هل ستدرسون يوم الخميس؟؟؟

[✗ ┋ وَړْﮃَةُ آلـﭴَزآئـړْ ┋ ✗]

السلام عليكم ورحمة الله تعالى وبركاته



أولا عيدكم مبارك جميعا وكل عام وأنتم بخير


http://www.3zh.com/upfiles/ER397020.gif


اليوم جاتنا تعليمة باللي يوم الخميس كاين قراية

هوما كانوا راح يلغيوه ونعوضوه يوم السبت لكن قالولنا أرواحو بالخميس وديجا عندي فرض في العلوم

ماذا عنكم هل ستدرسون يوم الخميس أم سيتم تعويضه بالسبت؟؟؟

[MASSInickleback]

السلام عليكم
أحنا قالونا تقراو عادي
وما قالوناش على التعويض
--------------------------------------

[walid neymar]

احنا نقراو عادي
بصح ماناش رايحين

[zaki-93]

احنا نقراو عادي

بصح مانيش رايح

[nesrenita]

احنا قالونا اذا جيتو تقراو و اذا ما جيتوش عااااااااادي
و النتيجة ما راحش نروحو

[عبير الأزهار]

حنا نقراو عااااادي مي تفاهمنا كاااامل باه نا نروحوش

[ryma11]

حنا نقراو بصاح واحد مايروح و انا مانروحش

[samora28]

مناش رايحين

[Dark_princess]

حنا عوضنا يوم الخميس بالسبت

[نسمة النجاح]

نعم سندرس وبشكل طبيعي



واللي ما يحضرش عندو استدعاء

[ساحر النهى]

مازال مخممتش

[Deejay AlamaStyle]

slm oui nkraw pfffff

[هبة العلم]

صح عيدكم صحيح ندرس يوم الخميس نحن في ولاية غرداية

[racha2011]

عيدكم مبارك جميعا وكل عام وأنتم بخير
حنا كاين قرايا بصح انا مارايحاش اليوم تاني مارحتش ظربت عطلة تاع سمانة

[نسيم الجود]

نقراو عادي


ـــــــــــــــــــــــــــــــــــــــــ

عيدكم مبارك

[اشراقة ميمي الصبح]

حنا عوضنا الخميس نهار السبت
وزدنا اليوم لعشية ما قريناش

[moniah]

احنا نقروا عادي وغادي نروح

[نسمة النجاح]

عيدكم مبارك جميعا وكل عام وأنتم بخير
حنا كاين قرايا بصح انا مارايحاش اليوم تاني مارحتش ظربت عطلة تاع سمانة

راكم عايشين
la liberté

احنا تغيب غياب عادي تخلصها

2 ساعات ماتدخلش تقرا

ما ادراك بغياب متعمد

[سومية1]

كــــــــــــــــاينة قرآية بصــــح معلابــــــــــليش ادا نروح....

[nasser0]

حنا رايحين نعوضو الخميس بالسبت الجاي

[hichem ma]

احنا ما نقراوش

[nesrine-girl]

حنا قالونا تقرو عادي. مي هو اليوم الاساتذة نصهم ماكانش . كان التلميذ لي ما يحبش يجي درك عاد الاستاذ لي يعطل قبل الوقت نهار الخميس نروح نعيد على صحباتي برك كان قراونا نقرا

[✗ ┋ وَړْﮃَةُ آلـﭴَزآئـړْ ┋ ✗]

شكرا للجميع على المرور

أنا المشكل ماشي غير في نقراو

المشكل عندي زوج فروض يوم الخميس (رغم أنه أكدولنا ماكانش أكثر من فرض في يوم واحد)

يعني تعيد النهار الاول والنهار الثاني تقعد تقرا

[نرجس العطرة]

احن قالولن ارواحو كاينا القراية بص انا مانيش رايحا وديجا هدي اليومين ماقريناش القيسم كومبلي كاين بزاف الغيياب وانا مانيش رايحة نهار االخميس

[°واحد من الناس °]

يااااو واحد ميتفااهم كل وااحد يشووف وش يخرج عليه

لالا انا نرووح نهار الجمعة لخميس عيد



انا ديجا من الباارح العشية بلاااك للاحد في المساء

[اسلامي سر حياتي]

احنا عندنا غي الفرنسية والادب اللي اساتذتهم اهنا

ومانروحش بيانسور

وصح عيدكم

[poweryn]

حنا قالونا تقرو عادي

[constantinoise]

Saha 3idek Okhti Koul 3am Wnti bkhir anisi qu'a tt ls amis
7na na9raw bel Khmiss mais manich ray7a Mzartya mdrrr

[hadjer bou]

السلام عليكم عيدكم مبارك جميعا حاجة باينة كاين قرايا

[**مريم _22**]

اليوم الخميس الدراسة عادية مي الاغلبية ماحبش يجي

انا راح نجي محبيتش يفوتوني الدووووس

[°واحد من الناس °]

نهار الخميس راكم معروضين

[loujayne.r]

نقراو نورمال مي تفقنا منروحوش

[Halima92]

حنا نقراو عااااادي مي تفاهمنا كاااامل باه نا نروحوش

:19:.............................................. ........................................

