اريد خطبتها رغم رفض أبي ...

[fatih84]

لا اقوى على الصبر اكثر و إتخذت قراري سا خطبها و ابي رافص لم استطع إقناعه إستعملت معه جميع الطرق و الأساليب و لم يترك لي أي خيار فأنصحوني رجاء ....امي موافقة و اخوتي إلا هو فإتخذت قراري

[صاحبة القلادة]

أتعــبــني غــروري;4240375]اطلب من امك ان تقنعه او احد اخوتك الكبار الذي لايرد له طلب

[chaymoum-17]

ايه اطلب من امك تقنعو واعرف السبب الي خلاه يرفض وقلو اذاما نخطبهاش راني ما نزوجش

[alaaemica]

مزال ابوك رافض والله ربي يهديه .......زيد حاول معاه وخلي اخوك الكبير يهدر معاه ياخي قالك اذا رفض انا نخطبهالك بالاك لوكان يسمع الكلام هذا يخطبهالك ......وربي يسرلك امرك ويصبرك ان شاء الله.

[بنت الحجاج]

اخي

لمادا والدك يرفضها ؟

[شهد حنان]

عليك ان تعرف اولا سبب الرفض حتى تستطيع اقناعه

[LATAOUI MABROUK]

نعم انا مع الاعضاء عليك أن تعرف سبب الرفض .

[استاذة التاريخ]

يا اخي رانا كامل نمرو بنفس الازمة انا نعاني كيفك واله رافض ربي يفك اسرك يارب
ابعثلو امام الحي تاعكم واستخير ربي بالاك تفرج

[fatih84]

رافص لاسباب يقول ما عجبتنيش طفلة هذي و يقول هذا هو قراري ....راهو عنيد بزاف كي يقول لا لا حتى و لو يكون غالط ما يرجعش في هدرتو هذه عقليتو اللا غالب ....و سسبب يقول بلي شافها تهدر مع 2 من زمالئها يدرسو معاها بسسبب تافه جيدا و هز عليها نضرة موش مليحة و كانها إرتكبت زنا و يقولي كلام ماشي مليح ....راهو يقولي لوكان تديها رايح دخلك رجال للدار ........راهو مسوس و شكاك لدرجة ما تتصوروهاش و الطفلة 5 سنين و هي معايا و نعرفها مليح
ربي سبحانو لي يقدر يخليه يقبل راهو عصبي بزاف و ما تنفعش معاه الهدرة
راهو الشيء لي نقدر نديرو راني درتو لكن دون جدوى و الحل الوحيد خويا لكبير
و انا خايف بابا يمنع خويا انو يخطب هالي و الله اعلم و اش رايح يصرا فيا .....الهلاك

[عُضو مُحترم]

ياودي انت عندك مشكل مع روحك


حل المشكل مع روحك و ممبعد حل المشكل مع الوالد

[fatih84]

شكرا انت لم تفهمني

[عُضو مُحترم]

شكرا انت لم تفهمني

فهمتك و لكنك لم تفهم نفسك بعد

صدقني

انت لم تفهم نفسك

نحن شباب و سننا متقارب و نفهم بعضنا جيدا
=============
ابوك معه حق

و من حقه يرفض و يقبل
=============
اذا انت مُصِرّ على ما تفكر فيه

ادعولك من كل قلبي

ان يوقفك الله للخير اينما كان

[fatih84]

فهمتك و لكنك لم تفهم نفسك بعد

صدقني

انت لم تفهم نفسك

نحن شباب و سننا متقارب و نفهم بعضنا جيدا
=============
ابوك معه حق

و من حقه يرفض و يقبل
=============
اذا انت مُصِرّ على ما تفكر فيه

ادعولك من كل قلبي

ان يوقفك الله للخير اينما كان

كلامك غامص على كل حال بارك الله فيك

[BAROUD]

واش نقولك انا الله يصبرك
من ترك حاجة لله عوضه الله باحسن منها
دك غير اسمع الكلام اللي يبكيك و ما تسمع الكلام اللي ...........
الله غالب رضاية الوالدين صعيييييييييييبة ولكن يجي نهار اللي يقولك علاش تاع الصح بالاك راهو حاشم باش يقولك اسباب الرفض

[fatih84]

بابا ضرك قالي غدا تروح معايا عند واحد العزام .....قالي العزام هذا رايح إيخليك تنساها و أنا قبلت خاطر إذا العزام هذا رايح يقدر إيخليني ننساها راني قابل .... راني على علم بلي شيء هذا حرام و فيه نوع من الشرك بالله لكن اللاغالب .....و راني متأكد بلي مستحيل هذا العزام يداويني .... و هكذا ممكن بابا يقتنع بلي مستحيل ننسى الطفلة و نبعد عليها مهما عمل معايا و رايح يقبل ........ممكن هكذا رايح يقبل و يكون العزام هذا هو السبب اللي يخلي بابا يقبل يخطبهالي ........ و ينقلب السحر على الساحر ......و راني هكذا قاعد نفكر إخواني

[fatih84]

يا اخي رانا كامل نمرو بنفس الازمة انا نعاني كيفك واله رافض ربي يفك اسرك يارب
ابعثلو امام الحي تاعكم واستخير ربي بالاك تفرج

