وداعا للنقاط الكارثية في الفيزياء

[فريال المحتاجة عفو الله]

شعيب لازم نديو مليح ان شاء الله في هذا التلاثي كرهت من الكواريث في الفيزياء هههههههه
راح نبدا أنا
هذا التمرين :
يحتوي مسعر نعتبره معزولا حراريا على كمية من ماء بارد كتلتها m1 = 300 g و درجة حرارته t1= 20 c نضيف إليها كمية من ماء ساخن كتلتها m2= 400 g و درجة حرارتها t2= 61 c عند التوازن الحراري تستقر درجة حرارة الجملة ( مسعر + ماء بارد + ماء ساخن ) عند t=42 c
1/ اكتب عبارة التحويل الحراري للمجموعة ( المسعر + الماء البارد )
و استنتج قيمة الطاقة الحرارية المكتسبة من طرف الماء البارد Q1
2/ اكتب عبارة التحويل الحراري للماء الساخن و استنتج قيمة الطاقة الحرارية التي فقدها الماء الساخن Q2
3/ استنتج السعة الحرارية للمسعر ؟
تعطى C eau = 4185 j/ kg . c

شعيب لازم نخلو هذا الموضوع غير للقراية و التمرينات و الحكايات في الموضوع الآخر
انا راني معولة على الفيزياء و انت ؟؟
إذا موافقني نبداو بهذا التمرين و مبعد نشوفو تمرينات اخرى

[فريال المحتاجة عفو الله]

راح تبدا شعيب و إلا لا ؟؟؟؟؟؟؟؟؟؟؟؟؟؟؟؟
أنا قاعدة نحاول و حصلت من بدايتها هههههههه

[*أســيـــــرツالــبــســـمـــة*]

شوفي درك نقراه ونقولك أوكي؟

[فريال المحتاجة عفو الله]

اوكي
انا بديت نحل

[*أســيـــــرツالــبــســـمـــة*]

عمبالك هاد التمرين جامي حليت واحد كيفو؟
بصح درك نتفاهم معاه
ههههههه

[*أســيـــــرツالــبــســـمـــة*]

فريولة أعطيني القانون الثاني تاع الطاقة الداخلية
مازلنا ماقريناهش
بلييييييييييييييز
ماتطوليش

[*أســيـــــرツالــبــســـمـــة*]

راني نستنى فيك تجاوبيني فريولة

[فريال المحتاجة عفو الله]

القانون الثاني؟؟؟؟
نعطيك قانون التحويل الحراري بصفة عامة.
Q = m . c . ( T f - T i ) .

[*أســيـــــرツالــبــســـمـــة*]

هذا القانون الأول
نحوس على الثاني؟

[فريال المحتاجة عفو الله]

ما فهمتش واش من قانون شعيب؟؟
نخدمو كلش بالقانون اللي عطيتهولك في الرد السابق

[فريال المحتاجة عفو الله]

نفس القانون نخدمو بيه كلش
توله برك لدرجة الحرارة الابتدائية و النهائية
انا تاني راني حاصلة هههه تخلطت في بعضاها

[*أســيـــــرツالــبــســـمـــة*]

لالا قاتلنا الأستاذة كاينقانون ثاني وهو لي نمخدمو بيه في هاد الحالة
فهمتي؟

[فريال المحتاجة عفو الله]

شوف انا حليتو بقالي غير حساب السعة الحرارية للمسعر
نظن كاين حاجة قبل ( نحسبو التحويل الحراري للمسعر )
و الله غير خدمت بقانون واحد و طلعولي عادي
واش هو القانون الآخر شعيب؟؟

[*أســيـــــرツالــبــســـمـــة*]

فريولة راه يأذن
راني راح نصلي درك
أوكي
أيا تهلاي في روحك
في المساء ممكن نكون حليتو
في أمان الله

[فريال المحتاجة عفو الله]

في أمان الله
بصح ما تحطش الحل باش ما نغشش
ههههههه نحطوه مع بعض اوكي؟؟
و مبعد نقارنو بين الحلين

[فريال المحتاجة عفو الله]

ما تنساش تحط بعض التمارين كي تكون قاعد بليييييز

[الساعية للتفوق]

feriola je suis entraine de trouve la solution .............merci pour l'idee

[_أمل جديد_]

مازلتو تحوسو على الحل إخوانيي؟

[*أســيـــــرツالــبــســـمـــة*]

في أمان الله
بصح ما تحطش الحل باش ما نغشش
ههههههه نحطوه مع بعض اوكي؟؟
و مبعد نقارنو بين الحلين

والله يا فريولة ماقعدت باش نحلو
منقبيل وأنا فيعقاب الميكرو
فورماتيتو وراني نتيليشارجيلو في ليبروكرام
درك راني خلصت
نروح نتفرج المبارات تاع سطيف والبرج
ونولي نحلو ومانحطش الحل حتان تحليه نتي
أيا في أمان الله
راهو ساهل مره
بالتوفيق يا الغالية

[*أســيـــــرツالــبــســـمـــة*]

ما تنساش تحط بعض التمارين كي تكون قاعد بليييييز

أوكي فريولة نعطيك واش تحبي
غير أقراي برك؟
ههههههههه

[فريال المحتاجة عفو الله]

مازلتو تحوسو على الحل إخوانيي؟
السلام عليكم
لالا خويا سفيان ماناش نحوسو على الحل
لازم نعتمدو على أنفسنا
الحمد لله لقد وفقت في حله
سفيان ممكن تشارك معانا في الموضوع ؟؟ لأنك ما شاء الله عليك ممتاز في الفيزياء و أنا و شعيب هلكناها في التلاثي الاول
يا ريت تحطلنا تمرينات و حنا ( اللي يحب ينظم معنا ما كانش مشكل ) نحلوهم

[فريال المحتاجة عفو الله]

أوكي فريولة نعطيك واش تحبي
غير أقراي برك؟
ههههههههه

ههههههههههه وين راك يا كسول؟؟
راني نضحك برك ربي يخلليك ليا يا شعيب

[فريال المحتاجة عفو الله]

والله يا فريولة ماقعدت باش نحلو
منقبيل وأنا فيعقاب الميكرو
فورماتيتو وراني نتيليشارجيلو في ليبروكرام
درك راني خلصت
نروح نتفرج المبارات تاع سطيف والبرج
ونولي نحلو ومانحطش الحل حتان تحليه نتي
أيا في أمان الله
راهو ساهل مره
بالتوفيق يا الغالية

ماكانش مشكل أنا راني حلليتو
معليش نحطو ؟؟

[فريال المحتاجة عفو الله]

شعيب راني لقيت تمارينات و راهم ساااهلين
بصح نحلوهم على خاطر رانا في بداية الطريق نحو الامتياز في الفيزياء ان شاء الله و لازم نبداو بالساهل
معاهم الحل اوعدني و اوعد نفسك قبل انك ما تشوفش الحل إلا عند التصحيح اوكي؟؟
http://www.physique48.org/bac/forum/viewtopic.php?id=1075
راني نحل فيهم درك و الحمد لله حاسة روحي قاعدة نفهم اكثر و اكثر و درك نبداو نحوسو على الصعيب
شعيب راك معايا في الفكرة و الا لا؟؟
ابحث معايا عن تمارين بلييييييز
الأمر يعني كل الأعضاء لمن يملك تمرين لم يجد حله فليضعه و لنحله معا و ان شاء الله نضع حد لصعوبة الفيزياء

[فريال المحتاجة عفو الله]

هاهاهاها سأنتقم منك يا ألبرت أينشتاين
و سأنتقم من 10 تع الاختبار و ننتقم تاني من 1.25 هههه
هبلتني الفيزياء يا جماعة

[*أســيـــــرツالــبــســـمـــة*]

ههههههههههه وين راك يا كسول؟؟
راني نضحك برك ربي يخلليك ليا يا شعيب

أمين يا رب العالمين
ان شاء الله
مانيش أنا الكاسول
الأستاذ لي يقريني في زياء نعيطولو الكسول
ههههههههه

[*أســيـــــرツالــبــســـمـــة*]

هاهاهاها سأنتقم منك يا ألبرت أينشتاين
و سأنتقم من 10 تع الاختبار و ننتقم تاني من 1.25 هههه
هبلتني الفيزياء يا جماعة

راني معاك فريولة
نورولو معامن راه يتمسخر
ههههههههههههههه

[*أســيـــــرツالــبــســـمـــة*]

شعيب راني لقيت تمارينات و راهم ساااهلين
بصح نحلوهم على خاطر رانا في بداية الطريق نحو الامتياز في الفيزياء ان شاء الله و لازم نبداو بالساهل
معاهم الحل اوعدني و اوعد نفسك قبل انك ما تشوفش الحل إلا عند التصحيح اوكي؟؟
http://www.physique48.org/bac/forum/viewtopic.php?id=1075
راني نحل فيهم درك و الحمد لله حاسة روحي قاعدة نفهم اكثر و اكثر و درك نبداو نحوسو على الصعيب
شعيب راك معايا في الفكرة و الا لا؟؟
ابحث معايا عن تمارين بلييييييز
الأمر يعني كل الأعضاء لمن يملك تمرين لم يجد حله فليضعه و لنحله معا و ان شاء الله نضع حد لصعوبة الفيزياء




أعدك يا فريال مانشوفش الحل إلا للتصحيح
ههههههههه
تقول راكي حاطتلي الموس على رقبتي ههههههه

