لا داعي للقلق و الفزع اثناء التصحيحات رجاءااااا

[walid.422]

السلام عليكم

اصدقائي الاعزاء .غدا ستبدا تصحيح الاختبارات و الجميع متخوفين من النتائج والنقاط الكارثية و خاصة في هذا

الفصل اذي لم يكن كعادته من السنوات الماضية . فلقد مر هذا الفصل المر و كل واحد منا يتمنى عدم حضور

هذه التصحيحات لكن يجب عدم اعطاؤها كل هذا الاهتمام لكي لا تاثر علينا و عدم المبالاة بها لانها اصبحت من

الماضي اما الذي خدم مليح فيها فمزيد من النجاحات و التالق واللذي ماخدمش ماعليش مازال الامل و والله تقدروا

تحققوا نتائج جيدة ان شاء الله خصوصا ان الفصلين المتبقيين كل دروسهما ساهلة .........اتمنى ان كل اللي يقرا

هذا الموصوع يشارك برايه و لو بكلمة واحدة و اتمنى لكم التوفيق من صديقكم وليييييييد:19:

[*أســيـــــرツالــبــســـمـــة*]

ان شاء الله خويا وليد
المهم نخدمو مليح في الفصل التاني و الثالث
هاذ الفصل فات خلاص
ولازم ما نخليوهش في قلوبنا
و نخدمو مليح للفصل التاني
ربي يوفقكم جميعا
تحياتي

[فريال المحتاجة عفو الله]

أنا وحدة من الناس راح نموت من خوفي
و ما عنديش الاستعداد اني نشوف نقطة الفيزياء

[إشراقة امل]

اخي ممكن ننساوه

لكن هو ماراحش ينسانا ابدا
راح يبقى دائما هاجس في طريقنا

اولا الاساتذة راح يبداو حملتهم الشرسة في عملية ايقاظ الضمير والي راح يصاحبها كم هائل من الاهانات وطبعا الاستهزاء

وعبارات


انا نشرحلكم نهار كامل......انا قاتل روحي وانتوما ما تسمعوش......روح كشما تلقى بلاسة في التكوين المهني


هاذي موش بلاستك.........والكثير والكثير

المهم ربي يستر ونحاولو نعوضو ماشي نستسلمو لاول عقبة

ونتذكرو دائما بلي رانا نحضرو في البكالوريا

شكرا جزيلا اخي على الموضوع

[مالكس لقبايلي]

اووو وااش كااين كامل خاييفين برى وفلمنتدى
مفهمتش انا لكان القلق متقدروش تتحكمو فيه ههه. سمحلي اه ...
ياك هد الفصل لاول برك ..تخلطتلنا بلاك على خاطر تغير الشعبة والقسم ...يعني بلعكس لازم تستناو وقتااه تجي حصة التصحيح باش متكروش الغلطة
الحمد لله انا واااااااااااثق من نفسي ولو مديتش مليح يكفني انني حاولت والفصل الثاني جديير اني فجر فيه طاقتي لفجرتهاش في هد الفصل
سلااااااااااااااام

[رغبة النجاح]

نعم غدا ستبدا التصحيحات و أنا ميت بالرعب و الخوف من النقاط رغم الي حس بالراني مجاوب و لكن عندما ارى التصحيح اقول من أين أتتهذه النقاط

[فريال المحتاجة عفو الله]

نعم غدا ستبدا التصحيحات و أنا ميت بالرعب و الخوف من النقاط رغم الي حس بالراني مجاوب و لكن عندما ارى التصحيح اقول من أين أتتهذه النقاط
نفس الشيء يصرا معايا
بكري كنت نحط نقطة في بالي نلقاها في الورقة ولا نلقاها هبطت مثلا نحط 18 نلقاها 17 ، 16
مي درك راي كارثة حقيقية
في الفرض تع الفيزياء ندعي يا ربي ما نديش أقل من 16 يا ربي و مخلوعة خايفة تجيني اقل
ههههههههه ديت 10 و الله العظيم 10
بابا أستاذ قاللي راكي عندك خلل ، على خاطر اللي ما يعرف روحو خدم و إلا لا معناها راو فعلا في مشكلة
صدقوني في المتوسط كنت نطلع المعدل تيعي و بالفاصلة ( يعني بالتقريب)
درك راو في مجال ( ناقص ما لا نهاية + ....... لالالا موش زايد ما لا نهاية هادي أكيد ههههههه

