طريقتكم في حفظ الفلسفة؟؟؟

[✗ ┋ وَړْﮃَةُ آلـﭴَزآئـړْ ┋ ✗]

السلام عليكم ورحمة الله تعالى وبركاته

طبعا الفلسفة مادة جديدة علينا هذه السنة كاين اللي تأقلم معاها وكاين اللي حتى الآن ما علابالوش واش هي الفلسفة

بصراحة أنا حابة نضمن على الأقل 10 في البكالوريا باش ما تهبطنيش الفلسفة بزاف مع أني في الامتحان جبت 15 حفظت مقالة.

المشكلة الآن كل درس في أكثر من 5 مقالات والدروس كثيرة فهل يجب حفظ كل هذه المقالات

والأستاذة قالتلنا ما تقدروش تكتبوا مقالات وحدكم نحيوها من بالكم إذا كتبنا وحدنا ما يمدولناش مليح وفي تحليل نص التصحيح كارثي إذا راك مليح يمدولك 8

عجبتني واحد الطريقة الأستاذة كي صححتلنا الإمتحان على شكل جدول فيه مثلا الخانة الأولى طرح المشكلة وتكون على شكل أهم العناصر اللي لازم نوظفوها في طرح المشكلة والجدول الأخير العلامة وهي 4
ونفس الطريقة في محاولة حل المشكلة وفي الخاتمة يعني الجدول تلخيص للمقالة على شكل أهم النقاط اللي لازم تكون في المقالة.


أنا قلت في هذه العطلة إن شاء الله نحاول ندير لكل مقالة جدول كيما اللي في تصحيح الاختبار ونحفظ أهم النقاط ومبعد كي نجي نكتب مقالة نربط تلك الأفكار فقط وأتحصل على مقالة تخدم الموضوع من كل النواحي.

وأيضا المقالات المتشابهة مثلا : هل للمنطق الصوري قيمة؟ مقالة جدلية ومقالة أثبت أن المنطق الصوري يضمن سلامة التفكير؟؟ استقصاء بالوضع في تقريبا نفس الأفكار نقدر نحفظ الجدلية وكي نكتب الاستقصاء نبدل فقط في منهجية المقالة


أريد رأيكم في هذه الطريقة وأريد معرفة الطريقة التي تتبعونها أنتم في حفظ هذه المادة

[ناجحة ان شاء الله]

السلام عليكم اختي وردة

بالنسبة للفلسفة اكيد ما مايمكنش باش نحفظ مجلد كامل تاع مقالات ....الطريقة الي اعتمدتها نحفظ المعلومات الي في الدرس النظري ونركز على اقوال الفلاسفة ونحاول نفهم اكثر شي ونقرا ونعاود المقالة النموذجية تاع الدرس بلا ما نحفظها ونوظف الامثلة بزااف
والفلفسة تبغي الهدرة فوق اللازم مالا اهدري وكثري ههه
وكي سقسيت الوالد تاعي بحكم انو دكتوراه في الفلسفة قالي على الطريقة الي قتلك عليهاا *اي سؤال تبغي تعرفيه قوليلي عليه ونجيبلك اجابتو ان شاء الله*
وبالرغم من هاذا قاتلي الاستاذة مازال ما وصلتش للمستوى المطلوب فيها
وربي يجيب الي فيه الخير
وبالتوفيق

[ساحر النهى]

انا مقتنع بفكرة نحط تعبيري فالمقالة مشي تعبير الاخرين ، مانيش امعة حتى نكتب واش عطاوني وهذا في اي مادة نديرها مشي غير فالفلسفة وانا كون جيت مصحح ويفوتو على نفس المقالة اي نفس التعبير لان الجميع حافظ نقرى المقدمة نصيبها كيف كيف مع لي فاتت نمدلو بلا منصححلو نفس النقطة لي عطيتها لي قبلو لكن كلما تغير فالتعبير تخلي الاستاذ يعرف بلي انت فاهم مشي حافظ و اصلا انا جامي ضربتلي فراسي نحفظ مقالة
الله يوفقكم

[douniazed_setif]