[*منارةツالبحر*]

السلام عليكم و رحمة الله تعالى و بركاته
حبيت نعرف الا نقدر نشارك معاكم في حل التمارين تاع الفيزياء باسكو مام أنا النقاط ديالي كاريثية و لاموايان تاع الفيزيك تاع هاذ التخيماست جامي تلاقيت بيه ملي بديت نقرا و السبب الرئيسي فالأستاذ اللي داخل و لا خارج لكلاصا كيف كيف
طولت عليكم اسمحولي

[فريال المحتاجة عفو الله]

أمين يا رب العالمين
ان شاء الله
مانيش أنا الكاسول
الأستاذ لي يقريني في زياء نعيطولو الكسول
ههههههههه

شعيب عندك لا تزعف
و الله غير نضحك معاك برك
بالعكس قلتهالك من قبل تقول راك باتري تع نشاط و حيوية الله يبارك عليك
راني معاك فريولة
نورولو معامن راه يتمسخر
ههههههههههههههه

آآآآه وي غلط في العنوان مسكين
أعدك يا فريال مانشوفش الحل إلا للتصحيح
ههههههههه
تقول راكي حاطتلي الموس على رقبتي ههههههه

لالالا أنا نحطلك موس؟؟ جامي
بصح حبيت نستفادو من هذا الموضوع و راني قلت هكا باش أنا تاني ما نشوفش على خاطر عندي مرض هههه ديما نطل على الاجابة الصحيحة
السلام عليكم و رحمة الله تعالى و بركاته
حبيت نعرف الا نقدر نشارك معاكم في حل التمارين تاع الفيزياء باسكو مام أنا النقاط ديالي كاريثية و لاموايان تاع الفيزيك تاع هاذ التخيماست جامي تلاقيت بيه ملي بديت نقرا و السبب الرئيسي فالأستاذ اللي داخل و لا خارج لكلاصا كيف كيف
طولت عليكم اسمحولي
لالا ما طولتيش بالعكس انت عبرتي على رأيك
مرحبا بيك أختي معنا ان شاء الله تفيدي و تستفيدي
أختي من فضلك إذا كان عندك تمرينات حول الطاقة حطيهم و نحلوهم كيف كيف لكي تعم الفائدة
ان شاء الله في هذا العطلة نحلو أكبر قدر ممكن من التمارين في الفيزياء و ان شاء الله يا ربي نودعو النقاط الكارثية إلى الأبد
كي نحلو مع بعض نتشجعو أكثر

[فريال المحتاجة عفو الله]

نسيت نقول حاجة مهمة
صباح الخير شعيب

[*أســيـــــرツالــبــســـمـــة*]

راني حليتو مبعدا نعطيكم الحل
في أمان الله

[*منارةツالبحر*]

السلام عليكم و رحمة الله و بركاته

شكرا لكي أختي(غزة) على الترحيب و انشاء الله نستفاد منكم و تستفادو مني كيما قلتي
و انشاء الله النقاط تاع الفصل الاول متتعاودش
و حبيت نسقسيكم التمرين اللول اللي حطيتيه كنت حليتو ديجا نكتبو الحل باش نشوفوه معا بعض و لا نحلو كل واحد وحدو
سلااااااام

[*منارةツالبحر*]

تمرين
وعاء من الألومنيوم كتلتهm=250g ودرجة حرارتهt=25c نضغ به كمية من الماء كتلتها m=300gودرجة حرارتها t=60
س1: أوجد درجة الحرارة النهائية للجملة عند حدوث التوازن باعتبارها معزولة طاقويا
يعطى : C eau = 4185 j/ kg
و Cal=902 j/ kg

[لؤلؤة الرحمن]

بارك الله فيك

[نهال الجزائرية]

ربي يوفقكمممممممممممممممممممممممممم

[فريال المحتاجة عفو الله]

http://arb-up.com/8zjg5lvm1rik

[فريال المحتاجة عفو الله]

هل نضع الحلول ؟؟ (http://arb-up.com/8zjg5lvm1rik)

[فريال المحتاجة عفو الله]

تمرين
وعاء من الألومنيوم كتلتهm=250g ودرجة حرارتهt=25c نضغ به كمية من الماء كتلتها m=300gودرجة حرارتها t=60
س1: أوجد درجة الحرارة النهائية للجملة عند حدوث التوازن باعتبارها معزولة طاقويا
يعطى : C eau = 4185 j/ kg
و cal=902 j/ kg
شكرا بارك الله فيك سنحاول حله
بارك الله فيك
شكرا على المرور أختي الكريمة
ربي يوفقكمممممممممممممممممممممممممم
آآآمين يا رب و يوفق كل من يسعى لتحصيل العلم

[فريال المحتاجة عفو الله]

هذا حلي للتمرين الأول ، آسفة إن لم يكن الخط واضحا ( كتبتو بسرعة )
شاكة في السؤال الأول بللي غالط و الله أعلم
http://dc11.arabsh.com/i/02441/5p8rq6aswpxh.jpg

[*منارةツالبحر*]

السلام عليكم و رحمة الله و تعالى و بركاته
شكرا على الحل فريال السؤال اللول خرجلي الحل كيما تيا
واش رايك نحلو التمرين اللي كتبتو انا

[الساعية للتفوق]

اميرة البليدة كم وجدت درجة الحرارة النهائية ؟

[*أســيـــــرツالــبــســـمـــة*]

هذا حلي للتمرين الأول ، آسفة إن لم يكن الخط واضحا ( كتبتو بسرعة )
شاكة في السؤال الأول بللي غالط و الله أعلم
http://dc11.arabsh.com/i/02441/5p8rq6aswpxh.jpg

يعطيك الصحة فريولة
من المفروض راه صحيح
لأنا لقينا نفس النتائج أنا وأنت
درك حلي الثاني تاع الأخت أميرة البليدة
أنا راني حليتوا
كيتخلصو قولولي باش نديرو الحل مع بعض
أوكي؟
راني جبتلكم تمرين آخر
كينكون قاعد نكتبو
في أمان الله

[*منارةツالبحر*]

السلام عليكم و رحمة الله و بركاته خويا شعيب قريتو درس مركبات الطاقة الداخلية المنسوبة للحالة الفزيائية و الكميائية للجملة باسكو شفتكم بلي مهدرتوش عليهم و يلا درتوهم باش نحط تمارين عليهم سلاااااااااااام

[lala2009]

حل الاخت "غزة في قلبي " صحيح فعلا ولكن هناك خطا في جوابك للسؤال الاول ^^
اتمنى ان تتداركيه

[*أســيـــــرツالــبــســـمـــة*]

السلام عليكم و رحمة الله و بركاته خويا شعيب قريتو درس مركبات الطاقة الداخلية المنسوبة للحالة الفزيائية و الكميائية للجملة باسكو شفتكم بلي مهدرتوش عليهم و يلا درتوهم باش نحط تمارين عليهم سلاااااااااااام

مافهمتكش ختي؟
تحوسي على القانون الثاني تاع التحويل الحراري؟
Q=m.L

[*منارةツالبحر*]

السلام عليكم و رحمة الله و بركاته
ايه شعيب هذاك واحد من القوانين تاع الدرس اللي قتلك عليه بصح كاين بزاف قوانين ماشي غير واحد




الأختlala الخطأ اللي شفتيه مذابينا تصحيهولنا مع أنو ثلاثتنا صبنا نفس الحل
سلااااام

[*أســيـــــرツالــبــســـمـــة*]

السلام عليكم و رحمة الله و بركاته
ايه شعيب هذاك واحد من القوانين تاع الدرس اللي قتلك عليه بصح كاين بزاف قوانين ماشي غير واحد




الأختlala الخطأ اللي شفتيه مذابينا تصحيهولنا مع أنو ثلاثتنا صبنا نفس الحل
سلااااام

أختي الكريمة
راني نتكلملك على القانون الرئيسي تاع التحويل الحراري
أما القوانين المكملة راهي كثييييييرة
المهم نزيدو نشوفو فريال قراتو ولا مازال
ومبعدا أعطيلنا التمرين
أوكي؟
بالتوفيق

[*منارةツالبحر*]

أها صدقت هذاك أول قانون أومبعد يجو موراه ربعا قوانين تاع الانصهار و تاع التجمد و تاع التمييع و تاع التبخر
أوكي التوفيق للجميع

[فريال المحتاجة عفو الله]

حل الاخت "غزة في قلبي " صحيح فعلا ولكن هناك خطا في جوابك للسؤال الاول ^^
اتمنى ان تتداركيه
ايه أنا تاني كنت شاكة فيه
هل هناك من وجد إجابة مغايرة لإجابتي؟؟
بارك الله فيك

[فريال المحتاجة عفو الله]

أختي الكريمة
راني نتكلملك على القانون الرئيسي تاع التحويل الحراري
أما القوانين المكملة راهي كثييييييرة
المهم نزيدو نشوفو فريال قراتو ولا مازال
ومبعدا أعطيلنا التمرين
أوكي؟
بالتوفيق

حنا وصلنا في " فعل جول " و أثبتنا أن Q =We
و وجدنا أن Q=We=R * I * I* T

[*منارةツالبحر*]

السلام عليكم و رحمة الله و بركاته
فريال فالدروس راكم فايتينا بزاف حنا حبسنا في مركبات الطاقة الداخلية المنسوبة للحالة الفزيائية و الكميائية للجملة
والسؤال اللول اللي كنتي شاكة فيه النتيجة مراهيش غالطة الغلطة تاعك في بلاصة 0.3 كتبتي 0.4 و خرجلك نفس الناتج معايا بوغتو أنا حسبت ب 0.3

