لي يجيب 10 فالفصل الثاني يجيب الباك ان شاء الله

[ساحر النهى]

السلام عليكم ورحمة الله و بركاته

يا خوتي كنت راقد على امان الله حتى جا الوالد نوضني ومدلي الخبر وقلي قرا واش كتبولكم ( يبينلك بلي الوالدين هوما اكثر الناس لي راهم يقارعونا مالا ان شاء الله حتى واحد مايخيب والديه ):19:
على كل حال فالخبر قالو بلي وزارة التربية فالفصل الثاني هي لي تبعث اختبار نموذجي في كل المواد يعني مثل الباك التجريبي مرفق بالتصحيح واختبار الفصل الثاني ديالنا يكون يعني مثل الباك تماما ، دارو هاذي المبادرة باش يتوقعو نسبة النجاح ، يا ريت المدراء يطرافيكو شوية فالنسب باش الوزارة تسهل اكثر من الامتحانات الي بعثوها
وقالو انو امتحانات نموذجية و اسئلة الباك تطيح كيما هي تماما ، لذا انساو الفصل الاول و حضرو من درك للفصل الثاني ونهار لي تكملو الاختبارات احكمو نقاطكم لي ديتوها فالاختبارات و حسبوها بالمعاملات وشوفو معدلكم لانو اذا كتب ربي ماغديش تهبطو على ذلك فالبام لانو مستحيل يعضبو على الامتحان النموذجي لي يبعثوه مالا مثلا لي يجيب فيه 11 عرف بلي اذا قاع صراولو ماشكل ماغديش يهبط تحت 10 و اذا نزل عليه العلم كيما نقولو حنا ماغديش يفوت 12

وقبل ماننسى حتى البارام هو نفسو لي فالباك :)

راني طولت عليكم الله غالب نوضوني بكري وماصبتش شاندير :1:

الله يوفقكم

[بيلسان91]

خويا انيس واينا جريدة قريت هدا الموضوع

[بيلسان91]

و كشما قالو على تحدييييييييييييييييييد البرنامج

[ساحر النهى]

فالخبر العدد تاع امس الخميس في جزء الوطن

وبخصوص التحديد ماقالو والو لكن اكيد غادي يكون فيه تحديد :)

[brahimzadi]

ماتقولش هكذا البكلوريا النموذجي في الفصل الثالث

[ساحر النهى]

راك غالط اخوي :)
الباكالوريا اغلب اسئلتها من الفصل الاول والثاني لان الاغلبية مايكملوش البرامج :)

ماتقولش هكذا البكلوريا النموذجي في الفصل الثالث

[oussama-dz]

لأول مرة تعرض على أقسام النهائي
بكالوريا نموذجية للتنبؤ بنسبة النجاح

أرسل الديوان الوطني للامتحانات والمسابقات دليل بناء امتحان شهادة البكالوريا لأول مرة في تاريخ هذا الاختبار لجميع مديريات التربية، على أن يتم توزيعه مباشرة بعد نهاية العطلة على جميع أساتذة القسم النهائي وفي مختلف المواد والشعب.
أكدت مصادر ''الخبر'' أن الدليل الجديد الذي بلغ أمس جميع مديريات التربية على مستوى الوطن، ينتظر أن يتم توزيعه على جميع أساتذة الثانوي في مختلف المؤسسات التربوية مباشرة بعد العطلة التي تبدأ اليوم، يجري في الوقت الحالي، بحسب نفس المصادر، الإطلاع عليها من قبل مصالح الامتحانات على مستوى مديريات التربية قبل عرضها على التلاميذ.
ويضاف هذا الامتحان الجديد النموذجي إلى امتحان البكالوريا الأبيض الذي يُجرى في العادة في شهر ماي من كل موسم، حيث يتكون الدليل الجديد في بناء اختبار امتحان البكالوريا من 25 صفحة خاص بكل المواد وكل الشعب، حيث يقدم الموضوع المعروض على تلاميذ الأقسام النهائية برفقة الإجابة النموذجية وسلم التنقيط من أجل قياس مدى استيعاب التلاميذ للدروس في مختلف المواد.
كما يحتوي الدليل على توجيهات للتلاميذ من خلال اختيار الموضوع وهيكلة الاختيار وكيفية تقييم الإجابة، ناهيك عن مدة الاختبار والمعاملات لكل مادة في الامتحان بهدف التحضير النفسي للمقبلين على البكالوريا، كما يوجد في الدليل أيضا مواقيت ومعاملات الامتحان في كل مادة وشعبة مرفوقة بسلم التنقيط والتصحيح.
وذكرت ذات المصادر أن مواضيع الامتحانات مستوحاة من البرنامج الدراسي لهذا الموسم، حيث سيجتاز التلاميذ هذا الامتحان في نهاية الفصل الثاني، على أن يكون نموذجيا على أساس العلامات النهائية المحصل عليها في هذا الاختبار، من خلال معرفة نسبة النجاح التقريبية في امتحان شهادة البكالوريا.
ويأتي هذا الدليل مباشرة بعد انتهاء عملية تسجيلات التلاميذ لاجتياز البكالوريا في جوان القادم، والتي تمت عن طريق الأنترنت وبصورة عادية في الثانويات.