أنا العام لي فات ماقريتهاش ديت 6 العام هدا نقراها ان شاء الله عندي صحبتي دات فيها 16 malgré sientifique + makantech tefhamha fi début قاتلي عالطريقة 1 كانت عندهم أستاذة مليحة مدتلهم مقالات و منهجية الاجابة و هي حكمت المقالات عاودت الصياغة تاعهم و لخصت فيهم و كثرت من أقوال الفلاسفة و حفظت غير الجدل خاطر يمدو فيه النقاط+ساهل هدي هي ان شاء الله نقدرو نتغلبو عليهاpsk نخاف غير منها و بالتوفيق

[ساحر النهى]

واذا حبيتو فالعطلة كل يوم نديرو مقالة حول موضوع ما عادي رانا هنا ، نتعاونو ونديرو مقالة نموذجية ونهار الباك ان شاء الله نرجعو ليهم ونراجعو منهم

[asma1856]

راني حايرة الناس قع يديرو مقالات غير هنا نديرو نص اااه الاستاذ راهو هاردنا ياربي استر برك
نحفظ المقالات لي ديروهم و خلاص

[*هبةالرحمن*]

salam 3likom
:confused:vraiment je souffre du filo ana f trig w hia f trig

[رملاك]

اسلااااااام عليكم
انا لحد الان معلباليش واش هي الفلسة و الله ماني فاهما فيها والوا
مي ديت في الامتحان 10.5 باسكو دارتنا اسئلة جزئية مي خلطت وحدي برك مي في العطلة هدي نبدا نتبع شوية
+ مع العلم أن معظم الحصص منحضرهاش كل مرة و كيفاش مرة تخرجنا على الفوضى و رة على الكتاب مي الفصل الثاني لازم
تكون شوية جدية ههههه
الى الملتقى
سلااااااام..............

[✗ ┋ وَړْﮃَةُ آلـﭴَزآئـړْ ┋ ✗]

السلام عليكم

شكرا للجميع على المرور أنا كنت مبرمجة موضوعين في العطلة

الأول كيما قال الأخ أنيس كل يوم نحاولوا نكتبو مقالة نموذجية في موضوع معين تكون تهز جميع المعلومات الضرورية باش كي نحبو نقراو مقالة نرجعو ليها. وذلك بمحاولة كتابة النقاط الأساسية في كل درس نظري ثم تطبيقها على المقالات الخاصة بذلك الدرس

الثاني يخص le compte rendu في الفرنسية بحكم ما راني نقرا والو في الفرنسية الأستاذة لا علاقة قلت نجيبو نصوص في الفرنسية ونحاولوا كامل نديرو le copte rendu لهذه النصوص باش ندربو للبكالوريا بحكم أنو الأسئلة الأولى الخاصة بفهم النص إجاباتها كامل نلقاوها في النص


إذا كاين تعاون من الأعضاء ممكن نطبقو الفكرتين

فما رأيكم؟؟؟؟؟؟؟؟؟؟؟

[ساحر النهى]

معليش اختي يمكن نستدركو
انا والله غير الشيخة تهدر منا وانا حاكم كاش حاجة منا
برك لو نقراو مقالات نقدرو نجاوبو لانو كي تقرى مقالة تدي افكار جزئية وتتوسع فيها بتعبيرك
انا هكذا ندير

salam 3likom
:confused:vraiment je souffre du filo ana f trig w hia f trig

[*هبةالرحمن*]

wé wallh ghir sah khoya andna wahd chikha manfhamlha walo :confused:
ntoma au moin balak chikom msagam w takdro tagbdo chwia hna 0000000000

[nabil5000ci]

الاخت وردة انا موافق اما بالنسبة للفرنسية فلست متمكن منها جيدا ولكن بالتعاون نستطيع تحقيق اهدافنا ونحن الى حد الساعة لم ندرس مقالة جدلية ولا استقصاء بالوضع ولكن فكرتك ممتازة انا كذلك اقرا المقالة النموذجية جيدا واحاول فهمها وحفظ اهم العناصر لكي اتمكن من كتابة مقالة صحيحة غير خارجة عن الموضوع المطلوب وكثيرا من يختار تحليل نص ويخرج وهو فرحان من الامتحان ولكن يوم التصحيح يفيق بلي راه خرج عن الموضوع
اما بالنسبة للمقالة لابد ولابد من تدعيمها بامثلة ومقولات

