مشاهدة النسخة كاملة : الجزائر غامبيا ..التحليل و التوقعات ..للمشاركة
يقدم نهار اليوم فريقنا **الكومندوس** على خطوة ستكون في نظر الجميع النقطة الحاسمة في مساره نحو التأهل من عدمه الى كأس العالم و بما أننا في منتدانا الغالي جزائريون و عرب سنكون حاضرين قلبا و قالبا مع فريقنا الجزائري
و الباب مفتوح للتحليل و المناقشة و سأطرح بعض الأسئلة:
1/ ما رأيك في المقابلة عموما؟
2/ هل ستكون مقابلة لاعبين أم مدربين أم الاثنين معا؟
3/ هل تعتقد أن مبارات ليبيريا كانت **ضربة حظ** و مشات أم سيؤكد فريقنا تفوقه؟
4/ مالنتيجة المتوقعة للمبارات؟
و حظ سعيد لرفقاء زياني............
tarek100
2008-06-14, 13:58
1/ ما رأيك في المقابلة عموما؟
مقابلة ثأرية
2/ هل ستكون مقابلة لاعبين أم مدربين أم الاثنين معا؟
الاثنين معا
3/ هل تعتقد أن مبارات ليبيريا كانت **ضربة حظ** و مشات أم سيؤكد فريقنا تفوقه؟
لم أشاهد المباراة
4/ مالنتيجة المتوقعة للمبارات؟
0-0
tareek:1:
شكرا يا طارق بالصح راك مكش متفائل؟؟؟؟
بالصح علاه ما تفرجتش الماتش لي فات مع ليبيريا؟؟؟
أنا ماتفرجتوش خاطر فوتاتو الأرضية برك و Art زلاتنا....
الكهف الجزائري
2008-06-14, 14:15
1/ ما رأيك في المقابلة عموما؟
مقابلة صعبة
2/ هل ستكون مقابلة لاعبين أم مدربين أم الاثنين معا؟
الأقوى واللي يركز يفوز
3/ هل تعتقد أن مبارات ليبيريا كانت **ضربة حظ** و مشات أم سيؤكد فريقنا تفوقه؟
اصحاب الخبرة والجانب البدني
4/ مالنتيجة المتوقعة للمبارات؟
الجزائر غامبيا 1-1
آآآآه يالكهف المحترف...تسمى راكم متفاهمين على النيل *التعادل**
بالصح على الأقل انت حطيتو تعادل ايجابي
tarek100
2008-06-14, 14:32
الماتش راه سامط من دركا
نخلي بطولة اورويا ونتفرج في الجزائر
صراحة راك مريض
واسمحلي انا خويك
tareek:1:
بيني و بينك وقيلة عندك حق...يتبع الواحد سبانيا **الأندلس بكري** تسمى كللي الفريق نتاعن تاع بكريا **نبلعطو رواحنا شوية**
ليتيم مراد
2008-06-14, 14:42
ما رأيك في المقابلة عموما؟
ستكون على خوف من طرف غانبيا بسبب ماقدمه الفريق الجزائري أمام ليبريا
2/ هل تعتقد أن مبارات ليبيريا كانت **ضربة حظ** و مشات أم سيؤكد فريقنا تفوقه؟
لم تكن ضربة حظ الأهداف كانت في المستوى واللاعبين كذلك وحتى ليبرييا كانت تهرول وراء الكرة فقط
3/ مالنتيجة المتوقعة للمبارات؟
ستكون إيجابية وبفارق هدف ( 2-1)
وإن شاء الله هذه المرة بخطوات ثابة نحو كأس العالم
/ ما رأيك في المقابلة عموما؟
مبارة ثأريو تصفية حساب
2/ هل ستكون مقابلة لاعبين أم مدربين أم الاثنين معا؟
الاثنين معا
3/ هل تعتقد أن مبارات ليبيريا كانت **ضربة حظ** و مشات أم سيؤكد فريقنا تفوقه؟
لا بل سيؤكد فريقنا قوته
4/ مالنتيجة المتوقعة للمبارات؟
1-0 فوز الجزائر بضربة جزاء
وان شاء الله فوز
و أخيرا واحد يطلع المورال
بارك الله فيك خويا مراد ....زعيييييييييم
و تحيا سبانيا باه مايزعفش طارق
فوررر ياسر هذي يا نصرو خويا 1-0
و بضربة جزاء؟؟؟؟؟ ايييييييييييييييييييه بارك الله فيك
من فمك لربي
وفيك برك الاخ ولا تبخل علينا بقلمك الاخ واصل تميزك
لا شكر على واجب حاضرين و بربي نشالله طالعين
Si Non يروح الواحد يدرق راسو خاطرش يخدم معايا واحد مصري و راني متراهن معاه بللي الدزاير تدير نتيجة و تتلاقى مع مصر في المجموعات الجاية و نعطوهم طريحة مليحة
tarek100
2008-06-14, 14:57
ان شاء الله تربحو
tareek:1:
مهندس معماري و خدام في أبوظبي .......متشرفين يا سي طارق و نصرو و مراد و خاوتي قع
نشالله نربحو علاه راك تقول تربحو و للا مكش منا يا سي طارق؟؟؟؟؟؟؟؟
الكهف الجزائري
2008-06-14, 15:09
ديروا في بالكم نذير بلحاج مايلعبش
ان شاء نربحو كونترا في طارق
أخ الكهف الجزائري نعرف أن نذير لن يعلب المبارة وذلك بسبب العقوبة وا ستبدل بزرابي
laghouati