[فريال المحتاجة عفو الله]

عندك الحق أختي أميرة البليدة
آسفة مجرد غلطة مطبعية ههههه ديما تصرالي نكتب رقم غالط و نحسب بالصحيح .
0.3 هي الصحيحة

[lala2009]

http://img510.imageshack.us/img510/4782/13629924.jpg

ارجو ان تكون فكرتي قد وصلت ^^

[فريال المحتاجة عفو الله]

بالنسبة للتمرين اللي حطاتو الأخت ( أميرة البليدة ) شحال لقيتو درجة الحرارة النهائية
لقيتها 54.67 درجة مئوية
قوليلي بللي صحيحة ههههههه طلعولي المورال

[فريال المحتاجة عفو الله]

http://img510.imageshack.us/img510/4782/13629924.jpg

ارجو ان تكون فكرتي قد وصلت ^^
معك حق
هللا وضعت لي الإجابة الصحيحة من فضلك
ماذا عن باقي الأجوبة ؟؟ هل هي صحيحة ؟

[فريال المحتاجة عفو الله]

شوية نشاط تعيشو على الأقل نحلو 03 تمرينات في اليوم
حطو أي تمارين تلقاوه
راح نجيبلكم 02 انتظروني

[فريال المحتاجة عفو الله]

هذا حلي لتمرين ( أميرة البليدة )
http://dc16.arabsh.com/i/02444/kkgah05izuod.jpg

[فريال المحتاجة عفو الله]

http://dc16.arabsh.com/i/02444/k6bfv45a2oo3.jpg
تمرينين آخرين
حبين نسقسيكم : واش معناها كي يقولك اوجد كمية الحراة ؟ يعني درجة الحرارة ؟؟؟؟؟؟؟
ويييييينكم راني نهدر وحدي كي المهبولة
شعيب ، أميرة البليدة و البقية

[الساعية للتفوق]

اختي فريال انا تاني لقيت نفس النتيجة 54.67

احنا دخلنا المغناطيس وهدا الدرس عطالنا القواعد اللي في الكتاب بدون اثباتات ......

وشنو هادي Q =We

on est grave en phisique

[lala2009]

معك حق
هللا وضعت لي الإجابة الصحيحة من فضلك
ماذا عن باقي الأجوبة ؟؟ هل هي صحيحة ؟

عبارة التحويل الحراري للجملة (مسعر+ماء بارد) هي :
Q=q1+q3
حيث q1 هي عبارة التحويل الحراري للجملة (ماء بارد)
و q3 هي عبارة التحويل الحراري للجملة (مسعر)

هذا كل ما في الامر
اما الاجوبة الباقية فكلها صحيحة ^^
بالتوفيق

[فريال المحتاجة عفو الله]

حسنا شكرا لك أخت لالا 2009

[فريال المحتاجة عفو الله]

أين أنتم ؟؟؟؟؟؟؟؟؟؟؟؟؟؟
هناك تمرينين للحل ، لقد قمت بحلهما و أنا في انتظاركم

[فريال المحتاجة عفو الله]

http://dc16.arabsh.com/i/02444/k6bfv45a2oo3.jpg
شوية صعاب اللي يحلهم نستعرف بيه هههههه

[*منارةツالبحر*]

السلام عليكم و رحمة الله و بركاته
شكرا أختي فريال على لتمارينات دياولك هما شابين :19: بصح صعاب شوي :sdf:
و منشكش رايحا تستعرفي بيا :o
وو الا حليتيهم نشوفو الأخ شعيب الا كمل منهم أعطينا الحل
و درجة الحرارة مام أنا لقيتها 54 فاصل
حقا عجبتني الطريقة تاعك فالحل تمديهمنا بخط يدك خطك شباب :)
خسارة معنديش سكاناغ
سلااام

[فريال المحتاجة عفو الله]

هههههههه خطي شباب ؟؟ لالا ما شكيتش
المهم شكرا لك على الثناء أنا تاني جاوني صعاب بصح راح نبقا وراهم حتى نجيبهم ههههه ماراح يغلبوني ان شاء الله
كاين تاني موضوع في قسم المواد العلمية ( يطرح نفس الفكرة ) بصح في الرياضيات و الفيزياء و العلوم و الله غير روعة
و في نفس القسم كاين كتاب تع رياضيات ننصحك تحمليه و الله غير روعة اختي

[فريال المحتاجة عفو الله]

http://dc105.4shared.com/download/63...32028-505b6413 (http://dc105.4shared.com/download/63389286/4faf1cd9/__online.rar?tsid=20090321-132028-505b6413)
هذا رابط الكتاب
شعيب انتا تاني حاول تحملو خويا وين راك و الله غير تحيرت عليه ماش عوايدو يغيب علينا

[*منارةツالبحر*]

ربي يجيب اللي فيه الخير فريال بلاك عندو شغل
أما كتاب ختي فريال

[فريال المحتاجة عفو الله]

ربي يجيب اللي فيه الخير فريال بلاك عندو شغل
أما كتاب ختي فريال
كأنو بورداس فيه دروس و تمارينات بزاف على كل الدروس ( الاشتقاقية - المتتاليات - المرجح ..........
حمليه أني حطيتلك الرابط

[*منارةツالبحر*]

صحيتي فريال راني رايحا نحملو و نرجعلك بالخبر
حقا كي يكون عندي سوجي فالميكرو كيفاش أنديرو في رابط (اذا ممكن )

[فريال المحتاجة عفو الله]

طبعا ممكن أختي
ادخلي للرابط هذا http://arabsh.com/ و إلا اكتبي في غوغل عرب شير كيف كيف
و مبعد ديري parcourir و اختاري الملف اللي حابة تحمليه
و ديري ارفع
كي تكمل عملية الرفع ( تدوم فترة صغيرة لانو سريع ) ديري كوبي للرابط الأول هوما مسميينو الرابط المباشر و حطيه وين حبيتي ( كولي )

نتمنى تكوني فهمتي عليا

[فريال المحتاجة عفو الله]

في حفظ الله
راني رايحة
ان شاء الله تتمكني من رفع الملف اللي حاباتو
بالتوفيق يا أميرة ( هل هذا اسمك ؟؟ )

[*منارةツالبحر*]

الله يخليك ختي درتي فيا مزيا كبيرة يعطيك الصحة و ربي يعطيك متتمناي
أيه هذاك هو اسمي أميرة من البليدة 1994 2 ثانوي تقني رياضي (ونتيا )
بااااااااي دمتي في رعاية الله وحفظه

[لحظة ضعف]

جزاكم الله خيرا
ساحاول ان اجد تمارينات واضيفها لكم
في امان الله

[*منارةツالبحر*]

جزاكم الله خيرا
ساحاول ان اجد تمارينات واضيفها لكم
في امان الله




شكرااا لكي

[herry$]

هذه اجابتي على تمريني الاخت غزة في قلبي على صيغة word
لست متاكدة منها لكن لا ضير في عرضها عليكم
للتحميل من هنا (http://www.mediafire.com/?thjwun9zbhke7ju)

[فريال المحتاجة عفو الله]

هذه اجابتي على تمريني الاخت غزة في قلبي على صيغة word
لست متاكدة منها لكن لا ضير في عرضها عليكم
للتحميل من هنا (http://www.mediafire.com/?thjwun9zbhke7ju)
حل رائع و منظم للغاية
بارك الله فيك أختي
ان شاء الله صحيح 100 بال 100 لأننا وجدنا نفس النتائج
لم أجب سوى على السؤال " لمذا قلنا التقريبية " لم أنتبه إلى أن القيمة التي وجدتها تقارب القيمة الحقيقية لـ (c (Al
شكرا مرة أخرى
بانتظار تمرينات أخرى للحل

[فريال المحتاجة عفو الله]

الله يخليك ختي درتي فيا مزيا كبيرة يعطيك الصحة و ربي يعطيك متتمناي
أيه هذاك هو اسمي أميرة من البليدة 1994 2 ثانوي تقني رياضي (ونتيا )
بااااااااي دمتي في رعاية الله وحفظه
تشرفت بمعرفتك أختي
فريال من ولاية عنابة من مواليد 1994 سنة ثانية ثانوي شعبة علوم تجريبية
المعدل المعتاد 16 و لكن هذا الفصل حدثت الكارثة الكبرى هههههه 13.67

[*منارةツالبحر*]

تشرفت بمعرفتك أختي
فريال من ولاية عنابة من مواليد 1994 سنة ثانية ثانوي شعبة علوم تجريبية
المعدل المعتاد 16 و لكن هذا الفصل حدثت الكارثة الكبرى هههههه 13.67



تشرفت بمعرفتك أختي
انشاء الله المعدل ميتعاودش و انشاء الله الفصل الثاني تدي 16 و لا كثر
بخصوص السؤال تاعك على كمية الحرارة رح نقولهولك على شكل تمرين
يحتوي مسعر 500 غرام من الماء الذي درجته 20 يوضع فيه جسم ساخن, و يحرك باستمرار, فنجد أنا درجة التوازن الحراري 55
س: ما هي كمية الحرارة التي فقدها الجسم الساخن ؟
حيث الحرارة الكتلية للماء هي :
4185 j/kg

