على وجه ربي عاونوني...قولولي وش ندير ....راني كرهت

[imene-ess]

السلام عليكم ورحمة الله وبركاته

انا بربي انشاء الله نعدي الباك هاذ العام

وطموحي 18 انشاء الله

بصح راني وقعت في مشكلة كبيييييييرة وملقيتلهاش الحل

أولا:

الوقت... راني كرهت حياتي وقتي معرفتش نظموا مليح

كل يوم ندير بروقرام ونقول صاي نتبعو ومنبعدا منقدرش نولي نبلدوا وهكذا ...

ثانيا:

المواد العلمية والادبية عمبالي بلي كلش مهم ولكن انا منيش عارفة كيفاش نراجع

كيفاه نعطي لكل مادة حقها ؟؟

ثالثا

نرقد بكري بزاااف ..وباه نسهر نشرب القهوة بزاااف

يستلزم وليت نتقلق بزااااااف

ومنحمل حتى واحد يهدر معايا

رابعا

القلق والخوف وتأنيب الضمير والشعور بالذنب راهم خانقيني


أخيرا :

رغم انني تلميذة مجهدة تحت هاذا العام راني هلكتها

كل علامتي كارثية

وهذا اثر عليا بالسلب


خاوتي تعيشو انصحوني


راني ودرت

[مروة الايمان]

السلام عليكم ..............سبحاااااااااااااااااااااااان الله وانا أقرأ هذه الكلمات ظننت لوهلة أنني أقرأ نفسي ...والله يا أخت نفس الأمر معي .....ربي يوفقنا برك

[imene-ess]

صح ولوقتاه الوقت راهو يمشي ديجا 3 شهور فاتو

والله غير حيرة تاع الصح

[nabil5000ci]

اختي حاولي تنظمي وقتك مثلا ساعتين مادة علمية وساعة ادبية هدئي من نفسك حاولي اخذ الاموررررررر ببساطة حاولي تبسيط الفكرة لفهمها حاولي ان تقراي المادة التي بين يديكي دون التفكير في المواد الاخرى التي لم تراجعيها بعد لتتمكني من التركيز لا تشربي القهوة كثيراااااا ليست جيدة لانها تنبه فقط حاولي مثلا شرب الحليب الدافىء وموفقين جميعا في البكالوريا

[imene-ess]

أشكرك أخي جزيل الشكر فعلا خطأئي انني ادرس الرياضيات وافكر في الفيزياء او العلوم وهكذا ادرس دون ان احقق نتيجة

جزاك الله خيرااا على نصيتك القيمة

[قدوتي رسولي]

انا ثاني راني كثر منك

يا ريت تلقولي حل

حابة نجيب معدل 18 في الباك ادعولي

عندي نقص في الفيزياء والعلوم

والفرنسية والانجليزية لخاطر استاذتنا اساسا ماهيش تقري فينا

قاعدين غير نلعبو وخلاص

والوقت ماكانش طوووول

ممكن تعطوني نتائجكم في هذا الثلاثي؟؟؟


باش نشوف ونقارن بلاك غير انا اللي ناقصة

[walidmil]

يا اختي القلق و الوقت الذي يمر بسرعة

عليك بالصلاة انا متاكد انك لا تصلي هذا ليس عيبا لكن يمكنك تصليحه

و اقرائي المعوذتين و صورة الاخلاص و اية الكرسي في طريقك الى الثانوية

بالتوفيق

[ندى bac2011]

والله نشكركم كااااااااااااااااامل هذ النصائح عاونتنا كامل وانشاء الله التوفيق للجميع يارب

[oussama-dz]

1- القيلولة لساعة و نصف ، مثلا من 4.30 إلى 6 مساء أحسن من القهوة و التاي
2- كل يوم مادة علمية على الأقل و المواد الأدبية شوفي الوقت اللتي تقدري تحفظي فيه إما باكرا أو في السهرة
3- التركيز في القسم و فهم كل كبيرة وصغيرة
4- اطرحي دائما الأسئلة و ما تخليش حاجة تفوتك
ربي يوفقك
رانا كامل عندنا الطموح 18
آمين

[imene-ess]

أأأمين اشكر الكل على النصائح القيمة فعلا

ولكن أخي walidmil والحمد لله مصلية وأقوم بكافة الفروض والحمد لله على هذه النعمة فلولا الصلاة التي تهدئ من روعي لما اعرف ماكنت لأفعل