2008-06-14, 15:18
كرعين المعيز 3 -غامبيا 0 إذا شتا ربي
الكهف الجزائري
2008-06-14, 15:20
زرابي راه نارفوا بزاف وعنتر راه مصاب
tarek100
2008-06-14, 15:23
راهم يربحوا بحال
بعيدة
tareek:1:
ياخويا بيه و الا بلا بيه رابحين نشالله
نهاية مبارات مصر مع مالاوي
و مالاوي تهزم مصر ب 1-0
ااااااااااااالعب ياسيدي مالاوي ياو
tarek100
2008-06-14, 15:27
رانا نشوفوها
tareek:1:
ياخويا مع الدزاير رابحة و الا خاسرة
و حنا نقولو بربي رابحة و Au Moin النيل 1-1
tarek100
2008-06-14, 15:44
استنا التعادل
والنيل راه في مصر
ههههههههههه
tareek:1:
الكهف الجزائري
2008-06-14, 15:48
مصر راهي في مجموعة ميتة
لكن أحنا حالنا صعيب واللعب تلاحظوا راه تغير من طرف اللاعبين عندنا فريق لابأس به طبعا اللي يعرف الكرة مليح لعب سريع وتركيز وقوة اللعب وتغيير الأماكن ماهيش كيما الفرق الأخرى يبقاو في أماكنهم حتى يكمل الماتش وبربي تكون النتيجة في صالحنا
ربي يسمع منك خويا كهف الجزائري
ياخويا طارق تقول راك شاريها لليكيب تاع الدزاير و شاتيهم يخسرو لربي
tarek100
2008-06-14, 15:59
ما يعرفوش يلعبوا
واش ندير
tareek:1:
الكهف الجزائري
2008-06-14, 16:06
لو تتقنوا الكرة مليح تعرفوا بلي يخصهم خطة وتربصات كثيرة حتى يوالفوا ببعض
خبر تعيس للي ماعندهمش art
اليتيمة مش راح تفوت الماتش خاوتي
و هاهو ليكم رابط البرامج http://www.entv.dz/ar/Programmes/index.php
اللي مهتم بالماتش ماعليه غير بال Sopcast
tarek100
2008-06-14, 16:10
ما كانش منها
تهنات القرعة من حك الراس
tareek:1:
نتا مكش لاهي ليوم سبانيا تلعب عنك الحق
و كيما قال الأغواطي كرعين المعيز ما يهموكش....بالصخ خويا حنا معاهم قلب و رب و ما عليش يخسرو و يجو المهم نشوفو علام الدزاير يدور
الجواد الغريب
2008-06-14, 16:22
المقابلة ستكون تنافسية الفريق شاب ويملك مهارات ولكن نقصه الخبرة المدرب رابح سعدان غني عن التعريف وخبرته طويلة ولكن اللاعبين في الميدان هم اصحاب الكلمةالاخيرة
انشاء الفوز للمنتخب الوطني
ششكرا يا جواد على التعقيب
المباراة من المفروض منقولة على ال ART
كود ارتي سبور
ART NILE SAT IRDETO2 60400 13-06-2008 exclusive najmsat.com
KEY06:9F032228173E7D5A0A49914D0016814C ==> ACTIVE
رواندا تسحق المغرب 3-1
و مالاوي تهزم مصر بطلة افريقيا 1-0
Alez Les Verts
اللهم لا شماته ياخاوتي الخبر للمعلومة برك و لشد الهمة و ليس للشماتة
الجواد الغريب
2008-06-14, 18:22
شكرا نايل على المعلومات وانشاء الله الفوز للمنتخب الوطني
ياخويا بلاد الناموس و المالاريا راها غالبتنا 1-0 و الدقيقة 65
الله يستر..ياربي كون معانا
النتيجة النهائية للقاء 0 الجزائر و 1 غامبيا
ان شاء الله في المباريات القادمة يفرحونا وكونا نستاهلو على الاقل تعادل معليش الحظ.... خسرنا من ظربة جزاء
الجواد الغريب
2008-06-14, 21:10
والله كنت متفائل بنتيجة اللقاء انها ستكون لصالحنا لكن هذه هي كرة القدم
rachid alfa
2008-06-14, 22:46
بال عافيه .... مزلنا في الوكسه
tarek100
2008-06-14, 22:52
واش
قلتلك ما يعرفوش
ماصدقتنيش
أنا راني خايف نفرح
tareek:1:
ياخاوتي قتلتني القنطة...بالصح ربي كبير و ما فيه غير الخير ...معوضينها بربي نشالله
و كي تشوف ضرك صار عندنا فريق ..مش مهم انو يخسر لأن مصر بطلة افريقيا و خسرت مع فريق مطحون **مالاوي** اللهم لا شماتة لكن هذا للقول أن فريقنا راه بدأ يتكون و يمشي صح و ليس كالسابق أين كان يتمشى بدعوى الخير اللي ماكفاتوش للذهاب حتى لكأس افريقيا
rachid alfa
2008-06-15, 13:13
يا خويا ان شاء الله يكون المنتخب كيما اتقول
مازال الأمل في ربي سبحانو
حتى .... مسيرين تاع الفاف راهم فالطريق و طبعا معاهم السي حمراوي
vBulletin® v3.8.10 Release Candidate 2, Copyright ©2000-2025, TranZ by Almuhajir