لدينا :
Q=cm(T1-T2)
= 4185*0.5(55-20)
= 73237.50j





شكرا لأخت اللي حلت التمرين

[فريال المحتاجة عفو الله]

شكرا أختي أميرة
بارك الله فيك
خلاص راني فهمتو ، مام في التمرين حاطينها ،السؤال :::: ما هي كمية الحرارة التي يفقدها الجسم الساخن q
q تبين كلش أنا برك ما انتبهتش
شكرا مرة أخرى

[*منارةツالبحر*]

السلام عليكم و رحمة الله و بركاته
لاشكر على واجب ختي فريال الهدف تاعنا هون الحصول على نقاط جيدة في الامتحانات القادمة انشاء الله
حقا نوغمال كون نكتبلك ال س ك ا ي ب تاعي هكاك نقدرو نراجعو مع بعض بالخف

[فريال المحتاجة عفو الله]

وي ابعتيلي انفيتاسيون درك راني حالاتو
بسرعة تعيشي اختي حابة تحكم لميكرو

[فريال المحتاجة عفو الله]

راني نستنى أميرة
تقدري تبعتيلي درك ؟؟

[فريال المحتاجة عفو الله]

السلام عليكم و رحمة الله و بركاته
ختي فريال أسمحيلي كي مزربتش بعتلك ال***** أعلاخاطرش لاكوناكسيو كانت ضعيفة
و هذا هو السكاايب تاعي ami_ahllem
حقا سمعت بلي الأخ شعيب صرالو أكسيدو نطلبو ربي يجيبلو الشفا و يرجع لقرايتو في أقرب وقت
ايه بصح راو بخير
و في موضوع " من يجيد التعبير باللغة الانجليزية " الموجود في هذا القسم كاين واحد اسمو بلال ( حاط لافوتو تع اينيستا ) راه يطمنا عليه كل يوم و هو همزة الوصل بيننا و بين شعيب

[فريال المحتاجة عفو الله]

درك نبعتلك انفيتاسيون
أنا تيعي feryoula1994

[قمر الزمان رؤية]

السلام عليكم و رحمة الله

يسرني ان انضم اليكم اذا كان ممكنا

وشكرا

[فريال المحتاجة عفو الله]

السلام عليكم و رحمة الله

يسرني ان انضم اليكم اذا كان ممكنا

وشكرا
طبعا ممكن أختي
متشرفة بمعرفتك ( ممكن اسمك ؟ أنا فريال )
هل لديك تمرين نتسلى به ؟

[قمر الزمان رؤية]

طبعا ممكن أختي
متشرفة بمعرفتك ( ممكن اسمك ؟ أنا فريال )
هل لديك تمرين نتسلى به ؟

يمكنكم مناداتي بـ " قمر "

تشرفت بمعرفتك اختي الكريمة

انا الان احاول حل ما وضعتم من تمارين كي اكون في الصورة معكم

ارجو ان الاقي عندكم المساعدة

بارك الله فيكم و انجحكم جميعا بحول الله

[قمر الزمان رؤية]

السلام عليكم

لي سؤال حول الغاز المثالي

متى نستعمل القانون p1 / t 1 = p2 / t2

و القانون v 1 / t2 = v2 / t2

و لماذا p = K * T و V = K * T ايضا ؟؟

[قمر الزمان رؤية]

أين أنتم يا اخوة ؟

[فريال المحتاجة عفو الله]

السلام عليكم
راني هنا قمر
بخصوص سؤالك
نستعمل قانون بويل ماريوط p1 . v1 = p2 . v2 = cte عندما تكون درجة الحرارة ثابتة ( لاحظي في القانون ما كانش t )
نستعمل قانون شارل p1/t1 = p2/t2 = cte عندما يكون الحجم ثابتا ( لاحظي في القانون ما كانش v )
نستعمل قانون غي لوساك v1/t1 = v2 /t2 = cte عندما يكون الضغط ثابتا ( لاحظي في القانون ما كانش p )
cte = ثابت

أما القوانين لوخرا ما نعرفهاش، حبيت نسقسيك انتي شعبة علوم ؟؟
حنا كملنا هذا الدرس ( الغاز المثالي ) و رانا في الطاقة الداخلية و الاستاذة قالتلنا هذا الدرس ماراحش يدخل في التلاثي الثاني ان شاء الله

[قمر الزمان رؤية]

شكرا لك اختي جزاك الله خيرا

نعم انا شعبة علوم تجريبية و فقدت توازني نوعا ما في الدراسة لذلك انا احاول استدراك ما فاتني

ارق تحية

[فريال المحتاجة عفو الله]

لا بأس كلنا عانينا من هذا المشكل في التلاثي الاول
ههه أنا مش غير فقدت توازني برك طحت خلاااص من 16 قريب 17 لـ 13
بصح راني معولة ان شاء الله نطلع على خاطر ما قريتش في التلاثي الاول و تهاونت بزاف

[قمر الزمان رؤية]

ان شاء الله اختي ربي يوفق الجميع

و الان هل من تمرين حول الطاقة الداخلية لنحاول فيه ؟

[فريال المحتاجة عفو الله]

اوكي
عندي بورداس تع هباج تحبي نعطيك شوية تمرينات تحليهم ؟؟
أنا حليت البعض و راح نكمل ان شاء الله

[فريال المحتاجة عفو الله]

واش رايك نحلو التمرين رقم 14 ص 110 من الكتاب المدرسي

[قمر الزمان رؤية]

نعم اختي الكريمة تمرين نحاول فيه معا

لاني نوعا ما لم افهم هذا المحور جيدا بعد

شكرا لك على التعاون

اي حاجة في العلوم اسأليني هههه المادة الوحيدة التي متمكنة فيها " من المواد الثلاث الاساسية "

وفقك الله

[فريال المحتاجة عفو الله]

و انا العلوم نحبها بصح الدرس تع الخلية مقلقني شوية
البروف مللي يدخل و هو يرسم ما كتبنا والو
رانا قاعدة نشوف من الانترنت و لقيت حوايج عمري لا سمعت بيهم ههههه كتبتهم في ورقة و ان شاء الله راني حلليت المشكل تقريبا

[قمر الزمان رؤية]

واش رايك نحلو التمرين رقم 14 ص 110 من الكتاب المدرسي



وهو كذلك اختي الكريمة

على بركة الله

[قمر الزمان رؤية]

و انا العلوم نحبها بصح الدرس تع الخلية مقلقني شوية
البروف مللي يدخل و هو يرسم ما كتبنا والو
رانا قاعدة نشوف من الانترنت و لقيت حوايج عمري لا سمعت بيهم ههههه كتبتهم في ورقة و ان شاء الله راني حلليت المشكل تقريبا

ايه صح نحن ايضا في الوحدة الجديدة لم نتطرق اليها جيدا

الرسم فقط ههه بصح ردي بالك الرسومات هذوك كاينين في الاختبارات 100 %

[فريال المحتاجة عفو الله]

ممكن نقراو عن طريق السكااايب خير

[فريال المحتاجة عفو الله]

ان شاء الله نحفظ بياناتهم مليح على خاطر أستاذي مهبول بحاجة اسمها رسم + بيانات
السكاااايب تيعي / feryoula1994

[*منارةツالبحر*]

السلام عليكم و رحمة الله و بركاته
مساء الخير ختي فريال موصلتنيش لانفيتاسيو تاع السكاايب
حقا كاش تمارين نحلوهم أنا راني حاصلا رحت للنهايات فالرياضيات تخلطلي كلش و ضركا راني معا الميكرو

[فريال المحتاجة عفو الله]

نور الهدى 15 ؟؟؟؟
و لا لالا
راني حلاتو و قاعدين نحلو تمرينات أنا و الاخت قمر الزمان
ارواحي معانا امورة ( فيزياء )

[*منارةツالبحر*]

وين فريولة
ami_ahllem هذا السكاايب تاعي أبعثيلي أنفيتاسيو

[فريال المحتاجة عفو الله]

علاااه ما دخلتيش من قبيل
رانا كملنا
اوكي درك نبعتلك اليوم
وغدوة ان شاء الله تفاهمنا أنا و قمر الزمان ندخلو على الوحدة حتى لل 03 نحلو تمرينات
ههه و كأنها دروس خصوصية
ارواحي معانا ما تنسايش
و الله غير قرينا روووعة اليوم

[*منارةツالبحر*]

معليهش ايه أبعثيلي أنقيتاسيو

[ღأُسَامَةُღ]

السلام عليكم ،،

ججيت ننظم ليكم ،، ولكن لقيتكم تحلوا في تمارين ،،

تاع دروس ماقريناهمش ،،

بالتوفيق لكم

[nourdodo]

السلام عليكم

معليش نراجع معاكم فيزياءعلى خاطر راني كارثة في وخاصة في الرياضيات

شوفولي التمرين20 ص 111 من الكتاب المدرسي






















.