المصدر : http://www.elkhabar.com/ar/index.php?news=238706

[ღ أمليے بالله كبيرے ღ]

شكرا لك أخي على هذا الخبر المفرح

[keri92]

شكرا لك اخي .....بالتوفيق

[sarra5]

واااااااااو خبر مفرح
واخيرا جانا خبر على الباك تاع السنة
ان شا الله كامل فوق العشرة

[z2009]

سسسسسسسككككككككرررا خويا و الله غير فرحتني بزلف هكدا على الاقل نعرفو المستوئ الحقيقي نتاعنا

[نسمة النجاح]

يعطيك الصحة أخي

ان شاء الله برك تتحقق

تحياتنا للوالد الكريم


ربي يوفقنا

[اسلامي سر حياتي]

شكرا خويا انيس او العربي واش ماكان اسمك على الخبر

ان شاء الله نجيبوا اكثر من 10كلنا

موفقين جميعا باذن الله

[bac 2011]

شكرا لك اخي على الخبر ان شاء الله نجيبو معدلات ملاح في الفصل 2 وننساو الكارثة تاع الاول و يطلع المورال

[leen ahmed]

انشاء الله الكل ياخذ فوق 10 يارب النجاح للجميع قولوا اميييييييييييييييييييين

[ساحر النهى]

كيما تحبي عيطيلي أختي :)
أنيس و لا العربي كلها جاية من عند عفاف علجية :)

شكرا خويا انيس او العربي واش ماكان اسمك على الخبر

ان شاء الله نجيبوا اكثر من 10كلنا

موفقين جميعا باذن الله

[أسرالقلوب الحزينة]

شكرا أخي أنيس إنشا الله يوفقك ويوفق أمة محمد

[*هبةالرحمن*]

allh yahfdak concernant le sujet

hhhhhhhhhhhhhhhh meme ma mere lbarah krato wmakhlatnich hatta ntafrraj w gatli il faut tji tkrayah hhhhhhh

[*عاشقة الجنة*]

شكرا جزيلا اخي أنيس

ربي يوفقنا وينجحنا أجمعين

[سطايفية بكل فخر]

السلام عليكم ورحمة الله و بركاته

يا خوتي كنت راقد على امان الله حتى جا الوالد نوضني ومدلي الخبر وقلي قرا واش كتبولكم ( يبينلك بلي الوالدين هوما اكثر الناس لي راهم يقارعونا مالا ان شاء الله حتى واحد مايخيب والديه ):19:
على كل حال فالخبر قالو بلي وزارة التربية فالفصل الثاني هي لي تبعث اختبار نموذجي في كل المواد يعني مثل الباك التجريبي مرفق بالتصحيح واختبار الفصل الثاني ديالنا يكون يعني مثل الباك تماما ، دارو هاذي المبادرة باش يتوقعو نسبة النجاح ، يا ريت المدراء يطرافيكو شوية فالنسب باش الوزارة تسهل اكثر من الامتحانات الي بعثوها
وقالو انو امتحانات نموذجية و اسئلة الباك تطيح كيما هي تماما ، لذا انساو الفصل الاول و حضرو من درك للفصل الثاني ونهار لي تكملو الاختبارات احكمو نقاطكم لي ديتوها فالاختبارات و حسبوها بالمعاملات وشوفو معدلكم لانو اذا كتب ربي ماغديش تهبطو على ذلك فالبام لانو مستحيل يعضبو على الامتحان النموذجي لي يبعثوه مالا مثلا لي يجيب فيه 11 عرف بلي اذا قاع صراولو ماشكل ماغديش يهبط تحت 10 و اذا نزل عليه العلم كيما نقولو حنا ماغديش يفوت 12