[ٵڶقًـ۾ًـږღٵڶڝۼےـړ]

الاجابات تكتبو ،، و الأوراق تصحو

حاجة ما رح تتغير ،، لي خدم يلقا و لي مخدمش ميلقاش و ربي يوقفو فلي تريماستر الجايين


ان شاء الله ،، و الهدرة و الخوف و و ما رح تزيد ما رح تنقص


المهم الواحد يسيي يفهم و يستفاد من أخطاؤو ،، لأنو الهدف الباكالوريا


مش حاجة وحدوخرة ،، بالتوفيق للجميع


مشكور صاحب الموضوع ،، أخي وليد


تسلم ،، تحيتي للجميع

[Abdel Moumene Djabou]

نووووووووووووووووووووووووووووووووووووووووووووووووو ووووووووووووووووووووووورمال
علابالي بلي راهي مهرودا مي ندخل (قلبي حجرة)

[b.sliman2547]

ليفات مات ولي طاح راح ولي راح أنساه

[nor4ever]

انا كنت نخلع بكري كي يجو يردولنا . بصح ضورك مانخممش خلاص لي فات مات و كيما يقولوا i don't care..

[_أمل جديد_]

شكرا عل النصائح أخييييييييي

[samzoon]

بارك الله فيك اخي وليد موضوع تشكر عليه
وبالتوفيق للجميع

[_أمل جديد_]

شكرا عل النصائح

[الحياة نجاح]

انا تاني مخدمتش كما انتما ولكن الفصل2 سافجر كل طاقتيي واعمل قدر المستطاع انشاء الله

[اسماء الياسمين]

السلام عليكم بصح ليه وعلاه فكرتوني بهادوك الامتحانات نقلكم حاجة بصح متضحكوش شحال ديت فلفرض فلمات امنو ولا قعدوا 02 مي خفت ابي يشوفها يطيح من طولو هبدلت 0 بلواحد وهكدا ديت 12 هههههههههههه المهم مهيش بروبلام الا مخدمناش في هادا الفصل باسكو هو الصعيب قاع وانشاء الله نعوضوها فلفصول الجايين ومتخافوش ساهلين كتر ملفصل الاول تقبلو مروري وشكرا

[*أســيـــــرツالــبــســـمـــة*]

ننصحكم تتحكمو في القلقة تاعكم
وقولوا ماعليش ان شاء الله ماتتعاودش
وجيبو النقطة تاعكم
و أفرحو بواش عطاكم ربي
وحاولو تحسنو و خلاص
بالتوفيق للجميع
سلاااااام

[الملكة بلقيس 2]

هذه الاختبارات اعتبرها تجربة من التجارب التي مررت بها ولست متخوفة من النتائج لاني بذلت مجهودي ولي مكتبو ربي هذاك هو الواحد منا لازم يحط حاجة في بالو حتى وان بذل مجهود وملقاش نتيجة لا يياس ويحاول لانو عندو اجر عند الله :من اجتهد واصاب له اجرين ومن اجتهد ولم يصب له اجر هذا يكفي للمحاولة والعمل في المرة القادمة
حظ سعيد للجميع وربي يوفقكم
سلام

[*أســيـــــرツالــبــســـمـــة*]

هادي هي الهدرة لي نحبها بلقيس
كن كل واحد يولي يخمم هكدا تتنحى القلقة
لازم نتفهموا الأوضاع
ربي يوفقكم أجمعين

[الملكة بلقيس 2]

هادي هي الهدرة لي نحبها بلقيس
كن كل واحد يولي يخمم هكدا تتنحى القلقة
لازم نتفهموا الأوضاع
ربي يوفقكم أجمعين

اخي الواحد كون يقلق راح يمرض روحو فقط لانو كلش ولا من الماضي لازم نشوفو للقدام ونخمو في المستقبل لانو الماضي راح ومناش راح نغيرو حتى حاجة والواحد يتفائل خير ويتوكل على ربي برك وانشاء الله ما يكون غير الخير
موفقين سلام

[tahar1994]

بارك الله فيك