ظاهرة نخلي الورقة فارغة ونخدم في البكالوريا

[سـ9هيد9]

السلام عليكم،،

اليوم كملنا اختبارات الفصل الأول والحمد لله، الظاهرة اللي لفتت انتباهي في وقت الاختبارات أنه هناك نسبة معتبرة من التلاميذ (من كلا الجنسين) يتركون الأوراق الإجابة فارغة أو يعملون بغير جدية و اللي تسأله يقولك الصح فالباك!!

و فيه اللي يقولك راني نبعد فالعين :rolleyes:

واش رأيكم في هاذي الظاهرة؟ و هل أنتم من هذا النوع أو لا؟

[asma1856]

مليون مرة هادي فطرة خااااااااااااااطئة جدااااااا لانو يا اخي الكريم يلزم تقيم مستواك من درك باش تعرف الاخطاء و تصححها من درك
و شكرا لطرح هذا الموضوع القيم

[walid neymar]

انا ضد هذي الفكرة الخدمة نتاع الصح تبدى من ضرك

[fadi3]

انا كنت اخرج في الساعة الاولى في المواد الثانوية
في العلوم الشرعية نصف ساعة استعملت المسودة مرتين في الفيزياء والفلسفة فقط
لكن لم اترك الورقة فارغة فلقد اجبت عن جميع الاسئلة ومن دون اي تشطيب
او تراجع
اتدرب على الحل السريع والمنظم

[leen ahmed]

ابدااا انا لست من هذا النوع اعمل بجدية واضع نفسي وكانني في الباك لكي اقيم نفسي واصحح الاخطاء التي وقعت فيها كي لا اكررها في الباك انشاء الله

[racha2011]

نخلي الورقة فارغة ؟؟؟؟؟؟؟؟؟؟؟ما نقدرش الخوف قتلني تقول انا نجوز في الباك
ديجا راني مقلقة .................. ما خدمتش مليح

[اسلامي سر حياتي]

هاذي فكرة خاطئة

الصح الامابديتهش من درك ناكدلك غادي تحصل في لاديغنياغ باسكو مهما الصح كان في الاخير لاباز اتاعه دوكا

تقبل مروري

[الفلاح المحترف]

تفكير لاعقلاني

[سـ9هيد9]

شكرا على التفاعل،،

مشاهدة نتائج الإستطلاع: في امتحانات الفصول..
أعمل بجدية http://www.djelfa.info/vb/images/polls/bar2-r.gifhttp://www.djelfa.info/vb/images/polls/bar2.gifhttp://www.djelfa.info/vb/images/polls/bar2-l.gifhttp://www.djelfa.info/vb/clear.gif 6 100.00%
أعمل بإستهزاء http://www.djelfa.info/vb/images/polls/bar3-r.gifhttp://www.djelfa.info/vb/images/polls/bar3.gifhttp://www.djelfa.info/vb/images/polls/bar3-l.gifhttp://www.djelfa.info/vb/clear.gif 0 0%
أترك الورقة فارغة http://www.djelfa.info/vb/images/polls/bar4-r.gifhttp://www.djelfa.info/vb/images/polls/bar4.gifhttp://www.djelfa.info/vb/images/polls/bar4-l.gifhttp://www.djelfa.info/vb/clear.gif 0 0%
نتيجة مثيرة للاهتمام

[oussama-dz]

لازم تخدم مليح في الامتحان باه تقيم مستواك إذا تقدر على الباك ولا لا
هاذي اللي يخرج حقيقة يخمم برجلو :)

[°واحد من الناس °]

درتها بزاااف في سنوات سبقت

ليست لعدم قدرتي على الاجابة بل نظرا
لعقلية الاساتذة نتاع الشحان


مي هذا العام راني نعود في روحي نخدم في اسرع وقت وبتركيز
والحمد لله رغم شكوى جميع اللذين يدرسون معي ان المواضيع صعبة والوقت لم يكفي
اني لم اتلقى اي احراج في فك شيفراتها

[ღ أمليے بالله كبيرے ღ]

شكرا لك أخي على الطرح المميز
انا شخصيا عمري مفكرت بهذي الطريقة
بالعكس أنا أمتحن وكأنني في البكالوريا لكي أتعود وحتى لا تكون لدي إشكالية مع الوقت في الباك
++++++++++++++
جميع الذكور لي يقراو معنا هكا يخرجوا ويخليو الورقة فارغة
ربي يهدي ماخلق


تمنياتي للجميع بالنجاح والتوفيق

[نسيم الجود]

