خبز الدار للعيد

[ايمان2009]

السلام عليكم اخواتي و اخوتي الاعزاء
نحن يوم عرفة نطيبو خبز الدار ونوجدوه لنهار العيد
ارجو منكم افادتي بالوصفة
تقبلوا تحياتي و صح عيدكم

[التلمسانية]

السلام عليكم تحبي مطلوع ولا في الكوشة

[nicha]

انا نحب المطلوع بزاف خاصة مع الملفوف

[نسيمة37]

http://forums.way2allah.com/images/smilies/555.gif


اليك ما تبحثي عنه في هده الصفحة :
http://www.djelfa.info/vb/showthread.php?t=151926

[sofiane2075]

احنا تاني تديروه توم عرفة المقادير هي
خبز الدار الجزائري


400غ سميد
150غ طحين
1ملعقة كبيرة خميرة الخبز
1ملعقة كبيرة سكر
نصف كاس زيت
كأس حليب
قليل من الزبدة
بيضة
سنوج
ملح حسب الدوق
صفار بيضة مخلوط مع قليل من الحليب لدهن الخبز
التحضير:
نضع السميد+الطحين+الخميرة+السكر+الملح+الزيت وندخل جيدا المكونات فيما بينها باطراف الاصابع بعدها نلم العجين بقليل من الماء ونتركها ترتاح مدة 10دقائق،بعدها نحضر العجين ونعجنوه جيدا بالحليب و البيضة حتى نحصل على عجينة طرية وملساء ندهن صينية بالزبدة ونطرح فيها العجين ونتركه يخمر

وهده الصورة بعد ان اختمر ندهنه بالبيض المخلوط مع قليل من الحليب ونرشه بالسينوج

بعدها ندخله فرن مسخن مسبقا حتى ينضج يقدم في جزائرنا الحبيبة مع شربة فريك او حتى مع الحليب.
وشهية طيبة.

[nabila.ha]

مرحبا احنا عندنا ديري فرينة مع الدقيق تخلطيهم امبعد ديري خمارة انتاع الخبر و تمليهم بالماء يكون فاتر ماشي سخون ياسر و تعجينيهم لمدة ربع ساعة حتي تولي عجينة طرية و تمليحها و تزيدي تعجنيها شوية و امبعد ديري فرينة في القصعو و سمسلي العجينة و ديريها دوائر و تفطحيها و تخليها تطلع و كي تطلع تسخني طاجين على الشابي و طيبيها من الجهتين و بالصحة و الهنا انشاء الله.
صح عيدكم و كل عام وانت بخير

[espoire2020]

خبز الدار
2 كيسان حليب دافي
2بيض
كاس زيت مش معمر
2 مغارف كبار خميرة فورية
مغرفة ملح
فنجان ماء زهر
كمشة جلجلانية
كمشة سينوج
الفرينة تقريبا كيلو
الطريقة
تضربي البيض+حليب+ماء زهر+خميرة مطلعة في شوية حليب+الفرينة بالتدريج ملح جلجلانية +سينوج و تعجنيه مليح
تغطيه و تخليه يطلعو كي يطلع كسريلو الطبلوع و زيدي خليه يطلع و مبعد قسميه على زوج و قرصيه و دهنيه بالبيض و خليه يطلع و ذرذري عليه السينوجو لوحيبه يطيب فالكوشة