وقبل ماننسى حتى البارام هو نفسو لي فالباك :)

راني طولت عليكم الله غالب نوضوني بكري وماصبتش شاندير :1:

الله يوفقكم


ياخويا ما تكسرش راسك بالمعدلات الفصلية راهي خرطي في خرطي الصح هو الباك واقراو على جال جوان ماشي الفصل الثاني انا شخصيا جبت 11 فالفصول وباكي كان 14.4
ونقلك حاجة وحدة اخرى كاين لي فصولهم كامل مليحة خير منى لكن للاسف ماجبوش الباك لخاطر خلعوا من الباك ولا لخاطر حطوا رواحهم ضمنو الباك كي جابو مليح فالفصول
المهم وصيتي ليكم ماتهملوا حتى مادة وجيبوا معدلات ملاح باش ديروا التخصص لي حابين تقراوه فالجامعة
انتمنى مطولتش عليكم وتبقى هاذي نصيحة اخت لخاوتها وشكرا

[الفلاح المحترف]

السلام عليكم
شكرا على الخبر
موفق

[ساحر النهى]

papillon.2gz (http://www.djelfa.info/vb/member.php?u=246689)

مشكورة ، واحد النظرية تقولك العام لي فات لي جابو الباك قاع نقصولهم 2 باش تعرفو مستواهم اذن مستواك 12 او 11 نفسو مستوى الفصلي لي جبتيه :) نظن بلي 14 مادرتي بيها والو ولا راني غالط :) 14 حسب علمي استاذة في الموسيقي او الآثار تاع تمقاد

[سطايفية بكل فخر]

papillon.2gz (http://www.djelfa.info/vb/member.php?u=246689)

مشكورة ، واحد النظرية تقولك العام لي فات لي جابو الباك قاع نقصولهم 2 باش تعرفو مستواهم اذن مستواك 12 او 11 نفسو مستوى الفصلي لي جبتيه :) نظن بلي 14 مادرتي بيها والو ولا راني غالط :) 14 حسب علمي استاذة في الموسيقي او الآثار تاع تمقاد

ماشي كامل تنقصلهم 2 عن معدلهم لانو كاين لي يستاهلو اكثر منووبالنسبة لمستواى انا نقدر نقلك بلي انا لي داني فالباك المواد الادبية لخاطر نسيت واش حفظت لهذا نصحتكم ماتهملوش موادكم بالنسبة لنظريتك طبقها على معدلي لفصلي.........هههههههه لخاطر ماعلباليش منين جاتني
11ونقدر نقلك بلي باك لعام لي فات باك عشوائي وماهو من مستوى حتى واحدبسبب الاضرابات وماشابهها
والمعدلات الجامعية كانت خيالية وعمرها ماصرات فالعالم وانا شخصيا مادارتلي والو 14 وراني بصريات وميكانيك الضبط
وان شاء الله ماتكونوش كيفنا هذا واش نطلب من ربي

[constantinoise]

Merciiiiiii bcppppp khouya nch ch yaaaaaaa rab nfarhou kamel
wnfarhou waldina alors il faut nakraw

[ساحر النهى]

الله يحفظك فراشة

انا منحفظش لانو نخاف يصرى كيما يصرى للاغلبية مسكين يحفظ كلش و نهار الباك ينسى ( عامل نفسي معرض ليه اي واحد ) لكن لما تكون فاهم منظنش الا تغيبلك :)

[✗ ┋ وَړْﮃَةُ آلـﭴَزآئـړْ ┋ ✗]

صح أخي أنيس عندك حق

حنا تاني أستاذة العلوم قالتلنا اللي يحب يقيم روحو يقيم بالثلاثي الثاني لأنو نكونوا درنا بزاف الدروس