[قمر الزمان رؤية]

و عليكم السلام و رحمة الله

تفضلي الحل

http://img844.imageshack.us/img844/9400/201ap.jpg

و

http://img814.imageshack.us/img814/5720/202de.jpg

نتمنى ان يكون الخط واضحا ...و اعتذر ليس لي سكانر في الطابعة

شكرا

[nourdodo]

شكرا لك الأخت قمر

[قمر الزمان رؤية]

العفو اختي الكريمة....نحن هنا لبعضنا البعض

وفقك الله

[مصطفي63]

أتمنى أن تقبلوني بينكم حتى أفيد و أستفيد

[فريال المحتاجة عفو الله]

أتمنى أن تقبلوني بينكم حتى أفيد و أستفيد
أهلا بك أخي
نورت الموضوع
بصح الحالة راي رقدت ، قبل كنا ناااشطين و درك البرد خلانا ننعسوهههه

[tita_gas]

الله غالب منقرهاش

[فريال المحتاجة عفو الله]

الله غالب منقرهاش
ههههه دبرتاها
مي قوليلي عندك الفلسفة ( فيزياء الادبيين )
الله يكون في عون الجميع

[tita_gas]

ههههه دبرتاها
مي قوليلي عندك الفلسفة ( فيزياء الادبيين )
الله يكون في عون الجميع

ايه صح
آمين ربي يعاونكم و يعاوننا

[*أســيـــــرツالــبــســـمـــة*]

السلام عليكم
صباح الخير عليكم
واش حوالكم؟
سامحوني درك راني مانقدرش نحل؟
والله راني (راكي علابالك فريال؟)
ربي يوفقكم

[فريال المحتاجة عفو الله]

ايه علابالي خويا
بصح حاول في الدار اوكي؟؟
أنا الحمد لله ودعت الكوشمار تع الفيزياء راني فاهمتها و ربي يستر ههه خايفة الفهامة الكل تطير في الفرض و ندي هادوك النقاط الشاااابين

[*أســيـــــرツالــبــســـمـــة*]

ايه علابالي خويا
بصح حاول في الدار اوكي؟؟
أنا الحمد لله ودعت الكوشمار تع الفيزياء راني فاهمتها و ربي يستر ههه خايفة الفهامة الكل تطير في الفرض و ندي هادوك النقاط الشاااابين

لالا فريولة
راح نرسخوها ان شاء الله
أوكي؟
أتكلي على ربي والقدام

[مصطفي63]

اخي شعيب اختي فريال انا تاني راني حاب ندخل معاكم في هادي المراجعة معليش تسمحولي

[مصطفي63]

اذا نتوما تسمعو في اكتبولي الرد رجاءا

[مصطفي63]

يا اخي اين انتم

[مصطفي63]

راني نستنا فيكم وين راكم

[*أســيـــــرツالــبــســـمـــة*]

اخي شعيب اختي فريال انا تاني راني حاب ندخل معاكم في هادي المراجعة معليش تسمحولي

من جهتي أنا خويا أهلا وسهلا بك
تبقى مع الآخير لا أدري
لكن أنا متأكد بلي فريال ماراحش ترفض
ربي يوفقك

[فريال المحتاجة عفو الله]

اخي شعيب اختي فريال انا تاني راني حاب ندخل معاكم في هادي المراجعة معليش تسمحولي
طبعا أخي
مرحبا بيك معنا
إن لم يسعك الموضوع تسعك عيوننا ههههه
عندنا بزاف ما حلليناش تمرين في الفيزياء ، إذا عندك واحد حطو خللي نجوزو بيه الوقت

[مصطفي63]

هذا التمرين حليتو بصح مانيش عارف صح ولا لا التمرين يقول لدينا كمية من الاكسجين حجمها 672ل توضع في حجرة صغيرة سعتها 1000ل في الشرطين النضاميين من الضغط و درجة الحرارة
ماهي قيمة ضغط الغاز في هذه الغرفة
ما هو التركيز المولي لهذا الغاز في الغرفة
ماهي قيمة التركيز المولي و ضغط الغاز عندما نضغطه داخل الحجرة حتى يصبح حجمه 500ل و درجة الحرارة 0 درجة مئوية

[مصطفي63]

pv =p1v1
ومنه p1=672\1000=0.672ضغط جوي
ثم نحسبو التركيز
لدينا c=n\vوn=vg\ الحجم المولي
1000\22.4
,ومن بعد نحسبو الضغط2
500\1000=.0.500
و اخيرا قيمة التركيز2
نحسبو كمية المادة 500تقسيم22.4او من بعد نحسبو التركيز
22.32تقسيم1000
لردوا عليا pleqseeeeeeeeeeeeeeeeeee

[مصطفي63]

و هذا تمرين اخر يقول
اناء يحتوي غاز الاكسجين في درجة حرارة عادية و تحت ضغط جوي 150 ضغط جوي سعته 40ل
ما هو حجم غاز الاكسجين الذي نحصل عليه عند نفس درجة الحرارة و ضغط جوي نضامي

[مصطفي63]

اريد الرد بسرعة رجاءا

[*أســيـــــرツالــبــســـمـــة*]

ياخويا مصطفى
راني دركا كونجي
بصح وعلاه مازلتو في الغاز المثالي؟

فريال - قمر الزمان -لحضة ضعف
وين راكم؟
وعلاه ماكمش تقراو؟

[مصطفي63]

اسمحيلي اختي فريال على الرد المتاخر بسبب الضروف لكن نقوللك علاه رانا متاخرين ذاك على خاطر مانا فاهمين والو

[مصطفي63]

ارجو منكي و اذا كنت فاهمة هذي الوحدة فهميني رجاءا

[فريال المحتاجة عفو الله]

حاااضر خويا نفهمك
بصح قللي الغاز المثالي؟؟ و واش ماكش فاهم بالضبط ؟
تحب نكتبلك القوانين و نديرو شوية تمرينات ؟

[kwaydar]

انا روحي انروح انصلي العصر و نرجع لكم

[فريال المحتاجة عفو الله]

تقبل الله خويا
دعيتليلنا و إلا لالا؟

[ღأُسَامَةُღ]

سلام عليكم ،،

[chaima125]

و عليكم السلام

[ღأُسَامَةُღ]

واش راكم ،، ؟

[chaima125]

لباس الحمد لله السوال عليكم أسامة

[ღأُسَامَةُღ]

انا لاباس ،، كاش تمارين فزياء ولا رياضيات

[chaima125]

الرياضيات راني نقرا في المتتاليات و انت مزال ماقريتهمش

أما الفيزياء فانا خلصت المراجعة تاعها

بديت بيها هي الاولى لخاطر نحبها بزاااااااااااااااف

[ღأُسَامَةُღ]

اختي شيماؤ كملت بحث الانجليزية

[chaima125]

و الله غير مزلت

أنا راني ندير في تاع الفرنسية

و تاع الإنجلزية راهي دير فيه زميلتي و من بعد العطلة نشوفو

و انت كملت و لا مزال

[ღأُسَامَةُღ]

واو راكي كيفي مااي انا نحب فوياؤ او مات في زوج ،، راني بلاك رايح اندير شعبة رياضيات في الباك ،،ححنا رانا غير في الاشتقاق ،، او في الفزياء في نمودج الغاز المثالي ،، او انتم وين راكم في الفزياء ؟

[ღأُسَامَةُღ]

انا اليوم نبدا ان شاء الله ،، راني لقيت عناصر او مازال ايخصني شوية

[chaima125]

رانا كيفكم في الفيزياء

[chaima125]

كي تدير البحث نعتولي باش نمد راي تاعي و أنا نهتلك البحث تاعي باش تمد رايك

ok

[chaima125]

حنا نديرو البحث على شكل مجموعات و نتوما؟

[ღأُسَامَةُღ]

صح ،، مي رانا متأكرين بالنسبة للاقسام الاخرى

[chaima125]

في الفيزياء

حنا جبناها شهر كامل ماقريناش ماكانش استاذ

[ღأُسَامَةُღ]

اوكي كي نديروا راني نبعتولك ،،احنا في حصة الانجليزية نقعدوا بالربعة يعني مجموعة ،، ملا انديروا البحث مع بعضاناا ،، ولكن انا راني رايح نخدموا ،، باسم المجموعة

[ღأُسَامَةُღ]

حناااا والله غير بالاستاد ،، او في الامتحان دراوناااا امتحان صعيب بزاف فيه زوج تمارين جامي صادفتهم رغم اني حليت تمارين الكتاب كامل او تمارين كتاب خارجي ،، هادو التمارين فيهم ذريقة التسلسل يعني تلذي في السؤال لول راح كلش في التمرين لول

[مصطفي63]

واه اختي مذابيك تديري فيا مزيا

[*أســيـــــرツالــبــســـمـــة*]

السلام عليكم

هيا كاشما تعطونا تمارين؟

راني نستنى

[maria93]

ماريا وراش الحل حت انا حاصل في الفزياء

[مصطفي63]

نعم اختي فريال مذابيك

[مصطفي63]

شوفي راكي ديري فيا مزيا

[ماجد93]

تاع العلمي و لا االدبي

[lacheheb2010]

أرجو منكم : حل للتمرين الأول والثالث في الفيزياء لشعبة الآداب والفلسفة سنة ثانية ثانوي وهذا بالكتاب المدرسى صفحة 79

[فريال المحتاجة عفو الله]

نعم اختي فريال مذابيك

شوفي راكي ديري فيا مزيا
خويا مصطفى مازلت تحتاج مساعدة في الفيزياء
يارب تكون على الطاقة الداخلية أو الغاز المثالي
ههههه على خاطر نكره هادوك تع تسير عربة و ......... اففففف نكرههههم

[ندى الفردوس]

بـــــــارك الله فيك اختي غزة في قلبي على الموضوع

حابة نعرف شكون شعيب ماهوش الي في بلحرش

وعلاه انت (ي) تقرا في بلحرش ؟؟

اعتقد ان شعيب المنتدى من سطيف

[فريال المحتاجة عفو الله]