[✗ ┋ وَړْﮃَةُ آلـﭴَزآئـړْ ┋ ✗]

شكرا للجميع على المرور بالتوفيق

[youcef.alg]

السلام عليكم أنا طالب جامعي أريد أن أشارككم الموضوع لانني أحن لايام الثانوية اما بعد فانني أتعجب ممن يقولون نحفظ المقالات الفلسفة ليست هكدا بل هي نتاج شخصي وأفكار داتية صحيح أن معاملها قليل بالنسبة لكم لكم لكن يجب ان تعطوها حقها حتى لا تكون لكم مشاكل في البكالوريا اقترح عليكم ان تكتبو في كل موضوع مقالة وتقدموها للاستاد كي يصححها وممكن ان تطلبو المساعدة من الادبيين بالتوفيق ان شاء الله..........:mh31::mh31:

[بدر الدين الجزائري]

صح و ثاني احنا في الفلسفة

استعملنا طريقة الجدل و هي بزاااف يعطيوها في الامتحانات الرسمية

و انا استعملت طريقة الجدل في الامتحان خذيت عليها 13

[رميساء27]

bein ntouma aumoin 3andkoum des exemples hna proff te3na ygoulna dirou wahadkoum fel dar on a jamais fait un exemple en classe
derna dars ete3 kifesh ydirou makal mais jamaaais derna wahdaaa
pffffffvraimment kraaahte

[loujayne.r]

قاتلنا الاستاذة احفظو المعلومات الاساسية فالدرس و المقولات و الطريقة الي نتكبو بيها المقال (جدل ولا استقصاء ....) ومباعد ركبو الافكار

ايضا قاتلنا دائما روحو للمقال متروحوش للنص لأنو مافيهش نقاط

وتاني بابا قالي بلي الفلسفة لازملك دائما تراجعيها باش تجيك ساهلة

[asma1856]

السلام عليكم

شكرا للجميع على المرور أنا كنت مبرمجة موضوعين في العطلة

الأول كيما قال الأخ أنيس كل يوم نحاولوا نكتبو مقالة نموذجية في موضوع معين تكون تهز جميع المعلومات الضرورية باش كي نحبو نقراو مقالة نرجعو ليها. وذلك بمحاولة كتابة النقاط الأساسية في كل درس نظري ثم تطبيقها على المقالات الخاصة بذلك الدرس

الثاني يخص le compte rendu في الفرنسية بحكم ما راني نقرا والو في الفرنسية الأستاذة لا علاقة قلت نجيبو نصوص في الفرنسية ونحاولوا كامل نديرو le copte rendu لهذه النصوص باش ندربو للبكالوريا بحكم أنو الأسئلة الأولى الخاصة بفهم النص إجاباتها كامل نلقاوها في النص


إذا كاين تعاون من الأعضاء ممكن نطبقو الفكرتين

فما رأيكم؟؟؟؟؟؟؟؟؟؟؟

لالا كل يوم قالة لواحد واش يفري في هاد ال15 يوم خلو كل 3ايام باش ما نهبلوش خلوا شوية للباك

[بدر الدين الجزائري]

انا سمعت باللي في الفلسفة ما يعطيوش النقاط في الباك

[سهولي]

يااخي العزيز انتبه في الدرس جيدا لان تلك الافكار توضفها في المقال او تحليل نص مع المراجعة في الكراس

[الصا]

احفضي في كل درس مقالة جدلية باختصار والجدل نجمو نقلبوه بكل الطرق الاخري سقسي استادك على الطريقة لي نقلبو بها

[walid neymar]

merciiiiiiiiiiiiiiiiiiiibcppppppp

[خدووجة]

السلام عليكم اختي لماذا تعقدين نفسك نصيحة من عندي ما تحفظيش الفلسفة حاولي تروديها مادة ممتعة نعتمد على رايك الخاص فهميها ما تحفضيش يبقاو غير اقوال الفلاسفة احفضيهم باش دعمي الاجابة و المقال كتبي تعبيرك الخاص ديري هاد الطريقة و روديلي الخبر تدي فوق 15