وثاني اللي يقولك الثلاثي الثالث راهو يكذب عليك علابالكم ابللي أغلبة التلاميذ ما يروحوش يعقبوا الثلاثي الثالث للدراسة في البيت حنا أصلا في ثانويتنا قررنا نحبسوا القراية في 30 أفريل إذا كانت عتبة وربما قبل إذا مشينا مليح في البرنامج وما نزيدوش نرجعو حتى الامتحانات نعقبوهم ومبعد الباك


يعني أحسن تقييم هو الثلاثي الثاني لازم نحضروا رواحنا مليح لهذا الثلاثي وإن شاء الله كامل ننجحوا في الباك

[بدر الدين الجزائري]

انشاء الله التوفيق للجميع و كامل نلحقو عاللي حابين نوصلوله

[وفاء بنت الاسلام]

شكرا على الخبر

[الفلاح المحترف]

صح أخي أنيس عندك حق

حنا تاني أستاذة العلوم قالتلنا اللي يحب يقيم روحو يقيم بالثلاثي الثاني لأنو نكونوا درنا بزاف الدروس

وثاني اللي يقولك الثلاثي الثالث راهو يكذب عليك علابالكم ابللي أغلبة التلاميذ ما يروحوش يعقبوا الثلاثي الثالث للدراسة في البيت حنا أصلا في ثانويتنا قررنا نحبسوا القراية في 30 أفريل إذا كانت عتبة وربما قبل إذا مشينا مليح في البرنامج وما نزيدوش نرجعو حتى الامتحانات نعقبوهم ومبعد الباك


يعني أحسن تقييم هو الثلاثي الثاني لازم نحضروا رواحنا مليح لهذا الثلاثي وإن شاء الله كامل ننجحوا في الباك

السلام عليكم
صحيح انا ايضا اعتقد ان الثلاثي الثاني هو خير مقياس لمستوى الطلاب
بالتوفيق

[ساحر النهى]

طبعا
اصلا اغلب دروس الباكالوريا من الفضل الاول والثاني وخير دليل الجيولوجيا في العلوم كمثال قليلا ما تتواجد في الباكالوريا

[الفلاح المحترف]

طبعا
اصلا اغلب دروس الباكالوريا من الفضل الاول والثاني وخير دليل الجيولوجيا في العلوم كمثال قليلا ما تتواجد في الباكالوريا

السلام عليكم
صحيح اخي انيس فمعظم المواضيع تكون من الوحدات الاولى المندرجة ضمن الفصلين الاول والثاني

[سطايفية بكل فخر]

الله يحفظك فراشة

انا منحفظش لانو نخاف يصرى كيما يصرى للاغلبية مسكين يحفظ كلش و نهار الباك ينسى ( عامل نفسي معرض ليه اي واحد ) لكن لما تكون فاهم منظنش الا تغيبلك :)

مواد ادبية رغم الفهم لكن لازم تحفظها
مثلا التواريخ كيفاش رايح تجاوب عليها كون ماتكونش حافظهم
على العموم ربي يوفقكم وماتتعرضوا لحتى حاجة ان شاء الله

[✗ ┋ وَړْﮃَةُ آلـﭴَزآئـړْ ┋ ✗]

الله يحفظك فراشة

انا منحفظش لانو نخاف يصرى كيما يصرى للاغلبية مسكين يحفظ كلش و نهار الباك ينسى ( عامل نفسي معرض ليه اي واحد ) لكن لما تكون فاهم منظنش الا تغيبلك :)

لالا اخي كاين حوايج لازم تحفظها وأصلا أنا مثلا راح نحفظ الدروس اللي درناهم في الثلاثي الأول

إذا كانت عتبة راح تكون بالنسبة للدروس الاخيرة وليس للدروس الأولى ماراهومش راح يقولولك ما تحفظش الوحدة الأولى في التاريخ حاجة باينة باللي راح تكون في البكالوريا نحفظ على الاقل دروس الثلاثي الأول والثاني مليح ومبعد إذا فيها عتبة راح تكون بالنسبة لدروس الثلاثي الثالث

[ساحر النهى]

باينة التواريخ نحفظهم مي انا مانيش امعة نحفظ تحليل و ايضاح وما الى ذلك

على كل حال كل واجد وطريقتو :)

[خدووجة]

يعطيك الصحة خويا