لا شكر على واجب أختي ندى الفردوس
صدقت شعيب من مدينة سطيف

[قمر الزمان رؤية]

السلام عليكم و رحمة الله

ممكن تعاون و حل تمارين في درس قياس الناقلية ؟

و شكرا لكم

[فريال المحتاجة عفو الله]

قمر أختي و الله ما وصلنا في الناقلية
آآسفة كان بودي المشاركة و المساعدة

[قمر الزمان رؤية]

قمر أختي و الله ما وصلنا في الناقلية
آآسفة كان بودي المشاركة و المساعدة



شكرا لك اختي

وفقك الله

[*منارةツالبحر*]

السلام عليكم و رحمة الله و بركاته
مساء الخير قمر كيف الحال
عندك شحال مبنتيش ياك راكي مليحا
أونتي فريال بعتلك ميساج نهار الثلثاء و بقيت نستنا فيك محليتيش كي جي نتحاسبو

[قمر الزمان رؤية]

و عليكم السلام و رحمة الله

انا بخير اختي اميرة شكرا لسؤالك

أتمنى ان تكوني كذلك

وفقك الله

[مصطفي63]

اختي فريال مذابيك تخبريني وقتاش تكوني حاضرة في المنتدي باش نقدرو نتراسلو و نقراو مع بعضانا و هذا طبعا اذا كان ما عندكش مانع بليييييييييييييز رديلي بسرعة من فضلكي

[مصطفي63]

من فضلك ردي عليا

[مصطفي63]

اين انتي راكي ما تدخليش للمنتدى بزاف على واه

[فريال المحتاجة عفو الله]

و الله راني حاصلة في القراية
شوف خويا غدوة على 14.00 ان شاء الله نحاول نكون هنا
و نجاوبلك على كل أسئلتك
اوكي؟؟
و اسمحلي إذا مارانيش ندخل بزاف و نعاونك
ليس بيدي
راني مع الفروض

[فريال المحتاجة عفو الله]

السلام عليكم و رحمة الله و بركاته
مساء الخير قمر كيف الحال
عندك شحال مبنتيش ياك راكي مليحا
أونتي فريال بعتلك ميساج نهار الثلثاء و بقيت نستنا فيك محليتيش كي جي نتحاسبو
ههههههه ربي يعيشك طاطا أميرة ما تضربينيش و الله ما بقيت نعاود
تعودي كي تخممي برك انني لازم نحل تلقايني حاضرة لا تبعتي ميساج لا والو ههههههههه
تقدري تحللي السكااايب درك نحكيو شوية


نصللي و نرجع
ردي بليييييز

[*منارةツالبحر*]

السلام عليكم و رحمة الله و بركاته
صباح الخير فريال و الله غير توحشتك بزاف عندنا بزاف محكيناش و الله غير دايمن نتفكرك اليومين تاع السمانا هادوك اللي نقراو فيهم نفس المادة مذابيا نحكي معاك بصح عبالك بلي النهار تاع اليوم أوكبي نقرا من الزوج لل 5.30
حقا كيفاش راكي دايرا معا المتتاليات أنا راهم مهبليني بوغتو غير كيما درنا المتتالية الهندسية يعني الدرس مزال طويل الهدرة متخلاصش فريوليتا

تقدري تحللي السكااايب درك نحكيو شوية

نصللي و نرجع
ردي بليييييز
حسباتتلك عندي المصباح السحري فريال كيفاش نعرف حتى الموضوع هذا درتيه في المواد الأدبية جيت ليه برك كي تفكرتو قلت بلاك كاش خبر عليك و لا علا قمر
عندي زوج بحوث و كنت حابة دبري عليا شوي فيهم
بااااااااااااي الا قدرتي ادخل أومبعد علا 6.30 نحكيو شويا ههههههه عبالي بلي كتبت بزاف و عبالي بلي راكي تضحكي هههههههه

[*منارةツالبحر*]

هههههههههه نسيت باش نقولك عفسة فريوليتا نوغمالمو لنترنات بقالها كاش يومين و لا نهار و لا يومين و تروح و مكانش وين نخلصوها علا خاطرش لابوست حرقوها ااااا ههههههه الا راحت و متلاقيناش منا علا 15 يوم و لا شهر و لا 2 هههههههه

[فريال المحتاجة عفو الله]

هههههههه
خلاص راني فتحت السكاااايب

[لالة مريومة]

ممكن تساعدوني وتفهوني في الجدول صفحة 98

[*أســيـــــرツالــبــســـمـــة*]

هيا نبداااااااااااااااااو......................

[فريال المحتاجة عفو الله]

على بركة الله
بصح انا نقدر نعاون غيرفي درس الطاقة الداخلية
مازال ما توسعناش في درس الناقلية

[*أســيـــــرツالــبــســـمـــة*]

على بركة الله
بصح انا نقدر نعاون غيرفي درس الطاقة الداخلية
مازال ما توسعناش في درس الناقلية

أوكي ماعليش

حنا قالولنا بلي في الفرض الاول كاين غير التمارين تاع الغاز المثالي والطاقة الداخلية

نحلو تمارين عليهم وكينخلصو الفرض نراجعو الناقلية

موافقني؟

درك نجي دقيقة برك

فرال قوليلهم راهو درك يولي

[فريال المحتاجة عفو الله]

هههه اوكي
بصح حنا تهنينا من درس الغاز المثالي ، كاين غير الطاقة الداخلية الدرس اللي نموت عليه

[فريال المحتاجة عفو الله]

طولتي علينا شعيب
أنا اسمحولينروح و الله راي الدروس تع الاجتماعيات تستنى فيا
ادعولي نحفظها و إلا سيكون عمي 00 من نصيبي

[*أســيـــــرツالــبــســـمـــة*]

هههه اوكي
بصح حنا تهنينا من درس الغاز المثالي ، كاين غير الطاقة الداخلية الدرس اللي نموت عليه

أنا تاني تشتي هذاك الدرس وفهمتو مليح

هيا نديرو تمارين عليه و نحلوهم

ولا ماكمش قاعدين

أختي قمر ماتتقلقيش من الناقلية راهي ساهلة

درك نكمل الدرس تاعها وفهامتك عليا بربي ان شاء الله

[قمر الزمان رؤية]

بارك الله فيكما اخي شعيب اختي فريال

ادعولي بالتوفيق

وفقكم الله

[*أســيـــــرツالــبــســـمـــة*]

بارك الله فيكما اخي شعيب اختي فريال

ادعولي بالتوفيق

وفقكم الله

ربي يوفقك أختي لما يحبه و يرضاه

نبداو ولا لا؟

[قمر الزمان رؤية]

نعم اخي ياريت توضحولي القوانين جيدا

1-ا الفرق بين الناقلية النوعية و الناقلية النوعية المولية و عبارة كل واحدة

2- و لماذا عند تحضير محلول انطلاقا من مادة صلبة كتبنا هاته العبارة

P %= m/'m
m'= P*m*C*V/100

لأن n=m/Mx

كيف تم التعويض يعني من اين تحصلنا على C*V*m؟

أرجو الشرح من فضلكم

[nihal-kaya]

شكـــــــــــــــــــــــــــــــــــــــترا اختي و الله غير راني ضايعة في الفيزياء

[قمر الزمان رؤية]

هل من جواب يا إخوة ؟؟؟؟؟؟؟

[مصطفي63]

مساء النور اخي شعيب اختي فريال رجاءا و لا كان ما عندكمش مانع حاولو تكونو ا حاضرين في المنتدى يوم الجمعة و السبت باش نراجعوا مع بعضانا دروس الطاقة الداخلية و دروس الناقلية و نموذج الغاز المثالي طبعا الا كنتو غير قاعدين و ما عندكم والو بلييييز على خاطر الفروض راها تبدا الاسبوع الجاي و نطلب ايضا من الاعضاء الاخرين المشاركة (اذا حبيتو)

[مصطفي63]

اريد الرد بسررررررررررعة رجاءا

[مصطفي63]

هل من مجيب

[مصطفي63]

اين انتم من فضلكم اريد الرد بسررررررعة راني مزروووووووب الفرض الاول راه الاسبوع القادم وما ني فاهم الا القليل

[مصطفي63]

ربي يوفقكم ردوا عليا على راهو خاطر راهو وقت الدفع قريب يخلص و راه عندي اخر اجل يوم الجمعة مذابيكم تتصلوا بيا في اقرب وقت حتى افيدكم و تفيدوني يلا يلا بسرررررررررعة من فضلكم

[مصطفي63]

راني نستنى فيكم

[مصطفي63]

راني نستنى فيكم وين راكم يا حبايبي

[فريال المحتاجة عفو الله]

راني جيت و انت و شعيب ما كانش

[فريال المحتاجة عفو الله]

شوف خويا و الله غير الفيزياء سااهلة و حنا برك نصعبو فيها
اول نصيحة ليك اانك تحب المادة هادي و ثاني حاجة حل على قد ما تقدر تمرينات بشرط يكون عندك الحل، ما عليش المرة الاولى تغلط و تشوف الحل مي مبعد خلاص تعود تحل وحدك و درك تشوف شحال مسلية العملية

[فريال المحتاجة عفو الله]

درك نحاول نفهمك حوايج أساسية في درس الطاقة الداخلية
* التحويل الحراري دائما يتم من الجسم الساخن إلى البارد ، يعني ديما اللي درجة حرارتو أكثر هو اللي يفقد و لازم تلقى Q ( قيمة التحويل سالبة )، الجسم اللي حرارتو أقل ديما تلقى تحويلو موجب لانه اكتسب