هده الفكرة خاطئة رغم اني درتها


يجب ان نعود أنفسنا على مثل هده الاختبارات

لأنها تفيدنا في أخر السنة

[سنة4]

انا ضد هاد الفكرة خلاص الواحد يفوت الامتحان عادي وكانو في باك باه يقيم نفسو اسكو يدر للباك ولالا وزيد يتعلم على الاخطاء الي دارهم في الامتحان هدا باش في الباك مايغلطش
حنا كاين ولاد في كلاستنا مهمش اكل يخرجوا هكاك يحطوا الورقة فارغة ولا يحلو التمرين الي جاهم ساهل ويخرجوا واكين اخرين مايجيوش قع للامتحان ايه واش نقولك ربي يهديهم فرات مزالو ميعرفوش صلاحهم كي ميديوش الباك دروك يفيقو بعمرهم ويولي يا ليتني
ربي يفقنا انشاء الله

[imane ha]

السلام عليكم ,
نعم هذه الظاهرة جد منتشرة خاصة في الآونة الاخيرة,لكن تالله ما تسمن ولا تغني من جوع , فالطالب سيغش نفسه لا غير
وما هذه الاختبارات الا تجربة مسبقة نستفيد من خلالها فنعرف الخطا ونصححه ونحتفظ بالصحيح لذا فلا تتركوا اوراق اجابتكم فاغة
ف 5 بعرق الجبين انبل من 18 بالنقل و 3 افضل من لا شيء وقد سبق وقد تركت ورقة الفرض فارغة وندمت عليها لكن لم اتركها في الاختبار ...

[القارئ الجزائري]

العجيييييييييب في الامر ان نسبة من هؤلاء الذين لايجاوبون في الامتحانات ينجحووووووا في الباك وبمعدل احيان مذهل ك11او 12
لانهم في الفصل يجيبو 7-8-9

[شكري لله]

انا ضد هاد الفكرة لانو في هاد الامتحانات الواحد يعرف روحو قادر ولا ماقادرش على الباك وزيد يعرف كيفية التعامل مع الوقت لانو كاين مواد الوقت تاعها قصير و كذلك تعرف مواطن نقصك في بعض المواد وتصحح اخطائك ................... هادي فرصة ........... مشكور الاخ ......... ونقول لاخواني تناصحو وانصحو اخوانكم الي يخرجو وما يعطوش قيمة لهاد الامتحانات و وعوهم باهميتها............ شكرا ....

[Barçawia]

انا ضد هذي الفكرة الخدمة نتاع الصح تبدى من ضرك

[constantinoise]

Non ma nkhalich lwarka fargha ... Hadou les compo khalawni n9ayem Ro7i Fi wah Bien wfi wah machni bi1 ....

[fadi3]

لكن يا اخ لو هؤلاء لم يتحصلوا على البكالوريا يستطيعون تفادي الصدمة
لانه سيقول لم اقيم نفسي في الفصول
واذا تحصلوا على البكالوريا واخرون ظلوا يدرسون ويدرسون ويقيمون انفسهم في الفصول و لم يتحصلوا عل البكالوريا
ستكون صدمتهم اكبر
كما انهم لن ينجوا من انتقادات الاخرين
شوف هاذا ظل يقرا في الفصول يجيب 15 14 ومبعد في الباك جاب 13
او واحد نعرفوا الفصول غير ب7 8 6 وفالباك جاب 15كيف ستكون ردة فعله انذاك
العمل الحقيقي ليس في الاختبارات بل في المنزل

[جزائرية و اعتز]

السلام عليكم
في الحقيقة لم الحظ هذه الظاهرة
لكن كل من ينتهجها لن ينجح و اضمن ذلك بنسبة كبيرة
يعني ميخدمش فالعام كامل يرقد يلحق الشهر اللخر يبدا يراجع للباك
زعمة رح يديه؟ و صحا يدي الباك مي الموايان كيفاش؟
انا رايي الشخصي انو يجب العمل خلال السنة حتى اتحصل على نتائج جيدة

[fadi3]

انتم لم تفهموا المسالة
ان يترك التلميذ الورق فارغة لا يعني انه لا يدرس ولا يراجع دروسه
هناك تلميذ حدثتنا عنه استاذة الفلسفة انه لم يكن يعرف اي شيء وفي الاخير تحصل على 14 في الفلسفة
لم تصدق
التلميذ كان يدرس وترك الاخرين يعتقدون انه حمار
تعلم كل شيء واترك الاخرين يظنون انك اغبى الاغبياء