اريد مساعدتكم ونصائحكم....بليز [الأرشيف] - منتديات الجلفة لكل الجزائريين و العرب

مشاهدة النسخة كاملة : اريد مساعدتكم ونصائحكم....بليز

بشرى ملاك

2010-12-16, 13:53

السلام عليكم....
اخوتي والله انا في حيرة كبيرة وقلق اكبر....النتائج نتاع المواد كلها ممتازة فوق 15 ولكن مادة الفيزياء ومادة الرياضيات المعدل هو تحت 10 ...واش هو الحل ماقدرتش نفهمهم

°واحد من الناس °

2010-12-16, 14:06

اختي والله تمنيت كل من طلب المساعدة نكون معاه ونفهمو مي للاسف هكا هي النت
حاول ي تشوفي اقرب اشخاص ليك ديري معاهم ساعات ويفهموك

وانصحك بشراء الكت المساعدة

بشرى ملاك

2010-12-16, 14:25

شكرا اخي الله يكتر من متالك
والله حاولت مع الكتب والدروس الخصوصية ولكن مع ذلك نتائجي هاد العام في الرياضيات والفيزياء ماتعجبش خايفة يضيعوني هوما معالي كامل المواد نفهمها ونخدم فيها غايا ..............قولي طريقتك فيهم يعني مراجعة و........
مارسي مارسي بزااااااااااف ربي يخليك ويحفظك وينجحك امييييييييييييييييييييييييييييييييييييييييييين

°واحد من الناس °

2010-12-16, 14:45

امين اختي والله دعواتكم هي لي خلاتني نعتلي الفصل الاول مالغري مخدمتش وكنت مريض

شوفي اختي

اول شيء خلي بالك مع ربي وادعي

هو لي يفتح عليك
ثانيا ديري في بالك بلي ساهلين
واذا صعبتيهم عمرهم ولا راح يسهالو

اختي مشي مشكل اذا حاولتي ومجبتيش النقطة دوك نفهمك

كاين كتاب الجديد في الرياضيات
و المجتهد في الفيزياء

معليش تبعي خطوة بخطوة مراكي خاسرة والوو
وهذا قسم من عندي والله يا الفصل الثاني غي نقطتك فيهم اكثر من 15

مي كوني برك بارادة حديدية متخليش الناس تكرهك

والا تعذر عليك شرائهم بالنسبة للفيزياء موقع قزوري او كافي والمات كيف كيف

و انا مش راح نبخل عليك اختي
مالغري مرانيش ندخل بزاف

لهاذ المنتدى
كيما كنت
واش قلتي

**مريم _22**

2010-12-16, 15:05

انصحك اختي بشرى بالاكتار من التمارين لان الدرس النضري وحده لن يفيد وبالتوفيق انشاء الله

* * * * * * * * * * ** *
على سلامتك كريم

°واحد من الناس °

2010-12-16, 15:11

يسلمك اختي مايا
توحشت نقاشاتكم مي للاسف كيما راكي تشوفي المنتدى ولى ملكية شخصية

ايا قلنا نبعدو شويا على لااقل نتنفسو

**مريم _22**

2010-12-16, 15:15

ايه حتى انا مرانيش ندخل بزاف ملي غلقو الموضوع نتاع الواحة

°واحد من الناس °

2010-12-16, 15:28

المهم راكم صافا قداش جبتي اختي مايا

اكي شفتي موضوع نشيط نقراو فيه غلقوه
والمواضيعع نتاع .... معلاباليش اي تمشي

ربي يهدي برك

هكا دزاير نتاعنا

**مريم _22**

2010-12-16, 15:36

ربي يهديهم

كريم مراكش تدخل لثانوية الضاية

°واحد من الناس °

2010-12-16, 15:41

آمين

اني مشارك ثم نقدر ندخل علاااااش
ديجا نائب المدير ثم واسمو سارق الاحزان صاحبي مليح مليح

**مريم _22**

2010-12-16, 15:47

ايه حتى انا راني مشاركة ثم وكلما ندخل منلقاكش

بشرى ملاك

2010-12-16, 15:51

شكرا اخوتي............مارسي بزاف خويا واحد من الناس..والله شجعتني...ربي ينجحك بمعدل جد ممتاز نشاالله...
والجامعة تستنى فيك خويا...ديما ندعيلك انت والكل............................................. .......................

