انا مجتهدة في القسم ولكن انفاطي اتواعي...

[الحياة نجاح]

ياجماعة عاونوني الله ايخليكم
انا تلميدة في سنة2 علوم ط انا مجتهدة في المدرسة والله انا دايما انشارك الحاجة لميعرفوهاش هما انا نعرفها مسبقا نقرى في دار وربي شاهد اعلي ونفهم اخير منهم كامل والله
ولكن من درنا الفروص مجبتش كامل امليح ماشي مستوى اتاعي
في الفيزياء انا كنت دايما انخل اتمارين اخير منهم انا ولاولى ولكن انقولكم اشحال جبت في الفرص 12.75 برك ماشي مستوى اتاعي
والعلوم تاني انا الاولى ولكن في القرص جبت 13.5
والرياصيات ياااااوختي انا نفهم ولكن جامي نوصت لسبورة انخاف نغلط جبت فيها 8.5
راني في حال وفرونسي 14 انا كنت دايما الاولى فيها ولان راني الاخيرة بهدوا انقاطي لجبتهم عاونوني كفاش اندير انا منركزش اخلص
وفقت الامال كفاش انحسن المعنويات اتاوعي ونقاطي اتواعي...........:o

[موحدة الله]

اختي عادي متقلقيش وارجعي للفروض وشوفي الاخطاء لي درتيها وحاولي متكريهاش مرة اخرى وادعي ربي باش يوفقك في الفروض القادمة وحاولي توطدي علاقتك بالله تعالى لانه هو الموفق وتوكلي عليه دائما وفي الفروض القادمة حاولي تركزي اكثر وما تتسرعيش ومعنوياتك
خليها مرفوعة وان شاء الله تخدمي في الفروض لي بقاو
سلااااااااااام

[موحدة الله]

اختي اليك هذا الموقع ان شاء الله يساعدك
http://www.studygs.net/arabic/index.htm

[لؤلؤة الجنوب]

wollah kamel ana met9al9in men les notes mé ga3 nass 9alo bel 2eme année s3iba w il faut tet3bi fiha pr l'année prochaine w premier trimestre kamel net9al9o meno ma3lich diri possibl ta3k 2eme trimste wmaykon ghi lkhir nchallah

[الحياة نجاح]

انشاء الله وشكراا والله رفعتوني المعنويات

[*أســيـــــرツالــبــســـمـــة*]

أختي الكريمة ماتتقلقيش من هاذ الفروض
الفروض تاع الفصل الأول ديما تكون علاماتها ناقصة
العلامات تاعك ماعجباتكش
لكن ماتخليهاش تقلقك
و كيتكوني تجاوبي في الورقة تاع الفرض أو الإمتحان
ديري روحك كأنك تلعبي في لعبة
و ماتخليش الأسئلة يخوفوك
و لامديتيش علامة مليحة ماخلاصتش الدنية
بلعكس حاولي باش تحسنيها و تودعيها
و كيما قالت الاخت لؤلؤة الجنوب
راهي غالطة
السنة 2 ثانوي ساهلة
و ديروا فبالكم بلي كلشي ساهل
لكن لازم نعملولو مليح
و ماكانش حاجة ماهيش رايحة تجي
سلاااااااام

[خولة94]

عليك ..عزيزتي بالتفاؤل خيرا عسى ان تجديه ......ولاتحزني كما تعرفي مزالنا في بداية العام الدراسي وهدا الفرض الاول فقط .......... وستتحسنين في الفروض والاختبارات القادمة ........... انا مثلك كانت علاماتي غير مرضية ... لكن هدا يزيدني اصرارا على تحقيق نتائج افضل وافضل ..... في الاختبارات القادمة ..... وحض سعييد اتمناه لك

[الحياة نجاح]

شكراااااااااااااااااا لكم

[Abdel Moumene Djabou]

الله غالب راني كيما انتي

عندي 4فروض نهار الاحد والله ماقدرت نشوف كراس

يا ربي وفقنا

[abdou_dz94]

:19::19:هذا هو المشكل نتاعك وهو عدم التركيز اقول لك ارجعي الى اوراق الفروض وسوف تجدين ان هناك اخطاء صغيرة وهذا لقلة التركيز وارجو منك عدك التفكير في اي شيء عندما يكون الاستاذ في الشرح وشكرا:19::19: تفائلوووووووو خيرا تجدوه:1::1:

[*أســيـــــرツالــبــســـمـــة*]

:19::19:هذا هو المشكل نتاعك وهو عدم التركيز اقول لك ارجعي الى اوراق الفروض وسوف تجدين ان هناك اخطاء صغيرة وهذا لقلة التركيز وارجو منك عدك التفكير في اي شيء عندما يكون الاستاذ في الشرح وشكرا:19::19: تفائلوووووووو خيرا تجدوه:1::1:

عندك الحق خويا
أنا الفرض الفارط جاوبت على سؤالين في ورقة الوسخ و كان صحيحا
لكن لم اكتبه في ورقة الإجابة
سلااااااااااام

[النجم رابح]

لكل حصان كبوة ولكل عالم عثرة
المهم إعلمي أن النقطة ليست مقياسا لمستواك
كل ما في الأمر أن لا تجعلي النقطة هدفا لك من التعلم
فكلما تعلمتي كان خيرا لك النقطة تأتي لوحدها

[سومية1]

شــــــــــوفي ختي المهـــم ما تديـريش في بالـــــــك بلي راكي وحدكــ لي يصرالك هـــاك و لا خلاص متـقدريـش تجيبي مليـح مهما خدمـتي و مهما قريــــتي
نتـــــي كملـي قراي و اخدمـي واش تقدري و فالفروض مثلا ماشي ادا معرفتيش حاجة و لا نسيتي حاجة فالفرض تتــــخلطلك كــامل و تقولي خلاص أنـا منقدرش نخدم منقـــــــدرش نكمـــــل بالعـكس ثيقـي في روحكـــ و اعطـي واش تقدري و متفقديـش الأمل والأهم اتعــلمي من تجــــاربك ... وادا مجبتيش ملــــيح ماشي نهـــــــاية العالـــم
و الحـــــاجة اللخرة كي تشدي الورقـة نتاع الفرض و تلقاي علامة معجباتكـش ماشي تحطيها و تبدي تبكـي ولا تقطعيها و تلوحيهــــا .... شوفي فيها مليــح بالاك غلطولك و ادا مغلـطولكش دسيهـا تتعلمي منهــــآ متديريش كيفي...
بالتوفيق أخــــــــتي سلامـــ

[ورود الشتاء]

و الله رانا كامل هك خنونة ماشى غير انتى واش تحبى الدوزيام واعرة شويا بربى انشاء منخليوهاش فى خطرة جاية

[*أســيـــــرツالــبــســـمـــة*]

و الله رانا كامل هك خنونة ماشى غير انتى واش تحبى الدوزيام واعرة شويا بربى انشاء منخليوهاش فى خطرة جاية

أختي أمونة ماتخلي حتى واحد يدخلك في راسك بلي 2ثانوي صعيبة
ماكانش حاجة صعيبة إذا تبعناها وقريناه مليح يا أختي الكريمة
ماتزيديش تعاودي هاذ الهدرا
راكي غير تخوفي في روحك
سلاااااام

[mari16]

اختي راكي كيفي

مشكلتي اني متسرعة في الاجابة

ما مايلزمش تتقلقي كل شيء بالهداوة

[nasser17]

السلام عليكم

ختي ما تزعفي ما والو هذا هو المكتوب ونتي درتي اللي عليك و التوفيق من رب العالمين

و زيد ما تنسايش بلي رانا فالدنيا فاختبار من المولى عزوجل صح نزعفو و كامل مي ديري فبالك

لو كان ما غلتطيش ما تتعلميش وما تديش هذا الحماس اللي يكون عندك بعد الفشل

و تذكري قولي و قولي قالها ناصر : لا يوجد فشل انما هي تجارب

ونظن راني كثرت عليك وتهلاي فقرايتك وسلام ،،،

[الحياة نجاح]

شكراااا لكم

[diyaa.alcamare]

انا يا الزينة الاولة في لاكلاس تاعي و السر ديالي بفضل من الله هو قراءة القران و الصلاة قبل ما تقراي والو روحي توضي و صلي زوج ركعات لله و قرا اللي تقدر من القران و دعي ربي باش ييسرك طلب العلم و بداي تقراي .....جربي و ردي عليا مضمونة 100 ب100