* كاين قانون واحد و وحيد تستعملو فقط كي يكون هناك تغير في درجة الحرارة و أكيد راك تعرفو هو : (Q= m . c. (t2 - t1 و ساعات تلقاه :( Q= C (t2 - t1 ما تحيرش لأنو كين فرق بين C و c حيث C= m. c
الأولى يعني C: هي السعة الحرارية حيث وحدتها دائما j/c
و الثانية عندها نفس الإسم زيدلو برك الكتلية يعني السعة الحرارية الكتلية ، أنا باش فرقت بيناتهم علابالي بللي القانون هو C=m.c شفت بللي c الصغيرة ديما مضروبة في الكتلة و ما تقدرش تلقاها وحدها كيما C الكبيرة على هادي رفقنا الاسم ب ( كتلية )
نتمنى تكون فهمتني يا خويا العزيز

[فريال المحتاجة عفو الله]

* و درك كي يكون عندك تحويل حراري نتج عنو تغير في الحالة الفيزيائية للجملة دون تغير في درجة الحرارة
تستعمل القانون :: Q= m . Lf هذا عند التحول من الحالة الصلبة إلى السائلة يعني إنصهار fusion

* كاين تحويلات ماصة و أخرى ناشرة
الماصة اللي يكون فيها Q أكبر من الصفر و هي : الإنصهار ، التسامي ، التبخر
الإنصهار ( من الصلبة إلى السائلة )
التسامي ( من الصلبة إلى الغازية دون المرور بالحالة السائلة )
و التبخر ( تعرفو أكيد من السائلة إلى الغازية )

[فريال المحتاجة عفو الله]

أما التحويلات الناشرة فهي اللي يكون فيها مقدار q أصغر من الصفر و في هذه الحالة نقولو بللي هاد التحويلات راي تفقد تحويل حراري إلى الوسط الخارجي بعكس التحويلا تالماصة التي تكتسب من الوسط الخارجي
و التحويلات اللي نقولو عليها ناشرة هي / التجمد ، التكاثف ، التمييع
التجمد ( تحول من الحالة السائلة إلى الحالة الصلبة )
التكاثف ( تحول من الغازية إلى الصلبة مباشرة )
التمييع ( تحول من الحالة الغازية إلى السائلة )

[فريال المحتاجة عفو الله]

درك خويا في تمرين كي يعطوك تحويل فيه تغير في درجة الحرارة تخدم بالقانون المعروف Q= m.c.t2-t1
أما كي يعطوك تمرين فيه برك تحول في الحالة الفيزيائية ( إنصهار - تجمد ..... و غيرها مللي ذكرناهم ) تستعمل القانون Q= m L

نعطيك تمرين و نشوفو اوكي؟
عندنا قطعة جليد كتلتها 50 غ نخرجها من الثلاجة درجة حرارتها -18 درجة مئوية ، نريد الحصول على نفس الكتلة من الماء عند الدرجة 18 درجة مئوية . ما هي الطاقة الواجب إعطاءها لقطعة الجليد؟
المعطيات :
درجة انصهار الجليد : 0 درجة مئوية
السعة الحرارية الكتلية للماء 4180 جول / كغ / كلفن
السعة الحرارية الكتلية للجليد : 2100 ت / كغ / كلفن
السعة الكتلية لتغير الحالة للجليد هي Lf = 335000 j/kg

[فريال المحتاجة عفو الله]

حلو و درك نشوفو معاك

[فريال المحتاجة عفو الله]

بالتوفيق أخي
نتمنى نكون أفدتك و لو بالقليل
و درك ان شاء الله شعيب يزيد يعاونك

[لحظة ضعف]

شكرا اختي غزة في قلبي لقد افدتني
في الحقيقة انا افهم الفيزياء ولكن في الفروض والامتحانات لا اعرف كيف اطبق...

[فريال المحتاجة عفو الله]

الحمد لله اللي قدرت نعاونك أختي و فهمتي عليا
بخصوص الحالة تيعك ما تخافيش ما راكيش وحدك أنا ثاني عانيت منها ، بصح عالجتها بالتمرينات
حاولي تشري بورداس و إلا اكتبي برك في غوغل تمرينات فيزياء ثانية ثانوي
المهم حللي أكبر قدر ممكن من التمرينات و درك مبعد تجيك ساااهلة

[ماجد93]

بارك الله فيكم اريد ان انظم اليكم للمراجعة mons191

[لحظة ضعف]

بارك الله فيكي اختي الله ينجحك انشالله انت وكامل الطلبة

[مصطفي63]

شفتي اختي قاع جاو يعاندو فينا هههههه حبو يراجعو معانا نتمنالك الف توفيق على المجهود اللى بذلتيه معايا و كيفاش تقوليلي نتمنى نكون افدتك و هادى حاجة اكيدة شوفي والله ما ننسالك الخير اللي راكي درتيه فيا و اسمحيلي على الرد المتاخر على خاطر كانت الكوناكسيون ضعيفة بليييييييييييييز اسمحيلي

[مصطفي63]

درك شوفي حل التمرين اللي راكي عطيتيهلي
اولا بما ان التحويل الحراري نتج عنو تحول في الحالة الفيزيائية يعني الجليد تحول لماء او بصيغة اخرى تحول الماء من صلب الى سائل
اذن نطبق القانون q=m.lf
q=50.335000
او درك هادا هو الحل ولا الا حبيبتي
و تصبحيعلى خير

[مصطفي63]

اسمعي نسيت حاجة راني غير نقعد انشاء الله نكتبلك واش راني فاهم في نموذج الغاز المثالي و شوفيني راني صح ولا لالا و نديرو شوية تمرينات مع بعضياتنا و بالطبع يكون هاد المرة التمرين من عندي معا بعض الملخصات للدروس او درك تصبحي على خير يا الغالية

[فريال المحتاجة عفو الله]

شكرا على الرد الرائع
و أنا ما عملت غير واجبي
بصح التمرين يتحل بلطريقة التالية
أولا: ما تنساش تحول داااااااائما للكيلوغرام ، يعني 50 غ تصبح 0.05 على خاطر تقسم على 1000
باش تحسب الطاقة الواجب تقديمها للجليد لازملك تمر على 03 مراحل اللي هي
المرحلة الاولى : الجليد يكتسب طاقة باش يرفع درجة حرارته من -18 إلى 0 علاش 0 ؟ لأنها درجة انصهار الجليد
و هادي تحسبها : ب Q1= m. c.0+18 و انتبه الكتلة بالكيلوغرام و السعة الحرارية الكتلية نخدمو بتع الجليد يعني 2100
و المرحلة الثانية يتم فيها تغير الحالة الفيزيائية من الصلبة إلى السائلة مع بقاء درجة الحرارة ثابتة و هنا برك نستخدمو القانون Q2= m Lf و كيف كيف حول للكيلوغرام
بينما المرحلة الثالثة فالقانون تيعها تماما مثل المرحلة الأولى لأن الماء راح يرفع درجة حرارته من 0 درجة إلى 18
Q3= m . c. 18-0 هههه و ما تنساش للكيلوغرام
و مبعد يبقالك غير تجمع التحويلات الثلاث Q= Q1 + Q2 + Q3 و تلقى النتيجة طبعا بالجول

يااا رب تكون فهمتي التمرين حاول تعاودو وحدك
و ان شاء اللهراح نزيدو نحلو تمرينات ما يكون غير خاطرك حط برك التمرين اللي راك حابو و درك نحاول نكسر راسي فيه هههه
بالتوفيق

[maroi07]

انا حليتو واينو الحل

[فريال المحتاجة عفو الله]

عن أي تمرين تتكلمين أختي؟
إلا راكي تهدري على التمرين اللي حطيتو لمصطفى راني حلليتو شوفي برك الرد اللي فوق الرد تيعك
موفقة و شكرا على المرور

[مصطفي63]

اوه غلطت ما ركزتش و هادا علاه ديما نغلط
مي راني فهمتو مليييح يعطيك الصحة اختي مش عارف حبيت الطريقة نتاعك بزاف
على بالك ماراحش تخلصي مني بسهولة هههه راح نكرهك

[فريال المحتاجة عفو الله]

لالا عادي راني ديما في الخدمة خويا قللي برك واش راك موش فاهك و درك تلقاني كي مصباح علاء الدين هههههههههههه
الحمد لله راني فاهمة الفيزياء و ما نبحش نبخل اخوتي

[فريال المحتاجة عفو الله]

أكيد فهمتيه ، ياك عاودتيه وحدك ؟؟؟؟
وقتاش عندك فرض فيزياء ؟
أنا لازم على 19.30 نروح يعني مازالت نص ساعة على خاطر لازم نحفظ تربية إسلامية و نطل شوية على العربية

[مصطفي63]

دورك نحاول نكتبلك واش راني فاهم في نموذج الغاز المثالي اوكي

[فريال المحتاجة عفو الله]

اوكي تفضل راني معاك

[مصطفي63]

سبقتيني ههه راهو عندي الغدة مراجعة معا الاستاذ و نهار الاحد عندي الفرض

[فريال المحتاجة عفو الله]

اوكي ان شاء الله نقدرو نفهمو مع بعض و تدي علامة ممتازة
أنا خلاص درت الفرض نهار الاثنين و كان التمرين الأول على الطاقة الداخلية كيما اللي حطيتهولك و تمرين آخر سهل جدا
راني نستنى فيك تكتبلي واش راك فاهم في درس الغاز المثالي
و إلا تحب نبدا نكتبلك أنا ثاني ما كانش حتى مشكل

