ساعدوني في مادة الفلسفة؟؟؟؟

[walid neymar]

بسم الله الرحمن الرحيم

أرجو من زملائي طلبة بكالوريا علوم تجريبية

أن يساعدوني في مادة الفلسفة فأنا لا أملك

أدنى فكرة عن ماهية هته المادة

أرجو ان توضحو لي المبادئ البسيطة لها

لأتمكن من مسايرة بقية الدروس.......

دمتم في رعاية الله وحفظه

اخوكم وليــــــــــــــد

[جلنار.ع]

سلام اخ وليد انا تان عندي مشكلة معاا مي نظن لازم تحط مع الاستاد وهي وش راك تقرا في الكتاب تساعدك في كتابة مقال لانو السؤال المطروح متلا ما الفرق بين المشكل والاشكالية؟ هنا ديرو اوجه الشبه و الاختلاف على شكل مقال لخص من كتاب مدرسي

[Nour el houda93]

والله يا خويا راني نواجه نفس المشكل.......
ماني فاهمة والو 0000000000000

[نونسا]

:)السلام عليكم
كي تقراو الفلسفة ما تحاولوش تعرفو واش هي بالضبط و منين جات، ماكمش راح تكونو ميتافيزيقيين حتى نتوما، أصلا الفلسفة هي البحث في أصل و ماهية الأشياء و الجدل حول هذا الموضوع دائم و مستمر، ماكمش راح تزيدو نتوما من عدم تطرحو جدل حول أصل الفلسفة لأنكم ما كمش راح توصولو لنتيجة و لستم بمفكرين، إذا حاولو تتلاقاوها و تفهمو واش درتو في الدرس بلا ما تسألو منين جات؟ و واش هي بالضبط؟ أوك؟؟ راكم تقراو في المنطق الصوري، هو علم حطو أرسطو و حطلو قوانين و مبادئ و راح تلقاو فيه متعة، (علابالي راح تستغربو و تحسو بللي مضيعة للوقت) و راح ديرو مقال جدل بين المنطق الصوري و المنطق الاستقرائي التجريبي ( و أنا ديت على هاذ المقال أول مرة كي درتو في الاختبار ديت 16 هو كان ساهل).
و مبعد راح تقراو تاريخ الفلسفة و راح تفهمو شوي أصل الفلسفة في درس الفلسفة اليونانية، و مبعد الفلسفة الإسلامية (فيها الفرق الكلامية كالمعتزلة و الأشاعرة و غيرهم..) المهم مانيش رح نطول عليكم الهدرة و ما ندوخكمش. مبعد تقراو المذاهب الفلسفة ثم في الفصل الأخير تقراو دروس مليحة و لها علاقة بالواقع كالحرية و المسؤولية، و العولمة، .....
نتوما اقراوها و افهمو الدرس في ذاته و لذاته، احفظو شوي أمثلة و أقوال، و احفظو منهجية كل مقالة، و ما تضيعو ولا واحدة خاصة المقدمة و النقد و الخاتمة على خاطر كل واحد على 4. و ما تخافوش منها، تبعو الشيخ مليح و نحيو من بالكم السؤال الوجودي هذا تاع أصل الفلسفة. برمجو روحكم إيجابيا، ضرك تسهال، و هذا بالنسبة لكل المواد، كل ما حبيت مادة راح تفهمها و تتعود عليها. (اسمحولي هدرت بالعامية، بصح باش تفهموني برك، و لوكان جا عندي الوقت راني نعاونكم في الدروس اللي مازلت نتفكرهم شوي). المهم حاولو تركزو مع الأستاذ ولا الأستاذة و ما تناقشوهاش بزاف في أصل الفلسفة و تبينولها بللي راكم ما فاهمين والو، اخدمو معاها كي شغل مادة عادية ككل المواد. (طولت عليكم الهدرة بزاف اسمحولي، أنا راني 3 آداب و فلسفة و راح نفوت باك فلسفة بمعامل 6 ادعيولي ربي ينجحني و ينجح كل التلاميذ). و بالتوفيق.

[BAROUD]

الفلسفة انك تربط الافكار المجردة و تسقطها علئ الواقع اسقاطا منطقيا و صدقني اخي اعتبر الفلسفة اسهل مادة في حياتي و نهار جوزت الباك كانت عندي اجوبة الاسئلة في الموضوعات الثلات بنسبة100% علما اني كنت ادبي و انت تعرف ان فلسفة الاداب هي الاصعب علئ الاطلاق لانها معمقة جدا

[racha2011]

انا 000000000000 في الفلسفة كون نقلكم شحال ديت في الفرض تبقاو بلا راس هههه

[walid neymar]

شكرا جزيلا لكم

[بشرى ملاك]