[جلنار.ع]

حنا نظن بلي واحد مايجي واستاد من جناتي مايقريش بصح يحضرو على اساس التوقيع

[رحاب بن عودة]

صباح الخير ..
عيدكم مبارك و كل عام و أنتم بخــير ..
أعاده الله علينا و على الأمة الإسلامية باليمن و الخير و البركات

بالنسبة لنا فأخبرونا أن الدراسة ستستأنف بشكل عادي يوم الخميس
هناك من اتفق على عدم المجيء .. لكن بالنسبة لي أنا فسأذهب لأنه لا حجة لدي للبقاء في المنزل

دمتم بخير

[الفلاح المحترف]

صباح الخير ..
عيدكم مبارك و كل عام و أنتم بخــير ..
أعاده الله علينا و على الأمة الإسلامية باليمن و الخير و البركات

اتفقنا والاساتذة على عدم الاذهاب

[asmar&zizo]

في الحقيقة نقراو بصح ماااااااااااااا نقراااااااااااااااااااااااوش

[racha2011]

راكم عايشين
la liberté

احنا تغيب غياب عادي تخلصها

2 ساعات ماتدخلش تقرا


ما ادراك بغياب متعمد

حتى حنا واحد ما غاب غير انا يعرفوني قاريةو ما موالفاش نغيب تسما نجيب البيي كي والو ههههههههههههه

[رميساء27]

hna nekraw w rana rayhine 3anda devoir fel science et 1 TP on peut pas le rater

[فؤاضي]

صح عيدكم
احنا عوضناها السبت اللي فات ما نقراوش بالخميس

[✗ ┋ وَړْﮃَةُ آلـﭴَزآئـړْ ┋ ✗]

شكرا للجميع على المرور صح عيدكم

[SIRINE 2]

صح عيدك خوي
احنا رايحين نعوضوه بالسبت ومكانش القراية نهار الخميس....

[أمين تومي]

اللحم شكون يكلو كي نروحو الخميس

[algeria for ever]

صح عيدكم صحيح ندرس يوم الخميس نحن في ولاية غرداية


ختي من اي ليسي انتي في غرداية



بون حنا كيما موالف نقراو نهار لخميس:mad:

[الحمامة البيضاء]

عيدكم مبارك و كل عام و أنتم بخير
الأغلبية ماهمش رايحين و لكن كاين لي يلعبها حاب يقرا و رايح و أنا تتحتم عليا نروح خاطر ماما رااهي حالفا مدخلنيش كون يحطوني غايبة راهي كرهت من الليسي هاداك حفضوني و حفضوها مسكينة

[souri]

:D:D:D:Dl........................اللحم شكون يكلو كي نروحو الخميس

[imen-kima]

hna galoulna rwahou ta9raw mais tfahamna ga3 mandjouch

[سـ9هيد9]

نروح نقول للأستاذة صح عيدكم

[جلال المياسى]

لالا مناش رايحين كامل

[khadidja92]

salam saha 3idkom hna tani kalona takraw bsh makanch li rah

[ف الزهراء]

سبحااااااااااااااان الله


التلميذ تلميذ و حتى لو راح للقمر..........تلميييييييييييذ

قاااااااااااااااع تفاهمنا ما نجووووووووووووووووووش

[مروة الايمان]

صح عيدكم كااااااااااااااااااااااااااامل حتى حنايا مارحناش نقراو نهار عرافة كااااااااااااااااااامل لانو تفاهمنا و حتى نهار الخميس ماراناش رايحين تفاهمنا ما نروحوش نقراو

[مروة الايمان]

اصلا كااااااامل لي بروف فرحو كيما قلنالهم ماراناش جايين نقراو يوم عرافة و يوم ثالث عيد

[مروة الايمان]

انا نقوللكم بصحتكم لحم العيد و كثرو باه تزيدلكم الطاقه باه نكملو الطريق بصحة للبكالوريا

[constantinoise]

lol na9raw mé marohtech