اريد طرق لحل الوسيط m

[haladz]

lمن فضلكم تمارين ص 55 رقم 38 او 39
جزاكم الله خيرا

[*أســيـــــرツالــبــســـمـــة*]

الله يسترك أختي
أنا نسمع كلمة الوسيط و أنا نخلع
ربي يوفقك ان شاء الله
سلااااااام

[haladz]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

[نبع الندى]

أنا أيضا أختي لم أفهم معنى الوسيط ولا قيمه , أرجوا أن نجد من يدلنا

[يُنبوع~العطآء]

السلام عليكم الوسيط خويا ماهوش مجهول هو قيمة مساعدة والمجهول هو اكس
الحل تع تمرين 38 : نعطيك الفكرة برك
حتى تكون المعادلة من الدرجة الثانية معناه لازم الحد الاول لا يكون معامل تاعو 0
اي m2 -4 لا يساوي 0 وتحلها
2/ مادام قالك اجبدقيم m واعطاك الحل عوض برك ب 0 في مكان x ويبقالك المجول m برك وحل

[imane1993]

السلام عليكم
بما ان m2-4 العدد a فان من شروط كثيرة حدود
لديناaلا تساوي 0
اذن m2-4 لاتساوي 0
مارايك اختي

[يُنبوع~العطآء]

اختي عندك الحق انا حسبت الحد الاول اس 4 وهو اس 2 غلطت
شكرا على التصحيح

[ღأُسَامَةُღ]

السلام عليكم ،،

اختي ضعي لي مثال واحد ،، وسوف اعطيك منهجية للاجابة عليه ،، حتى تستوعبيه جيداا،،

انا في الانتضار ،،

[eun song]

السلام عليكم
بالنسبة للتمرين 38
1/تكون المعادلة من الدرجة الثانية فقط اذا كان a لا يساوي الصفر معناه m2-4 لا تساوي الصفر وتحلي المعادلة لتجدي قيم m
2/ 0 حل للمعادلة اي تعوضي كل x بالصفر لتحصلي على معادلة بدلالة m فقط سوف تجديها معادلة من الدرجة الثانية تحليها بالمميز تجلي حل وحيد
الان لتجدي الحل الاخر للمعادلة توضي في قانون مجموع الحلين وتجدي الحل الاخر علما ان الحل الاول اصلا0
بالنسبة للتمرين 39
اذا طلب منك المناقشة حسب قيم m فلامر بسيط وهي قاعدة
الحالة 1 /a=0 ومنه تعوضي فتجدي الحلول
الحالة2/a لأ يساوي الصفر تصبح المعادلة من الدرجة 2 تحليها بالمميز عادي
اذا لم تفهمي او اردت الحل بالارقام فانا جاهزة ارجو الافادة

[_أمل جديد_]

هذا الدرس يا اختي لم ندرسه في القسم و قال لنا الاستاذ انه محذوف
أرجو ان تجدي من يساعدك

[ღأُسَامَةُღ]

وينواااا صاحب الموضوع،، يا صاحب الموضوع انت تريد مساعدة،، لذا قلت لك ضع مثالا ،،

انا في انتضارك

[نبع الندى]

لكن هل توجد طريقة لحل وغيجاد قيم الوسيط بيانيا , أرجوا المساعدة

[ღأُسَامَةُღ]

نعم توجد اختي طريقة لحله بيانيااااا وهي سهلة جداااا

[نبع الندى]

وماهي دلني عليها أرجوك

[ღأُسَامَةُღ]

حسناااا اختي ولنأخد بعين الاعتبار الدالة مربع ،،

fx=x²

او قالك اعطييني الحلول عندما f)x)=m

يعني قالك اعطيني الفواصل عندما تكون العبارة تساوي m

حسناا ،،نرسم التمثيل البياني نفرض ان m=-1
او هنااا تكون عندنا المجموعة الخالية ،،لان التمثيل البياني للدالة مربع مافيهش ترتيبية عند -1 و لان القيمة الصغرى هي 0 ذات الفتصلة 0
ولنفرض ان m=0 فانه لدينا حل مضاعف وهو 0

ولنفرض ان m=1 فانه لديناااا حلين مختلفين في الاشارة لانه من الترتيبة 1 نمدد خط يوازي محور الواصل وننضر في اي النقاط يتقاطع مع المنحنى النقاط لي يتقاطع معهاااا نشوفوا فواصلها هي الحلول او بالنسبة للدالة مربع راهو كي يكون m اكبر من او يساي واحد فانه لديناا حلين مختلفين في الاشارة

اذامافهمتيش انزيد نعاودلك اختي ،،انا في انتضار ردك

لدي سؤال هل تدرسين في ثانوية شقرة بن صالح

[نبع الندى]

