المسابقات.. والله يا خاوتي راني كرهت

[sabi.k]

:sdf:السلام عليكم إخواني أخواتي، أريد أن أطرح عليكم المشكل الأساسي والذي يعاني منه كل الإخوة والأخوات، أنا تخرجت في 2002 ومن هاذاك العام وانا نشارك في المسابقات ماكانش حاجة يديروها إلا ودرتها، طرقت كل البيبان باش نلقى خدمة ولكن التشيبة والكتاف دارو رايهم في البلاد وآخر حاجة يقولولنا عاودو الكونكور نتاع نائب مقتصد والله راني كرهت ومن كثرة المعلومات في راسي حتى نسيت كلش علاه برك هكا؟ والله ماكانش ولاية إلا ورحتها ماشي نحوس ونحي على خاطري راني نروح وغير تلقاوني نحوس على بلاصة نبات فيها، نبات حية ونصبح حاشاكم كي.........والله راني كرهت، ولا راني غالطة؟

[السمسمه]

و الله قلبي معاك يا لحبيبة بصح و اش تحبي مزال تزيدي تصبري شوي و معليش خليهم يديرو و اش حبو ياك لازم يفرج ربي و تتهناي و متنسايش بلي ربي معاك طول الحال و لا قصر رااح تفرج بحول الله

ربي سبحانو يقول في كتابو الحكيم ...اليس الصبح بقريب .... اصبري حنونتي و ربي يرزقك كل ما تتمناي يقول الشاعر
ضاقت فلما استحكمت حلقاتها فرجت و كنت اضنها لا تفرج


اختك سمية .............من باتنة:mh92::mh92:

[رونالدو213]

اذهبي يا أختي تزوجي وقابلي دارك وأولادك خير ليك من هذا التعب واصبري صبرا جميلا فالصابر ينال

[issamfbm]

قولهم حسبي الله ونعم الوكيل ما تقلق روحك خويا ما والوا راك تربحهم عند ربي راهم يسلكوها ..........

[ngaousse]

ارجو من اعضاء المنتدى افادتي بعنوان جامعة مصطفى اسطمبولي كلية الحقوق بمعسكروطريقة الوصول اليها انطلاقا من محطة سيارات الاجرة لانني من ولاية اخرى و انا مقبلة على مسابقة متصرف و اجركم على الله

[sabi.k]

اذهبي يا أختي تزوجي وقابلي دارك وأولادك خير ليك من هذا التعب واصبري صبرا جميلا فالصابر ينال
راني متزوجة يا أخي ومنذ 3 سنوات وهذا ما يعنيش أني نقعد فالدار وما نحوسش على خدمة

[sabi.k]

قولهم حسبي الله ونعم الوكيل ما تقلق روحك خويا ما والوا راك تربحهم عند ربي راهم يسلكوها ..........
شكرا أخي راني أخت مانيش أخ

[tahar63]

ربي يجيب الخير احنا متخرجين من 1999 ومالقيناش حتى انني نسيت اني بوطن اسمه الجزائر ..........والحمد لله راني مهاجر الى كندا بلدي باش نلقى فيه خدمة بلادي وهجرتني اذن نروح لبلاد الناس

[sidahmed3816]

السلام عليكم وصح عيدكم يا اخت ليكن صدرك واسع لبعض الردود حتى ان كانت صبيانية من البعض
بالنسبة لقضيتك اختي اولا يجب ان ترضي بالقضاء والقدر كيما نقوللو المكتوب يا اختي ربي كتبلك تتخرجي في 2002 وتتزوجي على حساب ما فهمت في 2007 والخدمة ربي عالم بيها وقتاش المهم اختي احمدي ربي على نعمة العلم والزواج اولا باه ربي يسهلك في حاجات اخرين وانظن تعرفي المثل اللي يقول كي تجي تجيبها شعرة وكي تروح تقطع السناسل يا اخت ربي مافيه غير الخير وبيناتنا هذا الكلام الحمد لله لي عندك راجل يديك وين بغيتي باه تتمتحني .

[sabi.k]

السلام عليكم وصح عيدكم يا اخت ليكن صدرك واسع لبعض الردود حتى ان كانت صبيانية من البعض
بالنسبة لقضيتك اختي اولا يجب ان ترضي بالقضاء والقدر كيما نقوللو المكتوب يا اختي ربي كتبلك تتخرجي في 2002 وتتزوجي على حساب ما فهمت في 2007 والخدمة ربي عالم بيها وقتاش المهم اختي احمدي ربي على نعمة العلم والزواج اولا باه ربي يسهلك في حاجات اخرين وانظن تعرفي المثل اللي يقول كي تجي تجيبها شعرة وكي تروح تقطع السناسل يا اخت ربي مافيه غير الخير وبيناتنا هذا الكلام الحمد لله لي عندك راجل يديك وين بغيتي باه تتمتحني .
شكرا أخي الكريم، أنا راني راضية بما كتبه الله لي والحمد لله، ولكن راني عرضت هذا الموضوع لأنه راني حاسة بخاوتي من الجنس الآخر اللي كيما حالتي وما لقاوش خدمة وأنا راني حالفة يا خويا والله لوكان عندي أولاد والله ما نخمم حتى دقيقة في الخدمة وراح نقعد في الدار ونهني روحي ولكن في الوقت الحالي راني محتاجة الخدمة في أمور خاصة ولظروف طارئة الله غالب عليا كل واحد وظروفه وشكرا

[chahine karim]

قدّر الله ما شاء فعل
كل شيئ بالمكتوب أختي
المهم أن لا تفقدي الأمل.
وبالتوفيق مستقبلا.