نزاهة مسابقات التوظيف

[شريان الحياة1988]

هذه اول مرة ساجتاز فيها مسابقات التوظيف و نحن نعلم خفايا الرشاوي و البيروقراطية اريد ان اسال هل هذه المسابقات نزيهة ام انها لا تخلوا من البيروقراطية ؟

[الكاتالوني]

هههههههههههههه سؤال جميل جدا عجبني بزاف
طبعا يا آنسة كل شيئ بالبيروقراطية لا أقول الرشوة لأنها نادرة نوعا ما ولكن المعرييييييييييفة لازمة صراحة وبلا بيها ما ديري والو
bonne chance

[sans_fil]

3lah déséspéré fiha, ?

madirich 3lih oukhti , passer tes concours w thiktek f rabi .

et pour toi mon frére , si tu pense que almatch mebyou3, pourquoi tu garde l'éspoire et tu inscrit dans des sites comme ce forum ? ,

normalement pour écouter les nouveautés sur les concours sah ?

mais d'un coté tu as dit toute de suite que koulech bel ma3rifa ? sah ?

alors , hchemt ngoulek wach rak dir hna .

[shakip39]

انا نعرف أصحاب عندي ياسر نجحوا بلامعريفة وكلاسوا من لولين فرضوا اجاباتهم على المصحيين اذا المعريفة وجدت مش راح تكون في كل المناصب لأنها اذا ولت كيما هكا راهي الأدارات كلها ماهيش تخدم

[القمر نور]

السلام عليكم أختي
العام الماضي شاركت و قدر الله لي أن لا أنجح ولكن هنالك 4 صديقات مقربات بلا معريفة بلا رشوة نجحو
ادعي ربي وتوكلي عليه و اقراي وربي ينجحك لان رزقك لي كتبولك ربي واحد ما ينحولك انتي المهم اجتهدي و وكلي ربي
ربي ينجحنا أجمعين

[ازهار26]

أختي توكلي على ربّي و روحي جوزي ولي كاتبها الله عزّ وجل واحد ما يقدر ينحّيها
بالتّوفيق ان شاء الله

[messinho]

انا ربحت كونكور نتاع أستاذ بلا معريفة مع اني متخرج في 2010

[شريان الحياة1988]

شكرا لكم ..جزاكم الله خيراااا

[guessmohamed]

السلام عليكم
هناك المعريفة بصح شيئ بدون غذن الله عزوجل
توكلي على الله وامضي وفقني الله وإياك وجميع المشاركين

[aziza-br]

بسم الله الرحمن الرحيم
السلام عليكم ورحمة الله وبركاته....................
أختي ، توكلي على الله وحده وستنجحين بإذنه سبحانه، أما " المعريفة " كلام فارغ لا أساس له من الصحة ، الرزق بيد الله سبحانه ولا أحد يعطيه غيره.
اعرف عدد كبير من الذين نجحوا بدون " المعريفة " و"الرشوة" .

[brotherhood]

الرد من موضوع آخر :

كما يقال إذا عرف السبب بطل العجب ...


لقد تم منع المركز الجامعي بالبويرة من إحتضان مسابقات التوظيف ...و السبب هو أنه في المسابقات التي جرت العام الماضي كانت هناك مسابقة الخزينة و مديرية أخرى في نفس الوقت ....يعني في نفس الساعة .... وعند الإعلان عن النتائج ضهرت إسم فتاة في كلتا المسابقتين و هي معروفة أنها زوجة احد العمال في المركز ....
سبحان الله ...

يعني الوظيف العمومي قال للأمين العام للمركز ...." راك مرgتها بزاف" ...هذه الواقعة تدل الكثير .... و ما خفي أعظم ..

كهكهكهكهكه ؟؟؟؟؟؟؟

[tounizak]

كل واحد ماياكل غير مكتوبو .

[الكاتالوني]

السلام عليكم
أتفق معكم في أن التوكل على الله هو أساس النجاح وكذلك الزاد العلمي والمعرفي مفيد جدا ولكن الواسطة والمعريفة من الأسباب التي يجب العمل بها الله غالب هذا هو واقع البلاد
أنا شخصيا لو كانت هناك مسابقة مثل الماجستير أو غيرها ووجدت معريفة تقدر دخلني أكيد راح نعتمد عليها طبعا بعد الله عز وجل لأني واثق من نفسي وعارف أني نستحق ذلك المنصب فإذن بالمعريفة مش راح يديلي واحد غبي مكاني الذي أستحقه
سلاااااااااااااام

[elryme]

لا مرد لقضاء الله هو المعطي المانع لا سواه
فالحمد لله على ما فضله علينا خيره وشره
ان كان خيرا فرحمة من عنده نحمده و نشكره
وان كان شرا فابتلاء من عنده ندعوه الفرج القريب

[aabdelkader]

ومن يتوكل على الله فهو حسبه

[ღ♥ღأهمـ واحدღ♥ღ]

والله كرهنا خلاص رانا نفوتو في الامتحانات ولا شئ ......أنا بديت نتاكد أنها معريفة ورشوة ...............وفقط

[bibo1520010]

kayen rabiiiiiiiiiiiiiiii

[الديك الأسطوري2]

سبحان الله وبحمده
نتفكروا ربي غير في أوقات كيما هذه ونقولوا توكلنا عليه وكل واحد ياكل واش مكتبلو لكن هذه سنة الحياة ابتلانا به الخالق ليقيس مقدار صبرنا من خلال المحسوبية التي تخدم القليل من الناس
أنا نقول بلا معريفة ماكنش الخدمة
العام اللي فات درت الإمتحان في البويرة ونجحت في الكتابي مع العلم أني جديد الطموح لكنهم وباعتراف مسؤول بالمركز أنهم خدموني في الشفاهي وأعطاوه لزوجة موظف عسكري كانت تعيطلي باه نعتلها في الكتابي وبعدها حلفت لنعقب امتحان
فأين المنطق هل فتح الطريق لمستقبل جديد يريد أن يكون نفسه أم زيادة الخير خيرين لواحد ليس من حقه
كلش بالمعريفة والشمس ماتتغطى بالغربال يا أخوتي الكرام

[imed bb]

bonne chance

["راجية الجنة"]

انا ثاني هدي اول مرة راح نعقب فيها مسابقة توظيف
متوكلة على ربي سبحانوا وبقراتي ثاني

ربي وفقنا جميعا

[bassemboubi]

machi ghir naziha khoya gadam dok rassak ya7bassss

[best.2b]

ديري اللي عليك و الباقي على ربي ....