[فريال المحتاجة عفو الله]

وين راك خويا طولتي ؟؟؟
خف شوية و الله غير راني حاصلة مع التربية الاسلامية

[مصطفي63]

شوفي اولا عندنا الغز المثالي هو غاز وهمي
علاه سميناه وهمي على خاطر اعتبرناه نموذج نضري لغازات يمكن اعتبارها متشابهة فيزيائيا و هدا ما كانش منو في الجو
ثانيا القانون نتاعو يقول p.v=nrt
وعندنا ثلاث قوانين اخرى هي
قانون غاي لوساك
v\tصفر =v\tواحد
يعني هنا يعطيك درجة متغيرة معا حجم متغير
قانون بويل ماريوت
p في v p =vواحد
يعني كي يعطيك الحجم و الضغط متغيرين
قانون شارل
p\t=p\t
اوكي وهادا واش راني فاهم

[فريال المحتاجة عفو الله]

بلييييييييز ازرب شوية على الاقل حطلي حاجة نقراها حتى تزيد تكمل تكتب الباقي

[مصطفي63]

اسمحيلي و الله يا الحنونة غير راني تقيل بزاااااف في الكتبة اسمحيلي اسمحيلي

[مصطفي63]

شوفي عندي تمرين درك حوليلي فيه انا حاولت مي ما كانش الوقت باش نكتبولك الحل

[فريال المحتاجة عفو الله]

هيه مليح راك تعرف القوانين الأساسية
R دائما ثاابت و له قيمتان
R = 8.31 J.K.mol إذا خدمتي بالوحدات التالية: p ( pa) , v(m3) , T(k) , n ( mol
و R= 0.083 اذا خدمتي بالوحدات التالية p(atm) , v ( l ) , T( k ) , n ( mol

[فريال المحتاجة عفو الله]

ما عليش ياك ما زعفتيش مني ؟؟
واش اوخر في الغاز المثالي امممممممممممم
هيه عندك T = t + 273 و t = T - 273
ان شاء الله تكون تفرق بين T و t ( الكبيرة درجة الحرارة المطلقة بالكلفين و الصغيرة درجة الحرارة المئوية بالسيلسيس )

[مصطفي63]

ان الضغط النضامي هو 760مم زئبق نحلل كهربائيا500ل من الماء ما هو حجم الاوكسجين الناتج عن ذالك اذا كانت درجة الحرارة 0 والضغط700مم زئبق
ما هي كمية المادة من الاوكسجين (الغاز ناتج)

[فريال المحتاجة عفو الله]

شفتي القانون تع p.v = n r t هذا تقريبا تستخدمو غير كي تبحث على n لأنو البقية عندهم القوانين اللي تعرفهم
بصح كي تخرج n حيث n = p.v / r.t ما تنساش درجة الحرارة تكون دائما بالكلفن مثلا إلا عطاوهالك 30 سيلسيس راح تطبق القانون T = t+273 باش تحولها للكلفن و راح تلقاها على ما اعتقد 303 كلفن
ما تنساش خويا ديما بالكلفن سي نون تطلعلك غالطة

[مصطفي63]

التمرين 02:
اناء يحتوي غاز الوكسجين في درجة حرارة عادية وتحت ضغط 150 ضغط جوي سعته 40ل
ماهو حجم غاز الاوكسجين الذي نحصل عليه عند نفس درجة الحرارة وصغط جوي نظامي
وش معناتها درجة حرارة عادية
هي ناقص 273كالفن

[مصطفي63]

انا اخدمت بصاح قالي الاستاذ هذي النتيجة ماشي معقولة
0.002في10قوى12

[فريال المحتاجة عفو الله]

ان الضغط النضامي هو 760مم زئبق نحلل كهربائيا500ل من الماء ما هو حجم الاوكسجين الناتج عن ذالك اذا كانت درجة الحرارة 0 والضغط700مم زئبق
ما هي كمية المادة من الاوكسجين (الغاز ناتج)
ههههههه ما تعولش عليا بزاف لالا درك نحاول فيه
فيه تحويلات فكروني باش نكتبلك هادو تحتاجهم
احفظهم احفظهم احفظهم
الهيكتوباسكال للباسكال : 1hpa= 100 pa
البار للباسكال : 1bar = 10(5) pa
الجو : 1atm = 1.013 * 10 (5) pa
السنتيميتر الزئبقي : 1atm = 76 cm hg

وقتاش تحتاج التمرين مصطفى ؟؟ ما عليش نخليوه لغدوة لاكان تحتاجو درك ما عليش نحلهولك بصح راي عندي شوية قراية
واش رايك ؟

[مصطفي63]

واش فهمتيني و لا والو

[مصطفي63]

خلاص ماعليش غير روحي اقراي ربي يوفقك
بصح تحسبيني نخليك اذا فضلك الوقت من بعد ما تراجعي
ارجعيلي نتكلمو فيه الا قدرتي اوكي ههههه باي
لغدوة وقتاش تفتحي الميكرو باش نكملو معا بعضياتنا

[فريال المحتاجة عفو الله]

ايه فهمتك
شوف راني حلليتو و الله أعلم
1atm = 76 cm hg ( واحد اتموسفير = 76 سنتيميتر زئبقي)
p = 70 cm hg ( راني نبحث على الضغط و 70 جبتها من 700 درت تحويل من مم إلى سم )
p = 70/76 = 0.92 atm
و الحجم عندنا v = 500 l
و درجة الحرارة كيف كيف عندنا t = 0 c كي نحولوها تجينا T=273 k
و R = 0.083 ( ثابت )
يبقى غير التطبيق العددي : p.v = n r t و منه n = pv / rt أي n = (0.92 * 500 ) / ( 0.083 * 273 ) و راح تلقى n = 20.3 mol
و الله أعلم خويا مانيش متأكدة مليح عندي مدة ما حليتش تمرين في الغاز المثالي راني غير مع الطاقة الداخلية

[فريال المحتاجة عفو الله]

غدوة نقدر ايه نحلو ما علاباليش واش من وقت بالضبط بصح راح نحاول نكون هنا على 18.00 تساعدك ؟؟؟؟؟

[فريال المحتاجة عفو الله]

وين رحت ؟ ههه مازالني هنا
إلا قدرتي تدي الإجابة لاستاذك و قللي لاكان صحيحة و إلا لا ؟
اوكي؟

[فريال المحتاجة عفو الله]

ههههههههههههههههههههههههههه وين راك
بالاك حاطني رحت نستنى في ردك على التمرين واش رايك فيه ؟

[مصطفي63]

اسمعي فريال نحسبك روحتي تراجعي يخي قلتيلي معنديش الوقت بزاااف و ما حبيتش نكتر عليك على خاطر منيش اناني راني حاسن عونك قاع راها عندنا الفروض و رانا شايفين

[مصطفي63]

نرجعو للتمرين
علاش ما نديروش الضغط الاول يساوي 76سم في الحجم الاول 500ل يساوي 70سم زئبق في الحجم التاني مجهول و نديرو العملية التلاتية

[مصطفي63]

يظهرلي باللي رانا معاكسين وين ما نروح انا تجي نتيا ووين مانولي نلقاك روحتي عليا هههههههههههههههههههههههه

[مصطفي63]

واش روحتي و ماعادتلك رجعة

[مصطفي63]

فريال وين راكي نقوللك علاش روحت انا على خاطر خويا كان محتاج النترنيت بزااااف على هاداك روحت اسف خليتك غير وحدك و الله غير نحسبك روحتي و خلاص

[مصطفي63]

واش رقدتي ولا راكي تراجعي

[مصطفي63]

شوفي حل التمرين التاني
عطانا الضغط الاول150 ضغط جوي نحولوها للباسكال تعطينا 150 في 10 قوة5
الحجم الاول 40ل
الحجم التاني مجهول
الضغط التاني ضغط جوي نظامي يعني 1 اتموسفير و يساوي 1.013في 10قوة5
درك نديرو الضغط الاول في الحجم الاول يساوي الضغط التني في الحجم التاني و يبقى غير الحجم التاني مجهول بعدما نعوض و تهمني النتيجة راني لقيتها 5923.00في 10وراني متاكد بللي راني غالط ماذابيك تعطيني طريقة اخرى

[مصطفي63]

يعني راني خدمت بالطريقة التلاتية و استعملت قانون بويل ماريوت

[مصطفي63]

وين راكي هبلتيني
صحا ارجعي للميكرو

[مصطفي63]

يا الحنونة نظن بللي راكي رقدتي درك نخرج شوية من هدا الموضوع و من بعد شوية راني نولي ايلا ما زلتي قاعدة نكملو المراجعة ياك حنونة

[مصطفي63]

يعني ايلا ما رقدتيش انا مازالني ما نرقد عندي خدمة بزااااااااااااااااف

[فريال المحتاجة عفو الله]

راني درك جيت و انت ما كانش هههه
ما عليش مرة أخرى ان شاء الله نكملو نراجعو
البارح كنت نحفظ في التربية الإسلامية و الحمد لله الوحيدة في القسم اللي قدرت نجاوب لأن الأستاذ قالنا فقرة و مبعد دور رايو واحد ما حفظ
أنا تقول حسيت هههه قاعدة نحكي هنا في المنتدى و مبعد تفكرت