[nasser17]

انا يا الزينة الاولة في لاكلاس تاعي و السر ديالي بفضل من الله هو قراءة القران و الصلاة قبل ما تقراي والو روحي توضي و صلي زوج ركعات لله و قرا اللي تقدر من القران و دعي ربي باش ييسرك طلب العلم و بداي تقراي .....جربي و ردي عليا مضمونة 100 ب100

هاذي كاين منها وكيما قلت انا نديرو للي علينا والوفيق من رب العالمين

[الحياة نجاح]

شكراااااااا لكم ساجرببها بتاكيد

[وصـمـة ريــح]

نقولك حاجه راكي مليحة أنا جبت 8.5 في العلوم عاداك أنا علمية
والله غير راجعت هادي اللي غاضتني
بصّح معليش هاذا مكتوبي
كنت نقرا مليح غير هبطت لليسي خلااااااااااااااااص

[وصـمـة ريــح]

ايه على الصلاة وقراءة القرآن ودعاء الرب مبعدتش
بصح راني نبحث على الأسباب اللي خلاتني نهبط لهادي الدرجة
أكيد المعاصي
وربي يبتلي عبادو ويشوف شكون يراجع نفسو ويتوب ويصبر على البلاء
وشكون اللي معلابالوش قع
يارب وفقنا ونور عقولنا واهدينا ويسر أمورنا

[ايمــ راجية الجنان ـان]

اختاه انصحك بالمراجعة والتاكد من الاجابات في القسم
عليك ان تشاركي وان تطلعي للسبورة لانها هي الي راهي مساعدتني انا والله الخوف دائما نقيسوا من الوراء
صراتلي نهار الخميس في الانجليزيةكان على ان القي البحث من دون اي ورق اي لازم نعرف واش نقولوالحمد لله فات على خير واخذت اعى نقطة 18
ان شاء الله نكون افدتك

[رفيدة الأسلمية]

أختي أنا نقولك برك واش ندير لوكان جيت أنا "يعني فعلا راني نديرفيها"كيما قالت الأخت الفاضلة نحاول نقرا قدر الإمكان القرآن ونلقالو وقت لازم ثم قبل ما تبداي تقراي أيو حاجة قولي :
بسم الله توكلت على الله ولا حول ولا قوة إلا بالله ، اللهم لا سهل إلا ما جعلته سهلا وأنت إن تشاء تجعل الحزن سهلا ، يا معلم إبراهيم علمني ويا مفهم سليمان فهمني ويا مؤدب محمد أدبني ...وغيرها إذا كنت حافظة أقراي كذلك ألم نشرح لك صدرك...وتوكلي على ربي
أما السر بعد كل هذا يكمن في أنك تركزي وتدرسي جيدا قدر الإمكان وبدون تهاون ثم تعاهدي نفسك وربي على عدم الغش وعلى أنك تعبتي وفعلت ما تستطيعين فعله إذا أنا لا أهتم بالنقاط طالما أنني فعلت ما أستطيع ......ماذا تفعلين إذا تحصلت على نقاط جيدة أو سيئة؟؟؟؟؟؟؟؟ ساهلة ولازمك ديريها : تسجدي سجود شكرعلى ما أعطاك ربي لأنك توكلتي عليه وفعلت ما تقدرين عليه وهذا هو المكتوب إذا ربي يعلم أنك مهما كان لن تتخلين عليه أبدا وستضعين ثقتك به وبالتالي يوفقك بإذنه "أكيد إن شاء الله "
....ما نقلكش جربيها ورجعيلي الخبر أكيد ربي ينجحك ان شاء الله

[رفيدة الأسلمية]

ربي يوفقنا أجمعين

[الحياة نجاح]

انشاء الله شكراا لكم ربي يوفقنا اجمعين انشاء الله

[samira 1993]

ما تخلعيش روحك حنونة كامل صراتنا هاكا صيرتو انا لعام اللي فات قراف قراف قراف بصح ماشي مشكل عوضي في الاختبارات

[Abdel Moumene Djabou]

مكاش لي يفهمني الفيزيا