°واحد من الناس °

2010-12-16, 16:20

مي واحد من الناس لي ثما اختي مايا مشي انا معلاباليش شكون سجل بيه

+++

بشرى الله يعيشك
وان شاء الله تتداركي اكورك

وانا هدفي مشي الجامعة خلاااص

**مريم _22**

2010-12-16, 16:30

لالا متقوليش مش انت هو مزية لقلتهالي عمبالي انت

بشرى ملاك

2010-12-16, 18:27

اولا وقبل كل شيء خويا شوف وعود قرا واش كتبت اوكيييي
وثانيا انا شكرتك وزيد على داك دعيتلك مي نت ردك ........
واذا حبيت كاين التعديلات فعدل ماكتب....
واذا قلنا شي ليس في مقامه فهذا لايعني شيئ فهو مجرد خطاء يمكن تصحيحه وبسهوووووولة
واذا لست انت من كتبت فمن سيكون.... مجرد عضو من الاعضاء الذي عرف كيف يتعامل مع الاخرين باحتراام
ولكن مع الاسف ......
انا اسفة .....اشكر من كتب الرد....

احمد ياسر

2010-12-16, 20:03

اشكرك اختي على الصراحة
عليك بفهم الدرس جيدا في القسم

°واحد من الناس °

2010-12-16, 20:24

مفهمتكش ااخت بشرى
اكي عليا وش قتلك انا ؟؟

++

مايا علاااش راسلتيه
؟

**واحدة من الناس**

2010-12-16, 20:30

بشرى نتي نفس الحالة مع صديقتي بشرى.......تفهم في القسم و تشارك بزاف و عندها كتب خارجية بالفائض و تقرى دروس خصوصية و تفهم اللي ما يفهموش مييييييييي كي يمدولها موضوع في الاختبار تتكودا تحسبي ماقرات ما شافت.............انا نظن من قلة الثقة بالنفس و لا نتوما بشرات فيكم ديفو...........

**مريم _22**

2010-12-16, 22:12

مفهمتكش ااخت بشرى
اكي عليا وش قتلك انا ؟؟

++

مايا علاااش راسلتيه
؟
مفهمتكش خويا كريم

انا كنت حاسباته انت مي كي قلتلي بلي مش انت خلاص

°واحد من الناس °

2010-12-17, 06:01

معليش اختي مايا

******

لا حول ولا قوة الا بالله الاسم ودرتوه
مام تلحقيني في المواضيع

والله تبقاو 1122 مهما ديرو

starscop

2010-12-17, 06:17

السلام عليكم اخواني
كيف احوالكم اتمنى انكم بخير
المهم اختاه كثرة المراجع تشتت المخ اكثر من نفعها
ما ينقصك هو قليل من التنضيم
اما المشاركة في القسم فهي ليست دليلا على الفهم
بصراحة في السنة 2 ثانوي
كان الجميع يقولون عليا فاهمة مي الصح نفخة فارغة
التركيز ثم التركيز
معدلي طاح غير من قلة التركيز
وحاولي تلقاي معامن تراجعي لانو المراجعة المشتركة لها فائدة رائعة
وقد جربتها بنفسي ونتائجي في الفيزياء تحسنت
ومتخلعيش روحك جامي لانها امتحانات وتعقب والباك امتحان بارك
اذكري الله اينما كنت الا بذكر الله تطمان القلوب
بالتوفيق ان شاء الله
لللجميع

بشرى ملاك

2010-12-17, 14:41