السلام عليكم ....
الفلسفة كيما تاريخ في الحفاظة احسن طريقة انك تحفظ جميع التعاريف......................
وتفهم طريقة تحليل المقالات والنصوص وادا مانجمتش تفهم هاك لخص في مطويات المقالات وكتب العناوين الرئيسية بالوانك المفظلة واستعمل رابط لتتذكر ماحفظت بسرعة وربي يوفقك ويوفقناااااا كككككككااااااااااااااااااااااااااااااااااممممممممم مممممممممممممممممممللللللللللللللللللل

[Nour el houda93]

:)السلام عليكم
كي تقراو الفلسفة ما تحاولوش تعرفو واش هي بالضبط و منين جات، ماكمش راح تكونو ميتافيزيقيين حتى نتوما، أصلا الفلسفة هي البحث في أصل و ماهية الأشياء و الجدل حول هذا الموضوع دائم و مستمر، ماكمش راح تزيدو نتوما من عدم تطرحو جدل حول أصل الفلسفة لأنكم ما كمش راح توصولو لنتيجة و لستم بمفكرين، إذا حاولو تتلاقاوها و تفهمو واش درتو في الدرس بلا ما تسألو منين جات؟ و واش هي بالضبط؟ أوك؟؟ راكم تقراو في المنطق الصوري، هو علم حطو أرسطو و حطلو قوانين و مبادئ و راح تلقاو فيه متعة، (علابالي راح تستغربو و تحسو بللي مضيعة للوقت) و راح ديرو مقال جدل بين المنطق الصوري و المنطق الاستقرائي التجريبي ( و أنا ديت على هاذ المقال أول مرة كي درتو في الاختبار ديت 16 هو كان ساهل).
و مبعد راح تقراو تاريخ الفلسفة و راح تفهمو شوي أصل الفلسفة في درس الفلسفة اليونانية، و مبعد الفلسفة الإسلامية (فيها الفرق الكلامية كالمعتزلة و الأشاعرة و غيرهم..) المهم مانيش رح نطول عليكم الهدرة و ما ندوخكمش. مبعد تقراو المذاهب الفلسفة ثم في الفصل الأخير تقراو دروس مليحة و لها علاقة بالواقع كالحرية و المسؤولية، و العولمة، .....
نتوما اقراوها و افهمو الدرس في ذاته و لذاته، احفظو شوي أمثلة و أقوال، و احفظو منهجية كل مقالة، و ما تضيعو ولا واحدة خاصة المقدمة و النقد و الخاتمة على خاطر كل واحد على 4. و ما تخافوش منها، تبعو الشيخ مليح و نحيو من بالكم السؤال الوجودي هذا تاع أصل الفلسفة. برمجو روحكم إيجابيا، ضرك تسهال، و هذا بالنسبة لكل المواد، كل ما حبيت مادة راح تفهمها و تتعود عليها. (اسمحولي هدرت بالعامية، بصح باش تفهموني برك، و لوكان جا عندي الوقت راني نعاونكم في الدروس اللي مازلت نتفكرهم شوي). المهم حاولو تركزو مع الأستاذ ولا الأستاذة و ما تناقشوهاش بزاف في أصل الفلسفة و تبينولها بللي راكم ما فاهمين والو، اخدمو معاها كي شغل مادة عادية ككل المواد. (طولت عليكم الهدرة بزاف اسمحولي، أنا راني 3 آداب و فلسفة و راح نفوت باك فلسفة بمعامل 6 ادعيولي ربي ينجحني و ينجح كل التلاميذ). و بالتوفيق.

شكرا ليك اختي والله غير رجعتيلي الثقة..
حبين نسئلك على الوحدة الاولى حنا كملنا منطق ارسطو وقرينا شوية حوايج كيما هاديك تاع الكلية السالبة والموجبة وماعلاباليش اذا كان ريايحين يدخلو فالاختبار ولا لالا والتعريفات ثاني
نتمنى ردك وشكرا مسبقا

[نونسا]

شكرا ليك اختي والله غير رجعتيلي الثقة..
حبين نسئلك على الوحدة الاولى حنا كملنا منطق ارسطو وقرينا شوية حوايج كيما هاديك تاع الكلية السالبة والموجبة وماعلاباليش اذا كان ريايحين يدخلو فالاختبار ولا لالا والتعريفات ثاني
نتمنى ردك وشكرا مسبقا

السلام عليكم
أختي هاذوك ما يجيوكمش في الاختبار، في الاختبار يمدولكم مقال جدلي حول المنطق الصوري و المنطق الاستقرائي و فيه تقدري تستدلي بهاذوك تاع أرسطو، (ما تتضمنه المقدمات تتضممنه حتما النتيجة) و مبادئ المنطق الأرسطي (مبدأ الهوية، مبدأ التناقض، الثالث المرفوع....). بصح هاذوك التفاصيل تاع مربع أرسطو و الآخرين ما تستدلوش بيهم كامل في المقالة.

[kader7989]

ههههه للاسف اخي قاع رانا كيف كيف

ما راني لاقف والو فيها

المهم هو انك حاول تقرى كاش مقالات باش تستفيد

انا راني ندير هاكا نقرى اقوال الفلاسفة و بعض المقالات

تقبل مروري شريكي