955

[زينونة الجزائر]

هي مديني واحبها
شكرا على الموضوع

[ام رنا]

شكرا لكي اختي

[sweet-roofy]

makash li maya3rafsh 9san6ina el chaba
rabi y7fadhalkoum
id3ouli f les vacances bash nji l3andkom prq rani 7aba nji belbazeeeeeeeeeeeeeeeeeeeeeef

[ماجد90]

مدينة قسنطينة مدينة فريدة من نوعها في العالم ، كل مدن العالم تتشابه الا مدينة قسنطينة فلا توجد مدينة تشبهها.

[nnihal]

شكرا .........

[ريم قسنطينية]

اهلا بكم لكل من يود زيارتها وشكرا لكل من رد على موضوعي ويا نهال في رايك انا منين من قسنطينية بالضبط شوفي الوصف وقوليلي

[pazzo40]

ما شاء الله أختي مدينة جميلة جدا لكن لم تتمتع بالعناية التي تستحقها أريد فقط أن أصحح لك إسم سان جان بالفرنسية هو
saint jean و تعني القديس جان و لكن حبذا يا أهل قسنطينة لو تنادون هذا الشارع باسمه العربي إسم الشهيد محمد بلوزداد

[nnihal]

اهلا بكم لكل من يود زيارتها وشكرا لكل من رد على موضوعي ويا نهال في رايك انا منين من قسنطينية بالضبط شوفي الوصف وقوليلي

شكيت في الروفاك ومبعد قلت بالاك هده المنطقة زارتها وعجبتها المهم شكرا ريم بنت مدينتي

[امينة العامرية]

موضوع مليح يا اختي و نتمنى من كل جزائري انو يقدم نبذة تاريخية على بلادو...شكرا على الموضوع و شكرا للاخ على الاضافات بالنسبة للجسور القسنطينية....................كلنا جزائريين احرار وكل قطر في بلادنا نحبوه....