بابا ضرك قالي غدا تروح معايا عند واحد العزام .....قالي العزام هذا رايح إيخليك تنساها و أنا قبلت خاطر إذا العزام هذا رايح يقدر إيخليني ننساها راني قابل .... راني على علم بلي شيء هذا حرام و فيه نوع من الشرك بالله لكن اللاغالب .....و راني متأكد بلي مستحيل هذا العزام يداويني .... و هكذا ممكن بابا يقتنع بلي مستحيل ننسى الطفلة و نبعد عليها مهما عمل معايا و رايح يقبل ........ممكن هكذا رايح يقبل و يكون العزام هذا هو السبب اللي يخلي بابا يقبل يخطبهالي ........ و ينقلب السحر على الساحر ......و راني هكذا قاعد نفكر إخواني

[fatiallaoua]

أخي الكريم ،أنا برأيي لا يوجد أب يكره الاخير أو الساعدة للإبنو ،ثاني حاجة ما دام أبوك رافض كاينا حاجة في هاذ البنت مااهيش مليحة .
وحاجة أخرى صدقني حتى ولو تخطبها وحتى تديدها مادام باباك رافض أي ما هوش راض

[ياسمين1980]

اخي الكريم اذا تزوجتها وباباك رافض اكيد ماراحش تعيش سعيد نصيحتي انك تهدي الوضع شوي لانه اذا حس الامر تحدي راح يزيد يعاند ويرفض ...عقب مدة ..وزيد حاول تقنعو مهما كان ابوك صعب لابد عنده نقطة ضعف وعنده واحد يسمعلوجرب خويا وربي يهديه ان شاء الله

[fatiallaoua]

خوي لعزيز ،ماكانش أب يكره السعادة لولدو ولا يكرهو ،ومادام قالك متديهاش يعني فيها حاجة ماهيش مليحة حاول تعرفا أولا .
وأنا ننصحك صدقني مادام أبوك ماهوش راضي حتى لوكان تديها مادام ماهوش راضي ماكش راح تتهنا معاها ،لأنو رضا الوالدين من رضا ربي سبحان .
دير الإستخارة وأدعي ربي وقول يا ربيإذا شفت فيها الخير هاذ البنت أجعلها من نصيبي . وإذا عكس بعدها عليا ،ضرك تشوف النتيجة
الحب مليح صح رانا كامل معاك ولكن اللي شوفو ربي خير من اللي شوفو العبد .
نتمنالك من قلبي السعادة .
متنساش الطمنا عليك كاش جديد

[fatih84]

بابا ضرك قالي غدا تروح معايا عند واحد العزام .....قالي العزام هذا رايح إيخليك تنساها و أنا قبلت خاطر إذا العزام هذا رايح يقدر إيخليني ننساها راني قابل .... راني على علم بلي شيء هذا حرام و فيه نوع من الشرك بالله لكن اللاغالب .....و راني متأكد بلي مستحيل هذا العزام يداويني .... و هكذا ممكن بابا يقتنع بلي مستحيل ننسى الطفلة و نبعد عليها مهما عمل معايا و رايح يقبل ........ممكن هكذا رايح يقبل و يكون العزام هذا هو السبب اللي يخلي بابا يقبل يخطبهالي ........ و ينقلب السحر على الساحر ......و راني هكذا قاعد نفكر إخواني

[fatih84]

خوي لعزيز ،ماكانش أب يكره السعادة لولدو ولا يكرهو ،ومادام قالك متديهاش يعني فيها حاجة ماهيش مليحة حاول تعرفا أولا .
وأنا ننصحك صدقني مادام أبوك ماهوش راضي حتى لوكان تديها مادام ماهوش راضي ماكش راح تتهنا معاها ،لأنو رضا الوالدين من رضا ربي سبحان .
دير الإستخارة وأدعي ربي وقول يا ربيإذا شفت فيها الخير هاذ البنت أجعلها من نصيبي . وإذا عكس بعدها عليا ،ضرك تشوف النتيجة
الحب مليح صح رانا كامل معاك ولكن اللي شوفو ربي خير من اللي شوفو العبد .
نتمنالك من قلبي السعادة .
متنساش الطمنا عليك كاش جديد

يا أخي كان الأمور عادية من اليوم لي صليت فيه الإستخارة ايام قليلة من تلقاء نفسي إتخذت قرار بلي لازم نخطبها في أسرع وقت

[أم عماد الدين]

السلام عليكم

يا أخي نطلب من الله تعالى يجعلها من مكتابك و تعيشوا سعداء

ربي سبحانوا هو لي يعطي وهو اللي ينزع

ادعي ربي يفرج عليك وعلى جميع أمة سيدنا محمد

اللهم اميين

[رؤوف 1990]

بابا ضرك قالي غدا تروح معايا عند واحد العزام .....قالي العزام هذا رايح إيخليك تنساها و أنا قبلت خاطر إذا العزام هذا رايح يقدر إيخليني ننساها راني قابل .... راني على علم بلي شيء هذا حرام و فيه نوع من الشرك بالله لكن اللاغالب .....و راني متأكد بلي مستحيل هذا العزام يداويني .... و هكذا ممكن بابا يقتنع بلي مستحيل ننسى الطفلة و نبعد عليها مهما عمل معايا و رايح يقبل ........ممكن هكذا رايح يقبل و يكون العزام هذا هو السبب اللي يخلي بابا يقبل يخطبهالي ........ و ينقلب السحر على الساحر ......و راني هكذا قاعد نفكر إخواني
ربي يهديك ادى ما نقلك
انت على حساب كلامكك تقولك اقتل باباك باه نقدرو نتزوجو
نضن ديرها