أكل يوم أول عيد الأضحى [الأرشيف] - منتديات الجلفة لكل الجزائريين و العرب

أم معاذ أم معاذ

2010-11-10, 12:51

حبيت نعرف كل واحدة وش دير اليوم الأول تاع عيد الأضحى غدا
علابالي شوا
بصح كل واحدة عندها طريقتها
و أمر آخر وش ديرو معاه
سمعت كاين لي يديرو سلاطة مشوية ولا سلاطةى
أرجو الإجابة

عائشة حسان

2010-11-10, 12:54

احنا نديرو شواء على الغاز وعلى الفحم وسلائط و فريت و فواكهوووووووووو

امونة28

2010-11-10, 12:57

نديروا الشربة و ساعات ما نديروش ندييروا شوا وحدوا

ليال122

2010-11-10, 15:25

احنا نجتمعو عند العائلة لكبيرة ونديرو شوا على الفحم للحم ونديرو ملفوف بالكبدة وباقي الدوارة نديرو بيها كمونية ومننساوش الديسير

sofiane2075

2010-11-10, 15:28

احنا نديرو الشوا و العشية بوزلوف

ريتاج الجلفة

2010-11-10, 15:52

حنا لا استغناء عن الكسكسي
نقلو م الدوارة على العشرة وكاين لديروا الكبدة ملفوف

والغدا الكسكس بالكابويا واللفت ضروري مع الفول المفور واذا كان الترفاس كونجلي يديروا الترفاس
فلفلة حارة مقلية
والعشية يقطعوا الشاة ويشوا البوزلوف ويخبوه

وفي الليل ديروا شربة و ودوارة سلاطة خضرا

وكاين لديروا البوزلوف في الليل

nouhati

2010-11-10, 15:57

انا في النهار ندير كبدة مشوية و المصارن و الكرشة نقليهم بالثوم و الكمون و في الليل ندير الشواء و البوزلوف نطيبو في الليل وناكلوه للغدوة نديرو بيه شطيطحة طبعا مع سلايط و الرقساس

أم معاذ أم معاذ

2010-11-10, 16:08

الله يبارك فيكم الكل
و الله غير كاين تنوع في الغدا
كل واحد حسب المنطقة تاعو

نينا الجزائرية

2010-11-10, 16:44

حنا نشويو المرقاز وفريت و شلاضة
وحشية زليف شطيطحة
غدوا مناك الشواء وبكبوكة ولا عصبان
لكن اكثريتها عصبان
صحيتي علي موضوع

بسمة حنان

2010-11-10, 18:00

هنا نديرو مشرملة بالكبدة و نقلو المصران و سلاطة طبعا و في العشاء نديرو شوا و الغدوا من ذاك نديرو الكسكاس و نكثرو اللحم لانو اي وحد يدخل علينا لازم يدي قطعتو

ام احمد

2010-11-10, 18:29

اما انا كل عام كنت مع دار الشيخ نديروا شوا الكبدة مع لواحقها بالهريسة و المايوناز .....و في الليل البوزلوف و الدوارة طبعا واحد ما ياكل نتغداو بيه ثاني يوم
اما هذا العيد وحدي مع اسرتي الصغيرة لا ادري ماذا افعل ارجو مساعدتي.......................

أم جمانة

2010-11-10, 19:05

السلام عليكم
في بيت بابا أحنا نفطرو على الكبدة و في الغدا نديروا المصارن و الطحال و الرية شوية شوية ونقلوهم بشوية زيت و ثوم و توابل و ملح سلطة منوعة و فواكه ومشروبات طبعا مع خبز الدار
و في الليل نديرو بكبوكة و إلا الراس و إلا شواء على الفحم
لغدو ندير كسكس ونكثرو اللحم و في اليل غالبا شواء
عند بيت شيخي نتغداو طاجين الزيتون سلطة فواكه بخبز الدار و في العشاء الراس
وثاني عيد كسكس باللبن سلطة مشروبات
لكن هذا العام راح نذبح في داري و راح نطبق واش كنت ندير في دارنا
و الله أعلم

أريج الكوثر

2010-11-10, 19:15

احنا نديرو مشرملة بالكبدة ونقليو المصارن وباقي احشاء الخروف
وفي العشاء نديرو بوزلوف أو شواء
وفي الغد نديرو كسكس لخاطر الضيف اللي يجي لازم يدي قطعة لحم

wassila21

2010-11-10, 19:33

حنا للغذاء نديرو الكبدة و القلب و الكلى مقلية مع البيري و السلايط و الفاكهة ، و في الليل شطيطحة بوزلوف
و ثاني يوم العيد للغذاء عصبان معمرة بالمصران و الرئة مع المرقة والكسكس، و في الليل الشواء

و إن شاء الله يحل علينا العيد يالصحة و العافية

ناشدة السؤدد

2010-11-10, 21:31

اليوم اللول الصباح الكبدة و في الليل الراس

و الغدوا الصباح بربوشة و في الليل الشوا و اللي حب يزيد كاينة البربوشة

salisali

2010-11-10, 21:44

في خنشلة نديرو للغداء الشواء والكبدة ونقليو الدوارة و في العشاء الكسرة و الكمونية و المشروبات

جيجلية

2010-11-11, 13:37

احنا ىفي جيجل نديرو الشواء مع الفريث والسلاطة وفالعشاء نديرو بوزلوف كاين اللي ياكله وكاين اللي ميحبوش ونديرو المخ مع الفريث والمعدنوس والبيض قيس 2عباد
وثاني عيد نديرو الطعام

في خنشلة نديرو للغداء الشواء والكبدة ونقليو الدوارة و في العشاء الكسرة و الكمونية و المشروبات
حبيت نسقسيك واش هي الكمونية

ICHA201

2010-11-11, 13:44

في الفطور نديرو الكبدة مقلية و الفريت و السلاطة.
وفي الليل نتعشاو بالزلوف و العصبان.
حتى غدوا من ذاك باش نديروا الشوا مع الصباح و الفطور طعام بالكتف.