نعم أدرس فيها هل أنت منها ؟

[ღأُسَامَةُღ]

لا انا ادرس في متقن القرم محمد ،،راني كنت رايح انبدل لشعبة راضيات الاسبوع ليفات او بطلت ،،المهم فهمتي الوسيط بالتمثيل البياني؟

[soso404]

الفكرة بسيطة ت38 ص 55 تعين قيم الوسيطm حتى تكون المعادلة من الدرجة الثانية معناه mمربع - 4 لا تساوي 0وبحل المعادلة نجد mلا* تساوي2 او2-معناه قيم الوسيطm هي {2-.2}-R الجواب الثاني بتعويض X ب0 نجد mمربع2m +1-وبحلها نجد قيم الوسيطm هي 1/استنتاج الحل الاخر بتعويض mب1 نجد(- 3اكس مربع -2اكس= 0) وبحلها نجد ان 2/3-=x

[نبع الندى]

شكرا لك أخي soso404

[نبع الندى]

لا انا ادرس في متقن القرم محمد ،،راني كنت رايح انبدل لشعبة راضيات الاسبوع ليفات او بطلت ،،المهم فهمتي الوسيط بالتمثيل البياني؟

لقد عرفتك من توقيعك أنت أسامة ع , سررت بعودتك , كيف حالك أخي ؟ راني سمعت بالي راكم في المتقنة عندكم إضراب والفصل الأول هاردينوا خاصة تاع الباك أعلى نقطة 13 , علاش ما حولتش , أعذرني على التطفل

[ღأُسَامَةُღ]

لا يا اختاه انتي معذورة ،،كنت رايح انحول وسببي الرئيسي ،،هو مادة العلوم ،،مش عارف لاهي صعيبة او انااا ماعرفتلهااش مي راني وعدت نفسي نزيد نحاول معاها او مانيأسش ،،رغم اني فاهمها الان وكنت العام ليفات انا من الاوائل فيهاا مي الله غالب طاح فينا استاذ لمخير تلقايه 8 --9 ،،وسبب اني ماحولتش هو اني طلعتها شوية في راسي لقيت الوقت راح او قلت ايفوتوني بدروس ،،مي الا قدرت العام القادم راني نحول ان شاء الله ،،
صح كاين منهااا هادا العام لمخير 13 لا خاترش المديرقال للاساتذة صعبوا لحوايج قد ماتقدروا باش يتلصوا من الكم الهائل من التلاميذ ،،تاني جابولنا مجومعة كبيرة من الاساتذ الجدد يتعلموا فيناااا ،،والله غير الفصل كنت نخدم على معدل 16 مي مباعد شفت البيلتان لقيتهاااا 13 او لقيت مادة العلوم هي السبب منقصلي حوالي 70 نقطة ،،االمهم انتي واش راكي،،حقاا البارح جات تلميذة من قسمكم حضرت معناا فزياء ،،لقبها مزروع او اسمها فاطمة ،،تعرفيهااا

[نبع الندى]

نعم , نعرفها راها تقرا معايا , أنا جبت 14 , ماتوقعتش هذا المعدل كنت دايرا في بالي 16 , على الأقل مانطيحش من 15 , لكنني صدمت إن شاء الله الفصل الثاني نعوضوها , أنا عكسك هردتها في إمتحان الفيزياء

[ღأُسَامَةُღ]

الفزياء مش مشكلتلي مشكل هي والرياضيات بالعكس نحب نقراهم هماا ،،حنا تاني دارولنا امتحان تاع الفزياء صيب مش كيما توقعنا ه قاع ،،شكل كيما االانشطة لي نديروا فيهم في المخبر او تمثيل بياني ،،ومع ذلك مكانش لي جاب مليح كاين احسن نقطة هي 15.5 او اديتها انااا ،،وان شاء الله الفصل التاني افضل

[نبع الندى]

إن شاء الله , بالتوفيق لنا جميعا

[ღأُسَامَةُღ]

ان شاء الله ،،وان احتجت الى شئ فاناا في الخدمة ،

[نبع الندى]

شكرا جزيلا لك

[ღأُسَامَةُღ]

هذااا واجبي اختي ،،

[haladz]

شكرااااااااااااااااااااااااااااااااااااااااااااا اخواني

[rizo]

عندي مشكل مع الوسيط ممكن تساعدني ؟ :confused:
ندرس سنة 2 ثانوي علوم تجرييبية :mh31:
و الله غير حصلت عاونني :sdf:

[rizo]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

[صالح بن احمد]

الدرس محدوف ولا داعى لطرح السؤال لا تضيع وقتك ياابنى استاد 28سنة فى التعليم الثانوى

[rizo]

أنا أيضا أختي لم أفهم معنى الوسيط ولا قيمه , أرجوا أن نجد من يدلنا