شتان بين اللاعب المحلي والمحترف

[maila]

ما الفرق بين اللاعب المحلي والمحترف أظن ان التسمية وحدها تدل على الفرق الشاسع المحلي هو اللاعب الذي لا يستطيع أن يروض الكرة هو اللاعب الذي ان جائته الكرة ياحبذا لو يعيدها من حيث أتت هو ذاك الذي يرفع يديه في حالة ارتكاب خطأ عليه بالرغم من اقرار الحكم بوجود خطأ هو ذاك الذي عند اجراء التمارين والتدريبات يتكلم وهو يمارس يتغيب مرارا ويشر:confused:ب قهوة براس مزيرة وسيجارة بعد التدريبات

[نجوم المستقبل]

صحيح اللاعب المحترف يختلف تماما عن اللاعب المحلي
كاين ناس تحوس اللاعب المحلي بزاف في المنتخب
انا نقول صح اللاعب المحلي عندو حق في التواجد في المنتخب لكن بشرط تكون عندو عقلية لاعب صح
تقريبا اغلبية اللاعبين المحليين لعبو شوي في المنتخب ومباعد خلقو مشكال وطيرهم المدرب
ابدوها من الحاج عيسى و لموشية و شاوشي ......
ربي يهديهم تبقى عقلية لاعب محلي واش رح نديرو
اما اللاعب المحترف مهما كان تبقى عندو عقلية احترافية يعني في بعض المواقف يعرف كيف يتصرف معها

[مراد44]

انا أظن الاعب المحلي صح لديه بعض السلبيات لكن هذا راجع للاحتقارهم و عدم اعطاء لكل ذي حقه

[سارة]

انا اراهم سواسية ولكن هناك حظ فالمحترف كان محظوظ لاكتشاف مهوابه وتبنيها اما المحلي لايزال يتقهقر

[أحمد الوفاق]

الحاج عيسى و لموشية و شاوشي ورحو وبابوش وجديلت ومفتاح ...... هم الذين أهلوا المنتخب الوطني لكأس العالم بعد ان تأهلوا على حساب غامبيا والسنغال..... في ذلك الوقت كان الجميع هارب واحد يقول أنا تونسي وأخر مغربي وخلي البير بغطاه .
ليكن في علمكم ان اللاعب المحلي هو الذي أوصل نا للقمة وليس العكس

[ربيع1980]

أنا مقتنع تماما باللاعب المحلي بالرغم من السلبيات.
اللاعب المحترف:يمثل الدول المتقدمة التى ينظر إليها العالم الثالث بعين الهيبة والخوف
اللاعب المحلي: هو ذلك الزوالي إلي يشوفوه العالم الثالث كانه جرب ووباء ولو كان بريقه ذهبي.

[كريم35]

ويقولك المحلي وطني أكثر من المحترف..؟؟؟



أين هذه الوطني وهو ياخذ دروس في كروة القدم على أرضه و أمام جمهوره
لكم محلييكم الطيوانين ولنا محترفينا

[maila]

اتظن أن لموشية لاعب اخي لو كان له مستوى لبقي في فرنسا حاج عيسى لما هرب من السعودية شاوشي لا داعي للحديث عن لاشيئ

[فوزي جعفر]

انا مع المحترف ولكن المحترف المحترف ليست الدرجة التاسعة الالمانية (بن يمينة) وما بين الاحياء الفرنسي والدوري البلغاري والبلجيكي ومانيش عارف
اللاعب المحلي اذا استدعي الى المنتخب مرض وأصابه الكلب (الغرور )

[سمير الشاوي]

ما الفرق بين اللاعب المحلي والمحترف أظن ان التسمية وحدها تدل على الفرق الشاسع المحلي هو اللاعب الذي لا يستطيع أن يروض الكرة هو اللاعب الذي ان جائته الكرة ياحبذا لو يعيدها من حيث أتت هو ذاك الذي يرفع يديه في حالة ارتكاب خطأ عليه بالرغم من اقرار الحكم بوجود خطأ هو ذاك الذي عند اجراء التمارين والتدريبات يتكلم وهو يمارس يتغيب مرارا ويشر:confused:ب قهوة براس مزيرة وسيجارة بعد التدريبات
شكرا أخي على الموضوع
ولكن علاه احنا الجزايريين عندنا هاذي العقدة ديما
اللاعب المحلي واللاعب المحترف......................
والله غير دوخة
احنا أكثر الناس اكتوينا من اللاعب شبه المحترف
.......................
راكي تقولي التسمية وحدها تكفي
راهي كثير من المنتخبات تشكلت، وقدمت، ودخلت للتاريخ، بلا ما تفكر في اللاعب المحترف
وإذا بغيت الأمثلة نعطيك
.......................
أما قولك أن اللاعب المحلي لا يحسن ترويض الكورة
فهل أشباه المحترفين الذين ضيعنا أحوالنا ودنيتنا وآخرتنا واحنا صابرين عليهم، يروضون
مانيش قادر نذكر الأمثلة، لا خاطر بزاف علي نتفكر البهادل.
يكفيك تعاودي تتفرجي ماتش الغابون، وماتش افريقيا الوسطى
ولا نقولك، عاودي أي ماتش تاع المحترفين، وشوفي ....
.....................
وتقولي يرفع يديه مع الحكم
ما شفتيش واش دار حليش ويبدة نهار ماريكان، كيفاه قريب كلاو الحكم، والدفال يطير من فامهم !!!
نسيتي غزال كي يضرب في الملعب عيني عينك، يبان واحد من هاذوك اللي يقعدوا في الشَوك
نسيتي زياني اللي عندو الاعصاب
نسيتي واش داروا في سعدان المرخوف !!!
..................
أما قولك بأن اللاعب المحلي يشرب القهوة، والسيجارة
ما لحقاتكش الأخبار تاع الفريق المحترف
ما لحقوقش الصور نهار رمضان
ما لحقوقكش الصور تاع ناس لم تكتفي بالقهوة والسيجارة برك، بل تعدوا ذلك للقرعة الخضرا
................
في الأخير اللي متربي متربي من عند ربي
واللي عقلية جبل، والله كي تبرشيه بالموس
ولا تديه يلعب مع الناس اللي تحق، يبقى حمير، حمير.
سواء محلي أوو كيما تسميه محترف
..........................
نسيتي كي راحو لكاس العالم، واش من صور ظهروا بيها
واحد مداير الصبيغة في شعرو
وواحد مداير المناقش في وذنو
وواحد مرقق حواجبو
والآخر مداير الماكياج

أخخخخخخخخ
ياخي رعيان ياخي
..........................
أرجو أن تقبلي وجهة نظري.