نور الصفاء

2010-11-11, 14:25

احنا نديرو ملفوف (الكبدة+الشحم)فوق الجمر و في الليلل نديرو الدوارة
و الغدوة نديرو الشوا
صح عيدكم وكل عام وانتوما بخير .......و ماتنساوش صيام يوم عرفة

ilhem31

2010-11-11, 14:41

احنا نديرو صباح العيد لمسمن والكبدة ملفوف و نرسلو للجيران و هما يرسلولنا و العشاء كامل العايلة تتجمع في دار جدي لمة هايلة و غدوى نديرو لي كوت و فالليل الشوا مع السلايط طبعا و ديسير و بلا ما ننسو لقازوز
عيدكم مبروك

شجرة صامدة

2010-11-11, 14:56

احنا نديرو في الصباح الكبدة ملفوف و في الغداء نديرو الدوارة حارة

أم معاذ أم معاذ

2010-11-11, 15:46

ربي يجازيكم خير
بالنسبة للأخت جيجلية لي سقسات على الكمونية
إحنا عندنا الكمونية تجي بالرية
نشويها شوية
و تديري لاصوص و تزودي فيه الكمون
و من بعد تحطي الرية المشوية أو المقلية فيه
تزيد تطيب شوية
و شهية طيبة
لكن أنا ولا مرة طيبتها
بالك نجرب هذا العيد

biba hanouna

2010-11-11, 17:58

اليوم الأول ملفوف الكبدة الصباح و في العشاء نديرو الدوارة

chaymoum-17

2010-11-11, 21:06

حنا نديرو الكمونية ياك تعرفوها ب الكبدة والكمون الاخضر والفلفل الاخضر الحار والكسبر اخضر بلاصوص احمر ولعشية ندير المفور فالالمنيوم يعني دوارة طايبة ف الما والملح مليح + بصل + ثوم + زيتون اخضر+ملح+فلفلاسود+ ملح+شوي زيت+فلفل اخضر حر وحلو مقطعين وطماطم حبات مقطع وشوي قارص شرائح ونخلطوهم مع بعض ونديروهم ف الالمنيوم ونفوروهم على البخار ومن بعد نشويوهم ف الكويزينيار وشهية طيبة

كريمة عضو جديد

2010-11-11, 21:32

احنا في اليوم نديرو كبدة نسموه الملفوف ونزيدو المصارن نقليوهم بعد مانكونوا طيبناهم في الماء والملح اومبعد نقليوهم في شوية زيت مع الثوم والبصل يجيو هايلين ومع العشاء نديروا الشواء مع السلاطة والسلاطة المشوية والفواكه والمشروبات
وصحا عيدكم كامل
وتعيدوا بالصحا والهناء ان شاء الله

التلمسانية

2010-11-12, 18:39

احنا في كي ندبحو اول حاجة ناكلو الكبدة ملفوف ونعاودو الفطور نعملو المحمر وفي العشاء الشوا

ام انيس2

2010-11-12, 19:13

احنا نديرو الشوا و العشية بوزلوف

أم معاذ أم معاذ

2012-08-17, 13:19

ربي يجازيكم خير كل من مر من هنا و أخبرنا عن عاداته

sarra5

2012-10-25, 10:37

http://i452.photobucket.com/albums/qq243/sayedmido6/8.gif

zizou93

2012-10-25, 13:25

انا اصلا مانخليهمش يديرو غداء

الخروف معلق وانا قدامو بالسكين نقطع

انا مانصبرش كي يكملو تلقايني انا وجدت الشواية شعلت لفحم

ونستنى فاللحم يجيني

من بعد هومة يقليو شوية دوارة

وفاليل ثاني نديرو الشواء

والغدوة هاذيك نديرو بربوشة "كسكسي" بالعصبان

sweet Giirl

2012-10-25, 13:27

احنا في اليوم الاول في الغداء نقلو الكبدة والفريت وسلاطة
والعشاء دوارة
واليوم الثاني في الغداء شوا و سلايط
والعشاء شطيطحة لحم

farah16

2012-10-25, 13:51

في الصباح إما ان نكون حضرنا الشخشوخة (بصراحة أمي ) من قبل و بالتاي نضيف فقط السلاطة و الكبدة مشرملة أو تحضير شربة و أطباق خفيفة اخرى مع الكبدة المشرملة و في العشاء البزولوف
و صح عيدكم وبصحتكم الكبش

zizi.chocho

2012-10-25, 15:10

احنا نديرو شواء على الغاز وعلى الفحم وسلائط و فريت و فواكه

jackin

2012-10-26, 09:54

الله يعطييييييييييك الصحة

panpouna

2012-10-26, 09:58

صح عيدكم كامل..انا راني نستنى وقتاش يكملو الدبيح باش نقوم بلحالة حنا النهار اللول نديرو ملفوف فلفطور و شلاضة و فريت و فلعشا عصبان و شطيطحة زليف ولا نحمروه

اميرة القمر

2012-10-26, 11:59

للغداء نديرو كبدة مشرملة مع بطاطا مقلية و سلطة اما العشاء نديرو عصبان و دوارة و بو زلوف

imaneima

2012-10-26, 14:50

السلام عليكم وعيدكم مبارك اولا
احنا نديرو الغدوة ان شاء الله كسكسي ونكثرو فيه اللحم بزاف
مع سلطة الخضراء +فلفل مقلي + الشواء مع ديسار