ياليت حزني مجرد دمـع وابكيـه [الأرشيف] - منتديات الجلفة لكل الجزائريين و العرب

ابو عامر77

2010-11-11, 02:04

يا شيبي والشيب فيا بان اشهب** وانا شيبي سبتو مبروم الناب
صدت عني ما توليش اترقب ** ودرقت عني كي النجمة وسط سحاب
وراحت عني كي الوحش اللي هارب ** وطارت عني كي الوعلة في لعلاب
مثل الشمس اوضوها عنا غرب ** واتمسات اوضوها في الظلمة غاب
حرقت قلبي ما نضنش يطبب ** ونحتلي ذي الجواجي بالكلاب
سيدي ربي نزل قضاة وكتب ** وليام اللي عدها ثاني حوساب
خبر مشوم اوفيه عواس اتقلب ** وناس الصحرا هادة شايب وشباب
ويوم الشدة ياك من شاوو مقضب ** وتكثرلك فيه المحاين والتشقاب
وتولي لك كل حاجة تسبب ** تقبلها بالسيف وانت ماكش حاب
دمعت عيني كي الويدان تهذرب ** ولا سيل وجايباتو ذي لشعاب
من هاذي ليام اللي تتقالب ** والوقت اللي عاد يسبب تسباب
ربطوني بكتاف واشداد تقلب ** لا نوم ولا ماكلة عادت تطياب
وردوني من هيه في الرجعة خايب ** واتخبل ذاك الغزل بعد التكباب
سيدي ربي راه عبدك يتعذب ** قلبوا شاعل فيه من داخل مشهاب
نتوسل لك شوف ليا كانش طب ** نتعافى يا خالقي راني مصاب
ملي فرقت ريم الصحاري عقلي خب ** والشارد عليه دار الوقت وتاب
راها جات اليوم في فم المشرب ** وغدرتني مانيش داريها تصاب
والمكتوبة تدرك الوحش الهارب ** وكي تلحق لك يتغلق قداش انباب
تلحق ولا انت تروحلها غاصب ** وبلا وعد اديرلك ميعاد اصواب